Dr Basem Alhayn - الدكتور باسم الهاين

  • Home
  • Egypt
  • Cairo
  • Dr Basem Alhayn - الدكتور باسم الهاين

Dr Basem Alhayn - الدكتور باسم الهاين Contact information, map and directions, contact form, opening hours, services, ratings, photos, videos and announcements from Dr Basem Alhayn - الدكتور باسم الهاين, Surgeon, المهندسين : ٣٤ شارع جامعة الدول العربية ، أمام سور نادي الزمالك ، بجوار قباني للأثاث و EG bank ، الدور التاني, Cairo.

استشاري جراحة المخ والأعصاب و العمود الفقري بمستشفيات جامعة القاهرة ومستشفى أبو الريش الجامعي للأطفال - مدرس جراحة المخ والأعصاب بكلية طب القصر العيني - دكتوراه في جراحات المخ الوظيفية ومناظير المخ .

18/08/2026

ألم الرجل بيظهر مع المشي والوقفة، ويتحسن لما تنحني لقدّام؟
ولا القعدة نفسها هي اللي بتزود الوجع؟
نفس ألم الرجل ممكن يبقي ليه اكتر من سبب
الفرق بين الحالتين مهم، لأنه ممكن يغيّر التشخيص وطريقة العلاج.
في الفيديو ده هتعرف إزاي الدكتور بيفرّق بين الم ضيق القناة العصبية وآلام عرق النسا من تفاصيل بسيطة في وصف الألم.
ولو عايز تفهم الفرق بين الأعراض المتشابهة وتعرف إزاي توصف وجعك صح… تابعنا.
الدكتور. باسم الهاين
استشاري جراحة المخ والأعصاب والعمود الفقري (قصر العيني).

شلل الرعاش مرض مزمن، لكن وجوده مش معناه إن مفيش حاجة ممكن تتعمل.مع العلاج المناسب، ممكن نتحكم في أعراض كتير ونحسن الحركة...
12/08/2026

شلل الرعاش مرض مزمن، لكن وجوده مش معناه إن مفيش حاجة ممكن تتعمل.
مع العلاج المناسب، ممكن نتحكم في أعراض كتير ونحسن الحركة والقدرة على ممارسة الحياة اليومية بشكل أفضل.
ولو مع الوقت الأدوية لوحدها مبقتش قادرة تسيطر على الأعراض بالشكل المطلوب، في بعض الحالات بيكون فيه اختيارات علاجية تانية ممكن تساعد، وده بيتحدد بعد تقييم كل حالة بشكل دقيق.
عشان كده، رحلة علاج شلل الرعاش مش بتقف عند تشخيص المرض أو عند نوع علاج واحد، لكن بتتغير حسب احتياج الحالة واستجابتها مع الوقت.
شلل الرعاش مش نهاية الطريق… ولسه في أمل مع العلاج.
ربنا يشفي كل مرضانا، ويديم على الجميع الصحة والعافية.

الدكتور. باسم الهاين
استشاري جراحة المخ والأعصاب والعمود الفقري (قصر العيني).

06/08/2026

لو بتحس بوجع في رقبتك من ورا ونازل لحد دراعك…
وبتلاقي نفسك تلقائيًا بترفع إيدك فوق راسك لأن ده أكتر وضع بيقلل الألم.
طيب ليه الحركة دي تحديدًا بتريحك؟
وهل مجرد إن الألم قلّ مع وضع معين معناه إن المشكلة اتحلت؟
تابعنا… عشان تفهم أكتر عن ألم الرقبة والدراع، وإزاي أعراض بسيطة ممكن يكون ليها معنى مهم.
الدكتور. باسم الهاين
استشاري جراحة المخ والأعصاب والعمود الفقري (قصر العيني).

مش كل انزلاق غضروفي في الرقبة محتاج عملية…بس لما العملية تبقى هي الحل، الخوف منها ماينفعش يعطّل العلاج.في حالات كتير الأ...
02/08/2026

مش كل انزلاق غضروفي في الرقبة محتاج عملية…
بس لما العملية تبقى هي الحل، الخوف منها ماينفعش يعطّل العلاج.

في حالات كتير الأدوية والعلاج الطبيعي والمتابعة بيكونوا كفاية، وعشان كده قرار الجراحة مايتاخدش من الأشعة لوحدها، لكن بعد فحص الحالة وتقييم تأثير الغضروف على الأعصاب.

ولو اتأكد إن العملية هي أنسب حل، ماتخليش الصورة القديمة عنها تخوفك.
عمليات غضاريف الرقبة دلوقتي بقت أدق، ونتايجها في الحالات المناسبة بقت مطمّنة أكتر، وفترة التعافي في حالات كتير بقت أسهل وأسرع من زمان.

المهم إنك ماتعملش عملية من غير داعي…
وفي نفس الوقت ماتأخرهاش لو حالتك فعلًا محتاجاها.

