اخصائية التربية الخاصة 💪💙
💙🎓 Special education specialist
اخصائية تأهيل وعلاج وتعليم فئات ذوي الاحتياجات الخاصة 💙
30/07/2026
📌 مواعيد العمل واستقبال الجلسات :
يومياً ( من يوم السبت ل يوم الخميس )
من الساعه ٤ عصراً الي الساعه ١٠ مساءً
يوم الجمعة اجازة
📌للحجز والاستفسار:
010 98903956
او من خلال رسائل بيدج المركز 📩
مركز التميز للتخاطب وتأهيل ذوي الاحتياجات الخاصة
الأخصائية/ روضة جمال
اخصائية تخاطب وتربية خاصة
28/07/2026
🟣 5 علامات تدل ان طفلك يحتاج إلى تنمية مهارات :
قد تختلف سرعة نمو الأطفال من طفل الي آخر
لكن هناك علامات التي تستدعي الإنتباه ⬅️
1️⃣ صعوبة في التركيز والانتباه لفترة مناسبة لعمره
2️⃣تأخر في اكتساب المهارات مقارنة بأقرانه مثل : اللعب أو التواصل أو الإعتماد على النفس
3️⃣صعوبة في اتباع التعليمات البسيطة أو تنفيذها
4️⃣ضعف التفاعل مع الآخرين أو تفضيل العزلة بشكل ملحوظ
5️⃣مواجهة صعوبة في أداء الأنشطة اليومية المناسبة لعمره مثل : الإمساك بالقلم أو ترتيب الألعاب
🟣 ملحوظه:
هذه العلامات لا تعني بالضرورة وجود مشكلة
لكنها مؤشر علي اهمية تقييم الطفل من قبل مختص
التدخل المبكر يساعد علي تنمية قدراته وتحقيق أفضل النتائج
🎯 نصيحه من القلب :
عند ملاحظة أي مشكلة أو اختلاف ابدأي بالاستفسار والسؤال والاهتمام بالطفل لأن التدخل المبكر يحقق افضل النتائج
📌العنوان :
البصراط - المصلاية - بجوار صيدليه المغاوري
الدور الاول العلوي أسفل عيادة الدكتور احمد المحلاوي للأسنان
📌 للحجز والاستفسار:
010 98903956
او من خلال رسائل بيدج المركز 📩
مركز التميز للتخاطب وتأهيل ذوي الاحتياجات الخاصة
الأخصائية/ روضة جمال
اخصائية التخاطب والتربية الخاصة
📌امهات كتير بتسأل ابني / بنتي محتاجين اي علشان يكتسبوا اللغة ( يتعلموا ويتكلموا كويس ) :
لازم نفهم الاول يعني اي لغة :
🟣 اللغة :
القدرة علي فهم الكلام والتعبير عن النفس
( سواء بالكلام أو الإشارة أو الكتابة )
🟣 متطلبات الطفل علشان يكتسب اللغة : (يتعلم ويتكلم كويس ) :-
1️⃣ سلامة الحواس
السمع - البصر - اللمس ( سلامة الحواس بتساعد الطفل يفهم العالم حواليه )
2️⃣ سلامة الجهاز العصبي ومراكز اللغة في المخ
3️⃣ الصحة النفسية
لازم الطفل يكون مش بيعاني من قلق أو اكتئاب أو سلوك عدواني أو فرط حركة
4️⃣ بيئة لغوية غنية ومحفزة
يعني ناس كتير بتتكلم حواليه - بتحكي عنه - بترد عليه - بتعلمه كلمات
🟣 اسباب تأخر اللغة عند الطفل :
1️⃣ضعف السمع
2️⃣ فقدان البصر
3️⃣ اصابات في المخ
4️⃣ مشاكل نفسيه
( زي الفل أو الاكتئاب)
5️⃣ اضطرابات نمائيه
( زي التوحد )
6️⃣حرمان بيئي
( يعني مفيش حد بيكلمه أو بيتفاعل معاه )
7️⃣ تأخر لغوي من غير اسباب محددة
🟣نصائح مهمه لتحسين تطور اللغه عند الطفل :
1️⃣ اقرأ لطفلك كتب او قصص بصوت عالي
2️⃣ اتكلم معاه دائماً - حتى لو مش بيرد
3️⃣ اسمع له وشجعه يعبر عن نفسه حتى لو بيغلط
🎯 نصيحة من القلب :
لو بتلاحظي اي مشاكل عند ابنك / بنتك في اللغة
اوعي تستنى وتواصلي معانا واعرفي الحل
📌 الأخصائية/ روضة جمال
اخصائية التخاطب والتربية الخاصة
📌للتواصل والحجز:
010 98903956
📌العنوان:
البصراط - المصلاية - بجوار صيدليه المغاوري
أسفل عيادة الدكتور احمد المحلاوي للأسنان
او من خلال رسائل بيدج المركز 📩
#مركزالتميزللتخاطب وتأهيل ذوي الاحتياجات الخاصة
#تخاطب - #اضطرابات اللغة
#اسباب تأخر اللغة
15/07/2026
📍 هل طفلك بيعاني من نقص الانتباه و التركيز ؟!
