31/08/2026
عيادة باطنة ولا أنف وأذن وحنجرة!
أوقات يجيلي مريض عنده بحة صوت وإفرازات خلف الأنف وأحيانًا مياه على الطبلة وحساسية في الأنف..
لكن بعد الكشف بقوله إن عنده ارتجاع مريء صامت رغم إن مفيش حموضة ومفيش أعراض تانية لكن في الحالة دي هو محتاج علاج للارتجاع مش علاج أنف وأذن، ده مع تغيير نمط الأكل وتجنب المقليات والزيوت الكتير..
ويمكن ده تشخيص بيفاجيء المريض لأن المعروف إن أعراض الارتجاع حرقان في المعدة وباقي أعراض الجهاز الهضمي، لكن الارتجاع الصامت أعراضه مٌختلفة
التشخيص السليم بيفرق أكيد لأنه بيوفر عليك رحلة علاج طويلة والحل ممكن يكون في تخصص تاني، عشان كده اختيارك لمكان الكشف والدكتور اللي هيعالجك هيختصر عليك كتير.
