دكتور/ محمد أشرف جويلي - أخصائي امراض القلب والأوعية والقسطرة القلبية

  • Home
  • Egypt
  • El-Bâgûr
  • دكتور/ محمد أشرف جويلي - أخصائي امراض القلب والأوعية والقسطرة القلبية

دكتور/ محمد أشرف جويلي - أخصائي امراض القلب والأوعية والقسطرة القلبية أخصائى القلب والأوعية الدموية والقسطرة القلبية

الباجور - الشارع الجديد - نزلة الكوبري العلوي - أعلى مقلة حماده

للحجز : ٠١٠١٦١٠٤٣٠٠
للحجز : ٠١٠١٩١٠٥٦٩٥

هحكيلكم حكاية مريضة متخيلتش ان السخونيه اللي عندها من ٣ اسابيع ممكن يكون سببها القلب 👌جاتلي مريضه بالعياده عندها ٣٨ سنه ...
27/08/2026

هحكيلكم حكاية مريضة متخيلتش ان السخونيه اللي عندها من ٣ اسابيع ممكن يكون سببها القلب 👌

جاتلي مريضه بالعياده عندها ٣٨ سنه بتعاني من حرارة مرتفعه جدا ودرجة حرارتها لا تقل عن ٤٠ ..
كانت أخدت مضادات حيوية وخوافض حراره وعملت تحليل بول وكان طبيعي ولا يوجد به صديد او خلافه ..
عملت مقطعية على الصدر وبردو طبيعية لا يوجد بها أي التهابات على الصدر او التهاب رئوي ..

طيب فين المشكله ؟
عملنا ايكو على القلب وتبين وجود عدوى بكتيرية ( infective endocarditis ) على أحد صمامات القلب ( الصمام ثلاثي الشرفات )
المريضه كمان لقينا عندها روماتيزم مزمن على صمامات القلب وهو المتسبب في الالتهاب البكتيري ده وكمان في ارتجاع شديد على الصمام الثلاثي المصاب بالعدوى ..

الحالات دي بتحتاج حجز بالمستشفى وروتين مضاد حيوي قوي بناء على مزارع وفي حالة عدم التحسن بيكون التدخل الجراحي هو الحل ..

الخلاصه أن أي ارتفاع في درجة الحرارة لفترة زمنيه طويله بدون استجابه للأدوية المعتاده يتطلب فحص ايكو لاستبعاد وجود عدوى بكتيرية في صمامات القلب 👌

كل عام وحضراتكم طيبين بمناسبة مولد سيد الخلق أجمعين ♥️
24/08/2026

كل عام وحضراتكم طيبين بمناسبة مولد سيد الخلق أجمعين ♥️

نصائح دكتور قلب في 30 ثانية ✅1_ ( نغزات في صدري يادكتور بتخليني مش قادر اخد نفسي.. وتزيد لو نمت علي جنبي الشمال)= النغزا...
21/08/2026

نصائح دكتور قلب في 30 ثانية ✅

1_ ( نغزات في صدري يادكتور بتخليني مش قادر اخد نفسي.. وتزيد لو نمت علي جنبي الشمال)

= النغزات اللي بتحس بيها في نقط محددة وتقدر تشاور عليها بصباعك وتروح وتيجي.. لا تدل علي مرض بالقلب وغالبا سببها نفسي مع التوتر والقلق والضغط العصبي.. مخيفة وتحسسك انك هتموت بس مش هتموت ماتخافش ده قلبك بيهزر معاك بس..ان شاء الله يعني

2 _ (ضربات قلبي شوية ألاقيها سريعة وشوية ألاقيها بطيئة.. هو الجهاز بيقيس غلط ولا ايه.. انا تعبت! )

= معدل الضربات الطبيعي بيكون من 60 الي 100 مش رقم ثابت _ والمعدل دة في اوقات الراحة والاسترخاء _ ربنا خلقنا علشان نواجه متغيرات الحياة ونتغير ونتأقلم معاها بما يناسب الموقف والجهد المبذول.. وانت نايم ضربات قلبك ممكن توصل للخمسينات إنما وانت بتجري لو ضربات قلبك فضلت 70 ومازدتش.. فدة يدل علي خلل في استجابه القلب في الحالة اللي المفروض ضرباتك تزيد فيها جامد وتعدي ال 100 كمان ..

