26/12/2024
🙋♀️ ليه شعري بيقع؟ وإيه الخطوات الصح اللي محتاجة أعملها عشان الحق شعري؟
كتير بنسمع ناس بتقول "شعري بيقع بزيادة" أو "فراغات ظهرت في راسي"، وده ممكن يكون ليه أكتر من سبب، من نقص فيتامينات لحد اضطرابات في الجسم.
اول خطوة هتحتاج/ي تعملها انك تعرف/ي شعرك بيتساقط ليه ؟ طبعا من اهمهم النظام الغذائي اللي معظمنا مش بيركز فيه والمنتجات اللي مش مناسبة لطبيعة شعرنا🥲
دلوقتي هوضح باختصار اهم الأسباب 🏃♀️
أسباب تساقط الشعر:
1️⃣ نقص الحديد:
لو بتاكلي أكل نسبة الحديد فيه قليلة أو عندك أنيميا، شعرك بيتأثر لان بصيلات الشعر بتتغذى عليه.
2️⃣ مشاكل الغدة الدرقية:
الغدة الدرقية لو خاملة أو نشطة زيادة، بتأثر على نمو الشعر وتضعفه.
3️⃣ نقص فيتامينات:
نقص فيتامين D أو B12 أو الزنك، كل ده ممكن يضعف بصيلات الشعر.
4️⃣ التوتر والقلق:
لو مضغوط طول الوقت، ممكن تلاحظ تساقط الشعر بشكل ملحوظ. عشان كدا بنقول Be relax مفيش حاجة هتنفعك لما تخسر او تخسري شعرك🥲😂.
5️⃣ الهرمونات:
لو فيه اضطراب في الهرمونات (زي تكيس المبايض أو بعد الولادة)، ممكن يسبب تساقط الشعر.
طيب انت او انتي هتعرفوا ازاي الأسباب دي اول حاجة طبعا المفروض زيارة الطبيب المختص ولو عاوزين اختصار للوقت ممكن تروح بتحاليلك جاهزة للطبيب
🧪 إيه التحاليل اللي محتاج/ة تعملها؟
لو شعرك بيقع بزيادة، استشيري دكتور جلدية، وهو غالبًا هيطلب منك شوية تحاليل زي:
1️⃣ تحليل صورة دم كاملة (CBC):
عشان نتأكد لو عندك أنيميا أو نقص حديد.
2️⃣ تحليل Ferritin:
ده بيقيس مخزون الحديد في الجسم.
3️⃣ تحليل الغدة الدرقية (TSH, T3, T4):
نتأكد إن الغدة شغالة طبيعي ومفيش اضطراب.
4️⃣ فيتامين D:
لو ناقص، ممكن يأثر على نمو الشعر.
5️⃣ فيتامين B12:
نقصه بيأثر على الدورة الدموية اللي بتوصل لفروة الرأس.
6️⃣ تحليل الزنك:
الزنك مهم لصحة الشعر.
7️⃣ تحليل هرمونات (Testosterone, DHEA):
لو فيه خلل هرموني، ده ممكن يكون السبب.
💡 نصايح بسيطة لتقليل تساقط الشعر:
1️⃣ لازم أكل غني بالحديد زي السبانخ، الكبده، والعدس والبنجر.
2️⃣ خد/ي فيتامينات لو عندك نقص (بعد استشارة الطبيب).
3️⃣ ابعد/ي عن التوتر على قد ما تقدري.
4️⃣ استخدم/ي منتجات لطيفة على الشعر ومناسبة لطبيعة الشعر.
5️⃣ اهتمي بترطيب شعرك وزيارة دكتور جلدية لو المشكلة مستمرة.
💬 لو شعرك بيقع بشكل مقلق، متتردديش إنك تعمل/ي التحاليل وتعرف/ي السبب. صحتك وشعرك يستاهلوا الاهتمام!
