Dr /Eman Refeat د.إيمان رفعت

Dr /Eman Refeat د.إيمان رفعت Contact information, map and directions, contact form, opening hours, services, ratings, photos, videos and announcements from Dr /Eman Refeat د.إيمان رفعت, Health & Wellness Website, El Shohada.

Dr/Eman Refeat Clinical Nutritionist
🔹 د/ إيمان رفعت
أخصائية تغذية علاجية وأمراض السمنة والنحافة
وتغذية الرياضيين
🔹 تغذية الأطفال والحوامل والمرضعات
🔹 تغذية مرضى القلب والكبد والكلى وأمراض الجهاز الهضمي
🔹 متابعة التغذية بعد العمليات الجراحية

الميزان بيقول رقم... لكن جسمك بيحكي القصة الحقيقية. 🤍مش كل مرة يثبت فيها الوزن يبقى مفيش تقدم!ممكن تكون: ✨ خسرتِ دهون. ✨...
06/08/2026

الميزان بيقول رقم... لكن جسمك بيحكي القصة الحقيقية. 🤍
مش كل مرة يثبت فيها الوزن يبقى مفيش تقدم!
ممكن تكون: ✨ خسرتِ دهون. ✨ حافظتِ على الكتلة العضلية أو بنيتيها. ✨ وده هو التغيير الحقيقي اللي بيظهر في شكل الجسم وصحتك.
لذلك، متخليش رقم الميزان هو المقياس الوحيد لنجاحك.
ركزي على: ✔️ نسبة الدهون. ✔️ الكتلة العضلية. ✔️ مقاسات الجسم. ✔️ مستوى النشاط والطاقة. ✔️ شكل جسمك في المراية.
🎯 هدفنا مش مجرد رقم أقل على الميزان... هدفنا جسم صحي، قوي، ومتوازن.
اصبري على النتائج، لأن التغيير الحقيقي بيحصل بالتدريج، ومع الاستمرار هتشوفي فرق أكبر من مجرد رقم.
مستنية إيه؟ ✨
لو هدفك خسارة دهون، تحسين صحتك، أو تغيير عاداتك الغذائية... احجزي متابعة وابدئي أول خطوة النهارده. 💚
✨ استثمري في صحتك، وليس فقط في رقم على الميزان.
احجزي استشارتك الآن مع. Dr /Eman Refeat د.إيمان رفعت ، ودعينا نضع لكِ خطة غذائية تناسب جسمك، أسلوب حياتك، وأهدافك الصحية. 💚📩

😔 تعرفوا إيه أكتر حاجة بتزعلني؟إن ناس كتير طول الصيف تقول:"أنا باكل خفيف جدًا... ومع ذلك الميزان ثابت!"ولما نقعد نتكلم ش...
25/07/2026

😔 تعرفوا إيه أكتر حاجة بتزعلني؟

إن ناس كتير طول الصيف تقول:
"أنا باكل خفيف جدًا... ومع ذلك الميزان ثابت!"

ولما نقعد نتكلم شوية... نكتشف إن المشكلة مش في الإرادة خالص، المشكلة في كام غلطة صغيرة بنعملها كلنا من غير ما ناخد بالنا. ☀️💛

🍇 بتعتمد على الفاكهة طول اليوم... وتفتكر إنها كفاية.

🧃 بتشرب عصير طبيعي كتير... وتنسى إنه برضه فيه سكريات.

🍦 تستبدل الغدا أو العشا بآيس كريم عشان الحر.

💧 تنسى تشرب مياه... وتفتكر إنك جعان.

🌙 تسهر... وبعدها تلاقي نفسك بتاكل أي حاجة قدامك.

🥗 تاكل سلطة من غير بروتين... وبعد ساعة تكون جعان تاني.

🥤 تشرب آيس تي أو ميلك شيك أو فرابتشينو... وتنسى إنهم ممكن يبقوا وجبة كاملة في سعراتهم.

💦 وتفتكر إن العرق معناه إن الدهون بتتحرق... بينما اللي بينزل هو سوائل بس.

🤍 صدقني... نزول الوزن مش محتاج حرمان، ومش محتاج تعذب نفسك.

محتاج بس تعرف جسمك بيغلط فين... وتصلح الغلط بطريقة تناسب حياتك.