لما تجري المفروض معدل ضربات قلبك يوصل ل
احسب معايا >>> 220 _ العمر بالسنين =

يعني لو انت سنك 30 سنة المفروض لما تجري ضربات قلبك توصل تدريجيا ل 190 ضربة في الدقيقة _ ودة الشخص الطبيعي _في حين ان لو ضربات قلبك وصلت 170 بدون مجهود فجأة ممكن تدوخ ويغم عليك ويشيلوك علي المستشفى وتعتبر مريض قلب !!! 😂

هبسطهاااالك.. كلنا ضربات قلبنا بتزيد وتقل.. لكن بتزيد امتي وتقل امتي تلك هي المشكلة

3 _ (هو انا لو عندي سكر واملاح ممكن السكر يعادل الملح ومالوش لازمة اخد علاج )

= ممكن طبعا.. بس دة لو انت بتعمل شاي بلبن.. لكن في الجسم الوضع مختلف 😀.. السكر بنحطه في حتة والملح في حتة تانية خالص .الجلوكوز مصدر للطاقة.. عند مريض السكر بيتراكم في الدم ولا يستطيع دخول الأنسجة علشان مافيش انسولين يفتح له البوابات..لكن الاملاح زي الكالسيوم والصوديوم بتتراكم في الكلي وتسبب حصوات.. مابيتقابلوش كتير الحقيقة .. وثم حتي لو اتقابلوا هتتحول لانسان طعمك دلع بس عندك سكر في الدم واملاح في الكلي 🤔

4 _ (شوف اللي جاي دة بقي.. بيقولي انا يادكتور بقيس ضغطي وبقاله اسبوع مايقلش عن 150/100 فقلت " يا أنا يا هو " ..فضلت اشرب كركدية كل يوم واقيس الضغط مابينزلش!!!..زودت الكركدية لغاية لما بقيت اشرب 4 كوبيات في اليوم وجالي اسهال وتلبك معوي والكيكي لونه بقي احمر وضغطي بردو مانزلش !!!..فقولت لا انزل اكشف أنا بقي 😀.. نزل هو والضغط مانزلش 🤝)

= الضغط المزمن لا يمكن علاجه بالكركدية.. واحمد ربنا انك لسة عايش لغاية لما جيت كشفت وخدت علاج حقيقي ينزل الضغط قبل حدوث مضاعفاته الخطيرة علي القلب والمخ والعين والكلي.

5 _ ( انا مركب دعامة دوائية في الشريان التاجي من اسبوع وحاسس انها اتحركت من مكانها وعملالي وجع في الحتة دي.. اهي يادكتور الدعامة تحت ايدي كدة!!!)

= الدعامة لما بتركب بتتنفخ بالبالون إلى ان تمسك في جدار الشريان وماتتحركش تاني من مكانها ولا بالطبل البلدي ولا ينفع تتشال او تتغير..اما بقي انك حسيت بيها فدة لا يمكن لان جدار الشريان الداخلي مافيهوش خلايا حسية اساسا وإلا كنا حسينا بسريان الدم في كل شرايين الجسم.. ودة شئ لا يتحمله بشر سعادتك لانك كنت هتتحول لنافورة متحركة بصوت خرير الماء في كل جسمك... آلام القلب اللي ممكن تحصل مثلا مع الذبحة الصدرية او الجلطة دي نابعة من "عضلة" القلب لما يتوقف عنها الغذاء بالأكسجين نتيجة ضيق الشريان التاجي.. وليس ألم من " الشريان" نفسه يامتعلمين يابتوع المدارس 😉

6 _ ( انا لما بنام بسمع صوت ضربات قلبي في وداني)

= كان زمان الدكتور بيكشف علي المريض/ه بأنه ينام علي صدره ويسمع صوت ضربات قلبه _وودن الدكتور علي صدر العيان _ لغاية لما جة دكتور فرنسي كان بيتكسف شوية اسمه " رينيه لينيك" قالك لا ياعم عيب احط وداني علي جسم واحده ست انا هسمع بالخرطوم من بعيد .. فانتشرت فكرة السماعات الطبية وأتطورت لدرجة ان بقي سهل جدا نسمع ونشوف قلبك كلنا بجهاز الايكو 🖥️.. فمخدت حضرتك وانت نايم احيانا بتقوم بدور السماعة وتوصل الصوت من قلبك لودانك.. وانت اللعبة بتعجبك وبتركز معاها لغاية لما تعملك هسهس في دماغك ماتعرفش تلغيه وتيجي تكشف علشان تطمن😀

