12/08/2026
في جملة بتقول
"محتاجك جانبي في كام مشوار ياخدوا مسافه العمر يدوب "
دكتورة نفسية كانت بتقول لما دورّنا علي الأشخاص الرئيسيين اللي ليهم تأثير كبير علي المرضي لقينا أن 80% منهم بيتأثروا جداً بأصحابهم ..👬
ف يوم كنت مخنوق من موضوع معين وعايز احكي مع حد ، اتصلت بواحد صاحبي كتير مردش ، فضلت ماشي ف الشارع بعد المدرسه متضايق لوحدي ، عايز أعيط عياط هستيري كأن حد مات لدرجة انه واحد جه ووقفني وفضل يحكيلي طب اهدا و ان شاء الله خير ،
روحت البيت ونمت ، صاحبي اتصل بعد يومين واعتذرلي انه كان مشغول جدا الفترة اللي فاتت ، فضلت ساكت مش عارف اقوله ايه ، كل اللي كنت بفكر فيه وقتها شكل الناس وهما متعاطفين معايا صاحبي اعتذر مليون مرة بس انا من جوايا اتكسرت وعمري ما هحتاجه تاني 😢💔
بلاش تتأخروا وتأجلوا الاشياء لحد ما شغف اللي قدامكم في الموضوع يروح ، طعم الاكل لما تكون جعان احلى بكتير من طعمه لما تكون بتاكل عشان زهقان وخلاص ..
الحقيقة أن كلمة صديق صعب جداً يكون ليها مفهوم موحّد .. بس هو أنت هتلاقيك بتروحله لما الدنيا تضيق عليك و عايز تعيط ، تهدأ لمجرد قربه من غير ما تكلم بيحضنك يطمنك ..هتلاقي نفسك بتدعيله في كل فرض ..بتحبه بعيوبه و قابله كدة زي ما هو عارف بيحب / بيكره إيه ؟و طموحه لفين !! حد واثق إنه بيحبك و بيحترم قراراتك بيسندك بأفعاله بيتمنالك تكون مبسوط و بيعملك حساب بيعملك خاطر أنت فبند الأولويات 🫂
" أبو بكر الصديق قال كنا في الهجرة و كنت عطشان جداً و معايا إناء فيه لبن .. أعطيته لسيدنا النبي فشرب الرسول حتي أرتويت 👥💙
ما تدخلوش ف علاقة صداقة او غيرها الا وانتوا قد اللي دخلتوا فيه ، قبل ما تدخلوا اي علاقة وتعشموا الناس فيكم ، اعرفوا واجباتكم ايه نحيتهم الاول و لما تغلطوا اعتذروا ف وقتها ، قولوا للناس انكم بتحبوهم اول ما تحسوا بمشاعر نحيتهم و ماتترددوش .. الوقت بيقتل المشاعر .😔
في النهاية في دعوة جميلة بتقول :.. يارب حوّطـنا بـ ناس أحـن منا علينا ...❤️
قوله اللي في قلبك
