فاطمة المكي - عالم فطومة

30/06/2026

19/06/2026

موعدنا الجمعة ٢٦ يوليو 🙈💟
جاهزين 💃💃

14/06/2026

للناس اللي بتسأل
هو عالم فطومة ناوي يعمل إيه الفترة الجاية؟ 👀
قلنا نجاوبكم بالصور 😌🩷

٤ فعاليات...
٤ تجارب مختلفة...
بس هدفهم واحد:
شوية ضحك
وشوية راحة
وشوية ذكريات حلوة نعيشها مع بعض ✨
اسحبي وشوفي الجدول كامل 👇

وقوليلي:
اكتر فعالية متحمسة ليها ايه 🌿💕

14/06/2026

جاهزين 🌊🏊💃

11/06/2026

بنات القاهرة 👀
حاسّة إننا محتاجين يوم خفيف كده نفصل فيه ...
🛶 كياك 🚶‍♀️ تمشية في الزمالك ☕ قعدة رايقة ع النيل 🙃

اللي متحمسة زيي كده تكتب "عالَم فطومة" في الكومنتات
ولو وصلنا لعدد حلو هنعلن التفاصيل خلال 24 ساعة 😍🔥

10/06/2026

فعاليات ومفاجآت شهر يونيو 💃🙈

📍 قعدة بنات إسكندرية
لقاء تعارف ودعم وضحك وكلام من القلب للقلب ❤️

📍 محاضرة مجانية للأمهات
💜 (لما يكبروا...)
مفتاح فهم المراهقين والمراهقات وكيف نقترب منهم أكثر.
(أونلاين عبر Zoom)

📍 (كامب أقرب)
يوم مميز للمراهقين والمراهقات وأمهاتهم مليان أنشطة وتجارب وحوارات مختلفة ✨

📍 وفتح باب الحجز لمفاجأة أول شهر 7 👀🌿

واللي أقدر أقوله بس...
إننا أخيرًا لقينا المكان اللي كنا بندور عليه 😍

التفاصيل هتنزل تباعًا خلال الأيام الجاية بإذن الله 💜

قولولي أكتر فعالية متحمسين ليها ايه ؟ 👇✨

09/06/2026

اسكندرية وبنات اسكندرية
يالا بينا ولا ايه 💃🙈

07/06/2026

ناس كتير بتسألني... إنتِ مين بالظبط وبتعملي إيه؟ 😅

فلو دي أول مرة توصلي هنا...
اسمحيلي أعرفك بنفسي 💜

أنا فاطمة المكي.

معالجة نفسية للسيدات والمراهقات، وصاحبة "عالم فطومة".
بس الحقيقة إني مش بحب أعرف نفسي بالألقاب أوي...
أنا ببساطة إنسانة مؤمنة إن كل واحدة فينا تستحق تعيش حياة سعيدة وجميلة...
تلاقي فيها نفسها، لأنها تستحق الأفضل.

تستحق تلاقي حد يسمعها، يفهمها، ويساعدها تشوف نفسها بشكل أوضح...
تبني نفسها وشخصيتها...
وتتعرف على ناس وعلاقات جديدة كمان.

عشان كده ممكن تلاقيني يوم بتكلم عن الدعم النفسي...
ويوم وسط مجموعة بنات بنضحك ونلعب ونتصور ونشارك حكاياتنا...
ويوم في رحلة أو فعالية جديدة...
ويوم بوفق راسين في الحلال من خلال مبادرة "نقول مبروك"...
ويوم في عمرة مع مجموعة سيدات جايين يدوروا على راحة لقلوبهم قبل أي شيء تاني.

ناس كتير تقولي:

إيه علاقة كل الحاجات دي ببعض؟

بالنسبة لي أنا شايفاهم كلهم بيصبوا في دايرة واحدة...
وهي بناء مجتمع نسائي آمن ومتكامل...
مجتمع نعيش فيه، وننبسط، ونتعلم، وندعم بعض، ونكبر سوا.

كلها مرتبطة بنفس الرسالة...

إن الإنسان لما يلاقي الأمان، والدعم، والمساحة اللي يكون فيها على طبيعته...

بيبدأ يتغير من جوه.

وده تحديدًاااا اللي إحنا بنشتغل عليه 💜

هنا هتلاقوا:

🌷 محتوى نفسي وتربوي.
🌷 دعم للسيدات والمراهقات.
🌷 فعاليات ورحلات "عالم فطومة".
🌷 برامج للأمهات والمراهقين.
🌷 تجارب وخواطر من الحياة الحقيقية.
🌷 برامج عمرة بإشرافي الشخصي.

ولو سألتيني نفسي تشوفي إيه هنا؟

هقولك:

نفسي كل بنت تدخل المكان ده تحس بإحساس واحد بس...

"إنها مش لوحدها."

سعيدة جدًا بوجودك وسطنا 💜