لو حاسس إنك بتعمل كل اللي عليك ولسه الوزن واقف...
📩 ابعتلي كلمة "صيف" في الرسايل، وهقولك أول خطوة تناسب حالتك، من غير أي لوم أو حرمان.

واكتبلي في الكومنتات...
إيه أكتر غلطة كنت بتعملها ومكنتش تعرف إنها بتعطّل نزول الوزن💚

وحشتوني جدًا... والله أكتر مما تتخيلوا! 🤍🌿عارفة إني غبت شوية، لكن رجعت ومعايا محتوى هيكون مفيد لكل واحدة بتدور على معلوم...
10/07/2026

وحشتوني جدًا... والله أكتر مما تتخيلوا! 🤍🌿
عارفة إني غبت شوية، لكن رجعت ومعايا محتوى هيكون مفيد لكل واحدة بتدور على معلومة صح مبنية على العلم، وبأسلوب بسيط نقدر نطبقه في حياتنا. 💚
وأول موضوع هنبدأ بيه هو تكيس المبايض (PCOS)، لأنه من أكتر الحالات اللي بشوف فيها معلومات متداولة للأسف مش كلها صحيحة.
🌸 تكيس المبايض مش معناه إنك تمنعي الأكل... لكنه معناه إنك تختاري أكلك صح.
التغذية تعتبر جزء أساسي من العلاج، لأنها بتساعد على تحسين مقاومة الإنسولين، وتنظيم مستوى السكر في الدم، وكمان بتدعم الوصول لوزن صحي لو كان ده من أهداف العلاج.
✨ إيه أهم الحاجات اللي نهتم بيها؟
🥗 ١- متفوتيش وجباتك حاولي تتناولي 3 وجبات رئيسية بانتظام، لأن الانتظام في الأكل بيساعد على استقرار الطاقة وتقليل نوبات الجوع.
🥚 ٢- البروتين في كل وجبة زي: البيض، الدجاج، السمك، الزبادي اليوناني، والبقوليات. البروتين بيساعد على الشبع ويحافظ على استقرار مستوى السكر في الدم.
🌾 ٣- اختاري الكربوهيدرات الغنية بالألياف بدل الخبز والأرز الأبيض والحلويات، اختاري: ✔️ الشوفان ✔️ الحبوب الكاملة ✔️ الأرز البني ✔️ البقوليات ✔️ الخضروات ✔️ الفاكهة الكاملة
الألياف بتخلي ارتفاع السكر في الدم تدريجي، وبتخليكي شبعانة لفترة أطول.
💧 ٤- اشربي مياه كفاية حاولي تشربي من 6 إلى 8 أكواب يوميًا من المياه أو السوائل غير المحلاة للحفاظ على ترطيب الجسم.
🏃‍♀️ ٥- الحركة علاج 150 دقيقة نشاط بدني أسبوعيًا ممكن تعمل فرق كبير في تحسين حساسية الجسم للإنسولين ودعم التحكم في الوزن.
💜 وأهم حاجة أحب أفكرك بيها... مفيش نظام غذائي واحد يناسب كل مريضة تكيس مبايض، لأن كل حالة لها ظروفها واحتياجاتها المختلفة. عشان كده، الخطة الغذائية لازم تكون مناسبة ليكي إنتِ، مش منقولة من حد تاني.


أكتر سؤال بيتسأل من الحالات هو: "الشاي بلبن معانا في الدايت؟" ☕🤔والإجابة دايمًا بتكون: المشكلة عمرها ما كانت في الشاي بل...
17/06/2026

أكتر سؤال بيتسأل من الحالات هو: "الشاي بلبن معانا في الدايت؟" ☕🤔
والإجابة دايمًا بتكون: المشكلة عمرها ما كانت في الشاي بلبن...
المشكلة الحقيقية في كمية اللبن اللي بناخدها على مدار اليوم، وكمية السكر اللي بنضيفها.
لو كوباية اللبن المحسوبة في نظامك الغذائي قسمتها على مدار اليوم، وعملت بيها شاي بلبن من غير سكر، فمفيش أي مشكلة، بالعكس هتستمتع بمشروبك المفضل وتلتزم بنظامك في نفس الوقت. ✅
افتكروا: الدايت مش حرمان، الدايت هو تنظيم واختيار الكميات الصح. 🌿🤍
#دايت

