عافر

عافر عيادة متخصصة في الطب النفسي وعلاج الادمان

في عيادات عافر، إحنا مش مجرد أطباء…
إحنا قلوب مؤمنة إن كل حد بيتألم نفسيًا، يستحق فرصة حقيقية يتشافى ويتطمن ❤️
أنشأنا العيادات دي علشان نكون أمان وسند لكل حد حاسس إنه تايه، لكل حد بيحاول "يعافر" مع الاكتئاب، القلق، الإدمان، أو أي ألم نفسي صعب.
📍 معانا فريق كبير من الاستشاريين والأطباء اللي بيشتغلوا من القلب، بنستقبل الحالات النفسية المعقدة، والإدمان، وبنشتغل بكل طاقتنا علشان نوصل سوا لبر الأمان.
ع

لاقتنا مش "دكتور ومريض"…
إحنا رحلة دعم حقيقية بتحاول بكل حب تساعدك تسترجع نفسك من جديد. 🫶
💡 خدماتنا بتغطي كل الجوانب النفسية:
علاج نفسي للأطفال، المراهقين، والمسنين
استشارات أسرية
جلسات فردية وجماعية
تعديل السلوك
علاج صعوبات التعلم
اضطرابات النطق والكلام.

هدفنا مش بس العلاج… هدفنا تكون بخير، وتلاقي نفسك تاني، وتبدأ من جديد. 🌱
لأنك تستحق تعيش حياة أهدى… وأجمل… من غير وجع.

على فكرة انا مش مدمنانا بشرب حشيش زي كل الناس وبقدر ابطل وقت ماحب ومش عامل لي مشاكل وناجح في حياتي.كل الناس بتشرب هي جت ...
18/06/2026

على فكرة انا مش مدمن
انا بشرب حشيش زي كل الناس وبقدر ابطل وقت ماحب ومش عامل لي مشاكل وناجح في حياتي.
كل الناس بتشرب هي جت عليا انا، انا حتى سمعت ان السادات كان بيشرب
الكلام اللي فوق ده كل الناس اللي بتبتدي تعاطي بيقولوه لنفسهم عشان يثبتوا لنفسهم انهم زي الفل ومعندهمش مشاكل وينيموا بيه ضمايرهم لكن الحقيقة ان ده اول الخيط اللي بيكر بعد كدة
الادمان عمر ماكانت مشكلته في نوع المخدر او كميته او عدد مرات التعاطي
الادمان مشكلته في الشخص اللي بيتعاطي. في سلوكه وشخصيته الادمانية اللي ساعدته يتجرأ على التعاطي مرة وهو عارف السكة دي اخرها ايه وانه يستمر في التعاطي وتكون النتيجة انه يركب قطر الادمان ويعدي على كل المحطات لحد مايوصل اخر محطة -بعد الشر- اللي طبعا كلنا عارفينها ومش محتاجين نفسرها
عشان نتعالج من الادمان لازم نتغير نصلح سلوكياتنا الادمانية، نصلح مفاهيمنا المغلوطة ونغير روتين حياتنا
الحق نفسك ونط بدري من قطر الادمان في اول محطة.

17/06/2026

لكل طلاب

د مصطفي شحاته استشاري أمراض نفسية وعلاج الادمان.مدير مستشفي طنطا للصحة النفسية من ٢٠١١ الي ٢٠١٣ مدير لمستشفي الخانكة للص...
16/06/2026

د مصطفي شحاته
استشاري أمراض نفسية وعلاج الادمان.

مدير مستشفي طنطا للصحة النفسية من ٢٠١١ الي ٢٠١٣
مدير لمستشفي الخانكة للصحة النفسية من العام ٢٠١٤ الي العام ٢٠١٦
مديرا لادارة الجودة بالامانة العامة للصحة النفسيةسابقا.
مديرا لمستشفي العباسية للصحة النفسية في العام ٢٠١٨ الي العام ٢٠٢٠

16/06/2026

د. مجدي عبد الحميد
استشاري الطب النفسي وطب الأعصاب وعلاج الإدمان،
يقدّم رعاية متكاملة لعلاج:
• الصرع والصداع النصفي
• الأمراض العصبية مثل باركنسون والتصلب المتعدد
• الخرف (بما فيه ألزهايمر)
مضاعفات السكتة الدماغية
إصابات العمود الفقري
التهاب الأعصاب
• اضطرابات القلق، الاكتئاب، والوسواس القهري
• اضطراب ثنائي القطب والفصام
• اضطرابات النوم والتكيف والشخصية
• الإدمان بمختلف أنواعه

هو انا ليه ممكن احتاج اروح لدكتور نفساني وامتى احتاج اروحله؟؟الدكتور النفساني في الاول والاخر هو طبيب متخصص زي اي تخصص ت...
15/06/2026

