22/05/2022
الخلاصه فى تساقط الشعر عندنا كلنا 🤷♀️
لو عندك انيميا ومعالجتيهاش صح يبقى انسى ان شعرك يرجع لطبيعته تانى وهيقع كل يوم اكتر من الاول !
لو فى فطريات فى شعرك او اماكن فاضيه كتير فى الفروه وانتى فاكره انها هتروح لوحدها مع الوقت ومش عايزه تكشفى جلديه ممكن تكون ثعلبه وهتسرح فى شعرك كله 🥴
لو بتاخدى حبوب منع الحمل وتساقط الشعر زاد اوى اول مااستعملتيها يبقى لازم تراجعى دكتور النسا وتطلبى وسيله منع تانيه تكون مناسبه ليكى 😉
لو عندك مثلا السكر ومطنشه السكر والله مهما تكشفى جلديه وتاخدى علاج للتساقط مش هيتحسن طول ماسكرك عالى وربنا يشفيكى ويعافيكى يارب 😘
لو شعرك بيقع بغزاره يبقى لازم تتطمنى على الغده الدرقيه
لو بتحرقى فى دمك كل يوم يبقى انسى ان شعرك يبطل يقع خليكى بارده صحتك بالدنيا 😂😂
لو بتغسلى شعرك بالشامبو اكتر من ٣ ايام فى الاسبوع يبقى التساقط هيزيد الطبيعى انك تغسلى مرتين بس فى الاسبوع ☺️
وفى النهايه مفيش غنى عن الفحص الموضعى فى الحالات المزمنه مع دكتور جلديه متخصص وفاهم 😉
دمتم بخير😍🥰 كل الكلام اللى فوق ده كلام دكاتره مش كلامى 😉😉