🤔 "هو البيض مفيد ولا مضر؟"من أكتر الأسئلة اللي بتتكرر كل يوم تقريبًا...ولسنين طويلة كان البيض متهم إنه بيرفع الكوليسترول...
11/06/2026

🤔 "هو البيض مفيد ولا مضر؟"
من أكتر الأسئلة اللي بتتكرر كل يوم تقريبًا...
ولسنين طويلة كان البيض متهم إنه بيرفع الكوليسترول وبيضر القلب 😅
لكن الحقيقة إن العلم في السنوات الأخيرة قال كلام مختلف تمامًا.
🥚 البيض من أفضل وأرخص مصادر البروتين الكامل. 🥚 فيه عناصر مهمة للمخ والذاكرة وصحة العين.
🥚 بيساعد على الشبع لفترة أطول، وده بيخلي التحكم في الأكل أسهل.
🥚 مفيد للأطفال في مرحلة النمو، وللحوامل، وكمان لكبار السن للحفاظ على الكتلة العضلية.
والأهم...
✅ بالنسبة لمعظم الأشخاص الأصحاء، تناول بيضة يوميًا يعتبر آمنًا ضمن نظام غذائي متوازن.
لكن في نقطة مهمة جدًا 👇
المشكلة غالبًا مش في البيض...
المشكلة في اللي بناكله مع البيض! 😄
🍳 بيض مع سلطة وخضار وخبز بلدي أو حبوب كاملة؟ ممتاز.
🥓 بيض مع لحوم مصنعة ومقليات بشكل يومي؟ هنا لازم نراجع الوجبة كلها، مش البيض فقط.
في التغذية مفيش أكل "ملاك" وأكل "شيطان"... فيه نمط حياة كامل هو اللي بيصنع الفرق. ❤️
قولولي بقى... أنتم من فريق البيض المسلوق؟ 🥚 ولا الأومليت؟ 🍳😋

لو استغلّيتي العشر الأوائل من ذي الحجة بطريقة صح، ممكن تنزلي من ٢–٤ كيلو قبل العيد بدون حرمان، عشوائي أو دايت قاسي.الفكر...
16/05/2026

لو استغلّيتي العشر الأوائل من ذي الحجة بطريقة صح، ممكن تنزلي من ٢–٤ كيلو قبل العيد بدون حرمان، عشوائي أو دايت قاسي.
الفكرة مش “تجويع”...
الفكرة تنظيم الأكل والصيام بطريقة تقلل السعرات وتحافظ على الشبع والطاقة.
✨ نظام مناسب للعشر من ذي الحجة:
🌙 وقت الإفطار: • ٢ كوب ماء
• ٢ تمر فقط
• شوربة خضار أو شوربة بروتين خفيفة
🕌 بعد الصلاة بـ ١٥–٢٠ دقيقة:
🍽️ الوجبة الأساسية: • مصدر بروتين:
دجاج / تونة / سمك / لحم خالي من الدهون / بيض
• طبق سلطة كبير
• كمية كارب معتدلة:
½ كوب أرز أو شريحة توست أو بطاطس متوسطة
⏰ بعد الإفطار بساعتين:
🍏 سناك خفيف: • زبادي يوناني
أو
• ثمرة فاكهة
أو
• قهوة بدون سكر + حفنة مكسرات
🌅 السحور: • بيض + جبنة قريش + خضار
أو
• زبادي يوناني بالشوفان
أو
• فول بكمية معتدلة + سلطة
📌 مهم جدًا أثناء النظام: ✔️ شرب ٢–٣ لتر ماء
✔️ تقليل الحلويات والعصائر
✔️ المشي ٢٠–٣٠ دقيقة يوميًا
✔️ النوم الكافي لتقليل الجوع
✨ النظام يساعد على: • تقليل احتباس السوائل
• التحكم في الشهية
• نزول الدهون بشكل تدريجي
• تقليل الانتفاخ قبل العيد
👌 مناسب لمين؟ • الأشخاص اللي هدفهم نزول وزن سريع نسبيًا قبل العيد
• اللي بيعانوا من الأكل العشوائي بعد الإفطار
• الأشخاص القادرين على الصيام بدون مشاكل صحية
⚠️ غير مناسب لـ: • الحوامل والمرضعات
• مرضى اضطرابات الأكل
• مرضى السكر غير المنتظم
• بعض مرضى المعدة والكلى إلا بعد مراجعة مختص
❤️ النزول الحقيقي مش بيكون من “المنع” لكن من نظام مناسب لجسمك وحياتك.
📩 لو عايزة أساعدك بنظام يناسب جسمك وهدفك ابعتي:
“عايزة نظام” 👇