23/07/2026

لو البيبي اتولد بدري ودخل الحضانة بسبب نزيف في المخ… المتابعة بعد الحضانة مهمة جدًا.
لأن ساعات الطفل بيبان إن وضعه مستقر، بس البطينات جوه المخ بتكون بتتغير واحدة واحدة، والسؤال المهم هنا:
إمتى التغيّر ده يبقى محتاج تدخل عشان نحمي المخ بدري؟

الدكتور. باسم الهاين
استشاري جراحة المخ والأعصاب والعمود الفقري ( قصر العيني)

للحجز أو الاستفسار:
📱 واتساب / اتصال 01144488979

18/07/2026

امتي بتحس بوجع ضهرك وتنميل وتقل في رجليك ؟
لما تقف 5 دقايق ؟ ولا لما تمشي ؟ .
وهل الألم بيروح لما تقعد وتميل بجسمك لقدام ؟ ولا لا ؟

تابعنا فى عشان تعرف سبب ألمك وتتأكد انك بتتعالج صح .
الدكتور. باسم الهاين
استشاري جراحة المخ والأعصاب والعمود الفقري (قصر العيني).

دورنا مش بيقف عند علاج الأعراض…لكن كمان إننا نساعد كل شخص يرجع يعيش حياته بصورة طبيعية، ويمارس يومه من غير ما المرض يفرض...
16/07/2026

دورنا مش بيقف عند علاج الأعراض…
لكن كمان إننا نساعد كل شخص يرجع يعيش حياته بصورة طبيعية، ويمارس يومه من غير ما المرض يفرض نفسه على كل تفاصيله.
لأن نجاح العلاج مش بس في التحسن الطبي…
لكن في استعادة الثقة، والاطمئنان، والقدرة على الرجوع للحياة بشكل أفضل.
وشكرًا للأستاذة فاطمة على كلامها الطيب وثقتها الغالية

15/07/2026

تقل الرجلين اثناء المشي” مش سببه واحد وكل سبب له طريقة تقييم وعلاج مختلفة.

1️⃣ أول احتمال: ضيق القناة العصبية القطنية.
وده غالبًا تلاحظه لما التقل أو الألم أو التنميل أو الشكشكة في الرجلين يزيد مع الوقوف والمشي، وتحس إنك محتاج تقعد أو تنحني لقدام عشان ترتاح.
مريض ضيق القناة العصبية ساعات يقول:
✅ أمشي شوية رجلي تتقل أو تنمل.
✅ لما أقعد أرتاح.
✅ لما أميل لقدام أحس إن المشي أسهل.
✅ ببقى أحسن وأنا ساند على اي حاجة ومنحني لقدام شوية.
✅ ساعات أحس بتنميل أو ضعف أو كعبلة بعد مسافة معينة.
هنا المشكلة ممكن تكون إن الممر اللي ماشية فيه الأعصاب "ضيق"، فالأعصاب تتضغط أكتر مع الوقوف والمشي.
عشان كده ضيق القناة العصبية مش بيعمل ألم بس…
ممكن يعمل تقل، تنميل، شكشكة، حرقان أحيانًا، أو ضعف في الرجلين.

2️⃣ ثاني احتمال: اعتلال الأعصاب الطرفية.
وده ممكن يتشابه مع ضيق القناة العصبية لأنه برضه يعمل تنميل أو شكشكة أو حرقان.
لكن الفرق المهم إن اعتلال الأعصاب الطرفية غالبًا يكون الإحساس فيه في القدمين بشكل شبه ثابت، كأن المريض “لابس شراب طول الوقت”، ويزيد بالليل، ومش شرط يظهر بعد مسافة مشي معينة، ومش شرط يتحسن بالقعود أو الانحناء لقدام.
هنا ممكن تحتاج تحاليل وتقييم أسباب زي السكر، نقص فيتامين B12، الغدة، أو أسباب تانية بتأثر على الأعصاب.

3️⃣ ثالث احتمال: ضعف عضلات أو قلة لياقة أو نقص تأهيل.
وده غالبًا يكون تعب عام في الرجلين مع المجهود، بدون حرقان واضح، وبدون تنميل ماشي في مسار عصب، وبدون تحسن واضح بالانحناء لقدام.

هنا العلاج غالبًا يكون تأهيل وتقوية تدريجية، مش أدوية أعصاب فقط، ومش حَقْن ظهر عشوائي.

4️⃣ وفيه احتمال مهم كمان الطبيب لازم يستبعده:
ضعف الدورة الدموية أو ضيق شرايين الرجلين.
وده ممكن يعمل ألم أو تقل أو شد في السمانة مع المشي، ويخف لما المريض يقف ويرتاح شوية.
لكن غالبًا بيحتاج وقت أطول عشان يحس بالتحسن مقارنة بضيق القناة العصبية، وكمان التحسن هنا بيكون بسبب التوقف عن المشي نفسه، مش بسبب تغيير وضعية الجسم، خصوصًا مع مرضى السكر، التدخين، الضغط، الكوليسترول، أو كبار السن.

