Samra kid's Clinic

Samra kid's Clinic �

تنويه هام ✋كل عام وانتم بخير 🌹 ان شاء الله تعالي من يوم السبت القادم 18/4 سيتم العمل في العياده بالتوقيت الصيفي في الموا...
15/04/2026

تنويه هام ✋
كل عام وانتم بخير 🌹
ان شاء الله تعالي من يوم السبت القادم 18/4 سيتم العمل في العياده بالتوقيت الصيفي في المواعيد التاليه 👇👇

"حرارة… ترجيع… صداع… وبعدها كلمة واحدة ترعب أي بيت:التهاب سحائي!”🥹الفترة دي بقى في كلام كتير وسؤال واحد بيتكرر:هو المرض ...
30/03/2026

"حرارة… ترجيع… صداع… وبعدها كلمة واحدة ترعب أي بيت:التهاب سحائي!”🥹

الفترة دي بقى في كلام كتير وسؤال واحد بيتكرر:
هو المرض ده منتشر في مصر؟ ولا مجرد قلق؟

خلينا نفهم بهدوء 🔥👇

🧠 يعني إيه التهاب سحائي؟
هو التهاب في الأغشية اللي بتغطي المخ والنخاع الشوكي…
ومش مرض واحد زي ما ناس فاكرة!

⚠️ أنواع الالتهاب السحائي:

1️⃣ بكتيري (الأخطر)
بيجي فجأة وبيكون شديد
ومحتاج تدخل سريع
وأشهر أسبابه:
• المكورات السحائية
• المكورات الرئوية
• Haemophilus influenzae type b

2️⃣ فيروسي (الأكثر شيوعًا)
أخف بكتير وغالبًا بيخف لوحده
وأعراضه أقل حدة

3️⃣ أنواع نادرة
زي الفطري أو نتيجة أمراض مناعية
وده قليل جدًا

🤔 طب السؤال المهم هل هو منتشر في مصر دلوقتي؟

لحد اللحظة:
✅ مفيش إعلان عن وباء أو انتشار واسع والجهه المنوطه فقط بالإعلان عن الوباء هي وزارة الصحه المصرية 👌

لكن..... 👇
⚠️ الحالات الفردية موجودة طول الوقت
والسوشيال ميديا بتضخم أي حالة فتبان كأنها انتشار
يعني:مش وباء… بس مش مرض نادر برضه

🚨 إمتى أقلق؟
لو طفل عنده:
• حرارة عالية مستمرة
• صداع شديد
• ترجيع
• خمول أو تشنجات
• رفض الرضاعة (في الرضع)

⬅️ ساعتها مفيش انتظار… لازم كشف فورًا

🛡️ أهم طرق الوقاية:

✔️ الالتزام بجدول التطعيمات الأساسية
(خصوصًا Hib والمكورات الرئوية)

✔️ التطعيمات الإضافية عند الحاجة
(زي المكورات السحائية لبعض الأطفال)

✔️ النظافة وغسل الإيدين
✔️ عدم التزاحم في الأماكن المغلقة
✔️ عزل أي طفل عنده عدوى تنفسية شديدة

❌ نيجي بقي لأهم غلطة:
“عايز تطعيم الالتهاب السحائي وخلاص”
مفيش حاجة اسمها كده!
⚠️ خد بالك:
كل نوع من دول له تطعيم مختلف
ومفيش تطعيم واحد يغطي كل حاجة!

1️⃣ المكورات السحائية (Meningococcus)
وده ليه فصائل كتير (A, B, C, W, Y)
✔️ ليه تطعيمات زي:
• الرباعي (ACWY)
• وتطعيم منفصل لـ B

2️⃣ المكورات الرئوية (Pneumococcus)
✔️ وده ليه تطعيمات معروفة زي:
• PCV (زي 13 أو 15 أو 20)

3️⃣ Haemophilus influenzae type b (هيموفيلس إنفلونزا نوع ب)
✔️ وده ليه تطعيم مهم جداً:
• Hib (جزء من التطعيمات الأساسية للأطفال)

❤️ الخلاصة:
الالتهاب السحائي مش شبح…
لكن برضه مش حاجة نتهاون فيها

الوعي + التطعيمات الصح = أمان كبير بإذن الله✋

دامت أطفالكم بخير 💖 💕

مواعيد العياده Samra kid's Clinic 👨‍👩‍👧‍👦 دامت أطفالكم بخير 💖 💕
23/03/2026

مواعيد العياده
Samra kid's Clinic 👨‍👩‍👧‍👦


دامت أطفالكم بخير 💖 💕

كل عام وانتم بخير 🌹
31/10/2025

كل عام وانتم بخير 🌹

شعب سمره كيدز كلينك الخلوق المهذب المثقف الواعي أينما كنتم طبتم وطاب صباحكم بكل خير وسعادة 💐📌الفترة دي فعلًا ملاحظ فيها ...
23/10/2025

