د. محمد عليان - إستشاري طب الأطفال

  • Home
  • Egypt
  • El-Saff
  • د. محمد عليان - إستشاري طب الأطفال

د. محمد عليان - إستشاري طب الأطفال د. محمد عليان - استشاري طب الأطفال
بكالوريوس الطب والجراحة - جامعة القاهرة
الزمالة المصرية فى طب الاطفال

لو من العياط أو الأخصاص… صحة طفلك تستحق متابعة دقيقة واطمئنان مستمر من أول يوم 👶🏻💙مع د. محمد علياناستشاري طب الأطفال وحد...
18/07/2026

لو من العياط أو الأخصاص… صحة طفلك تستحق متابعة دقيقة واطمئنان مستمر من أول يوم 👶🏻💙

مع د. محمد عليان
استشاري طب الأطفال وحديثي الولادة

متابعة وعلاج حالات:
▪️ سوء التغذية وتأخر النمو
▪️ النزلات المعوية والجفاف
▪️ حساسية الصدر والربو الشعبي
▪️ الأنيميا وأمراض الدم
▪️ الصفراء عند حديثي الولادة
▪️ متابعة الأطفال المبتسرين
▪️ متابعة دورية للاطمئنان على نمو وصحة طفلك

📍 عيادة الأخصاص: يوميًا من 7 مساءً إلى 11 مساءً
أمام كوبري الأخصاص – الصف – الجيزة

📍 عيادة العياط: الأحد – الإثنين – الأربعاء – الخميس
من 10 صباحًا إلى 3 عصرًا
المحطة – برج عبيد – الدور الثالث – أمام بريد العياط

📞 للطوارئ والتواصل:
01092227907 – 01113103664

متابعة صحية مطمئنة لطفلك… من حديثي الولادة وحتى مراحل النمو المختلفة.

لى الشرف ان انسة ايسل رضيت تتصور معايا بعد محايلات كتيرة
25/06/2026

لى الشرف ان انسة ايسل رضيت تتصور معايا بعد محايلات كتيرة

04/06/2026

الكحة (السعال ) Cough
علامة ان الطفل عنده مشكلة فى الجهاز التنفسى
بل هى رد فعل طبيعى للجسم لحماية الجهاز التنفسى من اى شيئ غير طبيعى داخل ممرات الجهاز التنفسى
اسباب الكحة كتير جدا يمكن اشهرها :
الالتهاب الشعبى bronchitis
الالتهاب الشعيبى bronchiolitis
حساسية الصدر bronchial asthma
الالتهاب الرئوى pneumonia
التهاب الحنجرة و القصبة الهوائية laryngotracheitis
طبعا كل مرض من دول بيكون معاه اعراض و علامات تانية
بيسأل عليها الطبيب او بيدور عليها اثناء الفحص للوصول الى التشخيص النهائى
و بعد كدا يقرر الطبيب العلاج
طبعا يمكن اخطرهم الالتهاب الرئوى خاصة فى السن الصغير ( الرضع) و دا فى الغالب بيحتاج حجز داخل مستشفى
لان علاجه الرئيس هو الأوكسجين oxygenation لتجنب حدوث نقص الأوكسجين داخل الجسم hypoxia و قد يحتاج فى اغلب الحالات الى مضادات حيوية .
الالتهاب الشعيبى خطر جدا فى السن الصغير اقل من ٦ شهور
و لازم تقييم كويس و لو معاه اى درجة من درجات صعوبة التنفس لازم حجز داخل مستشفى و احيانا داخل عناية مركزة .
حساسية الصدر علاجها الرئيس هو استنشاق الكورتيزون و موسعات الشعب الهوائية بعد تقييم الطبيب لحالة المريض
لان فيه حالات علاجها داخل الطوارئ asthma exacerbation .
علاج التهاب الحنجرة و القصبة الهوائية croup
حسب خطورة الحالة severity
لو فيه اختناق مع الراحة stridor with rest دى حالة طوارئ و لازم العلاج داخل غرفة الطوارئ لانه الطفل بيحتاج ياخد جلسات بخار بمادة ادرينالين و هيحتاج كورتيزون و يوضع تحت الملاحظة لحين التحسن تماما من الاختناق .
الالتهاب الشعبى لا يحتاج علاج فى اغلب الحالات فقط المتابعة لحين التحسن
ملحوظة اخر عرض بيتحسن هو الكحة
يعنى ممكن الكحة فى الالتهاب الشعبى و الشعيبى تستمر شهر كامل و مفيش اى مشكلة طالما مفيش علامات خطورة
حد قرأ فى الكلام انى جبت سيرة دوا كحة ؟
مفيش حاجة اسمها دوا كحة
اهم حاجة الوصول الى التشخيص السليم و علاج المشكلة او المرض المتسبب فى الكحة
د/محمد عليان
استشارى طب الاطفال
٠١٠٩٢٢٢٧٩٠٧
٠١١١٣١٠٣٦٦٤

31/05/2026

التشنجات الحرارية febrile seizure بتحصل للاطفال من ٦ شهور الى ٥ سنوات فى حوالى ٤ ٪ فقط من الاطفال مع ارتفاع الحرارة و فى الغالب سببها عدوى فيروسية بسيطة زى ال roseola .
معنى كدا ان لو طفل اقل من ٦ شهور او اكبر من ٥ سنوات و حصل له تشنجات مع ارتفاع الحرارة fever + seizure نشك على طول فى التهاب سحائى و لازم فحص عاجل
د/محمد عليان
استشارى طب الاطفال

