عالم التمريض-Nursing world

20/07/2026

مش سهل تلاقي حد كويس يعلمك في المستشفي
شكرا لكل تمريض محترم بياخد بإيد الاصغر منه ومش بيعقده انتوا اضافه للمهنه ✅❤️
منشن لاكتر حد ساعدك بمعلومه وأخد بإيدك في المجال🌚

17/07/2026

العالم مقلوب منذ أسبوعين .
بسبب جراحة نادرة قام بها فريق متخصص لإزالة ورم سرطاني من قاع مخ فتاة أمريكية عندها 19 سنه .

مكان الورم الملتصق بالمخ والنخاع الشوكيّ، جعل من اجراء الجراحة مستحيلة .

ولم يكن امام الاطباء سوي الاستسلام للعجز واعتبار أن حياة الفتاة سوف تنتهي قريبا لا محالة .

إلي ان تم عرض الأمر علي احد جراحي المخ والأعصاب في جامعة ميريلاند، واللي اقترح مسار مختلف لإجراء الجراحه ، عن طريق فتحة في قاع العين .

ورغم استغراب واندهاش جميع الأوساط العلمية ، وتحذيرهم من خطورة الجراحة علي حياة المريضة، ونسبة النجاح لا تتجاوز 5%.

لكن الجراح المصري ، نجح في اجراء العملية في 19 ساعة متواصله ، وازال الورم .

وتم تسجيل مسار الجراحه الجديد ب إسمه .
ليظهر أنه هو الطبيب المصري وجراح المخ والأعصاب .
البروفيسور محمد لبيب.

فخر العقول المصرية❤️

دكتور محمد لبيب نموذج مشرف ونفتخر بية كلنا وهو نمبروان الحقيقي ❤️❤️🤍🤍🤍💙💙💙

14/05/2026

اخر نصيحه علشان ابرئ زمتي منكم قدام ربنا اوعي تبقي سنجل لو انت مهتم تدخل المجال الطبي سواء دكتور تمريض صيدلي اي حاجه اعمل حسابك انك تدخل وانت متجوز لانك ببساطه لو دخلت وانت سنجل ف خد عندك

هتغطي شيفتات كل الاعياد الرسميه والغير رسميه عيد الفطر، الاضحي، العمال، الفلانتين، الكريسماس عيد تحرير سينا ،اي يوم مُصنف كعيد ف النتيجه انت هتشيله والمتجوز هيقعد يرتاح في بيته.

دا غير كمان لو انت متجوز او انتِ متجوزه فانتوا عندكم رصيد اجازات غير منتهي يعني انت لو واحده متجوزه فانت ليكي اجازه 20 شهر اجازه وضع،
و 6 سنين اجازه رعايه طفل، و5 شهور اجاازه رضاعه.

اما لو انت راجل ومتجوز فانت برضو عندك رصيد اجازات غير منتهي خد عندك مراتي حامل، مراتي بتولد ،مراتي بترعي اولاد وعايز ارعي معاها ،ابني تعبان عنده لوز، ابني سخن، في مليون سبب منطقي تاخد بسببهم اجازه ف لو انت ناوي تدخل المجال الطبي اياك تدخل وانت سنجل.
هيطلع واحد يقولي ما انت سنجل اهو😎 هقوله كان نفسي ادخل المهنة وانا مرتبط 😂

28/04/2026

السلام عليكم ورحمه الله وبركاته المنشور منقول
حضرتك انا تمريض ف مستشفى أسوان الجامعي احنا بنات ساكنة ف سكن عباس فريد دلوقتي احنا من شهرين بلغونا أننا نخلي السكن و و نروح سكن الشابات المسلمات و دا ف نفس المكان فيه حضانه دا غير أنه غير آدمي و روحنا شفناه و معانا فيديوهات المكان غير آدمي بالمرة دا غير أنه عبارة عن عنابر و السكن مفيهوش اي إمكانيات بالمرة و لما رفضناه بلغونا أنه خلاص هنجدد مع السكن الحالي
حاليا بقي جات شركة المية من اسبوع قفلت علينا الميه و لما جبنا حد يفتح الميه علشان نروح الشفتات جات شركة الميه مرة تانيه عملوا مشكلة تحت السكن و احنا مرضيناش نفتح السكن علشان هيقفلوا الميه فلوس الميه و لا الايجار الخاص ب السكن ل صاحب السكن و بتوع الميه كانوا بيقطعوها علينا و دلوقتي كسروا محبس الميه منينا خالص يعني احنا قاعدين من غير ميه و محدش بيحل لينا و احنا قاعدين من غير ميه و لما اتجمعنا و روحنا للمدير المدير بيقولنا بكره بالكتير يا تروحوا السكن الشابات اللي رفضتوه ف الاول ي أما تسكنوا علي حسابكم بره
نسكن ازاي وهو بياخد منينا بدل سكن و المفروض أن الحكومة هي اللي موفراه لينا
و قلناله يمشينا بلادنا قال انا مش همشي حد و اللي مش عاجبه يستقيل
من رسائل الصفحه

25/04/2026

22/04/2026

10/10✨

19/04/2026