شعب سمره كيدز كلينك الخلوق المهذب المثقف الواعي أينما كنتم طبتم وطاب صباحكم بكل خير وسعادة 💐

📌الفترة دي فعلًا ملاحظ فيها زيادة في حالات الهبوط (الخمول أو الإغماء أو الضعف العام) عند الأطفال، وده له أكثر من سبب ممكن، أهمها حسب الحالة المنتشرة حاليًا في مصر والمنطقة وهي العدوي الفيروسيه (الانفلونزا او Rsv او حتي الفيروس الغدي adenovirus)اللي بتبقي موجوده فعلا كل سنه في نفس التوقيت بتسبب حراره شديده وكحه شديده واوقات يبقي في اسهال وترجيع مع طبعا قلة الاكل ونقص السوائل مع انخفاض الضغط المؤقت كل دا بيؤدي الي هبوط وخمول وساعات بيحصل حالات إغماء عند الطفل في المدرسه بتسبب حالات هلع في المدرسه وعند الاهل...

📌وفعلاً دي من أكتر المشاكل اللي بتواجه الأهالي الأيام دي
لأن الأطفال بيروحوا المدرسة يوميًا وسط تعب موسمي وعدوى منتشرة، ومع ضغط التقييمات بيبقى الموقف صعب....

📌طيب ايه الحل 👌
🏫 أولاً: أثناء الذهاب للمدرسة
1. ما يروحش المدرسة لو في أعراض تعب واضحة
• زي خمول، حرارة، ترجيع، أو ضعف واضح.
• يوم أو يومين راحة أفضل من دخول في هبوط أو عدوى شديدة.
• ممكن تقدم عذر طبي بسيط للمدرسة، والمدرسين متفهمين الوضع حاليًا.
2. وجبة الإفطار أساسية جدًا
• أهم وجبة لتجنب الهبوط لو الطفل مش قادر ياكل يكفي تمرتين الصبح .
3. مياه وسوائل طول اليوم
• علميه يشرب مياه كل شوية، حتى لو مش عطشان.
• العصير الطبيعي أو مياه بلمسة سكر وملح خفيفة (تعويض أملاح).
4. نوم كفاية (8–10 ساعات)
• قلة النوم تزيد الخمول والهبوط.
• حاول يكون بينام بدري حتى لو المدرسة بدري.

🍎 ثانياً: في البيت
1. أكل متوازن غني بالحديد.
• ممكن إضافة مكمل حديد أو فيتامينات بعد استشارة الطبيب لو الهبوط متكرر.
2. راحة يومية بعد المدرسة
• نص ساعة قيلولة أو راحة بدون مجهود قبل المذاكرة أو التقييم.
3. فيتامين سي ومناعة
• برتقال، ليمون، جوافة، أو مكمل فيتامين C بسيط.
• ده يقلل من العدوى المتكررة.
4. متابعة مع الطبيب لو الهبوط بيتكرر.

⸻

📘 أثناء التقييمات:
• اتفق مع المدرس أو الأخصائي الاجتماعي لو الطفل مريض، إن التقييم يتأجل أويعاد......
أغلب المدارس حالياً متعاونة بسبب كثرة حالات البرد والهبوط.

دامت أطفالكم بخير 💖 💕
👨‍👩‍👧‍👦

🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
01220030454

🏚️ المحمودية الكوبري الجديد مقابل المجلس المحلي
0504501050

25/10/2024

امهات كتير بتسأل عن التطعيم السداسي hexaxim وما يعرفوش عنه حاجه...... وماحدش بيقوللهم عليه..
من مميزاته... إنه قوي وفي نفس الوقت أعراضه بسيطه...
هوه مش تطعيم إضافي... هو نفسه تطعيم الصحه بس البديل الأعلى جوده والاعلي امان والاقل اعراض جانبيه على الإطلاق..
ناس كتير ابتدت تجيلي وتطلبه... ووفروا على نفسهم مشوار الوحده الصحيه ومكاتب الصحه ... دا غير إنهم اتخلصوا من أعراض تطعيم الصحه الصعبه واللي ممكن الطفل يتعب ويسخن فيها لفتره طويله..
دا غير إن أطفال كتير الموضوع بيقلب معاهم بتعب بجد..
التطعيم بيتاخد في سن : شهرين واربع شهور وست شهور
التطعيم موجود في المصل واللقاح والعيادات الخاصة..
متوفر الان 👌

