22/06/2026
💭 "ابني انا كذاب مستحيل !!"💢
جملة بتخض أي أب أو أم لما يعرفوا أن ابنهم كثير الكذب بشكل بسبب له مشاكل سواء من صحابه أو من المدرسين...وأول رد فعل منهم بيكون غالبًا:
❌ عقاب
❌ زعيق
❌ محاضرة طويلة عن الصدق..واننا مش المفروض نكذب !!
لكن تعالى نفكر في حاجة مهمة...
هل كل كذب سببه إن الطفل كذاب فعلاً؟!
الحقيقة لأ !!
كتير من الأطفال بيكدبوا لأسباب مختلفة تمامًا عن اللي إحنا متخيلينها.
👦 طفل كسر حاجة وقال: "مش أنا!"
يمكن مش بيكدب عشان يخدعك...
يمكن عشان خايف من رد فعلك.
👧 طفلة بتحكي مواقف وأحداث ماحصلتش أصلًا.
يمكن مش بتكدب...
يمكن عندها خيال واسع أو محتاجة اهتمام أكتر.
👦 طفل بينكر إنه نسي الواجب.
يمكن عارف إنه غلطان...
بس مش عارف يواجه خيبة الأمل اللي هيشوفها في عينيك.
💡 وهنا النقطة المهمة:
أوقات كتير الطفل ما بيبقاش خايف من الغلط...
👈بيبقى خايف من اللي هيحصل بعد ما يعترف بالغلط.
كل ما الطفل يحس إن الاعتراف بالحقيقة معناه إهانة أو سخرية أو عقاب قاسي...كل ما الكذب يبقى بالنسبة له "طوق نجاة" ‼️
👈طب اتصرف ازاي ؟!
ابنك لما يحس إن الحقيقة آمنة وغير مخيفة ...هيتعلم يقولها حتى لو غلط !!
🌱و بدل ما نسألكده:
"إنت كدبت ليه؟!"
جرب تسأل كده :
"إيه اللي خلاك تحس إنك محتاج اكدب أو تقول حاجة غير الحقيقة؟"
👈الفرق بين السؤالين كبير جدًا...
الأول بيدور على مذنب بهدف العقاب ❌
والتاني بيدور على سبب حقيقي بهدف العلاج ✅
❤️ لأن الهدف مش إننا نمسك الطفل متلبس بالكذب...الهدف إننا نربي طفل يثق إن الصدق أمان.
وإن الغلط ممكن يتصلح 🫂
لكن الخوف هو اللي بيخلّي المشكلة تكبر.
✨ افتكر دايمًا:
الأطفال مش بيتعلموا الصدق من المحاضرات...الأطفال بيتعلموا الصدق لما يحسوا إن الحقيقة ليها مكان آمن في البيت.
🌿 في مركز صديقي بنساعد الأطفال والأهالي يفهموا السلوك من جذوره، لأن وراء كل سلوك رسالة تستحق إننا نسمعها قبل ما نحكم عليها .
💌لو طفلك محتاج مساعدة متترددش تبعتلنا لحجز جلسة استشارة تعديل سلوك في أقرب وقت للحجز والتواصل 012 27593820 ✨
🌱
