عيادة المخ و الأعصاب والعمود الفقري د إبراهيم شبانه

15/12/2021

في بعض الاحيان يشرفني في العيادة احد المرضي كبار السن لييشتكي من صداع او اّلام بالظهر او ما شابه وألاحظ في محاورته إن عنده شيئ من ضعف السمع ولما أسال ابنه اللي معاه يقولي ان الموضوع من زمان وكشفوا واتقال لوالده يلبس سماعات ولكنه رافض لانه ببساطة تأقلم علي ضعف السمع وتأقلم كل معارفه علي كده وخلاص!!

ساعتها بشرح له ان مخ الانسان زي جهاز الكومبيوتر لازم تدخله علي طول معلومات للتحديث وعشان يفضل شغال ولو انت قطعت عليه مصدر مهم من المعلومات عن طريق ضعف السمع فمع الوقت تضعف كفاءته ويبقي اكثر عرضة للاصابة بضعف الذاكرة زي الزهايمر او غيره

وده شيئ مثبت علميا ان ضعف السمع من العوامل اللي بتزيد نسبة ومعدل ضمور المخ في كبار السن ولما حسبوها وجدوا ان حتي لو ضعف سمع خفيف يضاعف النسبة وضعف السمع الشديد يجعل صاحبه اكثر خمس اضعاف من غيره للاصابة بمرض ضعف الذاكرة الشيخوخي او الزهايمر او غيره

برجاء محاولة اقناع اي حد قريب ليك كبير في السن عنده ضعف السمع بلبس السماعة حتي لو تأقلم علي العيش من غيرها عشان يحمي نفسه من فقدان او ضعف الذاكرة

https://www.hopkinsmedicine.org/health/wellness-and-prevention/the-hidden-risks-of-hearing-loss

08/12/2021

نصيحة لوجه الله لكل واحد عنده حد كبير في السن عزيز عليه زي الوالد او الوالدة او الجدة او الجد او حتي جاره الراجل الكبير الطيب

1_ مفيش حاجة اسمها البني ادم ميزان نفسه وانا مش بتابع سكري بالتحاليل وضغطي بالقياس لان لما بيعلوا انا بحس ….ممكن يكون فيهم اضطراب كبير وانت مش حاسس باي حاجة

2_ عدد لا يحصي من البشر قابلناهم بجلطات بالمخ ونزيف بالمخ ونكتشف بالصدفة عن طريق بعض الفحوصات ان عنده سكر منذ زمن وعنده ضغط منذ زمن

3_ انصحه انه يزور طبيب الباطنة بانتظام يحدده له الطبيب للاطمئنان علي مستوي ضغط الدم عنده وعدم ظهور بوادر مرض السكري عنده

4_مهم اوي ان زي ما بنطمن علي مستوي الضغط والسكر نطمن علي القلب من حيث النبض والتغذية الدموية الخاصة بيه .....ليه ؟

مشهور في السن الكبير حدوث اضطرابات في انتظام النبض في صورة مرض اسمه الذبذبة الاذينية (AF) وللاسف ممكن يكون موجود ولا يسبب اي اعراض علي الاطلاق نهائيا ولكن مع الوقت يكون الثمن جلطة بالمخ كبيرة قد يعاني من تبعاتها مدي الحياة

09/04/2021

كل عام وحضراتكم بخير
رمضان كريم علينا كلنا يارب
مواعيد العيادة في شهر رمضان المبارك

مواعيد رمضان

*عنوان عيادة دكرنس*
نهاية شارع مجلس المدينة مقابل موقف ميت فارس وطناح بجوار كافتيريا كمنجة .برج الصفوة ٢ .الدور الرابع
~~**من ثلاثة لخمسة عصرا **~~
~```الاحد والاثنين والخميس```~ في رمضان فقط
تليفون الحجز 01032808009

20/02/2021

مواعيد العيادة

دكرنس نهاية شارع مجلس المدينة مقابل موقف ميت فارس بجوار كافتيريا كمنجة
العيادة من خمسة حتي سبعة مساء

ايام العمل السبت والاثنين والخميس
تليفون الحجز 01032808009

عيادة بني عبيد حي شبرا بجوار صيدلية شبرا
الاحد والثلاثاء والأربعاء
من ستة الي تسعة مساء

