دكتور ابراهيم ابو الخير لطب الاطفال وحديثي الولادة

  • Home
  • Egypt
  • Faqous
  • دكتور ابراهيم ابو الخير لطب الاطفال وحديثي الولادة

دكتور ابراهيم ابو الخير لطب الاطفال وحديثي الولادة طبيب اطفال

👌
12/08/2026

👌

نصائح لحماية طفلك في درجة الحرارة العالية💧 الحرص على تقديم الماء والسوائل لطفلك بانتظام، ولا تنتظري حتى يطلبها، لتجنب ا...
05/08/2026

نصائح لحماية طفلك في درجة الحرارة العالية

💧 الحرص على تقديم الماء والسوائل لطفلك بانتظام، ولا تنتظري حتى يطلبها، لتجنب الجفاف
👕 الملابس القطنية الخفيفة وفاتحة اللون، فهي تساعد على تهوية الجسم وتقليل الشعور بالحر.

☀️ تجنب خروج الاطفال في أوقات الذروة، خاصة من الساعة 11 صباحًا حتى 4 عصرًا، إلا عند الضرورة.

🧢 عند الخروج، الحرص على أن يرتدي الطفل قبعة، وأن يبقى في أماكن مظللة قدر الإمكان.

🍉 الفواكه والخضروات الطازجة، وراجع الطبيب فورًا إذا ظهرت عليه علامات الخمول، أو ارتفاع الحرارة، أو قلة التبول.

📢📢الجدري المائي (Chickenpox)انتشر الفترة الاخيرة بين طلاب المدارس 📍📍الجدري المائي مرض فيروسي شائع بيصيب الأطفال وأحيانً...
05/05/2026

📢📢الجدري المائي (Chickenpox)
انتشر الفترة الاخيرة بين طلاب المدارس

📍📍الجدري المائي مرض فيروسي شائع بيصيب الأطفال وأحيانًا الكبار، وسببه فيروس اسمه Varicella.

📍📍اعراضة
🔸 سخونية خفيفة
🔸إرهاق
🔸وفقدان شهية.
🔸 طفح جلدي مميز: حبوب صغيرة حمراء → تتحول لفقاقيع فيها سائل → تنشف وتكون قشور.

📍📍طرق انتقال العدوى
🔸الرذاذ كحة او عطس
🔸 ملامسة الحبوب

📍📍 فترة الحضانة اي الفترة مابين انتقال العدو للجسم وظهور الاعراض
🔸من 10 لـ 21 يوم

📍📍 أهم النصائح:
🔸الراحة وشرب
🔸 سوائل كتير
🔸خافض حرارة (باراسيتامول فقط)
🔸تجنب الحك لتفادي العدوى البكتيرية
🔸عزل المريض لحد ما كل الحبوب تنشف

📍📍 التطعيم متوفر وفعال جدًا في الوقاية

📍📍 راجع الطبيب فورًا لو:
🔸صعوبة تنفس
🔸حرارة عالية مستمرة
🔸الحالة في طفل رضيع
🔸مريض مناعة او سكر

📍📍 غالبًا المرض بسيط وبيعدي بسلام، لكن المتابعة مهمة لتجنب أي مضاعفات.

📢📢الحُمّى الشوكية. معلومات مهمة بدون خوف ولا تهويلفيه قلق كبير اليومين دول من الحُمّى الشوكية، وعلشان نكون واضحين:📣📣أولً...
05/04/2026

📢📢الحُمّى الشوكية. معلومات مهمة بدون خوف ولا تهويل
فيه قلق كبير اليومين دول من الحُمّى الشوكية، وعلشان نكون واضحين:

📣📣أولًا: يعني إيه الحُمّى الشوكية؟
هي التهاب في الأغشية المحيطة بالمخ والحبل الشوكي، وممكن يكون سببه:
📍فيروسات (وده الأكثر شيوعًا وغالبًا أخف)
📍بكتيريا (وده الأخطر وبيحتاج تدخل سريع)
وأسباب أخرى أقل شيوعًا

📣📣هل كل حرارة أو صداع تبقى حُمّى شوكية؟
لأ طبعًا معظم حالات الحرارة عند الأطفال بتكون نزلات برد، التهابات حلق، أو فيروسات موسمية
لكن اللي يهمنا هو الأعراض التحذيرية
أعراض لازم تاخد بالك منها:
📍حرارة عالية مستمرة
📍صداع شديد
📍قيء متكرر
📍خمول شديد أو الطفل مش طبيعي
📍تشنجات
📍تيبّس أو ألم شديد في الرقبة
📍حساسية شديدة للضوء
📍بقع أو طفح جلدي غامق لا يختفي بالضغط
📍رفض الرضاعة
📍بكاء مستمر غير معتاد
📍خمول
📍انتفاخ اليافوخ أحيانًا