وجع في صدرك… تقول يمكن إجهاد.نهجان مع مجهود … تقول يمكن إرهاق.خفقان بييجي ويروح… تقول أكيد من التوتر.وتعدّي يوم… ورا يوم...
18/08/2026

وجع في صدرك… تقول يمكن إجهاد.
نهجان مع مجهود … تقول يمكن إرهاق.
خفقان بييجي ويروح… تقول أكيد من التوتر.
وتعدّي يوم… ورا يوم…
لحد ما تكتشف إن أعراض القلب مش دايمًا بتديك إنذار واضح.
مش كل وجع في الصدر معناه مشكلة في القلب،
لكن في نفس الوقت مش كل وجع ينفع نتجاهله.
الفرق الحقيقي إنك تعرف إمتى العرض محتاج تطمّن عليه،
وإمتى التأخير ممكن مايبقاش في صالحك.

اسمع اللي قلبك بيقوله… قبل ما يصرخ. 🫀

اطمّن، اسأل، واكشف لو فيه أعراض مقلقاك أو متكررة.
لأن دقيقة اهتمام بقلبك النهارده…
ممكن تفرق كتير بكرة.

د/ محمد أشرف جويلي
أخصائي القلب والقسطرة
📍 الباجور - الشارع الجديد - نزلة الكوبري العلوي - أعلى مقلة حماده
📞 للحجز والاستفسار: ٠١٠١٦١٠٤٣٠٠

متقولش أنا لسه صغير ❤️🫀من أكتر الجُمل اللي بسمعها يومياً "أنا لسه صغير يا دكتور … يعني مستحيل يكون عندي مشكلة في القلب."...
17/08/2026

متقولش أنا لسه صغير ❤️🫀
من أكتر الجُمل اللي بسمعها يومياً "أنا لسه صغير يا دكتور … يعني مستحيل يكون عندي مشكلة في القلب."

الحقيقة إن مشاكل القلب في العصر الحديث مبقتش مرتبطة بسن معين ، وظهور أعراض زي ألم أو ضغط بالصدر، ضيق النفس، الخفقان، الدوخة أو الإغماء يستحق إنك تاخدها بجد، خصوصًا لو بتتكرر أو بتظهر مع المجهود.

القلب مش بيستنى لما تكبر عشان يطلب منك تطمن عليه.
متستناش الأعراض تزيد… ومتفسّرش كل حاجة إنها إرهاق أو ضغط شغل او قلة نوم او ارهاق ..

اسمع اللي قلبك بيقوله ❤️

د/ محمد أشرف جويلي
أخصائي القلب والقسطرة
📍 الباجور – الشارع الجديد – نزلة الكوبري العلوي – أعلى مقلة حماده
📞 للحجز والاستفسار: ٠١٠١٦١٠٤٣٠٠

لو أنت عملت قسطرة وركبت دعامات فالبوست دا مهم جدا بالنسبه ليك 🙋كثير من المرضي الي عملوا قسطره وركبوا دعامات نتيجه قصو ر ...
13/08/2026

لو أنت عملت قسطرة وركبت دعامات فالبوست دا مهم جدا بالنسبه ليك 🙋

كثير من المرضي الي عملوا قسطره وركبوا دعامات نتيجه قصو ر في الشريان التا جي بيبقوا قلقانين جدا وعندهم أسئلة كتير محتاج أن دكتور القلب يجاوبه عليها عشان يفهم هو هيعيش حياته ازاي لان بعض الناس بيتخيل ان حياته وقفت عند النقطه دي 🤔

لكن احنا بنطمنك لانك بعد تركيب الدعامات انت حليت المشكله اللي كنت بتعاني منها ومش هتجيلك الازمات الي كانت بتجيلك قبل كدا باذن الله 🤲

