https://www.facebook.com/111056211198842/

معمل الصفوة _ Al Safwa Lab, بجوار مسجد ابو العون الكبير, Edfina (2026)

27/12/2025

# # # متابعه لسلسلة بوستات التوعيه

⚠️ ليه السرطان دايمًا بيسبق أى حد بخطوة ؟

أخطر حاجة في السرطان مش قوته أخطر حاجة فيه هي الهدوء و التخفي .. هو مش مرض بيقتحم جسمك فجأة هو خلل بيحصل جوه خلاياك وبياخد وقته الكامل عشان يظهر وفي الوقت ده إنت بتبقى فاكر إنك في قمة صحتك

⏳ طب ليه البدايات مابتوجعش ؟
لأن الألم بيحصل لما العضو يتضرر بشكل كبير أو يضغط على عصب لكن في الأول الخلايا السرطانية بتشتغل بحرفية فائقة و بتسرق الغذاء من الدم وبتعطل رادارات الجهاز المناعي وبتبني لنفسها شبكة أوعية دموية خاصة.. كل ده وصوت جسمك لسه واطي

🔍 طب الإنذارات المبكرة اللى اخلي بالي منها ..

🔹استهلاك الطاقة المفاجئ: يعنى لو بتخس من غير مبرر ده معناه إن جسمك دخل في حالة مجاعة و الخلايا السرطانية الغريبة بتغير كيميا الحرق وبتخلي الجسم ياكل في نفسه عشان يغذي نموها السريع

🔹خداع الإرهاق: الإرهاق العادي بيروح بشوية راحة أو نوم
لكن إرهاق المرض دا هو تعب تقيل بيبقى ناتج عن سموم بتفرزها الخلايا دي في دمك وبتحس إن مجهودك قل للنص من غير سبب واضح

🔹تغيير التضاريس فى جسمك : يعنى أي كتلة في الثدي أو الإبط أو الرقبة أو أي مكان تاني.. طالما ناشفة ومابتوجعش تبقى أخطر بكتير من اللي بتوجع الوجع غالباً التهاب لكن الصمت غالباً نمو غير طبيعي للخلايا دى

🔹اضطرابات الإخراج الطويلة: لو الإمساك أو الإسهال أو الانتفاخ كمل معاك أكتر من شهر ده مش دور برد في المعدة !! ده تغيير في وظيفة الأمعاء لازم يتحقق في سببه فوراً و تكشف عند متخصص

🔹النزيف المستخبي: يعنى دم مع البول أو البراز أو غير مواعيد البريود أو كحة مدممة و مفيش حاجة اسمها بواسير أو جرح بسيط .. أي دم خارج سياقه هو إنذار أحمر ولازم كشف ضروري

🧬 الخلايا السرطانية زي البذرة محتاجة أرض معينة عشان تكبر... طب ايه بيساعدها اكبر و تنتعش ؟ 👇🏼

🔸الالتهاب المزمن اللي بيجي من السكر العالي والزيوت المهدرجة

🔸نقص الأكسجين بسبب قلة الحركة بتخلي الخلايا تعيش في بيئة حمضية بتشجع التورم يزيد

🔸الضغط العصبي اللي بيفرز هرمونات بتوقف عمل الخلايا القاتلة الطبيعية المسؤولة عن تنظيف الجسم من الخلايا المشوهة السرطانية دى

🧠و فى عادات بسيطة جداً لكنها بتدمر دفاعات الجسم ..اللي هى دي 👇👇

🔹تجاهل النوم خصوصاً بالليل لأن الجسم بيفرز ميلاتونين وده أقوى مضاد أكسدة طبيعي بيصلح العيوب الجينية في الخلايا لما مابتنامش إنت بتسيب العيوب دي تتراكم

🔹الاعتماد على المسكنات كدا إنت بتطفي السرينة وتسيب الحريقة شغالة لأن المسكن بيخفي العرض ويخليك تأجل الكشف لحد ما المشكلة تكبر

🔹الأكل الميت زي المعلبات واللحوم المصنعة (لانشون و بيف و هكذا ) فيها مواد كيميائية بتدخل مباشرة في تكوين الخلايا وتغير شفرتها

🥦طب الوقاية تبقي ازاى ! .. و إزاي تجوع المرض وتخنق بيئته عشان تنمو بصعوبه ؟

إحنا مش بنمنع المرض بنسبة 100%، لكن بنخلي جسمنا زي أرض صلبة صعب الاختراق عن طريق 👇🏼👇🏼

🔸صيادين السموم: البروكلي و الجرجير و الكرنب.. فيهم مادة السلفورافان اللي بتساعد الكبد يطرد المسرطنات

🔸مضادات الالتهاب: الكركم (مع فلفل أسود) الثوم والبصل.. دول بيقفلوا السكك اللي الخلايا السرطانية بتمشي فيها

🔸الدهون الذكية: زيت الزيتون البكر والأسماك الدهنية (سردين و ماكريل) بيبنوا غشاء خلية قوي ومحمي

🔸قطع الإمدادات: تقليل السكر والدقيق الأبيض بيحرم الخلايا دي من الوقود السريع اللي بتكبر بيه

🧾 و الحقيقة اللي لازم تواجهها أن السرطان مابيحتاجش يوجعك عشان يكبر هو محتاج وقت وتجاهل منك وهتلاقيه كبر جدا ً
التشخيص البدري بيخلي نسبة الشفاء في أغلب الأنواع تعدي الـ 90% لكن التأجيل هو اللي بيحول المشكلة لكارثة

🛑 ماتستناش لما تتعب عشان تهتم بصحتك. لو حاسس بـ همس جوه جسمك مش مريحك.. روح اطمن.

🌹شارك الكلام ده مع كل اللي يهمك أمرهم لأن الوعي هو أول خط دفاع ✍🏼
#دمتم جميعا بخير
منقول للتوعيه

20/12/2025

********استكمالا لسلسلة بوستات التوعيه *********

👈 من فضلك اقرأ البوست للنهايه 👉

💣🔥⛔️ السرطان مش بيظهر فجأة.
هو غالبًا بيقعد فترة طويلة شغال جوا الجسم… وإنت فاكر نفسك تمام.

