08/08/2026
✍ أغلبنا كان متابع قضية (جوني ديب و آمبر هيرد) واللي جرا فيها.. فيه كم حاجه إتعلمناها بعد ما انتهت قصتهم:
إتعلمنا إن مش كل اللي بيعيط #مظلوم..
ومش كل اللي بيجرى يتهم غيره الأول معناه إن هو صاحب الحق وإن الحق مسيره هيبان حتى لو كل الشواهد قالت ف الأول عكس كده..
إتعلمنا إن #الضحية مش شرط دايماً تكون هي الست وبرضه مش كل الرجالة شياطين..
إتعلمنا إن المفروض الفيصل دايماً ف الحكم على الأمور ف أى #خلاف بين طرفين هو إنك تسمع الطرفين سوا مش طرف واحد بس.. لإن مفيش طرف هيكون منصف وحيادي وهو بيحكي عن مشكلته مع الطرف التاني..
إتعلمنا إنك تميل للحقيقة المبنيه على العقل مش اللي بتميل للعاطفة.. تميل للحقيقة بس سواء كان اللي بيقولها راجل ولا ست..😉
إتعلمنا الدرس الأهم إن الأصل ف أى علاقة كان #الاحترام هو أساسها من الأول عمرها ما هتنتهي بخلافات وقضايا وحتى لو الاستمرار كان مستحيل بسبب اختلاف الطباع هيحصل الانفصال بأبسط وأنضف شكل يليق بالطرفين..
العلاقات اللي بيسوقها الرحمة والمودة والود عمرها ما بتعمل حادثة ولا بتمشي ف سكة غلط ولا بتلبس ف حيط ولا أطرافها بيشوفوا وجع ولا ألم..
#وعجبي