وانت بقيت شخص طبيعي جدا لكن عندك شوية قواعد لازم تتبعها علشان تعيش كويس بأذن الله :

1. لازم تغير العادات السيئه اللي كانت قبل الدعامات زي التدخين والأكل الغير صحي
2. لازم نظبط نسبة الكوليسترول والدهون الضارة ونتابعهم باستمرار
3. لازم تقلل وزنك بقدر الإمكان
4. ممارسه الرياضه حتي لو مجرد المشي

طيب بعض المرضي بيسألوا هي الدعامات تتغير بعد فترة ؟؟🙋

الإجابة طبعاً لا الدعامات تعيش معاك لآخر العمر لو بتاخد أدوية مظبوطة وماشي علي التعليمات اللي الدكتور بيقولك عليها

طيب يادكتور لو الدعامات دي اتسدت او حصل فيها مشكله بتتشال ؟؟ 🙋
الحقيقة لا بردو الدعامات مش بتتشال لانها أصبحت جزء من الشريان التاجي اللي بيكون عليها انسجه مع الوقت
لكن لو حصل ضيق او انسداد بندخل نعملها توسيع بالبالون واحيانا بنحتاج نحط دعامه تانيه داخل الدعامة القديمة ودا غالبا بيرجع لعدم إلتزام المريض بخطة العلاج وتعليمات الطبيب

الخلاصه ان الدعامات دي رجعتلك شرايينك طبيعيه وخالية من التضيقات وبعدها تقدر تمارس حياتك بشكل طبيعي تماماً وبدون أي متاعب ♥️

بالرغم من وجود أكثر من 100 دواء لعلاج الضغط، إلا أن ضغط الدم المرتفع ما زال أحد الأسباب الرئيسية للوفاة بحسب إحصائيات من...
11/08/2026

بالرغم من وجود أكثر من 100 دواء لعلاج الضغط، إلا أن ضغط الدم المرتفع ما زال أحد الأسباب الرئيسية للوفاة بحسب إحصائيات منظمة الصحة العالمية (WHO).
3 حقائق مرعبة عن "القاتل الصامت":

* 🚨 50% تقريباً من المرضى غير ملتزمين بأخذ العلاج بانتظام.
* 🚨 20% إلى 25% فقط من المرضى اللي بياخدوا علاج ضغطهم مظبوط وواصلين للمستوى الآمن.
* 🚨 ما يقرب من نصف المصابين بالضغط حول العالم ما يعرفوش أصلاً إنهم مصابين بيه!

طيب ليه بنسميه القاتل الصامت؟
لأنه ممكن يأثر على صحة القلب، الكلى، والمخ لسنين طويلة من غير ما تحس بأي اعراض واضحة غير الصداع أو الزغللة.
الرسالة الأهم:
المتابعة الدورية مع الطبيب مع الالتزام بالعلاج والنظام الغذائي والرياضة هيحميك ويحافظ على صحتك

في ناس مبتبقاش عارفه أن تورم القدمين قد يكون انعكاس لمشكله في القلب زي ضعف عضلة القلب او مشكله في صمامات القلب 👌💥 مريض ب...
07/08/2026

في ناس مبتبقاش عارفه أن تورم القدمين قد يكون انعكاس لمشكله في القلب زي ضعف عضلة القلب او مشكله في صمامات القلب 👌

💥 مريض بالعياده جالي بتورم في القدمين حتى الركبة وانتفاخ بسيط بالبطن ونهجان من اقل مجهود وعدم القدره على الاستلقاء على الظهر وأنه بيحتاج يعلي المخدات عشان يعرف ينام 🤌

بعد فحص الايكو على القلب (لأن الأعراض متطابقه مع ضعف عضلة القلب ) تبين وجود ضعف في عضلة القلب وكفاءة عضلة القلب ٣١ % والايكو أكد الشك اللي كان في محله

👈طيب السؤال يا دكتور هو كل واحد عنده تورم ف القدمين ده معناه انه عنده ضعف في عضلة القلب ؟؟!

