09/03/2026
كل سنه وانتم بخير ي ماميز ♥️🥰
منتشر أوي الفترة الحالية حبوب عند الأطفال..
حبوب بتظهر في الأماكن المكشوفة زي الرجلين والذراعين والوجه.. وللأسف بتسيب أثر مكانها بسبب الهرش..
وبتستمر لفترة طويلة، يمكن بتروح وتيجى من بداية الصيف..
دى حساسية حشرية.. من قرص الناموس والدبان..
الشخص الطبيعى لما تقرصه ناموسة مثلاً تعمل حباية بسيطة ويومين تلاتة وتروح ده العادى.. لكن الطفل اللى عنده حساسية لما حشرة تقرصه بتورم وتكبر ويحصل فيها أكلان وهرش..
وطبعا بتظهر فى الأماكن المكشوفة من الجلد زى ما قولنا الأرجل والذراعين والوجه..
نيجى بقى للمهم.. العلاج..
١. أهم حاجة في العلاج نمنع الحشرات.. نحط بخاخ off ناموسية بقى.. نرش مبيد حشرى.. سائل راجون أو غيرها من الطرق.
٢. ندهن كريم مرطب زى كالاميل د أو carby أو gensil مرتين يومياً.
٣. لو الإلتهاب شديد ندهن دهان للحساسية زى
Wellometasone
Brogasone
دهان موضعى صباحا ومساءا
٤. ندى دواء للحساسية زى
Alergoliber syrup
وده جرعته كالتالي..
- للأطفال الأصغر من سنتين:
٢.٥سم بالفم مرة يوميا مساءً لمدة أسبوعين أو أكثر حسب الحالة.
-الأطفال الاكبر من سنتين:
٥سم بالفم مرة يوميا مساءً لمدة أسبوعين أو أكثر حسب الحالة
حفظ الله أطفالكم ♥️♥️
