13/03/2023
مرض الضغط ، أو ما يسمي ب (القاتل الصامت).
في البدايه مش لازم تحس بصداع عشان يتم تفسير إن ضغط الدم عندك كده إرتفع ، عادي جدا وكتيير بنشوف أرقام فوق ١٨٠/١٠٠ والمريض مكانش حاسس بأي ٱعراض تُذكر ,,,
وإرتفاع الضغط بيكون لعدة أسباب منها زيادة الوزن ومحتوي الكوليسترول بالجسم ومرض السكر الغير منضبط وبعض المشاكل الهرمونية والتدخين ,
**من أشهر المضاعفات اللي تحدث لمرضي الضغط الغير منتظم :
إرتشاحات رئوية وجلطات بالقلب ونزيف أو جلطات بشرايين المخ ، ومشاكل ب الكلي والرمد
نصيحه لكل مريض ضغط متنساش تتطمن علي ضغطك بإستمرار
ولابد من تقليل كمية الملح ب الأكل بتاعنا وتجنب المجهود البدني والذهني الزائد وطبعا نلتزم بالمتابعة الدوريه مع طبيبنا المعالج ، وناخد العلاج ف المواعيد المحدده
وبالمناسبه بلاش كلمة (كركديه) ساقع ٱو مشروبات دافيه بتنزل الضغط دي ، لا أساس علمي للكلام ده
ولا حتي أدوية كابوتن تحت اللسان ولازيكس وخلافه ناخدهم في حالة الارتفاع الطارئ للضغط ، لان بكده ممكن تتسبب في حدوث مضاعفات كبيره ، الضغط بينزل بالتدريج وتحت إشراف مختص ، ودمتم بصحه♥️