◀️مش كل طفل بيزهق بسرعة أو بيتحرك كتير يبقى "شقي"! أوقات بيكون السبب هو تشتت الانتباه و التركيز وده بيأثر على:
◾ استيعاب الدروس
◾ تنفيذ التعليمات
◾ التواصل مع الآخرين
◾تنظيم الوقت والمهام
🎯 علامات بتدل علي نقص الإنتباه والتركيز عند الأطفال:
▪️مش بيركز في الشرح أو الحكايات
▪️بيسيب الحاجة قبل ما يكمّلها
▪️بينسى حاجاته بسهولة
▪️بيتوه في الخطوات الطويلة
▪️بيتشتت من أي صوت أو حركة حواليه
🧠 العلاج مش دايمًا دواء!
فيه جلسات وتدريبات بتساعد الطفل يطوّر التركيز والانتباه بشكل فعال.
👩⚕️⬅️ لو لاحظتِ أي من العلامات دي على طفلك، تواصلي معانا واستغلي الوقت قبل بدايه الدراسه والدروس وبإذن الله هتلاحظي تحسن
🎯 نصيحه من القلب :
مفيش حاجه اسمها " استنى شويه" كل ما تبتدي بدري ابنك يتحسن اسرع
♦️التدخل المبكر مفتاح النجاح
🟣 الأخصائية /روضة جمال
اخصائية التخاطب وتربية خاصة
📞 تواصل معانا للحجز والاستفسار:
[ 01098903956]
او من خلال رسائل بيدج المركز 📩
# مركز التميز للتخاطب وتأهيل ذوي الاحتياجات الخاصة
#التخاطب
09/07/2026
📌بقالي فترة بشوف بوستات كتير لأمهات بيدوروا على "جلسات تعديل سلوك" لطفل عنده 3 أو 4 سنين.
🔻لازم نكون عارفين ده سن تربية وغرس، مش سن تعديل!
🔻الطفل لسه مكتشف إن عنده رجلين ينفع يجري بيهم، وإيده ينفع يفتح بيها الأدراج، وإحنا عايزينه ميعملش كده؟!
🟣التعديل بيكون لما الطفل يكبر شوية، وتبقى المفاهيم اكتملت عنده، وعنده قدر من التحكم في تصرفاته. إنما في السن الصغير إحنا بنزرع قيم وعادات وسلوكيات إيجابية، وبنتعامل بذكاء مع السلوكيات الطبيعية لمرحلته العمرية بدل ما نديها أكبر من حجمها وتثبت من كتر ما احنا مركزين معاها.
◀️نتكلم بشكل علمي في تحليل السلوك التطبيقي فيه حاجة اسمها "وظيفة السلوك". يعني قبل ما نقول نخليه يبطل ازاي، نسأل: هو بيعمل كده ليه؟
◀️للأسف مصطلح "تعديل السلوك" من أول ما دخل حياتنا عمل عند بعض الناس حالة لخبطة فظيعة🙃
الطفل جري؟ تعديل سلوك.
فتح درج؟ تعديل سلوك.
قال مش هشرب لبن؟ تعديل سلوك.
أخد قلم من صاحبه؟ تعديل سلوك.
⬅️ مش كل تصرف طفولي محتاج برنامج علاجي وخطة تدخل وجلسات أسبوعية.
⬅️بعض الأطفال محتاجين مساحة يجربوا فيها الدنيا... وإحنا محتاجين نقرأ شوية قبل ما نوزع تشخيصات ونطلب تعديلات.
📍📤هقولكم شوية مشكلات سلوكية تحتاج للتدخل التربوي في السن الصغير :
1️⃣طفل خجول : ما نضغطش عليه يبقى اجتماعي بالعافية، نبدأ نديه أمان ومساحة يعبر واحدة واحدة.
