29/07/2026
يا دكتور ..ابني بيشخر وهو نايم هل كدا هو عنده لحمية ؟
: لو الشخير بيحصل كل يوم او بينام وهو فاتح بوئه أو بيحصل له انقطاع في النفس اثناء النوم ف ابنك غالباً عنده لحمية ومحتاج يتفحص بالمنظار .
طيب يا دكتور هو لو فيه لحمية يبقى لازم تتشال ؟
: لأ ...لو فيه لحمية صغيرة ومش عامله الأعراض اللي قولتلك عليها دي ..يبقى خلاص مش هنشيلها .
طيب لو شيلنا اللحمية ابني هيخنف وصوته هيتغير بعد العملية ؟
_ لأ ...لأن إحنا بنعمل للطفل منظار تخاطب قبل العملية ومن خلاله بنحدد إذا كان الطفل أمان إننا نشيل اللحمية من غير ما صوته يتغير ولا لأ .
هي اللحمية بترجع تاني بعد ما تتشال يا دكتور ؟
_ على حسب هي اتشالت بالمنظار ولا جراحه عادية ...لو جراح الأنف والأذن شالها بالمنظار فنسبه رجوعها ١% ...يعني من كل ١٠٠ طفل اتعملهم العمليه ممكن طفل واحد ترجعله اللحمية .
إمتى الولد يقدر يطلع من المستشفى بعد العملية وهل العملية مؤلمه ؟
_ بعد العملية بساعه ...بنتطمن عليه لما يفوق وياكل ويشرب وبعد كدا يرجع بيته وممكن يرجع المدرسه ف خلال ٣ ايام ، مفيش أي ألم بإذن الله
د/ أحمد الهلالـــي
البورد المصري لجراحات الأنف والأذن والحنجرة
