صيدليات فرحات

صيدليات فرحات توصيل الدواء للمنازل على مدار الساعة
✨صحتك تهمنا ✨

09/07/2026

‏ولد ٥ سنين جاي المستشفي بيكح د.م
‏ماله ياجماعه اصله شرق في شوكة سمك و وقفت في زوره
‏ابنك بلع شوكة سمك؟ طب تأكله لقمة عيش ناشفة ولا تخبطه على ظهره؟
‏(إياك تعمل الكوارث دي.. إنت بتغرزها في جسمه!)
‏أكبر غلطة بنعملها هي إن
‏أول ما الطفل يشرق من شوكة "وصفات الجدات" بتشتغل: "أكله لقمة عيش حاف عشان تسحب الشوكة وتنزلها المعدة".. الكارثة إن التصرف ده هو اللي بيحول "خدشة بسيطة" لـ "عملية جراحية ونزيف"! او خبطله علي ضهره
‏إياك! الشوكة سنها رفيع وحاد. لقمة العيش وهي نازلة بتقل حجمها بتضغط على الشوكة وتخليها تخترق (جدار المريء) بعمق. إنت كده "بتدك" الشوكة جوه الأنسجة، وممكن تعمل (ثقب في المريء) أو نزيف لا قدر الله!
‏الشوكة جسم رفيع مش سادد النفس، الخبط مش هيحركها من مكانها بالعكس ممكن يخليها تجرح الزور أكتر!
‏(التصرف العلمي السريع للإنقاذ في البيت):
‏لو عايز تحل المشكلة في البيت بأمان بالتليين أو السحب الناعم):
‏١- معلقة زيت زيتون: خلي المصاب يشرب معلقة زيت زيتون.. الزيت بيعمل طبقة لزجة (تشحيم) في الزور وممكن يخلي الشوكة تتزحلق وتنزل بسهولة.
‏٢- الموز : خليه ياخد قطمة موز كبيرة شوية، يسيبها في بوقه ثواني لحد ما تبقى لينة جداً (زي العجينة) ويبلعها مرة واحدة. الموز ملمسه ناعم ولزج، هيمسك في الشوكة وينزل بيها للمعدة من غير ما يجرح أي أنسجة.
‏٣- قطعة مارشميلو: نفس فكرة الموز، ملمسها اسفنجي ولزج وبتاخد الشوكة في سكتها بأمان تام
‏لو جربت الحلول دي والشوكة لسه موجودة، أو الطفل حاسس بوجع شديد مش بيقل..
‏التوجه فوراً لـ (طوارئ أنف وأذن وحنجرة)
‏الدكتور عنده "منظار بسيط" بيلقطها في ثواني بملقاط مخصص بدون أي ألم أو جراحة

منقول

انيميا نقص الحديد. 💙هتلاقي عنده شحوب في الوجه وفي باطن الجفن والضوافر لاكن متعتمدش عليها لانها بتختلف باختلاف صبغة الجلد...
17/03/2026

انيميا نقص الحديد. 💙
هتلاقي عنده شحوب في الوجه وفي باطن الجفن والضوافر لاكن متعتمدش عليها لانها بتختلف باختلاف صبغة الجلد ... لاكن تعالا نشوف كلام المريض بيكون عامل ازاي .
يا دكتور انا جسمي كله تعبان ونفسي قصير وحاسس بخنقه كده.
يا دكتور انا من اقل مجهود بنهج ودلوقتي بقيت انهج من غير مجهود خالص ومؤخراً بقيت ادوخ والصداع ماسكني. (قد تصل الي الأغماء خصوصا في الاطفال)
يا دكتور انا دقات قلبي سريعة وضغطي واطي علاطول ومؤخراً ودني بتصفر (في ناس قالت انها بتسمع صوت دقات قلبها وهيا قاعده )
يا دكتور انا عندي التهابات وقرح في الكورنر بتاع فمي (غير الهربس) وكمان لساني في التهابات.
يا دكتور انا شعري جاف وبيقع الشعرايه بطولها لدرجة ان في اجزاء بقا مفهاش شعر خالص كل دي علامات نقص الحديد ورغم كده ممكن يكون واحد عنده انيميا ومعندوش اعراض خالص. طيب افهم معايا الكام معلومة دولا
لو ام طفل بتشتكي من قلة المعرفة لطفلها او عاوزه تزود الIQ بتاع الطفل اكلمنا قبل كده عن الاوميجا 3 في الموضوع ده ودلوقتي بقولك ان الطفل محتاج حديد عشان اعصابه تنمو صح.
لو حامل ف هيا محتاجه حديد ولو حد بيتبرع بالدم باستمرار ف هو محتاج حديد ولو بنت داخله علي مرحلة بلوغ ف هيا محتاجه حديد.
الناس اللي عندها جرثومه معدة واللي عايشين علي مضادات الحموضه ده سبب يقللك الحديد في جسمك. طب يا دكتور انا عملت تحليل صورة دم كاملة وفيريتين ولقيت ان عندي انيميا وحالياً باخد مكملات حديد والهيموجلوبين مبيعلاش عندي او بيعلي بطيئ اووي .. حضرتك الحديد من الحجات اللي بتكره نفسها ومبتحبش تتاخد مع اي حاجه ف عشان نحل الموضوع ده خدي مكملات الحديد( قبل الفطار بساعة ) او علي معدة فاضية وخدي معاه فيتامين سي او اشربي عصير برتقال ولو الحديد عمل مشاكل في المعدة ناخده بعد وجبة خفيفه او نغير لنوع تاني يكون محمل علي احماض امينية او ناخد اكياس لاكتوفرين زي مقولنا قبل كدة وميتشربش بعده شاي او قهوه واعرف ان الخضاروالفاكهه الحديد اللي فيهم امتصاصه قليل (Non haem ) ف عشان تعليه خليك في الحديد اللي في الكبده واللحمه والبيض والسمك والفراخ ( haem ).