في أغلب الحالات،
السرطان ما بيبدأش بوجع
ولا بعرض يخوّف
ولا بحاجة تخلي الإنسان يقف فجأة ويسأل:
🤔 هو أنا تعبان ليه؟

بالعكس،
البداية بتبقى هادية جدًا.
هادية لدرجة إنك تفسّر كل اللي بيحصل
على إنه ضغط
أو إرهاق
أو حاجة وهتعدّي.

وده بالظبط اللي بيخليه خطير ⚠️

الجسم بيحاول ينبه،
بس الإشارات بتبقى خفيفة،
سهلة التفسير،
وسهلة التأجيل.
ومع الوقت… المشكلة تكبر بهدوء ⏳

---

😔 اللي يخوّف بجد
إن أغلب الناس اللي تجاهلت العلامات
ما كانتش مهملة،
ولا مستهترة،
ولا مش واخدة بالها.

كانت فاكرة إنها بتتصرف صح.
وده أخطر نوع تجاهل.

---

خلّينا نتكلم بهدوء عن العلامات
اللي ما ينفعش تتساب،
مش علشان نخوّف،
لكن علشان نفهم 👇

⚠️ لو الوزن بدأ ينزل
من غير دايت
ومن غير تغيير حقيقي في الأكل أو الحركة،
ده معناه إن الجسم دخل في نمط استهلاك غير طبيعي.
في بعض الحالات،
الخلايا غير الطبيعية بتغيّر طريقة الجسم في استخدام الطاقة،
فالجسم يبتدي يستهلك نفسه
حتى لو الأكل كويس.

⚠️ ولو التعب بقى ملازمك طول اليوم،
تصحى بيه
وتنام بيه
والراحة ما بقتش تفرق زي الأول،
ده مش إرهاق عادي.
ده غالبًا علامة على التهاب مزمن
وسحب طاقة مستمر من غير ما تحس.

⚠️ أي كتلة جديدة في الجسم
أو تغيّر في نسيج موجود
سواء في الثدي
أو الرقبة
أو الإبط
أو الخصية
أو أي مكان ما كانش موجود قبل كده،
حتى لو صغيرة
وحتى لو مش بتوجع
لازم تتشاف.
📌 لأن القاعدة الطبية واضحة:
أي حاجة جديدة محتاجة تقييم.

⚠️ النزيف غير المعتاد
زي دم مع البراز
أو دم في البول
أو نزيف مهبلي خارج الدورة
أو بعد سن اليأس،
ما ينفعش يتحسب بسيط
ولا يتغطّى بمسكّن
ولا يتأجّل.

⚠️ وكمان أي تغيّر مستمر في الهضم أو الإخراج،
إمساك أو إسهال مكمل
أو انتفاخ وإحساس بعدم راحة
لو كمل أكتر من 3 أسابيع،
لازم يتقيّم
حتى لو شكله قولون.

---

❗ المشكلة مش في العلامات.
المشكلة في اللي بيحصل بعدها.

نستنى شوية.
نأجّل الكشف.
نقنع نفسنا إنها هتعدّي.
ونكمّل حياتنا.

واللي قليل يعرفه
إن السرطان مش محتاج وجع علشان يكبر،
هو محتاج وقت ⏳

---

🧬 فيه معلومة مهمّة لازم تتقال بوضوح:
السرطان مش خلايا بس.
السرطان بيئة.

بيئة فيها التهاب مزمن،
وسكر عالي،
وضغط عصبي مستمر،
ونوم قليل،
وأكل بيجهد الجسم.

في البيئة دي
أي خلية مش مظبوطة
تلاقي فرصة إنها تكبر.
ونفس الخلية
ممكن تفضل ساكتة سنين
في جسم تاني.

---

🧠 فيه عادات يومية ناس كتير بتعملها وهي مطمّنة،
مع إنها بتضغط على الجسم بهدوء
ومن غير ما تسيب أثر فوري.

زي إنك:
تتعود تنام قليل
وتقول “هعوض في الويك إند”،
مع إن الجسم ما بيعوّضش النوم
والالتهاب يفضل شغال.

تسيب جسمك فترات طويلة
من غير أكل حقيقي،
وبعدين تعوّض بسكر أو قهوة ☕
فترفع الإنسولين
وتضغط الخلايا أكتر.

تعيش شهور
على مسكنات خفيفة
لوجع رايح جاي،
من غير ما تسأل
هو الوجع ده ليه مكمل؟

تأجل الكشف
مش خوف…
لكن علشان “مش فاضي دلوقتي”،
ومع الوقت
التأجيل نفسه يبقى عادة.

تفتكر إن التحاليل الطبيعية
معناها إن كل حاجة تمام،
مع إن في مشاكل
ما بتبانش بدري في الدم.

العادات دي
مش بتعمل سرطان.
لكن لما تتكرر
بتسيب الجسم
من غير إنذار حقيقي
ولا فرصة تصحيح بدري.

---

🍽️ نيجي بقى للأكل،
علشان النقطة دي دايمًا بتتلخبط.

الأكل مش علاج للسرطان،
ومفيش أكل “بيقتل خلايا سرطانية”.
لكن الأكل ليه دور كبير
في تهدئة الالتهاب
وتقليل الضغط على الجسم
وعدم خلق بيئة مساعدة للمشكلة.

🥦 الخضروات الخضرا
زي البروكلي والكرنب والجرجير
بتساعد الجسم يتخلّص من مواد ضارة
وتقلل الالتهاب،
وطبق متوسط منها
3 أو 4 مرات في الأسبوع
كفاية جدًا.

🍅 الطماطم، خصوصًا المطبوخة تسوية خفيفة،
غنية بمضادات أكسدة مهمّة،
وثمرة أو اتنين في اليوم
أو صلصة خفيفة كام مرة في الأسبوع
فرقها حلو.

🧄 الثوم والبصل
بيقللوا الالتهاب
وبيساعدوا الجسم يتعامل مع الضغط الداخلي،
وفص أو فصين في اليوم
من غير مبالغة.

🍵 الشاي الأخضر
كوباية أو اتنين من غير سكر
يساعد يقلل الإجهاد التأكسدي.