📣📣إمتى أروح المستشفى فورًا؟
لو فيه:
📍تشنج
📍قلة وعي أو نعاس شديد
📍تيبّس رقبة واضح
📍طفح جلدي غامق مع حرارة
📍الطفل شكله مرهق جدًا أو بيتدهور بسرعة

📣📣هل المرض مُعدي؟
بعض الأنواع البكتيرية ممكن تنتقل بالرذاذ والتنفس القريب
لكن مش معنى إن فيه حالة ظهرت إن كل اللي حواليها هيجيلهم المرض وغالبًا المخالطين القريبين فقط هم اللي الطبيب بيحدد هل يحتاجوا وقاية أو لا

📣📣هل فيه وقاية؟
أيوه، ومن أهمها:
📍الالتزام بالتطعيمات الأساسية
📍غسل اليدين
📍عدم مشاركة الأدوات الشخصية
📍تهوية الأماكن
📍تجنب الاختلاط وقت العدوى

📣📣أهم نقطة:
الوعي مهم… لكن الذعر مش مفيد مش كل سخونية تبقى حُمّى شوكية
لو ابنك حرارته عالية لكنه واعي، بيشرب، بيتحرك، ومفيش أعراض خطورة — غالبًا الأمر بسيط
اطمنوا..

مع ظهور فصل الشتاء وانتشار العدوي الفيروسية دي انواع الفيروسات المنتشرة اليومين دول وطرق الوقاية منها 1️⃣ فيروس الإنفلو...
08/12/2025

مع ظهور فصل الشتاء وانتشار العدوي الفيروسية دي انواع الفيروسات المنتشرة اليومين دول وطرق الوقاية منها

1️⃣ فيروس الإنفلونزا الموسمية الاكثر انتشار

بيعمل حرارة، كحة، إرهاق، آلام جسم.

2️⃣ فيروس البرد (Rhinovirus)
الزكام، انسداد الأنف، عطس، صداع خفيف.

3️⃣ فيروسات الجهاز التنفسي (RSV)
منتشر جدًا بين الأطفال، يعمل كحة شديدة وصفير وصعوبة تنفس.

4️⃣ فيروس كورونا (COVID) او المتحور وما شابهه
لسه بينتشر في الشتاء أكتر بسبب التزاحم والبرودة.

5️⃣ فيروسات المعدة الشتوية (Norovirus / Rotavirus)
ترجيع، إسهال شديد، مغص.

طرق الوقاية المهمة

🧼 1) غسل اليدين
دي أهم وأقوى وسيلة. لمدة 20 ثانية بالمية والصابون.
بعد الخروج، قبل الأكل، بعد تغيير الحفاض، بعد السعال.

😷 2) تجنب التلامس المباشر مع المريض
بلاش بوس وأحضان كتير وقت الانتشار.

🌬️ 3) التهوية الجيدة
افتحي الشبابيك 10 دقايق كل كام ساعة، خصوصًا في الأوضة اللي فيها أطفال.

😴 4) تقوية المناعة
نوم كفاية أكل صحي خضار، فاكهة، شربة دافية، بروتين الإكثار من السوائل الدافئة.

🌡️ 5) تغطية الفم والأنف عند السعال بمنديل أو بالكوع (مش بالإيد).

🎒 6) تقليل الزحمة
خصوصًا الحضانات وقت الذروة، ولو الطفل مريض يفضل يقعد في البيت.

🧴 7) تعقيم الأسطح المقابض، التليفونات، الترابيزات، الريموت.

📣علامات لو ظهرت لازم تروح للدكتور فورًا 📢📢

1 ) صعوبة تنفس.

2 ) حرارة عالية مستمرة.

3 ) رفض الأكل والشرب (خصوصًا للأطفال).

4 ) كحة شديدة أو صفير.

5 ) علامات جفاف (قلة تبول – جفاف الفم – خمول).

ماتديش أعشاب قبل ٤ شهور ما تاكليش شطه وتوابل وإنتي بترضعيما تخافيش من الحمام اللي بعد كل رضعهما تخافيش من الترجيع اللي ...
31/10/2025