دامت أطفالكم بخير 💖 💕


👨‍👩‍👧‍👦
🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

شايفين المنظر الجميل ده... بعض الاهالي شايفينه مقلق ... دي بقي اسمها أسنان القرش عند الأطفال ☺️دي من الحاجات اللي بتقلق ...
09/10/2024

شايفين المنظر الجميل ده... بعض الاهالي شايفينه مقلق ...
دي بقي اسمها أسنان القرش عند الأطفال ☺️
دي من الحاجات اللي بتقلق الأهالي جداً اول لما يلاقو الاسنان الدايمة طالعة ورا الأسنان اللبنية 💔
طيب حابب اطمنكم خالص واقولكم حل المشكلة دي بسيط جداً بتروحي لدكتور الأسنان الجميل بتاعكم بيخلع الأسنان اللبنية اللي قدام الاسنان الدايمة بس كدا خلصنا 👌
مع الوقت بقا نمو الفك بيزيد مع تأثير قوة الدفع بتاعت اللسان بترجع الأسنان الدايمة مكانها الطبيعي ❤️
بس كدا 💪

دامت أطفالكم بخير 💖 💕


👨‍👩‍👧‍👦
🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

شعب سمره كيدز كلينك الخلوق المهذب المثقف الواعي أينما كنتم طبتم وطاب صباحكم بكل خير وسعادة.... للمره المليون عينه الكعب ...
12/09/2024

شعب سمره كيدز كلينك الخلوق المهذب المثقف الواعي أينما كنتم طبتم وطاب صباحكم بكل خير وسعادة....

للمره المليون عينه الكعب للمواليد....
🍀عينة الكعب التى تؤخذ من كعب القدم في حديثي الولادة لتحليل الغدة الدرقية وأيضا نسبة الفينيل الانين في الدم (PKU ) وهو مرض هام جدا لأن الطفل يحتاج يمشي علي لبن خاص ثم طعام خاص يحتوى على القليل من البروتين..
💧 التشخيص المبكر هام جدا .و يجعل الطفل (مع اتباعه تعليمات العلاج و اللبن و الحمية الخاصة) طبيعي تماما بدون اي اعراض تأخر أو تشنجات أو غيرها، عشان كدة وزارة الصحة ضمت مرض التمثيل الغذائي لبرنامج المسح القومي..
💧في الوحدة الصحية ،بعد سحب عينة كعب القدم علي ورقة النشاف،بياخدوا رقم الاب أو الأم ،ولو طلع التحليل عالي بيكلموهم مرة تانية لتكرار التحليل و لو طلع عالي للمرة التانية بيسحبوا عينة وريدية تأكيدية ترسل الي المعمل المركزي في القاهرة..
💧لو طلعت إيجابية للمرة التالتة، بيتحول لمركز الارشاد الوراثي كحالة إيجابية تحتاج لصرف اللبن الخاص و متابعة من أطباء المركز للمريض عشان الكمية المطلوبة من اللبن و كمان تحديد الحمية الخاصة..
طيب ليه بكتب البوست ده؟
💧عشان فيه حالات بتطلع إيجابية لمرض التمثيل الغذائي و لما المعمل المشترك يبلغ الوحدة الصحية بذلك و يتم تبليغ أهل الطفل،احيانا الأهل بيفتكروا تحليل الغدة الدرقية هو اللي فيه المشكلة، و هنا بيحصل الخلط!
💧الأهل بيعيدوه تاني في معمل برة يطلع سليم..ف ينبسطوا و يقولوا تحاليل الوزارة دي أي كلام و ميسألوش تاني!
💧دي بتبقي مشكلة كبيرة، عشان الطفل عنده مرض ال PKU لكن الغدة الدرقية سليمة! و أي تأخير في علاج المرض ده بيأثر علي نمو الطفل و درجة ذكائه و بيسبب علي المدي الطويل التخلف العقلي!

دامت أطفالكم بخير 💖 💕



🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

السلام عليكم ورحمة الله وبركاته خبر لا بد من التبيه له لأخذ الحيطة والحذر جدري القرود مرض بداء انتشاره بشكل ملحوظ وهناك ...
17/08/2024

السلام عليكم ورحمة الله وبركاته
خبر لا بد من التبيه له لأخذ الحيطة والحذر
جدري القرود مرض بداء انتشاره بشكل ملحوظ وهناك وفيات حصلت في أوروبا من هذا المرض .
جدري القرود (بالإنجليزية: Monkeypox)، أو ما يعرف بجدري النسناس، هو مرض نادر ينتج عن الإصابة بفيروس جدري القرود، وهو مرض يشبه مرض الجدري (بالإنجليزية: Smallpox) الذي يسببه فيروس فاريولا (بالإنجليزية: Variola Virus)، ولكن لا يعد جدري القرود قاتلاً كما هو الحال عند الإصابة بالجدري☠️