🫒 زيت الزيتون البِكر
ملعقة أو اتنين كبار في اليوم
بدل الزيوت التقيلة
فرقها واضح على المدى الطويل.

🐟 والسمك
زي السردين أو التونة أو السلمون
مرتين في الأسبوع
يدعم الجسم ويقلل الالتهاب.

وفي المقابل 🚫
السكر الأبيض
والمشروبات المُحلّاة
واللحوم المُصنّعة
والمقليات والزيوت المهدرجة
والكحول
كلهم مع التكرار
بيخلقوا بيئة مرهقة
وأخطر على الخلايا.

---

🧾 الخلاصة اللي لازم تفضل في بالك:
السرطان
مش لازم يوجع،
ومش دايمًا يبان بدري،
ومش بييجي فجأة.

الجسم دايمًا بيبعت إشارات.
والتجاهل
هو اللي بيحوّل حاجة
كان ممكن تتلحق
لمشكلة كبيرة.

🛑 الكلام ده مش موجه لناس تعبانة.
🛑 الكلام ده موجه لناس فاكرة إنها تمام.

✨ ولو تعرف حد شكله كويس
بس حاسس إن في حاجة مش مظبوطة،
ابعت له البوست ده دلوقتي.
ممكن يفرق أكتر ما تتخيّل.

18/12/2025

بينما انت تدور فى دوامة الحياه
تستيقظ وتعمل وتعمل وتلهو
ربما يكون بداخل جسدك خليه نافره غير طبيعيه تتكاثر فى صمت بلا وظيفة محدده فقط تتكاثر
انت تعمل بكامل طاقتك وكل حيويتك وقمة نشاطك
وهى ايضا تعمل فى صمت تام بلا الم او اعراض او ادنى مشاكل صحيه
تنمو بلا ادنى تحكم من أجهزتك وكأنها خلية متمرده ابت الا ان تكون تنظيما مستقلا
لقلب نظام الحكم بداخل جسدك
انت تعمل بنشاط وطاقه وهى ايضا تعمل بجد تنمو وتتكاثر وتزداد يوما بعد يوم
حتى تصل الى قمة نشاطها واقصى طموحاتها لتملك السيطره على احد اعضاءك
فيصبح العضو غير قادر على آداء وظيفته داخل الجسد
فتبدأ بالشعور ببعض الخلل
ربما اعراض ما قد يفسرها الطبيب بطريقه صحيحه
وقد يعالج العرض ويفشل فى ايجاد السبب
ليتركه يتوغل فى جسدك وينتشر بنظام تام ليسيطر على باقى أعضاء جسدك
عندئذ فقط قد تستمع لكلمات الطبيب لتزلزل الارض تحت قدميك
انت مصاب بورم سرطانى قد يكون منتشرا بين اعضاءك
لتظهر لك النهايه قريبة جدا وكأنها بين عينيك
هنا فقط تتجلى وتظهر معنى جملة
الاكتشاف المبكر = حياه
تابعونا اصدقائى فى سلسلة من بوستات التوعيه بكيفية الكشف المبكر
عن بعض الاورام (حفظكم الله جميعا )
# # دمتم بخير

14/11/2025

للاسف افعال كتير بنعملها ممكن تؤذى اطفالنا دون علم
عادات سيئه قد تودى بحياة طفل لا حول له ولا قوة بسبب جهل اهله
زى رفع الطفل لاعلى او هز الطفل فى الغربال واللى ممكن تسبب نزيف للمخ
واحيانا قد تؤدى لوفاته 😥
===================================================
حاله النهارده طفل عمره 10 أيام مامته جايباه للإطمئنان عشان إصفر شويه بعد الولادة وطلع عنده نزيف علي المخ بسبب الاهل !

الصفرا اللي بتبدأ من بعد أول يوم دي إحنا بنسميها صفرا فسيولوجية ، بتبقي غالبا نتيجة إن البيبي مرضعش كويس أو كمية اللبن عند الأم قليلة .
بدأنا نفحص الطفل الفحص الروتيني بتاعنا ، الطفل مستوى الوعي عنده منخفض والرضاعه بتاعته سيئه جدا ومش مستجيب معانا للتنبيه والمؤشرات الحيويه بتاعته كلها نازله سواء تشبع الدم بالاكسجين أو النبض و ضغطه ودرجة حرارته قليله مع شحوب بالوجه وبرودة بالاطراف ملحوظة جدا ؛ يعني الموضوع بيدي إحتمال حاجه أكبر من الصفرا او الولد دخل في صدمه بسبب ميكروب بالدم مثلا لكن مبدئيا خلينا نحافظ علي حياته لحد ما يتم التشخيص الدقيق
بدأنا سريعا ندي أدويه الصدمة مع الأكسجين وأدوية معينه بتمنع هبوط الدوره الدموية ،الطفل إلى حد ما بدأ يفوق معانا وبدأنا رحلة البحث عن التشخيص وبعدها العلاج ، في الحالات اللي زي كده بنفكر في أسباب زي نقص في الصفائح الدموية أو نزيف داخلي او انيميا تكسيريه أو ارتفاع سيولة الدم نتيجة نقص عوامل التجلط في الدم وده بيكون غالبا في البيبيهات ناقصي النمو أو ممكن لأسباب وراثية ..

