Eman Elezaby - Clinical Psychotherapist

14/10/2025

"مش كلنا مرضى نفسيين!"

للأسف، في بعض الجلسات النفسية بيتم ترديد جملة:
"كلنا مرضى نفسيين، عادي!
بحسن نية أحيانًا… بس النتيجة مش دايمًا صح.

✋ المعالج مش دوره يهوّن ويقول معلش كلنا كدا ، دوره يوضح.
التطبيع المبالغ فيه مع الاضطراب النفسي بيضيع الفروق بين الضغط النفسي، والمشكلة النفسية، والمرض النفسي الحقيقي.

✅ الصح؟
أقول للعميل:
"اللي بتحسه مفهوم، وفي ناس كتير بتمر بيه، وانت مش لوحدك، والمرض النفسي مش عيب."
واخليه يقرا عن مرضه ونسبه انتشاره او ارشح ليه فيلم بيدور احداثه حوالين مرضه
لكن مش منطقي أقول له: كلنا مرضى نفسيين!

❗لأن ببساطة:
- فيه فرق بين معاناة مؤقتة واضطراب محتاج علاج.
- وفيه فرق بين "أعراض" و"تشخيص".
- ومش طبيعي أبني علاقة علاجية على فكرة إن "المعاناة هي القاعدة".

الوعي الحقيقي مش إننا نعمم الألم…
الوعي الحقيقي إننا نفهم أسبابه، ونحترم خصوصيته، ونتعامل معاه بعلم ورحمة.

14/10/2025

زمان كنا نفتكر إن كلمة "مدمن" معناها شخص كبير، حياته خرجت عن السيطرة…
دلوقتي بنشوف أطفال في بداية المراهقة، 13 و14 سنة، بيتكلموا عن "الكيف" كأنه شيء عادي!

المخدرات بقت في المدارس، في النوادي

المشكلة مش بس في وجودها، المشكلة في تطبيعها…
"دي مجرد سيجارة"، "حشيش بس"، "كلنا بنجرب".

لكن التجربة دي ممكن تبقى أول خطوة في طريق ما بيرجعش.

يا أهل…
- اسألوا عن ولادكم
- قربوا منهم
- افهموا عالمهم
- علموهم يقولوا "لأ"
- وخدوا أي تغير ف التصرف أو المزاج على محمل الجد
الإدمان مبيرحمش، ولا بيستنى سن معين…
خلي بالك قبل ما تصحى على كارثة.

14/10/2025

من المستحيل أن تعيش دون أن تفشل في شئ ما ، إلا إذا كنت تعيش بحذر شديد لدرجه أنك كذلك لم تعش علي الإطلاق . وفي هذه الحاله ، تكون قد فشلت افتراضيا .

-ج.ك. رولينغ

01/10/2025

"أصل البانجو مش إدمان!"
" هو انا باخد بانجو … بس مش مدمن"

العبارات دي بقت جمل متكررة على لسان كتير من الشباب، وكأنها مبرر يخليهم يحسّوا إنهم في أمان.

لكن الحقيقة؟
*البانجو مادة مؤثرة على المخ، وبتعمل اعتماد نفسي شديد*، واللي بياخده يوم ورا يوم بيلاقي نفسه مش عارف يركز، مش عارف ينام، مش قادر يتبسط من غيره.

ومع الوقت؟
- المزاج بيتقلب
- الطاقة بتقل
- والمخ بيطلبه كل يوم أكتر

البانجو مش بس بيسيب أثر نفسي، ده كمان بيأثر على *التحصيل، الإنتاجية، الانتباه، وحتى العلاقات الشخصية.*

مش كل إدمان بيبان من أول مرة،
بس كل إدمان بيبدأ بـ"هي مرة وخلاص".

01/10/2025

*"ابني بيشرب آه… بس مش بيعمل مشاكل!"*
الجملة دي بنسمعها كتير من أسر مدمنين، كأن التعاطي بقى "عادي" طالما مفيش فضايح!

لكن الحقيقة إن المشكلة مش في الفضايح، المشكلة في اللي بيحصل جوا ابنك:
- كل مرة بيشرب فيها، بيقرب خطوة من فقدان نفسه
- من إنه يبوظ صحته ونفسيته وشغله ومستقبله
- من إنه يبقى شخص تاني أنت نفسك مش هتعرفه

السكوت مش ستر..
السكوت مشاركة في الجريمة ضد ابنك.
*اللي بيحب بيساعد، مش بيداري.*

26/09/2025

كنت في جلسة مع حالة بتتعافى من إدمان الترامادول، وفجأة قالي جملة وقفتني:
"كنت بحط حباية ترامادول في كولمن المية بتاع الورشة... علشان العيال تشتغل أكتر."

انتي عارفه يا دكتوره والله العيال كانت بتور ف الدنيا وبتشتغل اكتر واللي عنده مكر بيروح ….

اللي قاله مش بس صادم، لكنه كاشف لحجم الجهل اللي ممكن يتحول لجريمة.
ناس بتتخدّر من غير ما تعرف، وبتدخل دايرة الإدمان من غير ما تاخد قرار.