👈 الاجابه : لا طبعاً

تورم القدمين قد يكون بسبب مشكله في انبساط القلب وتكون كفاءة العضله كويسه وده بيبقى مصاحب لمرضى الضغط اكتر ..
وقد يكون بسبب الوقوف لفترات طويلة خصوصا مع السمنه .. ودي اسباب بسيطه 👌

والاسباب الرئيسيه اللي بتحتاج متابعه بدقه هما ٣ اسباب :

١ - ضعف عضلة القلب .
٢- خلل في وظائف الكلى ونزول زلال في البول .
٣ - خلل في وظائف الكبد ونقص الالبيومين .

وكل تورم منهم ليه خصائص واشياء مصاحبه للتمييز بينهم..

💥💥خلي بالك في تورم بييجي فجأه في رجل واحده والتانيه لا .. ده تورم بنقلق منه وبيكون معاه ألم شديد ويتطلب عمل دوبلكس على اوردة الساقين لاشتباه حدوث جلطة وريديه تحتاج ادوية سيوله لفترات طويله. .

عارفين ايه اكتر شكوى بتجيلى فى العيادة الفترة الأخيرة ؟🤔 اقول للمريض حضرتك بتشتكي من إيه .. يقولي حاسس إنى مجهد وعضمى م...
05/08/2026

عارفين ايه اكتر شكوى بتجيلى فى العيادة الفترة الأخيرة ؟🤔

اقول للمريض حضرتك بتشتكي من إيه .. يقولي حاسس إنى مجهد وعضمى مكسر حتى وأنا لسه صاحى من النوم ، ماعنديش طاقة للكلام وتقل على صدرى طول الوقت، خمول وبنام كتير ، ولو عملت مجهود انهج بسرعه ،🫣

كل ده !!! .. أنا لو قولتلكم ان مع الكلمتين دول بيجى فى بالى كام تشخيص مش هتصدقوا ؟
مش أقل من ٢٠ مرض مابين خطير لبسيط وأبدأ أدور عليهم كلهم من كلامك والتاريخ المرضى والفحص الطبى ورسم القلب والايكو والتحاليل وغيرهم من الفحوصات مما تتطلبه الحالة ...

أدور فى القلب والرئة والانيميا والغدة الدرقية والضغط والسكر والكلى والكبد والقولون والمعدة والامراض المناعية ونقص الفيتامينات وسوء التغذية

بعد كل ده ممكن كل الفحوصات دي تكون طبيعيه تماماً ؟؟🤔 تخيل اه 🤔

طيب فين المشكله ؟؟
تعالى بقى للأسباب النفسية اللي هي مشكلة العصر للأسف

١. التوتر والضغط العصبى المستمر
٢.قلة النوم
٣ . كثرة التفكير والخوف من المرض
٤.فرط الأكل وزيادة الوزن
٥.قلة الحركه
٦ . الشات جي بي تي .. اه والله مرض نفسي لوحده 🤗

الحتة النفسية دى فى السنين الأخيرة احنا اتزنقنا فيها جامد ومش عارفين نفلفص منها
الأيام كلها شبه بعض للأسف.. 🥹

يا ريت نحاول نشوف حاجه تبسطنا ولو حتى بسيطه ونعملها باستمرار لأن هو ده علاجك لو اعراضك زي ما بوصفهالك كده وكل فحوصاتك طلعت كويسه 👌

ناس كتير حصلها اضطراب وخوف زايد في وقت الزلزال وده شئ طبيعي نتيجة زيادة افراز الاردينالين بشكل فجائي اتطمنوا كل دي أعراض...
03/08/2026

ناس كتير حصلها اضطراب وخوف زايد في وقت الزلزال وده شئ طبيعي نتيجة زيادة افراز الاردينالين بشكل فجائي

اتطمنوا كل دي أعراض مؤقته وبتختفي بمجرد زوال السبب ..
استعينوا بالله وكل شئ مكتوب ..

اللي حس بالزلزال يقولنا في الكومنتات قلبه كان عامل ازاي وقتها 😂

Address

الباجور/الشارع الجديد/نزلة الكوبري العلوي/أعلى مقلة حماده
El-Bâgûr

Opening Hours

Monday 4pm - 9pm
Wednesday 4pm - 9pm
Friday 4pm - 9pm
Saturday 4pm - 9pm

Website

Alerts

Be the first to know and let us send you an email when دكتور/ محمد أشرف جويلي - أخصائي امراض القلب والأوعية والقسطرة القلبية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category