المعملجي_Elm3mlgy

المعملجي_Elm3mlgy صفحة تهتم بكل ما يخص التحاليل الطبية والتشخيص المعملي ?

19/06/2026

عشان تبقى أخصائي تحاليل شاطر ...

هتلاقي كل الناس بتقولك "اقرأ كتب واحضر كورسات"
أنا هقولك الحقيقة اللي محدش بيقولهالك!

1. الجهاز مش أذكى منك... بس أنت بتخليه يكون!

الجهاز بيطلع أرقام أنت المفروض تفهم الأرقام دي.
الأخصائي الضعيف بيطبع النتيجة ويسلمها.
الأخصائي الشاطر بيبص في الأرقام ويسأل نفسه
هل ده منطقي؟

مثال حقيقي: تحليلCBC طلع Hemoglobin 14 (طبيعي) لكن MCV 62 و RBC 6.5
الأخصائي الضعيف: طبع وسلم.
الأخصائي الشاطر: وقف! Hemoglobin طبيعي مع MCV منخفض جداً و RBC مرتفع = Thalassemia Trait حتى لو الجهاز ما حطش Flag!
عمل فيلم دم، لقى Target cells، كتب في الكومنت: "Recommend Hb Electrophoresis"
المريض اتشخص قبل ما يتجوز وينجب أطفال مرضى!

اتعلم تقرأ الأرقام مع بعض مش كل رقم لوحده!

2. الفيلم مش "تحليل زيادة"... ده عينك التانية!

كتير من الأخصائيين بيعتبروا Blood Film حاجة قديمة أو مضيعة وقت.
الحقيقة ان الفيلم بيقولك حاجات الجهاز مش قادر يشوفها أبداً!

الجهاز مش بيشوف:
- Malaria parasites
- Sickle cells
- Blast cells في اللوكيميا
- Microangiopathic changes في HELLP و TTP
- Rouleaux formation في Multiple Myeloma

الأخصائي اللي بيعمل فيلم دم كويس ده بيشوف حاجات الجهاز مش شايفها !
اتعلم تعمل فيلم صح واتعلم تقرأه صح... وهتبقى مختلف عن 90% من زمايلك!

3. النتيجة الغلط مش دايماً غلطة الجهاز!

أكتر مشكلة بتحصل في المعامل Pre-analytical errors
يعني الغلطة بتحصل قبل ما العينة توصل للجهاز أصلاً!

الأخطاء دي بتعمل نتايج غلط:
- عينة الدم اتأخرت في الطرد المركزي = البوتاسيوم بيطلع عالي زائف!
- أنبوبة الـ EDTA اتملت أقل من اللازم = الصفائح بتتجمع وتطلع قليلة زائف!
- مريض مش صايم صح = السكر والدهون غلط!
- عينة البول اتفحصت بعد ساعتين = الخلايا اتكسرت والنتيجة غلط!
- تلوث عينة الدم بالسيروم من أنبوبة تانية = كل الكيمياء غلط!

الأخصائي الشاطر بيعرف يشوف النتيجة الغريبة ويقول ده مش منطقي في مشكلة في العينة مش يطبع ويسلم!

4. التواصل مع الدكتور مش تدخل في شغله.. ده واجبك!

أخصائي تحاليل بيشوف Platelet 15,000 لست حامل في الشهر الثامن مع Schistocytes في الفيلم.
لو سكت وطبع النتيجة بس = شريك في الكارثة!
لو اتصل بالدكتور فورا وقاله دي حالة HELLP طوارئ
= نقذ حياة أم وطفلها!

الأخصائي الشاطر بيعرف:
- إمتى يتصل بالدكتور فوراً (Critical values)
- إمتى يكتب في الكومنت اقتراح فحص إضافي
- إمتى يطلب إعادة العينة
- إمتى يقول للمريض روح الطوارئ دلوقتي!

5. الكتب مش كفاية... المعمل هو أستاذك الحقيقي!