فحصنا الولد تاني وسألنا الأهل هل حصل نزيف من أي مكان أو الولد رجع دم مثلا او فيه تغيير في لون البول أو البراز ، والأهل اجابوا بالنفي ..
طلبت من الممرضة لما تغيرله البامبرز توريني الحمام بتاعه وللأسف زي ما توقعنا كان فيه دم كتير ف البراز ..
سحبنا للبيبي صوره دم و تحاليل كامله طلعت الانيميا وصلت نسبة الهيموجلوبين ل 6 مع ميكروب بالدم ..
بسرعة طلبنا للولد دم وبلازما عشان نصلح الأنيميا والميكروب اللي في دمه وبدأنا نفكر في السيناريو المحتمل الأسوأ (نزيف في المخ )

طلبنا اشعه مقطعيه على المخ وقبل ما الاهل يروحوا يعملوها الطفل بدأ يتشنج مع الأسف وده ييأكد بنسبة كبيرة احتمالية النزيف ودي فعلا كانت نتيجة الاشعه المقطعيه لما طلعت، بس بفضل ربنا إن النزيف مكانش واخد مساحه كبيره في المخ و بدانا نسأل نفسنا إيه اللي يخلي طفل في العمر دا يجي بنزيف في المخ اكيد موقعش من السطح مثلا ! ولو كان وقع من إيد أهله كانوا هيعرفونا وكانوا يجوا بيه جري في وقتها !!
المهم دلوقتي إن التشخيص تم تأكيده shaken baby syndrome أو" متلازمه الطفل المهزوز " نتيجه الغربله او الهشتكه العنيفه في عمر أيام دي المهم بدأنا نتحرك سريعا في اتجاهين أولا التعامل مع النزيف بحيث يبدأ حجمه يقل ، و ف نفس الوقت نصلح السيولة العاليه ف الدم عشان ميحصلش نزيف أكتر والطفل يمو.ت مننا فجأه .

بدأنا ندي للطفل محلول اسمه مانيتول وده بيستخدم للتعامل مع بعض حالات النزيف بالمخ وبيقلل حجمه ، في نفس الوقت اللي كنا بندي الدم والبلازما والمضادات الحيويه والمحاليل وعلاجات التشنجات وبنتابع العلامات الحيويه كل ساعة ..
بلغنا استشاري المخ والأعصاب وطلب نكمل على نفس البروتوكول اللي ماشيين عليه مع وضعه تحت الملاحظة المستمرة ..

الولد بعد 5 ايام معانا بدأ يستقر ، والتشنجات وقفت والانيما والسيولة اتصلحوا والعلامات الحيوية اتظبطت وبدأ الرضاعة والتنفس الطبيعي طلبنا اشعه مقطعيه جديده وبفضل الله مفيهاش حاجه ، وبعدها بيومين الأهل جم عشان يستلموه من الحضان
كان أول سؤال سألناه للأهل لما جم : انتوا عملتوله سبوع ؟
وبكل سرور وانشراح قالوا ايوه طبعا عملنا سبوع، ده أول طفل لينا ولازم نفرح بيه ..
وطبعا حطيتوه في الغربال وغربلتوه ؟
وبانشكاح أكبر من الاولاني : طبعا غربلناه عشان يطلع قلبه جامد !!

طيب يا جماعة اللي انتوا عملتوه ده أقذر حاجه ممكن تتعمل للبيبي اللي لسه مولود وده كان السبب إن الولد يحصل عنده تكسير في كرات الدم الحمرا والصفايح واحتمالات كبيره للنزيف ، من اخطرها نزيف المخ لأن البيبي بتبقى الأوعية الدموية للمخ عنده بتبقى هشه جدا وعرضه للتمزق والنزف بسهولة جدا ..وكان ممكن الولد ده يعيش باعاقه بدنيه أو ذهنية أو الاتنين مع بعض طول عمره بسبب الحركة دي ..
الشاهد من القصه : رجاء حار من الأهل بلاش تغربلوا ولادكم وهما هيطلعوا إن شاء الله قلبهم جامد وحلوين وطعمين من غير غربله
# #منقول للتوعيه

13/11/2025

♦ #ملخص مؤتمر حول ((الأمراض الخبيـ.ـثة))😰😱
➪➠ في برلين - ألمانيا بعض النقاط المثيرة للإهتمام؟

1. لا لإعادة إستخدام الزيت*
2. لا للحليب من أصل حيواني* (نيدو)
3. لا لمكعبات ماجي*
4. لا لإستهلاك العصائر الغازية (32 قطعة من السكر لكل لتر)*
5. لا للسكريات المصنعة*
6. لا للميكروويف*
7. لا للتصوير الإشعاعي للثدي قبل الولادة ولكن ممكن إستخدام echomamaire*
8. لا لحمالات الصدر الضيقة جدا أو لبسها بعد العودة من العمل*
9. لا للكحول*
10. لا لإعادة تسخين الوجبات المجمدة*
11. لا لحفظ المياه في الثلاجة في زجاجات بلاستيكية..*
12. جميع حبوب منع الحمل ليست جيدة لأنها تغيير النظام الهرموني للمرأة وتسبب السرطان.*
13. مزيلات الروائح خطرة خاصة عند إستخدامها بعد الحلاقة.*
14. الرضاعة الطبيعية أقل تعريضا للسرطان من الحليب الصناعي*.
15. الخلايا السرطانية تأكل أساسا السكر وكل السكر إصطناعي حتى البني.*
16. مريض السرطان الذي يمتنع عن السكر في نظامه الغذائي يرى أن مرضه تراجع ويمكن أن يعيش طويلا..
السكر = العدو القات.ـل.*
17. يبقى كوب من البيرة 5 ساعات في الجسم وخلال
هذا الوقت أجهزة النظام تعمل بالخمول بسبب هذا الكوب*

♦ ↯↯↯↯↯
1⃣ الخضراوات*
2⃣ العسل بالكميات معقولة بدلا من السكر*
3⃣ البروتينات النباتية مثل الفول بدلا عن اللحوم*
4⃣ إثنين من أكواب من الماء على معدة فارغة قبل تنظيف الأسنان وعند الإستيقاظ الشرب من المياه المحفوظة في الغرفة التي لها نفس درجة حرارة الغرفة*
5⃣ وجبات غير مسخنة*

6⃣ لمكافحة السرطان
❍ #عصير:*
*الصبار + الزنجبيل + البقدونس + الكرفس + برومالين (منتصف الأناناس).. إمزجها وإشربها على معدة فارغة*.

7⃣ غيرها من العصائر المضادة للسرطان: كوروسول (بدون بذور) + برومالين*.
8⃣ أكل الجزر الني أو المطبوخ أو عصيره كل يوم.

