16/06/2026
"يمكن أصعب أنواع الفقد هي الحاجات اللي ما ماتتش... بس انتهى دورها في حياتنا." 🤍
مش لازم تكون عشت في مكان سنين طويلة، ولا تروحه كل يوم عشان تتعلق بيه.
أوقات مكان بنقعد فيه فترة قصيرة، أو بنعدي فيه مرحلة مهمة من حياتنا، بيسيب جوانا أثر أكبر من أماكن عرفناها سنين.
لأن تعلقنا بالمكان مش بيكون بسبب المكان نفسه أو التفاصيل نفسها... لكن بسبب الناس، والذكريات، والمشاعر اللي عشناها فيه.
وعشان كده ساعات بيبقى الوداع صعب.
مش بس لما نختار نمشي... لكن كمان لما الحياة هي اللي تختار.
لما الفترة تخلص، أو الظروف تتغير، أو ييجي وقت لازم نقفل باب ونفتح باب تاني، حتى لو إحنا مش مستعدين.
وساعات بنبقى عارفين إن الرحيل هو الصح، وإن وجودنا هناك انتهى، لكن قلبنا بيحتاج وقت أطول من عقلنا عشان يتقبل ده.
ممكن تكون مقتنع بالقرار... ومع ذلك زعلان.
ممكن تكون متحمس للخطوة الجديدة... وفي نفس الوقت حاسس بفقد وده طبيعي لأن أوقات اللي بنسيبه ورا ضهرنا مش مجرد مكان... إحنا بنسيب جزء من أيامنا، وضحكة كانت بتحصل هناك، وناس ارتبطنا بيهم، ونسخة من نفسنا عمرها ما هترجع بنفس الشكل.
ويمكن علشان كده بعض الأماكن ما بنرجعلهاش تاني... لكنها تفضل عايشة جوانا سنين طويلة. 🤍✨
#الفقد
#التعلق
#الذكرياتِ
