18/07/2021
ابني يشوف ذبح الأضحية ولا لأ
ابني عنده 5 سنين شاف الجزار وهو بيدبح الخروف
ومن ساعة ما شاف الخروف بيتدبح وهو بيعيط وكل شوية يقولي انتوا موتوه انتوا قتلتوا الخروف
انا بحبه😭😭
هو بيحب الحيوانات بيحب الخروف والبقرة والأرانب والفراخ وعايز يجيبهم كلهم عنده في البيت
لعبته المفضلة الحيوانات بتاعته
بينزل مع باباه ويعدي عند الجزار يروح علشان يشوف البقرة أو الخروف اللي عنده
لما بيعدوا على محل الفراخ يروح يتفرج على الفراخ والارانب
ويرجع يحكيلي شاف ايه ويقولي سلمت عليهم علشان هما عارفني
دلوقتي هو حزين جدااا وانا مش عارفة افهمه .. أعمل ايه ؟؟
------------------------------------------------------------------------------------
ده من الأسئلة المتكررة كل عيد ولأن الوقاية خير من العلاج قولت نتكلم في موضوع الاضحية من النهاردة علشان نخلي بالنا ونقي أولادنا من كتير من المشكلات النفسية اللي ممكن يتعرضوا ليها
أشار الباحثين في طب نفس الطفل إن ممنوع منعا باتا ان الطفل الأصغر من 10 سنوات انه يشوف ذبح الأضحية
إلا لو كان الطفل من مجتمعات متعود على انه يشوف ذبح الانعام ( الحيوانات التي تؤكل )
يعني لو الطفل ده اصلا متربي ومتعود على كده
تعالوا نعرف ليه ممنوع قبل 10 سنوات ؟؟؟
----------------------------------------------------------------------------------------
1- لأن من سمات الأطفال في سن الطفولة المبكرة ( الخيال )
وده هيخليهم يضيفوا ويتخيلوا على المشهد الحقيقي خيال أكبر من الحقيقة
وده هيسبب خوف أكبر من مستوى فهمنا احنا المتواضع
ومش هنبقى قادرين نوصل هو متخيل ايه وهنبقى بنتفه أوي من خوفه
واحتمال كمان نشد عليه ومتخافش وانشف كده انت راجل 😏
2- كمان من سمات الطفولة المبكرة التقليد فممكن يجرب يستخدم السكين
علشان يدبح طبعا يجرب 😑
( فهنلاقيه وهو بيلعب اللعب التخيلي بيدبح ألعابه ونبقى دخلنا في سكة عنف )
3- مشهد ذبح الأضحية ورؤية الدم وخروج روح الأُضحية من المواقف المؤثرة اللي بتأثر فينا احنا الكبار
واحنا عارفين السبب والغاية من الاضحية ايه
فما بالنا بطفل لسه مش مستوعب الفكرة!!!
هلاقي هنا أم تقولي هفهم الطفل ان الاضحية دي فدية عن سيدنا اسماعيل وهحكيله قصة سيدنا ابراهيم وسيدنا اسماعيل
وهنا هقف معاكي واقولك تخيلي كده الطفل اللي خايف ومش فاهم قصة دبح الخروف او الاضحية
انتي بقى هتشرحيله قصة أب أُ ُمر بذبح ابنه فهيفهم ويستوعب !! طبعاااا لأ
ليه ؟؟؟
4- ابنك من سن 6 ل قبل ال 10 سنوات تقريبا لسه مهاراته الأدراكية لم تكتمل بعد
يعني ابنك لسه مش هيُدرك الغاية من الذبح إلا بعد ال10 سنوات أو 11 سنة
نكمل خطورة مشاهدة مرحلة الذبح :
5- الأطفال بتحب حيواناتهم وبيتعلقوا بيها فطبعا لا يفضل ان الطفل يتعرف على الاضحية دي ولا يتعلق بيها علشان لما تتدبح ميتأثرش نفسيا 😔
6- بتسبب كمان أن الطفل ممكن يُصاب بحالات تبول لا إرادي وأحلام مزعجة أثناء النوم ونوبات خوف ونفور من أكل اللحوم.
7- مشهد الدبح ممكن يتخرن في عقل ابنك بطريقة غير صحية
فيسببله ( صدمة نفسية ) فيكبر وهو رافض أكل اللحوم .
8- وبعض الأشخاص بيصابوا بفوبيا الدماء واللي من أعراضها الشعور بالخوف والقلق الشديد من الدماء حتى لو كان عنده جرح صغير
وممكن توصل للإصابة بنوبات قلق وخوف وارتجاف واحيانا إغماء أو قئ .
"طيب لو ابنك أكبر من ١٠ سنوات ممكن يشوف مشهد الذبح "
((((ولكن ))))
مهم اننا نعمل تهيئة الأول .. إزاي ؟؟؟
1 - نحكي قصة سيدنا ابراهيم وسيدنا اسماعيل وبما فيها قصة ( الفدية )
بطريقة لطيفة ومبسطة
2 - نشرح إن ذبح الأضحية بيكون له أصول وقواعد وبرأفة ورحمة .
ماذا بعد الدبح ؟؟؟؟
----------------------
✅ممكن الطفل يشوف مراحل التقطيع
✅ممكن يشارك في التوزيع
⛔⛔ناخد بالنا من حاجة مهمة ⛔⛔
------------------------
🚫متجبريش ابنك على مشاهدة الدبح حتى لو أكبر من 10 سنين.
لو هو معندوش رغبة يبقى بلاش وده ملهوش أي علاقة بالجرأة أوالشجاعة أوالرجولة.
لو ابنك بيميل للعنف يبقى بلاش يشوف مرحلة الدبح حتى لواكبر من 10 سنين.
الطفل الجرئ ممكن يحب يتفرج من باب الافتخار بقدراته.
مش بنقارن ولادنا ببعض كل طفل مختلف عن غيره حتى لو اخوات.
🏳🏳 طبعاااا في ناس هتقول عادي ولادنا شافوا الدبح ومحصلهمش حاجة
ده طبعا بيختلف من ظروف بيت لبيت تاني
وكلنا أمهات وأهم حاجة ان كل أم تكون مطمنة على ولادها بما يتناسب مع حياتها☺
شيييييييييرررررر علشان بوصل لكل الأمهات
❤وكل سنة وانتوا طيبين ❤
للتواصل ☎️ 01014227567
العنوان 🏦 ميدان المسلة - برج الأطباء - أعلى مطعم روزانا - الدور الثالث
