31/07/2026
كتفك بدأ بوجع خفيف، وفجأة الوجع ده قلب بـ "تكتيفة" غريبة تخليكى مش قادرة ترفعى دراعك لفوق، ولا عارفه تلبسى جاكت، ولا حتى تتقلبى في السرير بالليل..
ممكن يكون السبب مشكله "الكتف المتجمد" (Frozen Shoulder).
المشكلة دي بتختلف تماماً عن إصابات الأوتار أو الاصطدام (Impingement) اللي اتكلمنا عنها قبل كده.
إيه اللي بيحصل جوه كتفك بالظبط؟مفصل الكتف محاط بكبسولة مرنة بتسمح بحريّة الحركة .
في حالة الكتف المتجمد الكبسولة دي بيحصل فيها التهاب شديد بيتبعه "تليّف وسماكة"، كأن المفصل اتربط بحبل ناشف قيد حركته تماماً في كل الاتجاهات.
⚠️ مين أكتر الناس عرضة للكتف المتجمد؟
1️⃣ مرضى السكري: هما الأكثر عرضة للإصابة دي بسبب تأثير السكر على مرونة ألياف الكولاجين في الأنسجة.
2️⃣ بعد العمليات أو الكسور: لو دراعك اتثبت لفترة طويلة بدون حركة (زي بعد كسر الترقوة أو الساعد).
3️⃣ مشاكل الغدة الدرقية: وجود خلل في الهرمونات بيمهد أحياناً لحدوث الالتهاب ده.
⏳ مراحل الكتف المتجمد :
مرحلة التجمد (Freezing): وجع شديد جداً مع بداية خسارة الحركة (بتستمر لشهور).
المرحلة المتجمدة (Frozen): الوجع بيقل شوية، بس الكتف بيبقى "خشب" تماماً والحركة شبه منعدمة.
مرحلة الذوبان (Thawing): الحركة بتبدأ ترجع تدريجياً.
ليه العلاج الطبيعي هو البطل الحقيقي في الحالة دي؟السكوت على الكتف المتجمد بيطول فترة الإصابة وممكن تقعد لسنتين! دورنا هو تقصير المدة دي وحماية المفصل عن طريق:
تحريك المفصل اليدوي (Joint Mobilization): تكتيكات مخصصة لشد الكبسولة المتليفة برفق وزيادة المدى الحركي بدون زيادة الالتهاب.
العلاج الحراري والموجات الصوتية: لزيادة مرونة الأنسجة قبل التمارين.
تمارين الاستطالة الذاتية (بندول ومقود السفينة): تمارين بنعلمها لك وبنعملها معاكى عشان تحافظ على كل زاوية حركة بنكسبها في الجلسة.
الكتف المتجمد كل ما بدأنا علاجه بدري، كل ما وفرنا شهور من الوجع والتكتيفة.
Dr.Nada Nasser