5️⃣ واخر اشهر سبب هو :
اعتلال الحبل الشوكي العنقي.
وده معناه إن الضغط مش على عصب خارج من الظهر فقط، لكن ممكن يكون على الحبل الشوكي نفسه في منطقة الرقبة.
والحالة دي أحيانًا تخدع المريض؛ لأنه ممكن يحس بالمشكلة في الرجلين أكتر من الرقبة.
مريض اعتلال الحبل الشوكي ممكن يقول:
✅ رجلي تقيلة.
✅ بتكعبل أو بقع كتير.
✅ حاسس إن رجلي متخشبة.
✅ المشي على أرض مش مستوية بقى أصعب.
✅ إيدي كمان مش زي الاول، الكتابة أو مسك الحاجة بقى أصعب.
الفرق المهم هنا إن التقل مش شرط يتحسن بالراحة أو الانحناء لقدام، ووجود عدم اتزان في المشي أو أعراض في الإيدين مع تقل الرجلين يخلي الدكتور يفكر في الرقبة والحبل الشوكي،

المشكلة إن التشخيص لو اتلخبط - هتفضل تتعالج بدون أي تحسن , واحيانا ممكن الألم يزيد كمان لو اتشخصت واتعالجت غلط .

الخلاصة :
لو رجليك تقيلة في المشي ، ما تقولش للدكتور “رجلي تقيلة” وخلاص.
قوله:
التقل بيزيد مع المشي ولا موجود طول الوقت؟
بيتحسن لما أقعد أو أنحني لقدام؟
في حرقان أو تنميل في القدمين؟
بيزيد بالليل؟
في ألم نازل من الظهر؟
في ضعف أو كعبلة؟
بقدر أمشي مسافة قد إيه قبل ما أضطر أقف؟
التعب بيقف لما أرتاح بس، ولا لازم أقعد أو أنحني لقدام؟
في سكر أو تدخين أو مشاكل شرايين؟
تفصيلة صغيرة في وصفك ممكن تغيّر التشخيص…
وبالتالي تغيّر العلاج بالكامل.

تابع الصفحة عشان تفهم ألم ظهرك ورجلك بطريقة بسيطة وتعرف تسأل الدكتور صح.

تنبيه مهم ⚠️ :
لو تقل الرجلين معاه ضعف بيزيد بسرعة، سقوط متكرر، سقوط مشط القدم، مشاكل بول أو براز، أو تنميل بين الرجلين… اطلب تقييم طبي عاجل.

الدكتور. باسم الهاين
استشاري جراحة المخ والأعصاب والعمود الفقري (قصر العيني)

12/07/2026

لو بدأت علاج دوائي أو علاج طبيعي لمشكلة في العمود الفقري، ولسه عندك ألم، طبيعي تسأل نفسك: أكمل شوية كمان؟ ولا العلاج ده مش مناسب لحالتي؟

الإجابة مش بتتحدد بمجرد إن الألم لسه موجود… المهم نعرف هل حالتك ماشية في اتجاه التحسن، ولا ثابتة، ولا بتسوء.

لو مش عارف الخطة اللي ماشي عليها مناسبة ليك ولا محتاجة تتراجع، كلمنا وهنرتبلك ميعاد مع الدكتور عشان يقيّم حالتك ويحدد أنسب خطوة تكمل بيها.

الدكتور. باسم الهاين
استشاري جراحة المخ والأعصاب والعمود الفقري (قصر العيني).

📞 للاستفسار أو الحجز:
📱 واتساب / اتصال: 01144488979

11/07/2026

أول ما عرفت إن عندك تزحزح في الفقرات، طبيعي تكون فكرت إنك ممكن تحتاج عملية.
بس الحقيقة إن مش كل الحالات بتتعامل بنفس الطريقة.
لان لو بتحس بالم محتمل في أسفل الضهر, ومفيش وجع نازل على الرجل أو تنميل أو ضعف… ممكن العلاج والمتابعة يكونوا مناسبين جدًا ليك.
لكن لو الألم بدأ ينزل للرجل، أو يأثر على الحركة والمشي، هنا التقييم بيكون مختلف.

لو عايز تعرف حالتك محتاجة علاج ومتابعة بس، ولا محتاجة تدخل مختلف… كلمنا، وهنرتبلك ميعاد خاص مع الدكتور.

الدكتور. باسم الهاين
استشاري جراحة المخ والأعصاب والعمود الفقري (قصر العيني).

📞 للاستفسار أو الحجز:
📱 واتساب / اتصال: 01144488979

Address

المهندسين : ٣٤ شارع جامعة الدول العربية ، أمام سور نادي الزمالك ، بجوار قباني للأثاث و EG Bank ، الدور التاني
Cairo
12655

Website

Alerts

Be the first to know and let us send you an email when Dr Basem Alhayn - الدكتور باسم الهاين posts news and promotions. Your email address will not be used for any other purpose, and you can unsubscribe at any time.

Shortcuts

Share

Category