11/10/2024
القدم السكري(Diabetic foot) :-
الوقاية خير من العلاج :
بيقولوا ديماً إن الوقاية أفضل من العلاج؛ عشان كده أفضل وسيلة وقاية بننصح بيها مريض السكر ديماً عشان يحمي نفسه من القدم السكري هي إن المريض يظبط سكره في المستوى الطبيعي أو قريب منه .
معروف إن مرض السكر بيأثر علي الشرايين و الأوردة و خصوصاً في الأطراف؛ عشان كده أي مريض سكر لازم يكون شديد الحرص و الانتباه علي قدمه بالذات و إلا ممكن يتعرض بكل سهولة للقدم السكري ،
القدم السكري بتصيب مرضي السكر بمرور الزمن بفعل عوامل تانية مع السكر زي : تصلب الشرايين في الأطراف أو اعتلال الأعصاب الطرفية مع عدم الإحساس بالألم وارتفاع تركيز سكر الجلوكوز في الدم ،
كل ده بيوفر البيئة اللازمة لنمو البكتيريا و الميكروبات مع بطء التئام الجرح ... ومع الإهمال ممكن ده يسبب مضاعفات تؤدي لبتر القدم.
و فيه ناس بتزيد فرص الإصابة عندهم بالقدم السكري و خصوصاً لو كانوا بيعانوا من : -
1🔹ارتفاع مستوى السكر في الدم بصورة غير منتظمة غير متحكم فيها لوقت طويل.
️2🔹وجود تاريخ عائلي لحدوث قرحة بالقدم أو بتر أو قدم سكرى.
3🔹ارتفاع نسبة الكوليسترول الضار والدهون الثلاثية.
4🔹السمنة المفرطة.
5🔹التدخين وشرب الكوحوليات.
6🔹لبس الاحذية الضيقة والغير مناسبة.
️7🔹عدم الاهتمام والعناية بالتقدم.
8🔹المشى حافي.
9🔹حدوث اصابات متكررة بالقدم.
10🔹 الكدمات أو الحرق بماء ساخن أو المشى على ارض ساخنة.
و لأن مريض السكر بيبقي ماشي حافي و مابيفحصش رجله باستمرار و مابيقدرش يحس بالألم، ممكن مايحسش بالقدم السكري غير متأخر بعد فوات الأوان، و الأعراض اللي تخليه يشك في القدم السكري زي :
1🔹ارتفاع مفاجىء فى معدل سكر الدم.
2🔹أعراض نزلات البرد والأنفلونزا.
3🔹ظهور أعراض بالقدم زي: التورم والقروح والجروح.
و دي شوية نصايح عشان لازم يمشي عليها أي مريض سكر عشان يحمي نفسه من القدم السكري:-
1🔹ظبط أسلوب حياتك و خليه صحي من خلال نظام غذائي جيد، و ممارسة الرياضة المنتظمة، ومراقبة سكر الدم والالتزام بالعلاج .
2🔹اغسل رجليك كويس و جففهم و خصوصاً بين الصوابع، أستخدام الكريمات المرطبة للجلد لتجنب جفاف الجلد أو حدوث التشققات ولكن لاتضعة بين أصابع القدمين.
3🔹اختار حذاء طبي نعله طري و تهويته كويسة و حركته مريحة.
4🔹افحص رجليك كلّ يوم كويس جدآ و يمكن أستخدام المرآة لرؤية أسفل القدمين أو يتم الفحص عن طريق أحد أفراد العائلة و ملاحظة وجود أى تغييرات مثل حدوث جروح او خدوش بالقدم أو تورم بالقدم أو وجود تكيسات بجوار الأصابع أو تغيير فى لون الجلد أو أحمرار بالتقدم.
5🔹لو لاحظت أي تغير في جلد القدم؛ ماتخدش أي دواء دون استشارة الطبيب.
6🔹تجنب لبس الأحذية بدون الجوارب أو الصنادل أو الأحذية المفتوحة الأخرى من جهة الأصابع.
يفضل الأحذية الطبية المخصصة لمرضى السكر يكون الحذاء مصنوع من الجلد الطرى و يكون مبطن من الداخل مثل الأحذية الرياضية، تجنب الأحذية المفتوحة من الأمام أو الأحذية ذات الكعب العالى لايكون الحذاء مدببا من الناحية الأمامية يكون الحذاء واسع بحيث يستوعب القدم بارتياح دون الضغط على أى أجزاء منها يفضل الأحذية التى يستخدم فيها الاربطة أو الشريط اللاصق حتى يمكن توسعتها فى حالة تورم القدم لاترتدى الأحذية الجديدة لأكثر من ساعة يوميا فحص الحذاء من الداخل للتأكد من عدم وجود جسم صلب أو غريب بداخلها قم بتهوية الحذاء يوميا أستخدام الجوارب القطنية أو المصنوعة من الألياف الطبيعية و تغييرها يوميا
7🔹خفف من الأحمال التقيلة و المشي الطويل علي رجلك.
8🔹قلّم أظافر قدميك بعناية و بشكل مستقيم مباشرة.
9🔹ماتمشيش حافي القدمين حتي لو جوه البيت عشان تتجنب إصابة القدمين.
10🔹اقلع عن التدخين لأنه بيسبب مشاكل كتير و خصوصاً مشاكل تدفق الدم.
11🔹بلاش تكسل و استشير طبيب الجراحة فوراً ؛ لأن الكسل و الإهمال ممكن يسببوا غرغرينة و بعدين بتر العضو المصاب ثم تسمم الدم والوفاة.
12🔹حدد مواعيد منتظمة لإجراء فحوصات القدم و منها تطمن علي سلامتها.
و لما مريض السكر بيشرفني في العيادة لازم يتم الفحص الجيد و التشخيص لمرض القدم السكري من خلال الأشعة و التحاليل اللي بنطلبها للقدم و العظام و مستوي السكر ...
و لازم نتابع معاه مستوي السكر في الدم بصفة منتظمة و يتم تعليمه ازاي يعتني برجله و يفحصها بشكل دوري و يغير عليها بصفة مستمرة لو فيها أي إصابة.
لو عندك أي استفسار أو استشارة بخصوص القدم السكري سيبه في كومنت و هرد عليك في أقرب وقت أو ع الواتس 01006501016 ، و ماتنساش منشن لقريبك اللي عنده سكر عشان يحمي نفسه.
