13/01/2026
هل تحليل الAMH هو الحكم النهائي على الخصوبة ؟
كتير من الستات بتتخض أول ما تشوف تحليل AMH طالع قليل، وبيبدأ القلق والخوف من تأخر الحمل أو عدمه…
بس الحقيقة العلمية غير كده
AMH بيقيس جزء من مخزون المبيض، مش كله
ومش بيقول لوحده إن الحمل صعب أو مستحيل.
الخصوبة مش رقم واحد
الخصوب بتتحدد بعوامل كتير مع بعض، زي:
• السن
• انتظام التبويض
• تحليل السونار وعدد البويضات (antral follicle count )
• الهرمونات التانية زي FSH و LH
• صحة الرحم والأنابيب
• حالة الزوج
ممكن AMH يكون قليل… ومخزون المبيض كويس
في ستات كتير عندهم AMH منخفض وبيحصل تبويض طبيعي وحمل طبيعي، لأن جودة البويضات كويسة و التبويض منتظم
ماينفعش نحكم على الخصوبة أو نرعب ست بسبب رقم واحد في ورقة تحليل.
التقييم الصح دايمًا بيكون صورة كاملة مش تحليل واحد.…
ولو نتيجة AMH قليلة، ده مش نهاية الطريق، ولا معناه إن الحمل مستحيل.