♦ #وقد أعطت جمعية الأطباء الاوروبيين إجابات
على سبب السرطان:*
1⃣ *لا تشرب الشاي في كوب من البلاستيك*
2⃣ *لا تأكل أي شيء ساخن في ورقة أو كيس من البلاستيك. مثال: البطاطا (المقلية)*.
3⃣ *لا تستخدم البلاستيك في المايكروويف*

♦ #للتذكير:*
*عندما يكون البلاستيك في اتصال مع الحرارة وهذا يخلق المواد الكيميائية التي يمكن
➪➠أن تسبب 52 أنواع من السرطان.*

*➪➠تجنب شرب الكوكا كولا على الأناناس أو بعد أن أكلت الأناناس كحلوى.*
*➪➠لا تخلط عصير الأناناس مع كوكا.*
*➪➠هذا الخليط قا.ت.ـل!*
*➪➠الناس يمـ ـوتون هناك ويعتقدون خطأ أنهم كانوا
مسـ ـمومين.. كانوا ضحايا جهلهم من هذا الكوكتيل القا.تل!*

*♦ هامة:*
*👈الرد على المكالمات بإستخادم الأذن اليسرى*.
*👈 لا تأخذ الدواء مع الماء البارد*
*👈 لا تأكل وجبات ثقيلة بعد الساعة 5 مساء.*
*👈شرب المزيد من المياه في الصباح وأقل في الليل.*
*👈لا تستلقي مباشرة بعد تناول الدواء أو بعد الوجبات.*
*👈عندما تصبح بطارية الهاتف منخفضة لا تجيب على الهاتف لأن الإشعاع هو 1000 مرة

منقـ....ــول ...
♦ٳنفع بها غيرك.. وشاركها.ولاتنسى الصلاة على النبي♥
دمتم بخيررر♡☺

17/10/2025

🔴 منقووول للافادة ً 🔴
🟢في السنوات الأخيرة، لاحظنا زيادة مقلقة في معدلات ، وبالأخص أورام القولون والمستقيم…
🔵 ومن واقع خبرات الأطباء المتخصصين في هذا المجال، حبيت أشارك معاكم مجموعة من النصائح اللي ممكن تقلل من خطـ ورة الإصابة وتحافظ على صحتكم وصحة أهلكم:

1️⃣ الصيام المتقطع ليه دور كبير في تنشيط الجسم وتنظيفه من الخلايا التالفة، وفي أبحاث عالمية أخدت جوائز بتأكد ده.

2️⃣ السكر الزائد بيغذي الخلايا السرطانية، قلّله بقدر ما تقدر.

3️⃣ حاول تعتمد على أكل البيت، حضّر وجباتك بنفسك بدل الأكل الجاهز.

4️⃣ الإكثار من الخضروات والفاكهة، مع غسلها جيدًا بمياه وخل.

5️⃣ اشرب مياه نظيفة – إما معدنية من مصدر موثوق أو من فلتر بصيانة منتظمة.

6️⃣ قلل استخدام الميكروويف، والأفضل تناول أكل طازج.

7️⃣ الزيت المستخدم للقلي ما يتكررش! استخدمه مرة واحدة فقط وتخلص منه.

8️⃣ لو بتدخن، دي فرصتك تبطّل. صحتك أهم.

9️⃣ حرّك جسمك بأي طريقة – مش لازم جيم، حتى المشي مفيد.

🔟 النوم الكافي ليلاً أساسي لصحة الجسم والمناعة.

1️⃣1️⃣ العصائر المعلبة مش بديل صحي، اعمل عصير طبيعي في البيت.

1️⃣2️⃣ المشروبات الغازية مضرة، حاول تبعد عنها نهائيًا.

1️⃣3️⃣ ما تحطش فتلة الشاي أو الكيس في المية السخنة، فضي المحتوى بس.

1️⃣4️⃣ تجنب الشرب في أكواب بلاستيك مع مشروبات سخنة.

1️⃣5️⃣ لو بتشرب قهوة، خليك في القهوة السادة وابعد عن الكريمر والأنواع المصنعة.

1️⃣6️⃣ لو معدتك قوية، تناول الثوم النيء بشكل يومي كمضاد أكسدة طبيعي.

1️⃣7️⃣ خزّن المياه في زجاج أو في زجاجات بلاستيك آمنة (رقم 5 هو الأفضل).

1️⃣8️⃣ قلّل اللحوم المصنعة قدر الإمكان – زي اللانشون والسوسيس والبرجر الجاهز.

1️⃣9️⃣ خفف الأكل الثقيل بالليل، وخلي وجبتك خفيفة وسهلة الهضم.

🔚 الصحة كنز، والوقاية دايمًا أحسن من العلاج.

اهتموا بأكلكم، اهتموا بعيلتكم، وكلوا واشربوا بس بشكل واعي وصحي.

💡 ملاحظة أخيرة: في دراسات حديثة بتتكلم عن فوائد الليمون الدافئ في تحسين صحة الجسم والمناعة، خصوصاً في مقاومة الأكسدة، لكن لازم نكون دايمًا حذرين من التهويل أو الاعتماد عليه كعلاج أساسي دون إشراف طبي.

السرطان: مــ رض أم صناعة؟

هل خـ'طر في بالك يومًا أن السرطان قد لا يكون كما يُروَّج له؟ أن وراء هذا المرض المُفزع حكاية طويلة من المصالح والتـ'ضليل؟ في هذا المقال، نكشف وجهًا آخر من الحقيقة، وجهًا يُخفيه الإعلام وتغضّ عنه المؤسسات الطبية الطرف!

🔸 السرطان ليس مرضًا بالمعنى التقليدي، بل هو حالة بيولوجية تتعلق بنقص غذائي حاد، تحديدًا نقص فيتامين B17 أو ما يعرف باسم "الأميغدالين". هذا الفيتامين الطبيعي الموجود في نوى بعض الفواكه وبذور النباتات، قد يكون المفتاح المفقود لفهم هذا المـ'رض المزمن.

💊 مقارنة مع الماضي: درس من التاريخ

في القرون الماضية، كانت السفن تبحر في المحيطات وتحمل معها الم.وت الصامت، حيث كان البحّارة يُفقدون حياتهم بسبب داء "الإسقربوط". لقد أُعتبر هذا المرض قا'تلًا حتى اكتُشف لاحقًا أنه مجرد نقص في فيتامين C.