ماتديش أعشاب قبل ٤ شهور
ما تاكليش شطه وتوابل وإنتي بترضعي
ما تخافيش من الحمام اللي بعد كل رضعه
ما تخافيش من الترجيع اللي الوزن بيزيد معاه
ما تمنعيش الرضاعه وانت عيانه
ماتخافيش من العلاج وإنتي بترضعي ( خدي أدوية البرد والمضاد الحيوي ... العلاج مابينشفش اللبن)
ماتولديش من غير دكتور اطفال اثناء الميلاد
ماتبوسيش الاطفال من البق
ما تهشكيش البيبيهات
ماتشيلهومش لاطفال
ماتلفيهوش ٦٠ لفه في الحر
ما تنيميهوش علي مخده
ما تشيلهوش في حامل الاطفال قبل ٤ شهور
ما تقعديش الطفل قبل ٦ شهور
ماتروحيش الشغل اول ٤ شهور
ما تحميش الطفل في البرد
ما تشربوش سجاير جنبه
ما ترشيش برفان للطفل
ما تقوليش بيسنن ويكون الطفل سخن وبيسهل كده نزله معويه
بلاش بروفين قبل ٣ شهور
بلاش دولفين قبل سنه
بلاش لبن بقري ولا جهينه قبل سنه
بلاش 123 قبل ٦سنين
بلاش اندومي خالص
مافيش فاتح شهيه احسن من الأكل الصحي ومواعيد اكل منتظمه والبعد عن الشيبسي والكارتيه والبنبوني والشكولاته والآيس كريم والاندومي واللبان

حابب اتكلم اليوم عن موضوع مهم جدا وهو الإسعافات الأوليه لحالات التسمم ب قرص الغله (برشامة القمح) برشامة القمح هى عبار...
18/07/2025

حابب اتكلم اليوم عن موضوع مهم جدا وهو

الإسعافات الأوليه لحالات التسمم ب قرص الغله (برشامة القمح)
برشامة القمح هى عبارة عن مبيد حشري سام إسمه العلمى فوسفيد الألومنيوم aluminum phosphide ويحمل العديد من الاسماء التجارية حسب الشركه المنتجة له ،، منها ( اقراص الفوستوكسين ، فوس ، كويك فوس ، تالونكس ، سيلفوس ، فوسفيم ، ديجيتش ،..... )

وينطلق غاز الفوسفين السام من هذا المركب فى وجود الماء حسب المعادلة التاليه
AL P + 3H20 ➡️(غاز الفوسفين) AL (OH)3

👈 يسبب هذا الغاز السام تهتكات وتقرحات شديدة للأنسجه الداخلية للجهاز الهضمى كما يسبب عطش شديد إلا أنه يجب عدم شرب الماء فى حالات التسمم بهذه الاقراص لأن الماء والاحماض هى الوسط الذى يتم فيه التفاعل وانطلاق الغاز السام
👈 شرب الزيوت وخاصة زيت البرافين موجود بالصيدليات أو زيت جوز الهند حيث تحيط هذه الزيوت بأقراص الفوستوكسين وتثبط أوتمنع تحرر وإنطلاق غاز الفوسفين السام

👈 تناول من 10الى 25 جرام (حسب السن /العمر ) من الفحم النشط حيث يعمل على امتصاص نسبة غاز الفوسفين السام التى تحررت بالفعل داخل الجسم ، ويجب تناول هذا الفحم دون خلطه بأى مكونات سواء لبن او شيكولاته او غيرها حتى لا تقلل من كفائته وفاعليته

👈 الخروج من الغرف المغلقه للهواء الطلق لأن من اعراض الاصابه بالغاز ضيق التنفس

👈 تتم هذه الإسعافات الأوليه لحين الوصول الى الطبيب لعمل غسيل معده بمحلول برمنجنات البوتاسيوم بتركيز 1 لتر لكل ١٠ لتر مياة وليس غيره >> حيث يقوم بأكسدة الفوسفين إلى مركب غير سام وهو الفوسفات

كل ده لازم يتعمل خلال ساعه واحدة من تناول القرص

كلمتين كدا ع الماشي فى حاجة اسمها التربية الجنسية للاطفال .. دي قواعد عامة لو الأم اتبعتها بتفرق جدا مع الطفل..١- الطفل ...
03/05/2025

كلمتين كدا ع الماشي

فى حاجة اسمها التربية الجنسية للاطفال ..
دي قواعد عامة لو الأم اتبعتها بتفرق جدا مع الطفل..

١- الطفل من وهو بيبي الأم بس اللي تغيرله والتغيير والباب مقفول حتي لو مافيش حد

٢ - ممنوع تغير قدام حد او مكان مفتوح ولو الام مش موجودة الجدة ثم الاكبر فالاصغر

٣- من سن سنة ونص لسنتين الطفل يبدأ يشطف نفسه والام تعلمه يشطف نفسه ازاي ..

٤- مرحلة البوتي ترينج لازم باب التوالت يبقي مقفول او مردود عليهم مش تحط البوتي في الرسبشن والاوض غلط جداا

٥- تبدأ تقول عيب لما يجي الطفل يرفع هدومه او يغير او يستحمي ولازم يتعود يرد الباب عليه

٦- ممنوع التقبيل من الفم منعا باتا الام والاب من الخد فقط او وباقي الافراد من اليد او الجبهه فقط ..