2️⃣طفل حساس : ما نقولوش "إنت بتعيط على كل حاجة"، نعلمه يسمي مشاعره ويفهمها بدل ما يخاف منها.
3️⃣طفل غيور : ما نعاقبوش على غيرته، نفهمه إن مكانته محفوظة وإن الحب مش بيتقسم ونخصص ليه وقت خاص.
4️⃣طفل كثير الأسئلة: ما نسكتهوش، نوجّه فضوله للمعرفة والتجربة والبحث.
5️⃣طفل بيكدب : ما نبدأش بالاتهام، ندور هو خايف من إيه؟ أو بيهرب من عقاب؟ أو محتاج اهتمام؟
6️⃣طفل متعلق زيادة : ما نفصلهوش بالعنف، نطمنه ونبني استقلاله تدريجيًا.
7️⃣طفل بيحب القيادة والسيطرة : ما نكسرش شخصيته، نعلمه القيادة بالاتفاق والمسؤولية واحترام غيره.
9️⃣طفل عنيد : مش صح نكسر إراته، أحيانًا محتاج اختيارات واضحة وحدود ثابتة وقواعد واضحة يمشي عليها.
1️⃣0️⃣طفل كثير الحركة : مش شرط يكون "فرط حركة"، ممكن يكون محتاج نشاط، رياضة، مهام قصيرة، وطريقة تعليم تناسب طاقته.
1️⃣1️⃣طفل بيصرخ بدل ما يطلب ..
مش محتاج نقابله بصراخ أعلى،
محتاج نعلّمه إن الطلب الهادي مسموع،
وإن الصراخ مش هو الوسيلة الوحيدة عشان ياخد احتياجه.
نقوله: "أنا سامعاك، بس مش فاهمة وأنت بتصرخ، قولّي بهدوء محتاج إيه"
ومع التكرار والثبات، الطفل بيتعلم إن صوته الهادي أقوى من صراخه.
1️⃣2️⃣طفل بيضرب بدل ما يتكلم ..
مش معنى كده إنه طفل عنيف بطبعه،
ممكن يكون مش عارف يعبّر عن غضبه،
أو مش لاقي كلمات يقول بيها: أنا زعلان، أنا متضايق، أنا مش موافق.
دورنا نوقف الضرب بحزم من غير إهانة،
ونعلّمه بديله:
"إيدك مش للضرب، قول أنا زعلان"
"اضرب المخدة لو متضايق، لكن الناس لأ"
1️⃣3️⃣طفل بيؤذي نفسه أو الآخرين أو الأشياء من حواليه ..
ده سلوك لازم ناخده بجدية،
مش نعدّيه ولا نقول بيعمل كده عشان يغيظنا.
ممكن يكون وراه ضغط، خوف، غضب مكتوم، غيرة، أو احتياج شديد للانتباه.
هنا لازم نأمّن الطفل واللي حواليه،
ونفهم الرسالة اللي ورا السلوك بدل ما ننشغل بالعقاب بس.
مش كل طفل بيكسر حاجة يبقى قليل الأدب،
أحيانًا هو بيقول بطريقة غلط:
"أنا مش قادر أتعامل مع اللي جوايا"
وطفل رغاي ..
مش لازم نسكته طول الوقت ونقوله "كفاية كلام"
لأن الكلام الكتير ممكن يبقى موهبة لو اتوجه صح.
نخليه يحكي قصة،يعمل برنامج صغير في البيت، يسجل فويس أوفر،
يمثل دور المذيع، يحكي يومه بتفاصيله، أو يألف حكاية من خياله.
بدل ما نشوف الرغي إزعاج،
نشوفه قدرة على التعبير،
ونعلّمه إمتى يتكلم، وإمتى يسمع، وإزاي يحترم وقت غيره.
الفكرة إننا مانتعاملش مع كل سلوك مزعج كأنه عيب في الطفل،
لكن نسأل:
هو بيعمل كده ليه؟
إيه الاحتياج اللي مش عارف يقوله؟
وإيه البديل الصح اللي محتاج يتعلمه؟
◀️ مش كل سلوك مزعج يبقى اضطراب،
◀️ومش كل طفل مختلف محتاج جلسات.
📌أحيانًا الطفل محتاج بيت أهدى،
أم وأب بيسمعوا أكتر، قواعد واضحة، حب من غير شروط، وحدود من غير إهانة.