بتعمل دايت ومش شايف نتيجة رغم إنك ملتزم؟ 🤔غالبًا المشكلة مش فيك… المشكلة في شوية أخطاء صغيرة بتعطل النتيجة 👌في البوست ده...
09/05/2026

بتعمل دايت ومش شايف نتيجة رغم إنك ملتزم؟ 🤔
غالبًا المشكلة مش فيك… المشكلة في شوية أخطاء صغيرة بتعطل النتيجة 👌
في البوست ده جمعنالك أشهر أخطاء الدايت + طريقة تصليحها 💚👇
❌ الأكل الصحي بكميات مفتوحة
✔️ حتى الأكل الصحي لازم يكون بحساب وكميات مناسبة.
❌ الاستسلام بعد وجبة مفتوحة
✔️ وجبة مش هتبوظ كل حاجة… ارجع لنظامك عادي وكمل.
❌ تقليل الأكل بشكل مبالغ فيه
✔️ جسمك محتاج توازن، مش حرمان.
❌ الاعتماد على الميزان بس
✔️ تابع المقاسات، الصور، وطاقة جسمك كمان.
❌ قلة النوم والتوتر
✔️ النوم الجيد بيفرق جدًا في الشهية والحرق.
❌ شرب سعرات من غير ما تحس
✔️ انتبه للمشروبات والسكر المضاف طول اليوم.
❌ مقارنة نفسك بغيرك
✔️ كل جسم له سرعته وطبيعته… المهم الاستمرار 💪
✨ السر الحقيقي مش “الكمال”
السر إنك تعمل نظام تقدر تكمل عليه براحة واستمرارية.
ولو نفسك تخس بشكل صحي ومن غير حرمان…
ابعتلنا رساله ع الصفحه 💚
هنمشي خطوة بخطوة لحد ما توصل لوزنك اللي يريحك ويخليك فخور بنفسك ✨
د. إيمان رفعت
أخصائية التغذية العلاجية

🥖 العيش الأبيض ولا العيش البني؟الفرق مش في اللون بس 👌🔸 العيش الأبيض(الفينو – التوست الأبيض – المخبوزات بالدقيق الأبيض)بي...
08/05/2026

🥖 العيش الأبيض ولا العيش البني؟
الفرق مش في اللون بس 👌
🔸 العيش الأبيض
(الفينو – التوست الأبيض – المخبوزات بالدقيق الأبيض)
بيتعمل من دقيق مكرر اتشال منه الردة والألياف،
وده بيخليه: • يهضم بسرعة
• يرفع السكر بسرعة
• يشبع لفترة أقل
لكن 👇
العيش الأبيض مش “عدو” زي ما ناس كتير فاكرة 😊
بالعكس، أوقات بيكون اختيار مناسب جدًا، خصوصًا للرياضيين بعد التمرين 💪
لأن الجسم وقتها بيكون محتاج Simple Carbs سريعة الامتصاص علشان تساعد في تعويض مخزون الجليكوجين وتغذية العضلات.
🔸 العيش البني / الحبة الكاملة
بيتعمل من دقيق كامل فيه الألياف والردة،
وده بيساعد على: • شبع لفترة أطول
• تنظيم سكر الدم
• تحسين الهضم
✨ والأهم نعرف إن:
✅ مفيش فرق كبير في السعرات الحرارية بين العيش الأبيض والبني
لكن الفرق الأساسي بيكون في: • كمية الألياف
• سرعة الهضم
• الإحساس بالشبع
• التأثير على سكر الدم
⚠️ ومش أي عيش لونه بني يبقى صحي!
لازم نتأكد إنه مصنوع من دقيق حبة كاملة 100٪.
✨ صحتك مش محتاجة حرمان… محتاجة فهم واختيارات أذكى 🤍
د. إيمان رفعت
أخصائية التغذية العلاجية 🩺🌿
تابعوا الصفحة لكل المعلومات الصحية الصح بطريقة بسيطة وعملية

🤰🔥 الحموضة وارتجاع المرئ في الحمل؟ الحل في خطوات بسيطة!لو بتعاني من حرقان في المعدة أو ارتجاع… البوست ده ليكي 💛✨ إرشادات...
23/04/2026