٧- اول ما الطفل يبداء يتكلم ويدرك هنعيد عليه يوميا من السرة للركبة دي منطقة خاصة بيك انت بس مينفعش حد يشوفها ولا حتي ماما وبابا ..الدكتور بس اللي يشوفها لو انت عيان وماما وبابا يكونوا معاك

٨- نربي عند الطفل ان لو حد بيرفع هدومه يقوله لاء عيب بصوت عالي جدا ..ولو مسمعش الكلام نصرخ ونقول عيب لاء لاااااء ونزعق جدا

٩- ممنوع منعا باتا الاخوات يستحموا مع بعض من غير مايوه حتي لو نفس النوع ونفرق بينهم في مكان النوم

١٠- اهم نقطة اللي هي الاساس اي ام واب بيجبروا اولادهم علي الطاعة العمياء.. ويجبرهم علي انهم يسمعوا الكلام من غير مايفهموا الاسباب او يضربوهم ويجبروهم علي سماع الكلام ولو اعترض الطفل واتكلم بيزودوا الضرب او العقاب ..مع الاسف انتوا كدا بتسلموا ابنكوا او بنتكوا لاي متحرش بتسلبة كرامته وحريته فبيبقي مباح اي حد يتعدي عليه ومش هيقدر يقاوم ولا حتي يشتكي لانه لو اشتكي هيتعاقب زيادة

فخلو بالكم

للكحة الليلية ٤ اسباب🌷🌷السبب الأول افرازات الأنفعندما يصاب طفلك بنزلة برد الكحة بتزيد في الليل لأن الاحتقان في أنف الطفل...
13/11/2024

للكحة الليلية ٤ اسباب

🌷🌷السبب الأول افرازات الأنف

عندما يصاب طفلك بنزلة برد الكحة بتزيد في الليل لأن الاحتقان في أنف الطفل والجيوب الأنفية يُصّب في الحلق ويسبب التهيج أثناء نوم الطفل على السرير
علاجها غسيل الانف بمحلول ملح
واستخدام بعض مضادات الحساسية زي claritin
ودوا كحه اعشاب زى
Pentamix syrup

ملحوظه مهمه ❤❤❤❤
الفكرة ان الافرازات الخلفية للانف هي المتهم الرئيسي لكل اللي بيحصل اليومين دول
بتنزل الي :
١ - الحلق : التهاب في الحلق و اللوز وحراره شديدة
٢ - الاذن : التهاب في الاذن الوسطى و حرارة شديدة
٣- الحنجرة: التهاب حنجرية و سعال ديكي و خناق
٤- الصدر: كحه بإستمرار و حساسية لا تنتهي
٥ - البطن : ترجيع مغص و ارتجاع في المرئ وطبعًا الارتجاع بيعمل حساسية أنف و افرازات خلفيه تاني و نبتدي من الاول
علشان كده لو غسلنا الانف بي محلول الملح عن طريق جلسه محلول الملح هنكون حلينا كل ده

🌷🌷 السبب الثاني الإرتجاع
يميل الأطفال المصابون بالارتجاع أيضًا إلى الكحة أكثر عند الاستلقاء بشكل مسطح بسبب خروج محتويات المعدة منها َ ذاك قد يسبب الكحه
علاج الإرتجاع باستخدام أدوية المعدة الإرتجاع التي تقلل الحموضه مثل أكياس Nexicure sachet او Esmorap sachet
ثم نعيد تقييم وضع إرتجاع المرئ بعد العلاج

والمهم نقلل اكل المواد الحافظة و الإسبايسي و الشطه وطبعا الحمضيات مثل البرتقال و اليوسفي و اليمون

🌷🌷 السبب الثالث الحساسيه الصدرية

يمكن أن يؤدي الربو إلى السعال الليلي لأن الشعب الهوائية تميل إلى أن تكون أكثر حساسية وتصبح أكثر تهيجًا في الليل

علاجك استخدام بخاخات الحساسية الموسعة للشعب زي الفنتال او جلسات الفنتولين
والالتزام بالعلاج الوقائي زي
بخاخات الكورتيزون زى seretide
او اكياس lelipel Asmakast

🌷🌷 السبب الرابع الخناق
سعال نباح بصوت عالٍ والذي غالبًا ما يزداد سوءًا في أثناء الليل ويودي الي صعووبة بالتنفس وأحيانا ازرقاق

وعلاجك استخدام جلسات الادرينالين والبالميكورت او أدوية الكورتيزون زى بريدزول طبعا تحت اشراف الطبيب
لو ماتحسنش يبقى اقرب مستشفى
لا تنسونا من صالح دعائكم

Address

الصالحية القديمة الشارع العام امام مزلقان السعادات . بجوار صيدلية الايمان الجديدة
Faqous

Website

Alerts

Be the first to know and let us send you an email when دكتور ابراهيم ابو الخير لطب الاطفال وحديثي الولادة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category