ممكن تحفظ كل كتاب في التحاليل الطبية
لكن لو ما شفتش حالة Malaria تحت الميكروسكوب بعينك، هتفضل مش عارف تشوفها!

اللي بيفرق الأخصائي الشاطر:
- شاف حالات كتير وكتير ومتنوعة
- بيسأل دايما ليه؟
- بيتابع المريض: طلع عنده إيه في الآخر؟ هل تشخيصي كان صح؟
- بيراجع نتايجه القديمة ويتعلم من أخطاءه

6. اللي بيميزك مش الشهادة... هو التفكير!

في معامل كتير فيها أخصائيين معاهم ماجستير ودكتوراه وبيطلعوا نتايج غلط كل يوم!
وفي أخصائيين بكالوريوس بيشوفوا حاجات الكبار بيفوتوهم!

الفرق مش في الشهادة... الفرق في إنك:
- بتفكر قبل ما تطبع
- بتسأل لما حاجة مش منطقية
- بتعمل فيلم دم حتى لو محدش طلبه لما تحس إن في حاجة غلط
- بتتصل بالدكتور لما تشوف Critical value حتى لو هو مش بيرد!

الخلاصة:
الأخصائي الشاطر مش اللي بيشغل الجهاز كويس
الأخصائي الشاطر هو اللي بيفكر قبل ما يطبع النتيجة
وبيعرف إن ورا كل رقم... في مريض بيستنى حد يفهمه!

شيروا البوست ده لكل طالب وأخصائي تحاليل! ❤️
دمتم بصحه
#المعملجي

12/04/2026

🔬💊
ناس كتير فاكرة إن أي مضاد حيوي ينفع لأي ميكروب… لكن الحقيقة إن كل ميكروب ليه "بروفايل" خاص بيه، وده اللي بيكشفه الـ Antibiotic Sensitivity Test.

📌 التحليل ده بيعمل إيه؟

- بيحدد بالظبط الميكروب بيتأثر بأي مضاد حيوي.
- بيكشف الأدوية اللي الميكروب مقاوم ليها.
- بيساعد الدكتور يكتب العلاج الصح بدل ما يدي دواء "على العمياني".

👩‍⚕️ الخطوات:

1. بناخد عينة من المريض (دم، بول، مسحة من الحلق أو الجرح).
2. بنزرع العينة على وسط غذائي مخصوص علشان الميكروب ينمو.
3. بنحط أقراص صغيرة فيها مضادات حيوية مختلفة على سطح الطبق.
4. الميكروب يبدأ يتفاعل… لو اتأثر بالمضاد، بيبان حوالين القرص دايرة فاضية اسمها Zone of Inhibition.
5. حجم الدايرة بيتقاس بدقة، وده اللي بيحدد إذا كان المضاد:
- Sensitive (فعال جدًا)
- Intermediate (تأثير متوسط)
- Resistant (المضاد مش شغال خالص)

💡 طرق القراءة:

- Kirby-Bauer method: الطريقة الكلاسيكية بالأقراص والدوائر.
- MIC: أقل تركيز من المضاد قادر يوقف نمو الميكروب.
- أجهزة حديثة زي VITEK أو Phoenix بتدي النتيجة أسرع وبأرقام دقيقة.

⚠️ أهمية التحليل في حياتنا اليومية:

- 👄 التهاب اللوز المتكرر:
ساعات المريض ياخد Amoxicillin وما يتحسنش، التحليل يوضح إن الميكروب مقاوم ولازم نغير الدواء.
- 🚻 التهابات المسالك البولية:
ميكروب زي E. coli ممكن يكون مقاوم لـ Ampicillin لكن حساس لـ Nitrofurantoin.
- 🏥 عدوى المستشفيات:
ميكروبات زي MRSA أو Pseudomonas مش بتستجيب للمضادات العادية، والتحليل بيكشف أي مضاد ينفع معاها.
- 👶 التهابات الأطفال:
زي التهاب الأذن الوسطى، التحليل بيمنع إن الطفل ياخد كورس مضاد حيوي غلط يضعف مناعته ويزود المقاومة.

