05/04/2026
ليه لما بنخاف من حاجة…
بنعيش كأنها حصلت خلاص؟
ونفضل نتوقع أسوأ سيناريو،
ونقفل كل أبواب الأمل…
رغم إن الحقيقة لسه في النص،
لا حلو ولا وحش؟
ليه بنطفي إحساسنا بأي حاجة حلوة…
لحد ما نشوف النهاية؟
وليه فكرة سودا واحدة تخلينا نحس
إن مفيش مخرج؟
الحقيقة إننا ساعات بنحاول نحمي نفسنا…
بس بنوجعها أكتر.بنسبق الأحداث،
ونعيش في خوف من حاجة لسه ما حصلتش.
بس خلينا نفتكر:إنت لا تملك من الأمر شيء…إنت مكلف بس بالدعاء، والسعي،
والباقي على ربنا.
وكل حاجة وليها حل…وكل داء وليه دواء…
ده وعد من ربنا لينا.
فبدل ما نعيش في أسوأ احتمال…
نعيش اللحظة، ونسيب بكرة ييجي
زي ما ربنا كاتبه.
✨ طيب الحل :لما تلاقي نفسك بتفكر بشكل سوداوي،
اسأل نفسك:"هل ده حصل فعلاً؟
ولا أنا بس خايف؟"
ولو الإجابة: لسه ما حصلش…يبقى ارجع للحظة، وخد نفس عميق،
وقول لنفسك:"أنا هتعامل مع اللي هيحصل وقت ما يحصل… مش دلوقتي."
يقينك إن الجاي كله خير… هو اللي هيعديك …