Send a message to learn more

11/01/2021

السلام عليكم هنتكلم النهاردة عن مشكلة تواجه الكثير من الناس وخصوصا

السيدات وربات البيوت نتيجة شغل المطبخ والبيت وهو الام شديدة باليد

ممكن في بعض الأحيان بتصحيهم من النوم …..الحقيقة بعض الناس من

ضغوطات الحياة ممكن يهملوا شكوي زي دي ولا يتوجهوا

للطبيب لمعرفة سبب هذا الالم ويكتفوا بأي مسكن وخلاص وفي الحقيقة

إن لما تيجي لي سيدة بهذه الشكوي لازم اسمع منها تاريخ كامل وتفاصيل

الألم ده وافحصها لأن فيه اسباب كتيرة ممكن تعمل كده منها ما هو

مختص بالاعصاب واشهرهم اختناق العصب الاوسط ومنها ما هو مختص

بالأوتار والمفاصل وطبقا للتشخيص ننصحها بخطوات العلاج وفي بعض

الأحيان نتيجة الإهمال تكون الحالة متاخرة شوية وتحتاج الي تدخل جراحي

لإنقاذ اليد لأن المريض يبدأ يشتكي من إن الحاجات ممكن تقع من ايده

الخلاصة اعرف سبب الوجع ايه وابدا في علاجه حتي لا تسوء الحالة و تحتاج لعلاج اطول واصعب وقتها

23/10/2020

السلام عليكم
عاوز اتكلم عن معلومة للاسف منتشرة عند كثير من الناس

الفحوصات والأشعة ليست المعيار الاول والاخير للتشخيص ورسم المخ مش بلورة سحرية تكشف كل امراض المخ والاعصاب

طفل عنده فرط حركة....ألاقي الأم تقول ..عملتله رسم مخ

طفل تحصيله الدراسي ضعيف وشقي .....نعمله رسم مخ

طفل عصبي وخناقاته كتير...نعمله رسم مخ

شاب عنده صداع بشكل متكرر...نعمله رسم مخ

سيدة جالها جلطة في المخ ....نعمله رسم مخ

يا جماعة..رسم المخ خطوة رقم اتنين يتم اختيارها في مواقف محددة بعد اخذ التاريخ المرضي والفحص

مش خطوة ثابتة وبتجيب من الاخر زي ما بعض الناس فاهمة
والأدهي والأهم بقي...مش كل اضطراب واختلال في رسم المخ معناه الكلمة المشهورة اللي بنسمعها..ابني عنده كهربة زيادة يا دكتور وماشي علي علاج

لازم يكون فيه توافق اكلينيكي بين الشكوي والاضطراب الموجود في رسم المخ

الرسالة اللي عاوز اقولها

مش كل شكوي في المخ والاعصاب تحتاج رسم مخ ومش كل اضطراب ولخبطة في رسم المخ يبقي ليها اهمية ونعتبرها شماعة نعلق عليها التشخيص

15/10/2020

السلام عليكم
عاوز اتكلم النهاردة علي سيناريو بشوفه كتير لزيادة الوعي بيه بهدف التقليل من حدوثه

رجل او سيدة في الثلاثينات او الاربعينات من عمره يبدأ يشتكي من صداع يجي له علي فترات..كل اسبوع ..كل اسبوعين بنمط معين واول ما يأخد اي مسكن الصداع يروح...مع الوقت وازدياد ضغوطات الحياة..يبدأ معدل الصداع يروح وشكله يبدأ يتغير فيجي يكشف
هنا تبقي المشكلة....ثبت علميا ان تكرار استخدام المسكنات والتساهل فيها لعلاج الصداع بالذات يحدث بعض التغيرات الفسيولوجية في المخ (مسارات الالم وبعض المستقبلات) وبدل ما كان المريض يشتكي من صداع واحد..بقي اتنين
الصداع الاساسي وصداع تاني يسمي صداع الإكثار من المسكنات...ايوة زي ما حضرتك قرأته..المسكنات اللي بناخدها لعلاج الصداع ممكن هي نفسها تعمل صداع..وصداع سخيف في الشعور بيه وسخيف في العلاج حتي

الرسالة او الكبسولة اللي عاوز اوصلها
حاول لو يتكرر عندك الصداع تاخد استشارة اقرب دكتور مخ واعصاب ليك لمعرفة نوعه وعلاجه ولا تستسهل الإكثار من المسكنات لانها مع الوقت هي نفسها ممكن تعملك صداع فوق الصداع ...طبعا ده بعيدا عن التاثير السلبي ليها علي المعدة والكلي والقلب

15/10/2020