🔍 مقارنة بين مضادات شائعة:

- Amoxicillin:
شائع جدًا لكن فيه ميكروبات بقت مقاومة ليه.
- Ciprofloxacin:
قوي ضد عدوى المسالك البولية وبعض التهابات الجهاز التنفسي.
- Azithromycin:
فعال في التهابات الجهاز التنفسي واللوز، لكن مقاومة بعض الميكروبات ليه بتزيد.
- Vancomycin:
بيستخدم في الحالات الصعبة زي MRSA، ومش بيتكتب إلا بعد التحليل.

📊 معلومة إضافية:

النتائج بتتفسر حسب معايير دولية زي CLSI أو EUCAST، يعني فيه "Guidelines" عالمية بتحدد حجم الدايرة اللي يعتبر Sensitivity أو Resistance.

🧪 تفصيلة مهمة:

في بعض الحالات بنعمل حاجة اسمها Combination Therapy، يعني نستخدم أكتر من مضاد مع بعض، والتحليل بيكشف إذا كان فيه "Synergy" بينهم ولا لأ.

📖 قصة واقعية قصيرة:

مريض دخل المستشفى عنده التهاب رئوي شديد. الدكتور بدأ معاه مضاد حيوي واسع المدى بسرعة، لكن الحالة ما اتحسنتش. بعد يومين عملوا له Antibiotic Sensitivity Test، وطلع إن الميكروب مقاوم للمضاد اللي كان بياخده، لكنه حساس جدًا لـ Levofloxacin. أول ما غيروا العلاج بناءً على نتيجة التحليل، المريض بدأ يتحسن في خلال 48 ساعة.

💡 نصائح عملية للناس:

- ما تاخدش مضاد حيوي من نفسك أو من صيدلية من غير وصفة.
- التحليل هو اللي بيحدد العلاج الصح، مش التجربة أو "الدواء اللي نفع قبل كده".
- كل مرة تاخد مضاد غلط، بتدي فرصة للميكروب إنه يبقى أقوى ويقاوم أكتر.
- اسأل دايمًا الدكتور: "هل محتاج أعمل تحليل حساسية للمضاد الحيوي؟" خصوصًا لو العدوى متكررة أو العلاج مش بيجيب نتيجة.

🎯 السؤال التفاعلي للجمهور:

لو ليك حرية الاختيار، تحب الدكتور يبدأ العلاج بسرعة بمضاد حيوي عام، ولا يستنى نتيجة التحليل علشان يديك العلاج المظبوط؟

شاركوا رأيكم… دقيقة في المعمل ممكن توفر أيام من العلاج الغلط 😉
دمتم بصحه
#المعملجي

02/04/2026

الصحيح في علاج الديدان هو إن المريض يعمل تحليل وبناءا عليه يتم صرف العلاج الأنسب.. لكن بيكون فيه نوع مشهور جدااا بييجي لأغلب الناس خاصة الأطفال والنوع ده هو ال Pinworms..

ال Pinworms من الديدان اللي رخامتها وازعاجها بيخلوا الطفل يعيط ولو جت لواحد كبير مش بيكون طايق نفسه.. ليه ؟

لأن طول الليل بتكون الإناث نشيطة وبتطلع تحط البيض بتاعها ع الجلد حول فتحة الشرج، عشان كده بتكون مزعجة جدا وفيه حكة شديدة في المنطقة دي..

الجميل بقى إن النوع ده بيتم القضاء عليه ب Single dose من ال Albendazole.. وهو ده ال First line
- لو المريض بالغ هياخد Albendazole 400mg جرعة واحدة فقط، ويكررها بعد 14 يوم
- لو طفل وزنه أقل من 20 كيلو هياخد Albendazole 200mg جرعة واحدة فقط، ويكررها بعد 14 يوم، لكن لو وزنه أكبر من 20 كيلو هياخد نفس جرعة البالغين

المهم بقى في العلاج هو إن لازم كل أفراد الأسرة ياخدوا العلاج حتى لو مفيش أعراض للعدوى..

