13/07/2026
⚠️ ليه حشو العصب "بيفشل" عند ناس.. وبيعيش العمر كله عند ناس تانية؟🙇🏻🤔🤔
السر مش في حظك الوحش 😟🫣 .. السر كله في "تقفيل حشو العصب النضيف"!
كتير مننا بيسمع جملة: "أنا عملت حشو عصب والضرس رجع يوجعني تاني وعمل خراج!".. للأسف ده بيحصل لما الحشو يتعمل بسرعة ومن غير دقة. حشو العصب الصح هو بمثابة عملية جراحية جوه ضرسك، وتفاصيلها الصغيرة هي
اللي بتعمل الفرق.
تعالى ادخلك جوه الضرس معايا و اقولك
كواليس "التقفيل النضيف"
اللي بيحميك من الفشل:
معركة التعقيم: القنوات العصبية دي بيوت للبكتيريا لو ماتنظفتش بمحاليل مخصصة وتنشيف كامل 100% قبل التقفيل، البكتيريا هتنشط تاني تحت الحشو وتعمل خراج.
تصوير التفاصيل (الآشعة): لازم نتاكد بالآشعة أثناء الشغل وبعده إن الحشو واصل للطول المثالي ومقفل القنوات بالكامل.
⚠️ علامات تخليك تطمّن إنك بتعمل "حشو عصب نضيف":
1. الدكتور بيستخدم "الرابردام" (العازل المطاطي): ده مش رفاهية، ده أساسي عشان يمنع لعاب الفم (اللي مليان بكتيريا) إنه يدخل جوه القنوات وهي بتتطهر.
2. الشغل بياخد وقته: حشو العصب النضيف محتاج صبر ودقة، مش "كلفتة" في 10 دقائق.
3. الآشعة خطوة بخطوة: تصوير الضرس قبل وأثناء وبعد الحشو للتأكد من دقة الشغل.