30/05/2026

لو ابنك حرارته ارتفعت و حصل له تشنجات حرارية
بلاش لبوس دولفين
و بلاش نحطه تحت حنفية
كل دا ملوش لازمة و مش هيوقف التشنجات
التشنجات هتتوقف لوحدها فى اقل من ٥ دقائق
نسبة قليلة جدا اللى ممكن تستمر اكتر من خمس دقايق و دى هتحتاج مستشفى
الطفل مش هيموت من التشنج اللى مدته ٥ دقايق
لكن ممكن يموت لا قدر الله لو شرق اثناء التشنج و مجرى التنفس اتسد
علشان كدا لازم نتعامل مع التشنج بالطريقة دى
١ - لازم تكون هادى و متخفش و تمالك اعصابك
٢ - خللى الطفل نايم على جنبه مش على ظهره و اتجاه فمه للارض علشان لو رجع اثناء التشنج الترجيع ينزل من الفم و ميشرقش منه لان دا اخطر حاجة
٣ - ياريت تحسب فترة التشنج بالضبط عن طريق ساعة التليفون بالثانية
٤ - هتحرك على المستشفى لو التشنج استمر اكتر من ٥ دقايق
د/محمد عليان
استشارى طب الاطفال

30/05/2026

آخر تحديث للخطوط الاسترشادية guidelines
انه لا ينصح بعمل كمادات للاطفال اللى حرارتهم عالية و لا حتى الاستحمام كما هو متعارف عليه
الاهم هو الارواء ( شرب الماء ) good hydration
و طبعا علاج السبب ان احتيج الى العلاج
لكن من فضل الله ان أغلب حالات الحمى سببها عدوى ڤيروسية و بتتحسن بدون تدخل فى خلال ايام
د/محمد عليان
استشارى طب الاطفال

30/05/2026

يا دكتور بس السخونة العالية اوى بتعمل تشنجات و احنا خايفين من كدا .
انا عاوز اقول لحضرتك ان التشنجات الحرارية بتحصل فى
٤ ٪ فقط من الاطفال و ملهاش علاقة بدرجة الحرارة اد ايه
يعنى ممكن طفل حرارته ٣٩ و يتشنج لانه من ال ٤٪ دول
و طفل اخر حرارته ٤١ و ميحصلش له تشنج
د/محمد عليان
استشارى طب الاطفال

30/05/2026

بس احنا سمعنا ان ابن فلان جارنا جاله شلل بسبب ان جاله سخونة عالية و سبوه لغاية السخونة ما اثرت على دماغه ؟
لا طبعا مش السخونة اللى اثرت على دماغه
دا فى الغالب كان عنده التهاب سحائى او التهاب بالمخ meningitis or encephalitis و كان من اعراضها ارتفاع الحرارة
لكن الاهل ميعرفوش كدا لان الحاجة اللى هما شافوها هى السخونة لكن لو الطفل كان اتعمل الفحوصات اللازمة CSF analysis and C/S كان ظهر فى التحاليل التهاب المخ واضح جدا
علشان كدا بنقول و نعيد ان اهم حاجة نعرف سبب السخونة علشان نحدد طريقة العلاج و المتابعة
د/محمد عليان
استشارى طب الاطفال

30/05/2026

هى السخونة fever ممكن تبوظ دماغ العيان brain damage ؟
لا طبعا مفيش الكلام دا
الا فى حالة واحدة ان الحرارة تكون ٤٢ او اكتر و دى بتحصل فقط مع التعرض للحرارة العالية environmental heat زى ضربات الشمس sun stroke علشان كدا ممنوع الخروج من البيت لو حرارة الجو عالية جدا
اما ارتفاع الحرارة الناتج عن العدوى infection فلا تصل الى المستوى دا
د/محمد عليان
استشارى طب الاطفال

29/05/2026

خوافض الحرارة المسموح بها فى الاطفال نوعين فقط لا ثالث لهما
ايبوبروفين
باراسيتامول
و تعطى بجرعات معينة محسوبة من طبيب الاطفال
10 mg /Kg / dose Q6hr
لان هناك ما يعرف بتسمم الباراسيتامول paracetamol toxicity و دا ممكن يعمل فشل كبدى
طبعا دا بيحصل من الجرعات العالية جدا من مادة الباراسيتامول
و ايضا الجرعات العالية من مادة ايبوبروفين ممكن تعمل نزيف بالجهاز الهضمى GI bleeding
او مشاكل بالكلى
و ممنوع اعطاء مادة ديكلوفيناك او كيتوبروفين كخوافض حرارة للاطفال

Address

امام كوبري الاخصاص/الاخصاص, الصف
El-Saff
11311

Opening Hours

Monday 7pm - 11pm
Tuesday 7pm - 11pm
Wednesday 7pm - 11pm
Thursday 7pm - 11pm
Saturday 7pm - 11pm
Sunday 7pm - 11pm

Website

Alerts

Be the first to know and let us send you an email when د. محمد عليان - إستشاري طب الأطفال posts news and promotions. Your email address will not be used for any other purpose, and you can unsubscribe at any time.

Shortcuts

Share

Category