🤰🔥 الحموضة وارتجاع المرئ في الحمل؟ الحل في خطوات بسيطة!
لو بتعاني من حرقان في المعدة أو ارتجاع… البوست ده ليكي 💛
✨ إرشادات مهمة هتفرق معاكي:
🍽️ كلي وجبات صغيرة ومتكررة (حوالي 6 وجبات يوميًا)
😌 كلي براحة وببطء وامضغي الأكل كويس
🚫 بلاش تملي معدتك مرة واحدة
💧 اشربي 8–10 أكواب مياه يوميًا (بين الوجبات مش أثناء الأكل)
☕ ابعدي عن: القهوة – الشاي – النسكافيه – الكولا
🚭 ابتعدي عن التدخين والمشروبات الضارة
🪑 اقعدي بشكل مستقيم بعد الأكل لمدة ساعتين على الأقل
🛌 ما تناميش إلا بعد آخر وجبة بساعتين
🛏️ ارفعي رأسك وكتفيك أثناء النوم (زاوية 45°)
👗 اختاري ملابس واسعة ومريحة
🍊 قللي الأكلات اللي بتزود الحموضة زي:
الحمضيات (البرتقال – اليوسفي – الليمون)
النعناع – الشوكولاتة – المقليات – الأكل الحار
⚠️ مهم جدًا:
ممنوع تاخدي أي أدوية للحموضة من غير استشارة الطبيب
💬 واحكي لنا في الكومنتات: إيه أكتر حاجة بتتعبك في الحموضة؟
📌 احفظي البوست وابعتيه لأي حامل محتاجة النصايح دي 🤍

🤰💛 الغثيان والقئ في الحمل… طبيعي لكن نقدر نخففهكتير من الحوامل بيعانوا من الغثيان خاصة في الشهور الأولى بسبب التغيرات ال...
21/04/2026

🤰💛 الغثيان والقئ في الحمل… طبيعي لكن نقدر نخففه

كتير من الحوامل بيعانوا من الغثيان خاصة في الشهور الأولى بسبب التغيرات الهرمونية 👇اتبعي الإرشادات دي بالترتيب عشان تحسي بفرق 👌

🌿 أولاً: نظام أكلك مهم جداً
1️⃣ كُلي حاجة خفيفة قبل ما تقومي من السرير بـ15 دقيقة (بسكويت سادة / توست / بقسماط).
2️⃣ قسّمي أكلك لـ 5–6 وجبات صغيرة بدل 3 وجبات كبيرة.
3️⃣ تجنبي شرب السوائل أثناء الأكل، وخليها بين الوجبات بنص ساعة.
4️⃣ اهتمي بشرب الميه بكميات كافية على مدار اليوم.
5️⃣ ممكن تناول الزنجبيل يساعد في تقليل الغثيان.

🌿 ثانياً: ابعدي عن الحاجات اللي تزود الغثيان
6️⃣ تجنبي المشروبات اللي فيها كافيين زي الشاي، القهوة، والنسكافيه.
7️⃣ بلاش المشروبات الغازية لأنها بتزود الإحساس بالغثيان والانتفاخ.
8️⃣ قللي من الأطعمة الدسمة والمقلية والسكريات الكتير.
9️⃣ تجنبي الأكل الحار والروائح النفاذة.

🌿 ثالثاً: الراحة أساسية
🔟 خدي قسط كافي من النوم واهتمي بتهوية المكان كويس.
حاجه اخيره ياريت نعتمد في الاكل ع الاطعمه التي تحتوي علي الكربوهيدرات المعقده زي الفول والعدس واللوبيا ونتجنب السكريات البسيطه زي السكر والعسل والمربي
🚨 لو القئ مستمر طول اليوم أو مش قادرة تحتفظي بالأكل أو السوائل، لازم مراجعة الطبيب فوراً.

✨ استنونا في البوست الجاي هنتكلم بالتفصيل عن الحموضة وارتجاع المرئ أثناء الحمل وإزاي نتعامل معاهم.

Address

El Shohada

Website

Alerts

Be the first to know and let us send you an email when Dr /Eman Refeat د.إيمان رفعت posts news and promotions. Your email address will not be used for any other purpose, and you can unsubscribe at any time.

Shortcuts

Share

Category