حينها سقطت "صناعة الإسقربوط"، وسقط معها طمع التجار الذين استغلوا جهل الناس. والسؤال اليوم:

هل يمر السرطان بنفس السيناريو؟

⚠️ السرطان وصناعة الربح

منذ منتصف القرن العشرين، تحوّل السرطان إلى تجارة ضخمة تدر المليارات سنويًا. شركات أدوية، مراكز بحوث، منظمات دولية، كلّها تدور في فلك واحد: "العلاج الكيميائي"، "الجراحة"، "الإشعاع"... لكن هل هو العلاج الحقيقي؟ أم هو جزء من منظومة تجارية كبرى؟

وليس من المستغرب أن يتم حـ'ظر ترجمة كتاب "عالم بلا سرطان - World Without Cancer" للغات عديدة، لأنه يكشف هذه الخفايا.

🌱 فيتامين B17... العلاج المنسي!

ما يُعرف بـ"فيتامين B17" موجود بكثرة في الطبيعة، ولكن تم تجاهله عمدًا. أبرز مصادره:

نوى الفواكه: المشمش، التفاح، الخوخ، الكمثرى، البرقوق.

اللوز المر (أغنى مصدر طبيعي للفيتامين).

براعم القمح (عشبة القمح) – وتُعتبر مضادًا قويًا للسرطان لغناها بالأوكسجين ومركب "لايترايل".

البقوليات: العدس، الفول، الحمص، الفاصولياء.

بذور التوت بأنواعه.

بذور الكتان، السمسم، الذرة، الشعير، الجودار، والدخن.

الدكتور "هارولد مانر" أشار في كتابه "نهاية السرطان" إلى أن العلاج باستخدام "لايترايل" حقق نسب نجاح تفوق 90%.

🧼 المخاطر الخفية في حياتنا اليومية

قد لا نتناول السـ.م مباشرة، لكننا نستهلكه دون وعي...

سائل غسيل الأطباق وسوائل تنظيف الأيدي تمتصها الأطباق ولا تزول بسهولة، وتلتصق بالطعام الساخن الذي نتناوله!

غسل الخضروات بهذه المواد الكيميائية يتيح للمركبات السـ'امة التسلل إلى أنسجتها، ولا يُزيلها حتى الماء المتكرر.

🔹 الحل؟

نقع الفاكهة والخضار في ماء مضاف إليه ملح أو خل، ثم شطفها جيدًا. ويمكن تقليل أثر المنظفات بإضافة القليل من الخل إلى عبواتها.

✔️ الوقاية خير من العلاج

في عالم كثُر فيه التلاعب بالحقائق، أصبح من الضروري أن نُعيد النظر في كل ما نستهلكه ونصدّقه. السرطان ليس قدرًا حتميًا، بل كثيرًا ما يكون نتيجة تراكم للسـ'موم، وسوء تغذية، وتجاهل لأساسيات الوقاية.

💛 تذكّروا: الجهل لا يعفي من الخـ'طر. والمعرفة قد تنقذ حياتكم وحياة أحبائكم.

🔸 شاركوا هذا الوعي. لعلّ كلمة بسيطة توقظ ضميرًا، أو تنقذ روحًا.
اذكروا الله ولو بلسانك

ولا تنسوا الصلاة على النبي

16/10/2025

ثقافة صيدلانية | الفرق بين أنواع البنادول 💊
Panadol

يا جماعة البنادول ما نوع واحد! 😅
كل لون عندو تركيبة مختلفة واستخدام محدد 👇

🔹 1️⃣ البنادول الأزرق – Panadol Original / Advance
يحتوي على Paracetamol 500 mg
✅ يستخدم لتخفيف الصداع، الحمى، وآلام الجسم الخفيفة.
🔸 آمن للحامل، ولمرضى الضغط والقرحة والربو.

🔹 2️⃣ البنادول الأحمر – Panadol Extra
يحتوي على Paracetamol 500 mg + Caffeine 65 mg
✅ مفيد في ألم الأسنان، الدورة الشهرية، والصداع.
⚠️ لكن ما يُنصح به لو الصداع سببو الإرهاق أو قلة النوم لأن الكافيين ممكن يزيد الحالة.
ويُستخدم بحذر لمرضى الضغط والقلب.

🔹 3️⃣ البنادول الأخضر أو الأصفر – Panadol Cold & Flu
💊 يحتوي على Paracetamol + Phenylephrine
🟩 الأخضر فيه مضاد هستامين (Chlorpheniramine) وبيسبب النعاس.
🟨 الأصفر ما بيسبب نعاس.
✅ يُستخدم لنزلات البرد، الزكام، احتقان الأنف.
⚠️ يُمنع لمرضى الضغط غير المسيطر عليه.

🔹 4️⃣ البنادول الليلي – Panadol Night
يحتوي على Paracetamol + Diphenhydramine
✅ مفيد للصداع أو الألم اللي بيخليك ما تنوم.
⚠️ ما يُستخدم مع المنومات أو خلال النهار.

💡 ملاحظات مهمة:

• كل أنواع البنادول فيها باراسيتامول، فـ أوعى تاخد أكتر من نوع مع بعض.�(الجرعة القصوى اليومية = 4 جم ≈ 8 أقراص 500 mg).
• تجنب شرب القهوة أو مشروبات فيها كافيين مع البنادول الأحمر.
• البنادول آمن أثناء الحمل والرضاعة بالجرعة الموصى بيها.

📚 المصادر العلمية:
1️⃣ GSK Panadol Product Monographs (2024)
2️⃣ British National Formulary (BNF) – 2025
3️⃣ UpToDate: Paracetamol drug information (2025)
4️⃣ FDA – OTC Analgesic Safety Update (2024)
5️⃣PH. Aldaw Ahmed

#صيدلاني
#توعية
#طبيب
#تمريض

04/10/2025

💡 تحليل CRP: مؤشر أبعد من مجرد "عدوى"! 🤯

اتعودنا في المعامل أن نربط تحليل C-Reactive Protein (CRP) بالتهاب أو عدوى حادة.

لكن العلم الحديث غيّر هذه النظرة، وأثبت أن CRP هو كاشف واسع المدى للالتهابات المزمنة، خاصةً فيما يتعلق بـ القلب والأوعية الدموية.