خلي بالك إن البيض ممكن جدا يعيش لحد 3 أسابيع في البيئة، علي ملابس مثلا أو قاعدة الحمام.. عشان كده العلاج لوحده مش كفايه.. لازم تطهير المنزل كاملا وتغيير ملايات السرير ونقع الخضار في حل او غسله بماء جاري لاستبعاد البويضات تماما ولو امكن تقشير الجزر قبل اكله يكون افضل
دمتم بصحه
#المعملجي

27/03/2026

تخيل إنك واقف بتقطع تفاحة و السكينة فلتت وعورت صباعك. جرح بسيط جدًا صح؟ نغسله بمايه وشوية ميكروكروم ولزقة طبية والموضوع خلص. طب لو قلتلك إن الجرح البسيط دا ممكن ف المستقبل القريب يكون أخطر من السرطان؟ طب لي؟ عشان إحنا من غير ما نحس دخلنا ف سباق تسلح بيولوجي مع كائن مش بيتشاف بالعين المجردة.

إحنا عايشين ف أزمة الدكاترة والعلماء بيسموها نهاية عصر المضادات الحيوية. تخيل إنك تتجرح جرح بسيط ف صباعك والجرح ده يتلوث و تروح المستشفى ، الدكتور يديك أقوى مضاد حيوي ف العالم و ميعملش حاجة. لي ؟ لأن البكتيريا ي صديقي ذكية جداً. باثولوجياً كدا البكتيريا بتعمل طفرات جينية وبتنقل جينات المقاومة لبعضها ، لحد م ظهرلنا جيل جديد اسمه البكتيريا الخارقة (Superbugs). دي بكتيريا المضادات الحيوية مبتأثرش فيها نهائياً. منظمة الصحة العالمية بتقول إن بحلول سنة 2050 البكتيريا دي هتموت 10 مليون إنسان كل سنة. أكتر من السرطان!

يا ستير يا رب ! طب والحل هنموت بسبب تعويرة؟ مفيش أي أمل ؟
الأمل موجود يا صديقي و موجود من زمان أوي ، بس إحنا ال كنا مطنشينه. اسمحلي آخدك ف رحلة سريعة لفرنسا سنة 1917. عالم أحياء دقيقة كندي اسمه "فيليكس ديريل" كان بيدرس مرض الدوسنتاريا اللي كان بيموت الجنود ف الحرب العالمية الأولى. فيليكس لاحظ حاجة غريبة جدًا في أطباق المعمل بتاعته. لقى إن في ((بقع شفافة)) بتظهر وسط مزارع البكتيريا. البقع دي معناها إن في حاجة بتاكل البكتيريا وتمسحها من الوجود. بس الحاجة دي كانت صغيرة جداً لدرجة إن الميكروسكوبات وقتها مكنتش قادرة تشوفها. فيليكس سماها "البكتيريوفاج" (Bacteriophages) أو "آكلات البكتيريا".

ـ اي البكتيريوفاج دا و بيشتغل إزاي يعني؟
الفاج دا عبارة عن فيروس ، بس مش بيصيب البشر. دا متبرمج ربانيًا إنه يصيب البكتيريا و بس. شكله تحت الميكروسكوب الإلكتروني مرعب ومذهل ف نفس الوقت. عامل زي كبسولة فضاء أبوللو ، ليها راس سداسية مليانة بالحمض النووي وديل طويل و رجول عنكبوتية.
بيشتغل إزاي بقا ؟ الفاج بيمشي يدور على نوع بكتيريا معين ، أول ما يلاقيه ، يثبت رجوله على جدار البكتيريا ، و يستخدم ديله زي الحقنة ، ويقوم حاقن ال DNA بتاعه جوا البكتيريا.
الDNA دا بيحتل مصنع البكتيريا ، و يخليها تبطل تعمل أي حاجة ف حياتها غير إنها تصنع نسخ جديدة من الفاج. البكتيريا تتملي نُسخ فتتنفخ وفجأة تنفجر ، ويخرج منها مئات الفاجات الجديدة عشان تدور على بكتيريا تانية وتدمرها. أول ما البكتيريا كلها تخلص، الفاج مبيلاقيش حاجة ياكلها، فبينزل مع الفضلات عادي جداً من غير ما يلمس خلية بشرية واحدة