⬅️التربية مش إننا نطفّي شخصية الطفل،
التربية إننا نوجّهها صح.
تابعي معانا صفحه مركز التميز للتخاطب وتأهيل ذوي الاحتياجات الخاصة
#الأخصائيةروضةجمال
اخصائية تخاطب وتربية خاصة
📌 للحجز والاستفسار:
010 98903956
او من خلال رسائل بيدج المركز 📩
#مركزالتميزللتخاطب وتأهيل ذوي الاحتياجات الخاصة
#تخاطب #تنميةمهارات #إدارةسلوك
#تعديل سلوك
08/07/2026
⬅️لو ابنك عمره لحد 3 سنوات ويعمل اللي هقول عليه ركزي معايا :
♦️مش بيهدا طول اليوم ـ بيفتح كل حاجة ـ ويلعب فى كل حاجه ـ ويرمي ويدلق ويفتش في كل حاجه ..
🔻طيب هو ليه كده وليه بيعمل كل ده؟!!
1️⃣أولاً : اطمني مش العيب فيكي ولا حاجة وانتي بتعرفي تربي وزي الفل💜
◀️بس تعالي أقولك ليه بيعمل كده عشان لو فهمتيه هترتاحي، وهتطمني وهتبطلي تتعصبي على ابنك، وهتبصي ليه بنظرة مختلفة تمامًا.
♦️الطفل لحد سن 3 سنوات بيبني دماغة بطبيعه فطرية.
⬅️هو في مرحلة طبيعية جدًا اسمها:
📌 مرحلة الاستكشاف الحسي والحركي
أو المرحلة الحسية الحركية (Sensorimotor Stage)
♦️طيب ليه ابنك بيلعب في كل حاجة ويفتح ويرمي ويدلق ويفتش ويكتشف كل حاجة حواليه؟
◀️لأن المخ في السن ده بيتكون عن طريق التجربة المباشرة.
يعني الطفل مايفهمش “دي خـ..طر” أو “دي مش لعبة” بالكلام
هو لازم يلمس، يفتح، يشم، يعض، يزق، يوقع، يرمي..
علشان مخه يسجل المعلومة من خلال الحواس بتاعته.
🔻الطفل في السن ده بيتعلم إن:
الباب بيتفتح ويتقفل
الشاي سخن ولا بارد
الدرج بيطلع وينزل
الحاجة لما تقع بتعمل صوت
اللعبة لما تتشد بتتفك
المعلقة لما تخبط في الكوباية تعمل صوت
♦️طيب ليه بيحب يفتح كل حاجة؟
لأن عنده فضول فطري.
الفضول ده هو أساس الذكاء في المستقبل.
هو كأنه بيسأل نفسه في صمت “العالم ده متكون من إيه؟”
وكل حاجه حواليه عباره عن اي
🔻طيب ليه بيرمي ويوقع؟
لأنه بيتعلم
*قانون السبب والنتيجة (أنا لما أسيب اللعبة تقع هيحصل إيه)
*الفرق بين التقيل والخفيف
*الصوت العالي والواطي
*المسافة والقوة
كل رمية = معلومة جديدة في مخه.
🔻ليه بيتحرك في كل مكان طول الوقت؟
لأنه في المرحلة دي الحركة = حياة
الطفل مايعرفش يقعد ساكت.
المخ والجسد محتاجين حركة عشان ينموا.
وكل ما تحبسيه وتمنعيه أكتر…
كل ما طاقته تتحول لسلوكيات مزعجة أكتر.
⬅️الطفل في المرحلة دي:
❌ مش عنيد
❌ مش قليل الأدب
❌ مش قاصد يتعبك
❌ مش محتاج ضرب ولا زعيق
◀️هو:
✅ محتاج أمان
✅ محتاج مساحة
✅ محتاج فهم
✅ محتاج بيئة مناسبة لعمره
اقفلي الأدراج اللي فيها حاجات خطرة
شيلي الحاجات القابلة للكسر من مستوى إيده
وفري ليه درج أو صندوق هو مسموح يفتحه ويقلبه
اعملي ركن لعب آمن يفرغ فيه طاقته
لما يمسك حاجة غلط قولي، دي مش بنلعب بيها… تعالى نلعب بالحاجة دي، بدل.. سيب ..لأ..عيب.
♦️أهم نقطة
أكتر حاجة بتأذي الطفل في المرحلة دي
مش لعبه في البيت، لكن غضبك عليه وهو بيتصرف تصرف طبيعي.