التركيز على حساسية الـ CRP العالية (hsCRP) هو المفتاح هنا.

* التهاب الشرايين: ارتفاع الـ hsCRP حتى لو كان بسيطاً، يشير إلى وجود التهاب مزمن في جدار الأوعية الدموية.

* تصلب الشرايين: هذا الالتهاب المزمن يسرّع عملية تكوين الترسبات الدهنية (Plaques)، مما يزيد من خطر الإصابة بـ أمراض القلب التاجية.

لهذا السبب، أصبح hsCRP أداة قيمة لـ تقييم خطورة أمراض القلب، ويُستخدم جنباً إلى جنب مع عوامل الخطر التقليدية مثل الكوليسترول والضغط.
متى يرتفع CRP؟ القائمة أطول مما تتخيل!
CRP ليس خاصاً بالعدوى البكتيرية أو الفيروسية فقط، بل يرتفع في حالات التهابية متعددة غير معدية:
* أمراض المناعة الذاتية (مثل التهاب المفاصل الروماتويدي).
* بعض الأورام الخبيثة.
* الحالات المرتبطة بـ السمنة ودهون الكبد غير الكحولية (NAFLD)، حيث يُعد مؤشراً على التهاب الأنسجة الدهنية.
ازاي نقرأ النتيجة عملياً؟
* ارتفاع شديد ومفاجئ: غالباً يشير إلى التهاب أو عدوى حادة (تحتاج علاج فوري).
* ارتفاع بسيط أو متوسط ومستمر: قد يكون إنذاراً لوجود التهاب مزمن خفي، مرتبط بمشاكل قلبية أو مناعية تتطلب المتابعة.

تحليل CRP أوسع من مجرد استجابة حادة. هو بمثابة ترمومتر الالتهاب في الجسم، ويكشف لنا أحياناً عن مشكلات مزمنة خطيرة كالتي تصيب القلب قبل تفاقمها.
#دمتم بخير

30/09/2025

من حوالى ٤ ساعات بالضبط موقع القاهرة 24 أعلن عن غلق فصل بمدرسة الألسن الدولية بسقارة المريوطية نتيجة تفشي ڤيرس HFMD

طبعا لقيت كل الناس بتتساءل عن الفيرس ده وأصابهم الفزع فحبيت فوراً اكتب لكم بوست توضيحي للمرض

المرض اسمه اليد والقدم والفم ، وبيكون بسبب عدوى ڤيروسية تنتشر بين الأطفال

كعادة أي ڤيرس لا يوجد له علاج إنما الأطباء بيوصفوا علاجات تخص رفع المناعة وعلاج الأعراض

الاعراض بتكون :

حمى / إعياء / إلتهاب بالحلق/ بثور تنتشر في تجويف الفم وعلى اللسان / طفح جلدي على راحة اليدين وباطن القدمين وقد يظهر طفح جلدي على الإليتين

الاعراض بتختفي خلال أيام إنما إذا كان الطفل ضعيف المناعة أو عمره اقل من ستة أشهر ، أو امتنع عن تناول الطعام يجب التوجه للطبيب فوراً .

الوقاية من المرض :

عدم الاختلاط مع الأشخاص المصابين
الابتعاد عن التلامس مع افرازات الشخص المصاب بشكل مباشر
غسل الأيدي جيدا جدا
التهوية الجيدة لأن رذاذ العطس أو الكحة معدي
تطهير الفصول والغرف المشتركة
الراحة بالمنزل عند الإصابة
تناول ألبان مبسترة أو سبق غليها وجبن مبستر لانها قد تسبب اعراض تتشابه مع مرض الحمى القلاعية في الحيوانات

دكتورة شيرين علي زكي ✍️

14/09/2025

تحليلات

🔬 تحليل CBC – صورة الدم الكاملة

من أكتر التحاليل اللي بيطلبها الطبيب لأنها بتكشف لنا أسرار كتير عن صحتك… من أول المناعة لحد فقر الدم!

تعالى نحلل سوا مكونات التحليل ده ببساطة 👇

✅ أولًا: كرات الدم البيضاء (WBCs)

🛡️ WBC Count
عدد جنود المناعة اللي بتحارب العدوى!
📊 الطبيعي: 4,500 – 11,000 خلية/ميكرولتر
⬆️ عدوى – التهاب – أدوية
⬇️ فيروس – نقص مناعة – مشاكل في نخاع العظم

🔍 WBC Differential – العدّ النوعي
ده بيقسّم لك كرات الدم البيضاء لأنواع، وكل نوع بيزودنا بمعلومة:

Neutrophils: 40 – 60% ⬆️ = عدوى بكتيرية

Lymphocytes: 20 – 40% ⬆️ = عدوى فيروسية

Monocytes: 2 – 8% ⬆️ = التهاب مزمن

Eosinophils: 1 – 4% ⬆️ = حساسية أو طفيليات

Basophils: 0.5 – 1% ⬆️ = حالات نادرة لكن مهمة

✅ ثانيًا: كرات الدم الحمراء (RBCs) والهيموجلوبين

❤️ RBC Count
بتنقل الأكسچين وتخلّص الجسم من ثاني أكسيد الكربون
📊 الطبيعي:
▪️ رجال: 4.5 – 5.9 مليون/ميكرولتر
▪️ نساء: 4.1 – 5.1 مليون/ميكرولتر
⬇️ أنيميا ⬆️ أمراض مزمنة أو جفاف

🔹 Hemoglobin (Hb)
ده البروتين اللي جوه كرات الدم الحمراء، هو المسؤول الأساسي عن حمل الأكسچين في الدم.
📊 الطبيعي:
▪️ رجال: 14 – 17.5 جم/ديسيلتر
▪️ نساء: 12.3 – 15.3 جم/ديسيلتر
⬇️ نقصه = علامة شائعة للأنيميا، وشدته بتحدد نوعها

🔹 Hematocrit (HCT) :
بيقيس نسبة كرات الدم الحمراء من حجم الدم كله.
📊 الطبيعي:
▪️ رجال: 41.5% – 50.4%
▪️ نساء: 35.9% – 44.6%
⬇️ نقص حديد
⬆️ممكن يكون فيه جفاف أو حاجة تانية محتاجة متابعة.