ـ الله! طب مادام عندنا السلاح الفتاك دا ، لي الدكاترة مبيكتبوش روشتة فيها 2 شريط فاج بعد الأكل ؟؟
سؤال عبقري يا صديقي اللي حصل إن ف العشرينات و التلاتينات ، السوفييت ف روسيا و جورجيا اهتموا جداً بالفاج وعملوا منه علاجات. بس ف الغرب، عمنا "ألكسندر فليمنج" اكتشف البنسلين (أول مضاد حيوي). البنسلين كان عامل زي القنبلة النووية، بيمسح أي بكتيريا قدامه ، سهل يتصنع و سهل يتخزن. فالعالم الغربي قال يالا بينا نستخدم المضادات الحيوية ونرمي الفاج دا ف الزبالة.

و فضل الفاج منسي و موجود بس ف دول الاتحاد السوفيتي.. لحد ما ظهرت البكتيريا الخارقة وبدأت تضحك على المضادات الحيوية، فرجع الغرب يعيط ويدور على الفاج تاني ف القرن الواحد والعشرين.

ـ طب ما نستخدمه دلوقتي فوراً اي اللي معطلنا ؟؟
المشكلة يا صديقي إن الفاج متخصص جداً. يعني المضاد الحيوي بيدخل يضرب ف الكل، البكتيريا الضارة والنافعة و الاشي و الشفتشي ، عامل زي اللي بيضرب نار عشوائي. لكن الفاج عامل زي القناص. كل نوع بكتيريا ليه نوع فاج معين هو بس اللي بيعرف يقتله. يعني لو مريض عنده بكتيريا معينة، لازم ندور في ملايين الفاجات اللي في الطبيعة ( حتى ف مياه الصرف الصحي والمحيطات) على الفاج المطابق ليها بالمللي!
ودي عملية كانت بتاخد وقت طويل جداً في المعمل، والمريض ممكن يموت قبل ما نلاقي الفاج المناسب.

عشان كدا ، العلماء ف العالم دلوقتي شغالين على فكرة عظيمة جداً اسمها "بنوك الفاجات" (Phage Banks).
بيجمعوا أكبر قدر ممكن من الفاجات دي من كل حتة ف الطبيعة، و يصنفوها و يحطوها ف تلاجات عملاقة. الفكرة إن المريض أول ما يوصل المستشفى والبكتيريا الخارقة مبهدلاه، الدكاترة ياخدوا عينة، ويبعتوها البنك ده. الباحثين يفضلوا يجربوا آلاف الفاجات على البكتيريا دي لحد ما يلاقوا الفاج القناص اللي هيدمرها.
زي مثلاً قصة حصلت قريب ، مريض كان بيموت بال superbugs ، و مفيش أي مضاد حيوي جايب نتيجة. الدكاترة بعتوا نداء استغاثة لبنوك الفاجات، وفعلاً لقوا الفاج المناسب، حقنوه للمريض، وفي خلال أيام، البكتيريا اختفت تماماً والمريض خف ورجع لحياته الطبيعية!
ف يا صديقي، الفيروسات اللي طول عمرنا بنخاف منها ونعتبرها أعداء، طلعت هي الجندي المجهول اللي ممكن ينقذنا من كارثة بجد.

الطبيعة دايمًا فيها الحل، بس محتاجة اللي يبصلها بعين مختلفة. فما خلق الله من داء ، إلا و جعل له دواء.