هو انا ليه ممكن احتاج اروح لدكتور نفساني وامتى احتاج اروحله؟؟
الدكتور النفساني في الاول والاخر هو طبيب متخصص زي اي تخصص تاني بروح له لما يبقى عندي مشكلة وظيفية، يعني ايه يعني مثلا بروح لدكتور الرمد لما يبقى عندي مشكلة في عيني تخليني مش عارف اشوف بيها كويس او دكتور الباطنة لو معدتي فيها مشكلة مش بتهضم كويس بردو دكتور النفسية بروحله لما يبقى عندي مشكلة معطلاني في حياتي سواء كان دراستي، شغلي، علاقاتي الاجتماعية او حتى مزاجي وحالتي النفسية بحيث تخليني ادائي في الحياة عموما اقل من الطبيعي او حتى مش قادر استمتع بيها
ساعتها بنروح للدكتور الاول عشان نشخص، احيانا بيبقى في امراض جسدية ليها اثار نفسية زي اضطرابات الغدة مثلا، احيانا بيبقى في اضطرابات في نواقل عصبية في المخ تعمل امراض زي الاكتئاب والقلق والاضطراب الوجداني او الذهان، احيانا بيبقى في اضطرابات في الشخصية بتعطلنا في حياتنا طبعا ده غير مشاكل الاعتماد على المواد الادمانية ومؤخرا ادمان الانترنت اللي انتشر جدا.
هنا بيكون دور الطبيب اساسا انه يطلب تحاليل او اشعات ويشخص ويعالج
بعدين بيبقى اهمية المتابعة لسببين، السبب الاولاني منع الانتكاسة والتاني تحسين جودة الحياة، محتاج اصلح علاقاتي باسرتي، باصدقائي علاقاتي العاطفية محتاج يرجع لي شغفي بالحياة عاوز اصحى من النوم مبسوط مش شايل الهم ومش خايف ومش مقبوض، محتاج ادرس واشتغل وامارس يومي بشكل افضل
كل ده سهل جدا بإذن الله بس مهم نبدأ بدري
لو حاسس بعطلة في حياتك او تراجع في ادائك او اداء حد بتحبه، لو لاحظت تغيير عليه زي عصبية او حزن غير مبرر، قلق مستمر وخوف بلا سبب انعزالية واهمال في نفسه متتأخرش اتصل بينا في عافر وان شاءالله نقدر نساعدك بنخبة من افضل الاطباء والمعالجين

03/05/2025

في ناس كتير بتلف على دكاترة وتعمل تحاليل وأشعات، وكل حاجة بتطلع سليمة… بس الوجع موجود، والتعب حقيقي، والراحة مش بتيجي. هنا لازم نقول: مش كل وجع عضوي يبقى سببه جسدي… أوقات كتير بيكون الوجع سببه نفسي!

الضغط النفسي، القلق، الاكتئاب، والتوتر… كل ده ممكن يسبب صداع، آلام في المعدة، وجع في القلب، وجسم دايمًا تعبان ومهدود. وساعات الجسم بيصرخ بالم بسبب مشاعر جواه ملقاش حد يسمعها.

المشكلة إن الناس ممكن تقول "انت بتتدلع" أو "كل ده في دماغك"، بس الحقيقة إن الألم النفسي بيظهر في الجسم بشكل حقيقي جدًا، ومش محتاج تقليل… محتاج فهم واحتواء.

الراحة الجسدية ساعات مبتجيش غير براحة نفسية، وعلاج الجسم ساعات بيبدأ من علاج المشاعر.

لو بتتعب ومش لاقي سبب طبي واضح، اسأل نفسك: أنا مرتاح من جوا؟ محتاج أتكلم؟ محتاج أرتاح؟ محتاج أبطل أضغط على نفسي؟

اسمع جسمك… هو بيحاول يقولك حاجة جواك محتاجة تتحل.

27/04/2025

الأب والأم ليهم دور كبير أوي في بناء نفسية الطفل.
الكلمة اللي بتتقال للطفل، سواء كانت طيبة أو جارحة، بتفضل محفورة جواه طول عمره.
لما الطفل يسمع "أنا فخور بيك" أو "أنا بحبك مهما حصل"، ثقته في نفسه بتكبر، ويحس إنه مقبول ومحبوب زي ما هو.

الحضن، الكلمة الحلوة، النظرة اللي فيها أمان، كل ده بيزرع جوا الطفل إحساس إنه ليه قيمة في الدنيا.
في نفس الوقت، التقليل، السخرية، المقارنات، والعنف اللفظي أو الجسدي، بيكسروا نفسية الطفل حتى لو متبانش الكسرة دي بسرعة.

الأب والأم هما أول مراية الطفل بيشوف نفسه فيها… لو شاف حب وأمان وتقدير، هيكبر وعنده حب لنفسه وقوة يواجه بيها الدنيا.
ولو شاف خوف وإهمال وقسوة، هيفضل طول حياته يحارب عشان يحس إنه يستاهل يتحب ويتقبل.

عشان كده، كل كلمة، كل لمسة، كل تصرف.. ليه وزن وتأثير.
ربوا أولادكم بالحب قبل الخوف… بالحوار قبل الأوامر… بالاحتواء قبل العقاب.
وأوعوا تستهينوا بدوركم، لأن نفسية الطفل اللي بتتبني النهارده، هي اللي بتحدد مستقبله كله بكرة.

26/04/2025

إزاي تبدأ يومك بصحة نفسية كويسة؟

أول حاجة، لما تصحى من النوم، قبل ما تمسك الموبايل أو تفكر في همومك، خد نفس عميق وقول: "الحمد لله الذي أحيانا بعدما أماتنا وإليه النشور".
حاول تبدأ يومك بفكرة إيجابية أو دعوة جميلة تدّي طاقة لقلبك وتفكرك إنك مش لوحدك… ربنا معاك.

لما تيجي في بالك فكرة سلبية، متاخدهاش على طول كأنها حقيقة… فكر فيها، وقول لنفسك: "ربنا كتبلي الخير، وأنا هسعى وهو هيكملها".
ابدأ بحاجة بسيطة تحسسك إنك أنجزت، حتى لو كوباية شاي تحبها أو ترتيب سريرك.

افتكر طول اليوم إن السعي عبادة، وإنك مش مطالب بالكمال… أنت مطالب بالمحاولة، وربنا شايف تعبك وقادر يعوضك أضعاف.
عامل نفسك برحمة، زي ما بتحب ربنا يعاملك… وخلي يقينك إن الخير جاي مهما اتأخر.

Address

شيراتون المطار_خلف فندق راديسون بلو
Cairo
11672

Website

Alerts

Be the first to know and let us send you an email when عافر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category