🔹 MCV – متوسط حجم كرات الدم
بيقولنا الكرات دي حجمها قد إيه.
📊 الطبيعي: 80 – 96
⬆️ كبير؟ نقص B12 أو فوليك
⬇️ صغير؟ أنيميا نقص الحديد

🔹 MCH – كمية الهيموجلوبين في كل كرة دم
التحليل ده بيقيس قد إيه كل كرة دم حمراء شايلة هيموغلوبين بشكل متوسط.

📊 الطبيعي: 27 – 33 بيكوچرام
⬇️ نقص حديد
⬆️ نقص فيتامينات زي B12 أو فوليك ....

🔹 MCHC – تركيز الهيموجلوبين في كرات الدم

يقيس تركيز الهيموغلوبين داخل حجم معيّن من كريات الدم الحمراء.
📊 الطبيعي: 32 – 36 جم/ديسيلتر
⬇️ ممكن تشير لنقص حديد
⬆️يكون فيه جفاف أو حالات معينة من الأنيميا.

🔹 RDW – تباين حجم كرات الدم
التحليل ده بيشوف كرات الدم حجمها منتظم ولا مختلفة عن بعضها
الاختلاف الكبير في الحجم ممكن يساعد الطبيب يعرف نوع الأنيميا أو يشك في مشكلة في إنتاج الدم.

📊 الطبيعي: 11.5 – 14.5%
عالي؟ = فيه تفاوت واضح ⬅️ أنواع معينة من الأنيميا

✅ ثالثًا: الصفائح الدموية (Platelets)

🩸 Platelet Count
مهمين لتجلط الدم ووقف النزيف
📊 الطبيعي: 150,000 – 450,000
⬇️ = خطر نزيف | ⬆️ = التهابات أو مشاكل تجلط

📏 MPV: متوسط حجم الصفائح
📊 الطبيعي: 7.5 – 11.5 فمتوليتر
⬆️ = صفائح نشيطة | ⬇️ = خلل في الإنتاج

📊 PDW: تفاوت حجم الصفائح
📊 الطبيعي: 9 – 14%
⬆️ تباين كبير؟ اضطراب تجلط أو التهابات

🧠 ليه الترتيب ده مهم؟

لأن التحليل ده زي Puzzle 🧩
الطبيب بيجمع القطع مع بعض علشان:

يحدد نوع الأنيميا
يقيّم المناعة
يتابع حالة نخاع العظم
يكتشف التهابات أو أمراض مزمنة
#تحاليل

#صحة
#طب
#تشخيص
#فارما

#معلومة

13/08/2025

لاننا عارفين ..انك ....تعبان 😣
دايخ وحزين
دايما مرهق ...كسلان ...وضعيف
مش عارف ايه فيك ..... لكن عارف انك ......تعبان
محتار 🤔 انا لسه صغير ....ليه حاسس انى كبير
مش قادر تاخد نفسك
وبتتعب من اقل مجهود😓
جايين نقولك اننا فعلا حاسين بيك
هنساعدك تفصل وتحدد وتوضح مشكلتك فين
وهنقدملك عرض العروض لمدة أسبوع
من السبت ٨/١٦ ولحد الخميس ٨/٢١
٣ تحاليل هتوضح حالتك وتقول بصراحه
مشكلتك فين
تحليل صورة دم كامله
تحليل مخزون الحديد
تحليل فيتامين د
فقط ولمدة محدودة جدا
ب ٣٦٠ ج
العرض ما يتفوتش ، الحق قبل الفرصه ماتفوتك
والفرصة ماتتعوضش
أسأل علينا .....اكيد هتلاقينا
معمل الصفوة ، ادفينا بجوار مسجد ابو العون الكبير

06/08/2025

شايف الصورة دي؟
مش لقطة من فيلم رعب… ده مريض بالكزاز (التيتانوس)، مرض قاتل ممكن يبدأ بـ “جرح صغير بس محصلش له تطعيم”!

👈 الكزاز سببه بكتيريا خطيرة جدًا اسمها Clostridium tetani، موجودة في التربة والحديد القديم زي المسامير والآلات الزراعية.
ولما تدخل جسمك من جرح، حتى لو بسيط، بتبدأ تفرز سم قاتل بيخلّي كل عضلة في جسمك تتشنج بقوة… لدرجة إن الضلوع ممكن تتكسر!

🚨 تخيل الألم؟
صوت خفيف أو ضوء بسيط يخليه يتلوى من العذاب.
بيتساب المريض في غرفة مظلمة وساكتة، مش عشان الراحة… لكن عشان أي صوت أو نور ممكن يزوده ألم فوق الألم!
وبيفضل صاحي ومدرك لكل لحظة، لحد ما عضلات الحنجرة تتقلص… ويغرق في آخر نَفَس!

🎯 وده كله ممكن نتجنبه بـ «تطعيم بسيط»
لو اتجرحت بمسمار، أو أي حاجة متسخة أو من التربة، لازم تروح الطوارئ فورًا وتاخد الطعم ضد التيتانوس.
مفيش هزار مع المرض ده… الوقاية أهم من العلاج!

📌 اللقاح موجود، ومجاني في أماكن كتير، ومش بيوجعك… بس بيحميك من وجع مالوش وصف!

❤️ احموا نفسكم وأولادكم…
ما تستهونوش بجرح بسيط… لأنه ممكن يكون “بداية النهاية”!

👇 اعمل متابعة للصفحة علشان توصلك كل النصائح دي،
وصلي على النبي ﷺ ❤️
وقولنا في الكومنتات:
هل كنت تعرف خطورة التيتانوس؟ ولو اتعرضت لجرح قبل كده… رحت خدت التطعيم ولا لأ؟ 👇

معمل الصفوة _ Al Safwa Lab

27/12/2025

20/12/2025

18/12/2025

14/11/2025

13/11/2025

17/10/2025

16/10/2025

04/10/2025

30/09/2025

14/09/2025

13/08/2025

06/08/2025

Address

Opening Hours

Telephone

Website

Alerts

Shortcuts

Share

Category

Listing takedown request