عروسة متجوزة جديد 👰 داخله الصيدلية مناخيرها بتنزف دم وشفايفها ناشفة جداً ..اتعاملنا مع النزيف وكله تمام ف بقولها انتي بت...
16/03/2026

عروسة متجوزة جديد 👰 داخله الصيدلية مناخيرها بتنزف دم وشفايفها ناشفة جداً ..اتعاملنا مع النزيف وكله تمام ف بقولها انتي بتاخدي اي ادوية تانيه لأي حاجة بتقولي اه يا دكتور انا باخد قطرة مرطبة اسمها هاي فريش لأن الماية اللي في عنيا بتنشف (dry eye) وباخد علاج لحب الشباب اسمه Net look كنت شوفت حد منزله علي اليوتيوب بعنوان الحل السحري لحب الشباب ممكن يكون هو اللي بيعمل كده 🤔؟
لا مش ممكن ده اكيد العلاج ده بيعمل حالة من الجفاف في الجسم كله العين تنشف والشفايف والجلد والحلق (عارف فيلم سيمبا لما سكار مسك الحكم شوفت ارض العزة حصل فيها حالة كاملة من الجفاف ازي اهو الجسم بيحصل فيه كده) ربنا خلق الغدد الدهنيه عشان تطلع مادة دهنيه (sebum) تحمي البشرة من الجفاف لما اخد العلاج ده الغدد الدهنية بتنكمش و المادة دي بتقل بنسبة 90% ف يحصل جفاف (generalized xerosis).
مش بس كده حضرتك لو حصل حمل وانتي بتاخدي العلاج ده هيحصل تشوه في الجنين والطفل ممكن يتولد بشفة ارنبية ده غير اصلا انه بيعلي انزيمات الكبد والدهون الثلاثية والكوليستيرول. ومشاكل تانيه كتير.
العلاج ده بيبقا اخر ورقة كوتشينه في ايد دكتور الجلدية ف متقربوش منه نهائي 💙

واقف في الصيدلية ف جالي ظابط بيحب يروح الجيم وبييجي ياخد مني فيتامينات علاطول للجيم بس المره دي كان بيشتكي من ان بعد تمر...
16/03/2026

