07/06/2026
ظاهرة كونية مرعبة في زورك وأنت مش واخد بالك! 😱
أكيد حصلت معاك قبل كده: تبقى قاعد بأمان الله، فجأة تكح، فتلاقي حتة "بتاعة" بيضاء أو صفراء صغيرة نزلت في بقك. تمسكها، تفركها، وتشمها... وهنا تحس إنك شميت ريحة سيئة وصعبة جدا ضربت في نفوخك! 💀
مبروك، أنت اتعرفت على "حصوات اللوز" أو الـ Tonsil Stones.
اللوز عندنا مش حتتين لحمة ملساء، دي عبارة عن "مغارات ودهاليز" (Tonsillar Crypts). لما بقايا الأكل، والخلايا الميتة، والبكتيريا تتجمع جوه الدهاليز دي وتتكلس... بتتحول لتجمع الحصوات المرعب ده اللي ريحته كفيلة تنهي علاقات دبلوماسية!
الحل إيه عشان متخسرش صحابك؟😎
1_المضمضة بمية وملح أو غسول فم خالي من الكحول بعد كل أكل.
2_شرب المية بكثرة عشان تنظف الزور أول بأول.
3_تنظيف السنان واللسان (اللسان بيجمع بكتيريا بلا حساب).
4_لو مضايقاك أوي، ممكن تنورني ف العيادة نشيلها، أو في حالات قاسية بيتم استئصال اللوز خالص.
📌 سؤال بجد: مين هنا جرب الصدمة دي قبل كده؟ ومين لسه عارف المعلومة دي حالا؟
ردوا عليا ف الكومنتات!
#عياده
#انفـ #واذن #وحنجره