المخدرات مش دايمًا بتبدأ بإرادة صاحبها.
أوقات بتتزرع في الجسم بالغش، بالتجريب، بالضغوط... وده بيخلّي الوقاية مسؤولية مجتمعية، مش بس فردية.

رسالة لأي صاحب عمل، أو كبير في مكان:
تسليمك لصحة الناس علشان الإنتاجية أو الفلوس = تدمير حقيقي لأرواح.

الإدمان جريمة لما يكون عن قصد،
وجريمة أكبر لما يكون عن غير قصد وبإيدينا.

18/07/2025

18/07/2025

حان الوقت لأن نغضب
لقد حان الوقت لتغضب --- نعم، "ذلك" الغضب.
الغضب يمكن أن يكون شعور فعال جداً ومخيف جداً. ويمكن أيضاً أن يكون شعور يرشدنا إلى قرارات هامة، وأحيانا قرارات يصعب إتخاذها. يمكن أن يشير إلى مشاكل الآخرين، ومشاكلنا، أو ببساطة مشاكل نحتاج معالجتها.
إننا ننكر غضبنا لأسباب متنوعة. لأننا لا نعطي لأنفسنا تصريح بالسماح للغضب ليأتي إلي وعينا --- في البداية. إعلم أن الغضب لن يختفي؛ وإنه يجلس في طبقات تحت السطح، في إنتظار أن نصبح مستعدين ونشعر بالأمان والقوة الكافية للتعامل معه.
ما قد نفعله بدلاً من مواجهة غضبنا وما يقوله لنا حتي نعتني بأنفسنا، هو أن نشعر بالأذى، وأننا ضحايا، محاصرين، او مذنبين، وغير متأكدين كيف نعتني بأنفسنا. قد ننزوي، او ننكر، او نختلق الأعذار، وتختبئ في الرمال --- لفترة من الوقت.
قد نعاقب، او ننتقم او نإن، او نتعجب.
قد نغفر للشخص الآخر مراراً سلوكيات تؤذينا. وقد نخشى أن يرحل عنا شخص ما إذا تعاملنا مع غضبنا تجاهه. وقد نخشى أننا سنحتاج للرحيل إذا تعاملنا مع غضبنا.
قد نجد انفسنا ببساطة خائفين من غضبنا وفاعليته. قد لا نعلم أن لدينا الحق، وحتى "المسؤولية" --- تجاه أنفسنا --- للسماح لأنفسنا بأن نشعر ونتعلم من غضبنا.
"ربي، ساعد مشاعر غضبي المخبأه أو المكبوته عندى أن تظهر علي السطح. ساعدني بمنحي الشجاعة علي مواجهتها. ساعدني افهم كيف أحتاج للإعتناء بنفسي مع الأشخاص الذين أشعر بالغضب تجاههم. ساعدني على التوقف عن قول أن هناك خطأ ما بنفسي عندما تقوم الناس بإيذائي وأشعر بالغضب تجاه هذا الأذي. يمكنني أن أثق في مشاعري عندما تشير إلى مشاكل تحتاج إلى اهتمامي."
من كتاب لغة التسامح ص٢٠٢-٢٠١ من هيزلدن

18/07/2025

اختر أن تكون حاضراً في لحظة صغيرة.

غالباً ما تمر اللحظات الجميلة لأننا ننتظر اللحظة "الكبيرة". لكن الفرح يسكن التفاصيل الصغيرة لو أبطأنا كفاية لنراه.

فعل اليوم:

في لحظة عادية اليوم (تناول فطورك، لقاء قصير مع صديق)، ركز كل حواسك. لاحظ الطعم، الصوت، التعبير. كن هناك كليا.

من كتاب
" أفعال الحب والخدمة"

18/07/2025

لا تستسلم لمخاوفك، لأنك إن فعلت، فلن تتمكن من التواصل مع قلبك.
- باولو كويلهو
يضيء الحب كل شيء، ويحرف الخوف الحقيقة ويملأ عقلك بالأفكار السلبية. يعطيك الخوف عذرًا لأن تختبئ خلف قلبك. الجميع يخافون، ولكن يتطلب الأمر المزيد من القوة لتتغلب على خوفك وتتبع قلبك.
الهدف: استمع لقلبك واتبع حدسك.

من كتاب "أبق قوياً 365 يوماً في السنة"

18/07/2025

في هذه اللحظة ،
أضع نفسي أولاً.

كلما جعلت نفسي علي الانتظار ، تتعثر حياتي. أن أضع نفسي في المقام الأول لا يعني أنني أهمل من أهتم بهم. هذا يعني أنني لا أهمل نفسي. إذا أهملت نفسي ، فأنا لا أساعد أي شخص. عندما أضع نفسي في المرتبة الأولى في حياتي الخاصة ، عندما أتحمل مسؤولية تلبية احتياجاتي الخاصة ، عندها يمكنني أن أكون متاحًا لمن أهتم بهم بطريقة صحية. لم يحدث ذلك بشكل طبيعي بعد. علي أن أبذل جهدا واعيا. اليوم ، اخترت أن أضع نفسي أولاً عندما أتخذ القرارات.

فى هذه اللحظة
كتاب
"التأمل اليومي لزمالة الإعتماديين المجهولين"