واقف في الصيدلية ف جالي ظابط بيحب يروح الجيم وبييجي ياخد مني فيتامينات علاطول للجيم بس المره دي كان بيشتكي من ان بعد تمرينة الجيم جسمه بيقعد مكسر 3 ايام و علي الحال ده بقاله اسبوعين ف طلعتله thiotacid compound 600 mg لقيته بيقول اه انا عارفه بس مش ده علاج سكر ولا ليه اكتر من استخدام ؟! اصل انا امي كان عندها التهاب اعصاب نتيجة السكر والدكتور كتبهولها ... ايه الحكايه ؟ بص هو انا مدهولك عشان الMuscle recovery لاكن ده هدية بمعني الكلمة تعالو نشوف ممكن يعمل ايه
&& اول حاجه مضاد للاكسده رهيب Potent Antioxidant بيمنع الfree radical وبالتالي يمنع كل الامراض اللي بتعملها الشوارد الحره وبالمناسبه الlipid cells (الكرش) واحده من المصادر الاساسيه اللي بتنتج شوارد حرة.
مش بس كده ده بيعمل recycling او بمعني تاني بيزود الlevel بتاع مضادات اكسدة تانيه زي الجلوتاثيون و Vitamin C, E.
&& الناس اللي عندهم سكر يخلي جسمك كله يستفاد بالسكر ويحوله لطاقة ويزود الsensitivity بتاعت الخلايا للأنسولين (insulin resistance بيعالج مقاومة الانسولين ) فا واحد راح عمل سكر عشوائي مثلا لقا نفسه في مرحله prediabetic (ما قبل السكر) ليه متنصحوش بيه من ضمن الlife style modification (مع تغيير نظام الأكل والرياضه) ؟ اهو ده علاج ممتاز لل glucose Tolerance .
&& علاج رهيب لكل مشاكل الاعصاب اللي ممكن تيجي لشخص نتيجه السكر . Diabetic polyneuropathies .
&& ليه تأثير علي الvascular system بحكم انه بيزود الانزيم المصنع ل Nitric oxide وبالتالي ليه vasodilation effect (بيوسع الأوعية الدموية) مع الantioxidant effect انتا كده حميته من حاجه اسمها تصلب شرايين هتقولي طب والLDL ؟ مهو ده حضرتك بيقلل الLDL و بيمنع الFree radicals اللي اصلا في الاساس هيا اللي بتأكسد الLDL وتخليه بالبلدي كده يكلكع او يترسب في الشريان.
&& مقاوم للشيخوخه والمشاكل اللي بتيجي نتيجه كبر السن سواء Cardiovascular, Cognitive and Neuromuscular deficits.

المنتجات : thiotex, thiotacid 300 and 600 mg, neuropatex

18/02/2026

معلومه ع الماشى
علشان بس راحتنا... وراحتكم ... وراحة عيالكم
جلسة الاتروفنت بتتخلط على جلسة البلميكورت عادى
ومفيش مراجع بتقول انها غلط ..

شاب كان بياخد دواء " نت لوك " لحب الشباب وتسبب إنه عمل تشوه لجنين واحده حامل و هو أصلا ميعرفهاش ولا قابلها قبل كده !! -...
13/02/2026

شاب كان بياخد دواء " نت لوك " لحب الشباب وتسبب إنه عمل تشوه لجنين واحده حامل و هو أصلا ميعرفهاش ولا قابلها قبل كده !!
- النت لوك المادة الفعاله بتاعته هي ال isotretinoin بالتالي أي دوا فيه الماده دي ف هو هيعمل نفس اللي بيعمله النت لوك .

طبعا المعروف عند معظم الناس إن الدواء دا من أقوى أدوية حب الشباب على الإطلاق وبيستخدم للحالات الشديدة من حب الشباب و الدواء مفيد وفعال لكثير من الحالات
- وكمان عارفين إنه بيأثر علي وظائف الكبد فلازم تعمل تحليل وظائف كبد قبل ما تاخده وتعيده مره كل إسبوعين لحد ما نتيجه الدواء تبدأ تظهر
- وكمان عارفين إن البنات تحديداً عشان تستخدم الدواء ده لازم متكونش هتتجوز قريب و لو متجوزه تأخد وسيلتين منع حمل وتحرص جدا عشان الدواء دا مشوّه جداااااً للأجنة

- أما ما لا يعرفه الكثيرون هو أن الدواء دا مركباته بتفضل في مكونات الدم داخل جسم اللي بياخده طول فتره العلاج وحتي بعد إيقافه ولمده شهر ونص ، لو الشخص دا راح إتبرع بالدم والدم دا نُــقـِـل لبنت او سيده و حملت خلال شهر من التبرع هيتنقل لها وهيسبب تشوه للجنين بتاعها ..

عشان كده مــمــنـوع أي حد شاب أو بنت من التبرع بالدم طول فترة استخدامهم للدواء ولمده شهر علي الأقل من بعد آخر جرعة
وطبعا عند التبرع بالدم مهم ان الطبيب بيسأل المتبرع إذا كان بياخد اي ادويه ولا لاء والمفروض مينساش يذكرله النت لوك قبل ما يتبرع .
دمتم سالمين 🌹🌹

Address

El-Mahalla El-Kubra

Opening Hours

Monday 8am - 3am
Tuesday 8am - 3am
Wednesday 8am - 3am
Thursday 8am - 3am
Friday 8am - 3am
Saturday 8am - 3am
Sunday 8am - 3am

Website

Alerts

Be the first to know and let us send you an email when صيدليات فرحات posts news and promotions. Your email address will not be used for any other purpose, and you can unsubscribe at any time.

Shortcuts

Share

Category