18/07/2026
هو كل وجع في العضم أو العضلات يبقى نقص Vitamin D؟!
مش دايمًا!!!
ناس كتير أول ما تحس بوجع في الضهر أو إرهاق تقول: "أكيد عندي نقص Vitamin D" لكن الحقيقة إن الأعراض دي ليها أسباب كتير، وعلشان كده مينفعش نعتمد على الأعراض بس.
إمتى الدكتور ممكن يطلب تحليل Vitamin D ؟
لما يكون المريض بيعاني من:
- وجع مستمر في العضم أو العضلات.
- إرهاق وتعب من غير سبب واضح.
- ضعف في العضلات.
- تكرار الكسور أو هشاشة العظام.
- أو عنده عوامل تزود احتمال نقص Vitamin D.
مين أكتر ناس معرضين لنقص Vitamin D؟
- الناس اللي مبتتعرضش للشمس بشكل كافي.
- كبار السن.
- الحوامل والمرضعات.
- مرضي السمنة.
- الناس اللي عندهم بعض أمراض الجهاز الهضمي اللي بتأثر على امتصاص ال Vitamins في الجسم .
ليه الموضوع ده مهم ؟!!
لأن في ناس بتروح تعمل تحليل Vitamin D أول ما تحس بأي تعب، وفي ناس تانية تبدأ تاخد جرعات من نفسها من غير ما تعرف مستواه في الجسم.
وده ممكن يخلي الشخص ياخد علاج هو مش محتاجه، أو ياخد جرعة أكبر من اللازم.
لو الدكتور طلب تحليل Vitamin D، متبدأش العلاج قبل ما تشوف النتيجة، لأن الجرعة بتختلف من شخص للتاني حسب مستوى ال Vitamin في الجسم.
🔬♥️
♥️