الزعيق المستمر بيعلمه:
* إنه دايمًا غلط مش صح
* وإن الفضول حاجة وحشة
* وإنه لازم يكتم طبيعته
وده بيطلع لنا بعد كده طفل:
معندوش ثقة في نفسه
خايف يجرب اي حاجه
متردد
أو العكس، عنـ..ـيف ومتمرد وعنيد
السن ده مش مرحلة إزعاج زي ما كتير بيقول
ده مرحلة تأسيس عقل وشخصية.
وكل موقف صبر منك بيزرع جوا ابنك أمان💜
وكل مرة تفهميه بدل ما تعاقبيه
بتربي إنسان سوي نفسيًا قبل ما تربي طفل مؤدب شكليًا.
البيت ممكن يتبهدل ويترتب
بس النفسية لما تتكسر صعب تتصلح💜
اخصائيه تخاطب وتربيه خاصة
:
010 98903956
او من خلال رسائل بيدج المركز
#مركزالتميزللتخاطب وتأهيل ذوي الاحتياجات الخاصة 💜
07/07/2026
📌 زراعة القوقعة مش مجرد عملية... هي بداية لحياة جديدة بالصوت🎧💜
♦️في أطفال اتولدوا من غير ما يسمعوا صوت أمهم، ولا ضحكة أبوهم، ولا حتى صوت اللعب مع إخواتهم 💜
⬅️لكن عملية زراعة القوقعة رجعت الأمل تاني ، وبدء الطفل ده ممكن يسمع… يتكلم… ويتواصل مع العالم من جديد 💜
📌 يعني اي زراعة القوقعة !! :
هي جهاز طبي يُزرع جراحيًا وبيشتغل على تحفيز العصب السمعي بشكل مباشر، علشان يوصل الصوت للدماغ، حتى لو الأذن الداخلية مش شغالة.
📌 تنفع لمين !! :
🟣 الأطفال اللي عندهم فقدان سمع عميق
🟣اللي ما استفادوش من السماعات الطبية
⬅️كل ما كان التدخل مبكر، كانت النتيجة أفضل
✨ المهم مش الزراعة بس... الأهم بعدها:
التأهيل السمعي واللغوي، عشان الطفل يقدر يفهم الكلام ويتعلم يتكلم صح ويتواصل مع العالم من جديد
♦️ساعد طفلك وخلي صوته يوصل 💜
🎯 واسأل دايمًا عن الخطوات، الفرص، والتوقيت المناسب.
اخصائيه تخاطب وتربيه خاصة
:
010 98903956
او من خلال رسائل بيدج المركز
#مركزالتميزللتخاطب وتأهيل ذوي الاحتياجات الخاصة
02/07/2026
لكل قصة نجاح ..بداية .. واليوم تبدأ حكايتنا ✨💜
لأن التميز ليس مجرد شعار بل هو شغف نعيشه وتفاصيل نعتني بها ⭐💜
يسعدنا أن نشارككم خطوتنا الاولى نحو المستقبل 🌥️💜
🎊 تم اليوم افتتاح " المكان الجديد " ـ مركز التميز للتخاطب وتأهيل ذوي الاحتياجات الخاصة 🎇💜
لم ننشئ هذا المركز ليكون مجرد مساحه اضافيه - بل أردنا أن يكون منارة تحدث فارقاً حقيقياً في مجال ذوي الاحتياجات الخاصة ومكاناً بالإبتكار لتصنع فيه قصص نجاحكم انتم 💜💥
نحن مستعدون لإستقبالكم ومتحمسون لنكون جزءاً من رحلتكم نحو القمة 🌄💜
🎯معكم الأخصائية/ روضة جمال
اخصائية التخاطب وذوي الاحتياجات الخاصة
معكم خطوة بخطوة 💜
📌 للتواصل والحجز :💜
010 98903956
او من خلال رسائل البيدج 📩
#مركزالتميزللتخاطب وتأهيل ذوي الاحتياجات الخاصة
#اخصائيةالتربيةالخاصةروضةجمال
#تربيةخاصة
#معاًلمستقبل افضل
#التدخل المبكر هو الأمل 💜
Be the first to know and let us send you an email when مركز التميز للتخاطب وتأهيل ذوي الاحتياجات الخاصة posts news and promotions. Your email address will not be used for any other purpose, and you can unsubscribe at any time.
Contact The Practice
Send a message to مركز التميز للتخاطب وتأهيل ذوي الاحتياجات الخاصة:
