04/08/2026
بعد الهوجة بتاعة نتيجة الثانوية العامة ما خلصت...
وبعد ما أخدت صدمة إن الكلية اللى كان نفسك فيها راحت...
**طيب... وبعدين؟ هتعمل إيه؟**
هتقعد تستنى حد يقولك إن الدنيا لسه بخير؟
ولا هتفضل تراجع فى دماغك كل سؤال جاوبته غلط؟
ولا هتدخل تشوف مجاميع الناس كل شوية... كأن ده هيغير مجموعك؟
الحقيقة...ولا حاجة من ده هتغير الواقع.
النتيجة نزلت. والكلية اللى كنت بتحلم بيها يمكن بقت خلاص خارج حساباتك.
وده وجع... ومش هننكره.
**لكن فيه سؤال واحد أهم من كل اللى فات...**
**ها... وهتعمل إيه؟**
هتسيب النتيجة هى اللى تكتب باقى حياتك؟
ولا هتمسك ورقة وقلم، وتشوف كل الاختيارات اللى لسه قدامك؟
يمكن تلاقى طريق عمره ما كان فى حساباتك.
يمكن تكتشف إن حلمك كان مرتبط باسم كلية مش فى حساباتك.
هتبص عاللى فى ايدك ولا هتفضل تقول انا اتظلمت
اللى حصل حصل وخلص ..........بص عاللى فى ايدك وفكر هتعمل ايه ...
فكر فى طريقك ازاى هترسمه
**النتيجة قالت لك أنت جبت كام... بس ما اتحكمتش فى طريقك اللى هتمشى فيه .**
**Life Coach Mohamed Eid**