حديثاً، ازداد عدد الإصابات بمرض جدري القردة مختلف أنحاء العالم، الأمر الذي جعل منه مصدر للقلق لدى العديد من الأفراد خوفاً من أن يصبح وباء عالمي، كما حصل لفيروس كورونا الجديد🥺😢

💢الأعراض.....
فترة حضانته قد تطول لمدة 21 يوم كاملين، قبل ما تبدأ تظهر عليك الأعراض المميزة له، اللي هي بتبدأ بمزيج من الحمى والصداع وآلام العضلات وآلام الظهر والقشعريرة والإرهاق وتضخم الغدد الليمفاوية.. زي برد المروحه كده 😏

وبعد ما تجيلك الحمى، هتبدأ تظهر السمة المميزة للمرض، اللي هي بتكون عبارة عن طفح جلدي قوي ولونه غامق، في الغالب بيظهر على الوش، وبعدين بينتشر لأجزاء تانية من جسمك اغلبها في بطن اليد والقدم والظهر والبطن زي بالظبط الجديري العادي وعندنا في الأطفال زي اعراض متلازمه اليد والقدم والفم....

💢 طرق انتقاله.....
يمكن للفيروس أن ينتقل من خلال الاتصال المباشر مع الحيوان أو الإنسان المصاب، أو من خلال المواد الملوثة مثل الفراش أو الملابس ممكن حتى اغلفة السرير لذلك الناس اللي تسافر و هتنزل فالفنادق و الشقق المأجرة تاخد بالها . يمكن أن ينتقل أيضًا من إنسان إلى آخر عبر رذاذ التنفس أو ملامسة الطفح.

💢الوقايه والعلاج.....
لا ان شاء الله مفيش علاج ولا حاجه 😌
لا يوجد علاج محدد لهذا المرض مجرد علاجات داعمة زي مسكنات خوافض حراره وادويه الهرش وخلافه بتعلاج اعراض يعني ..

ادعو الله ان يحفظنا ويحفظكم ولا تنسوا الوقاية خير من العلاج 🤲

دامت أطفالكم بخير 💖 💕



🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

مواعيد العياده مع بداية التوقيت الصيفي ⏳ 👨‍👩‍👧‍👦
24/04/2024

مواعيد العياده مع بداية التوقيت الصيفي ⏳
👨‍👩‍👧‍👦

اليومين دول علي غير العاده في هجمه شرسة من النزلات المعوية ع الأطفال 👶 💭 🤮 عند الاطفال 💭هذه نقاط مهمة جداً⬇️⬇️ ماتن...
10/02/2024

اليومين دول علي غير العاده في هجمه شرسة من النزلات المعوية ع الأطفال 👶
💭 🤮 عند الاطفال
💭هذه نقاط مهمة جداً⬇️⬇️ ماتنسوش انه النزلات المعوية تهدد حياة الطفل ...

💊الترجيع ممكن يوقف مرة وحدة بس الاسهال بياخد وقت لحد ما يخف ⌛️ممكن نعطي حقنة للترجيع او حتي في أقراص علي اللسان ممكن نستخدمها

💊لو ترجيع بس من غير اسهال هذه حاجة تقلق🧐 لان في اسباب تانية تسبب غير النزلات زي الانسداد الامعاء او ارتفاع في السكر الدم مع حموضة.

💊 محلول معالجه الجفاف🍶 والزنك مهمين جدا بالذات في منع الجفاف .

💊 النزلات المعويه نادرا ما تحتاج مضاد حيوي💉 والغالب يكون التهاب فيروسي زي الروتا 🦠

💊 الاسهال الشديد يسبب التهابات في منطقة الحفاظ ولازم الام من الاول تدهن مرطب مع كل مره تغيير للحفاظ 💯

💊لو طفلك عنده ترجيع مستمر او اسهال مزمن غير مستجيبين للعلاج يبقي محتاج يعلق محاليل💉 عشان مايخشش في جفاف خاصه السن الصغير 👶يكون اكثر عرضه للجفاف✅️.

دامت أطفالكم بخير 💖 💕


👨‍👩‍👧‍👦
🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

Address

دكرنس شارع العروبه أ الميدان برج الهبه ٢ ناصية شارع الكنيسه , المحمودية الكوبري الجديد مقابل المجلس المحلي
Dikirnis
دكرنسشارعالعروبهأالميدانبرجالهبه٢ناصيةشارعالكنيسه

Telephone

+201220030454

Website

Alerts

Be the first to know and let us send you an email when Samra kid's Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category