دمتم بصحه
#المعملجي

🥖 إيد الخباز "بتقول آه".. الحكاية مش شوية حساسية، دي قنبلة بكتيريا موقوتة! ⚠️​يا جماعة، الصور اللي قدامكم دي (إكزيما الخ...
27/02/2026

🥖 إيد الخباز "بتقول آه".. الحكاية مش شوية حساسية، دي قنبلة بكتيريا موقوتة! ⚠️

​يا جماعة، الصور اللي قدامكم دي
(إكزيما الخبازين - Bakers' Dermatitis) مش مجرد جلد ناشف أو تعب شغل، دي "صرخة استغاثة" من جسم بني آدم شغال في لقمة عيشنا. المنظر ده وراه كواليس مرعبة لازم الكل يعرفها (صاحب المخبز، المفتش، والمستهلك).
​🧐 إيه اللي حصل في الإيد دي بالظبط؟ (التحليل العلمي بالبلدي) 🔬
​الموضوع بيبدأ "ببساطة" ويقلب بكارثة، وبيمر بـ 3 مراحل لازم تفهمهم:
​1️⃣مرحلة "النشاف القاتل" (Irritant Contact Dermatitis): 🌵
الدقيق مادة "شرهة" جداً للمية (Hygroscopic). طول ما الخباز شغال وعرقه مالي إيده، الدقيق بيمتص كل الزيوت الطبيعية والرطوبة اللي ربنا خلقها عشان تحمي الجلد. الجلد هنا "بيتحطب" ويحصل فيه (Fissures) يعني تشققات دقيقة بتخلي "درع الحماية" ينهار تماماً.
​2️⃣هجوم "المحسنات" والإنزيمات (Allergic Reaction): 🧪
هنا بقى العلم بيتكلم.. المخبوزات دلوقتي بيدخل فيها محسنات (Bread Improvers) وإنزيمات زي (Alpha-amylase). المواد دي لما تلمس الجلد المتشقق، جهاز المناعة بيتعرف عليها كأنها "جسم غريب" وبيهجم عليها بقوة. النتيجة؟ بتظهر الفقاقيع المائية اللي بنسميها (Vesicles) وهرش يخلي الخباز عايز يقطع إيده من كتر الألم! 🥵
​3️⃣كارثة "الدمامل والصديد" (Secondary Bacterial Infection): 🦠
بصوا كويس في الصور.. شايفين البثور المليانة سائل أصفر؟ دي بنسميها (Pustules). دي معناها إن بكتيريا "المكورات العنقودية" (Staphylococcus aureus) سكنت في التشققات وعملت مستعمرة. الإيد دي دلوقتي يا سادة هي "مصنع ميكروبات" بيعجن ويدور مع العيش، والنتيجة (Cross-contamination) أو تلوث خلطي مباشر!
​🚨 ليه المنظر ده "خط أحمر" قانوناً وصحياً؟ 🚫
​بصفتي متخصص في الرقابة الصحية، الحالة دي معناها "إيقاف فوري" للأسباب دي:
​سموم لا تموت بالحرارة: البكتيريا اللي في إيد الخباز (Staph) بتفرز سموم (Enterotoxins). الكارثة إن السموم دي "مقاومة للحرارة" (Heat Stable)؛ يعني حتى لو الرغيف دخل الفرن واستوى، السم بيفضل موجود وممكن يسبب تسمم غذائي للمستهلك! 🤮
​مخالفة الـ GHP والـ ISO 22000: ده بند "النظافة الشخصية" و"الحالة الصحية للعاملين". الخباز ده كدة بقى (Biological Hazard) أو خطر بيولوجي متحرك. ☣️
​التحطيب الجلدي (Lichenification): لو الخباز أهمل، الجلد بيبقى سميك جداً وزي جلد الفيل، ودي مرحلة صعبة في العلاج وبتقضي على مستقبله المهني.
​✅ روشتة النجاة (نصيحة من القلب للميدان):
▪️​كريمات العزل (Barrier Creams): لازم الخباز يدهن إيده قبل الشغل بكريمات بتعمل طبقة عازلة عشان الدقيق ميسحبش زيوت جلده.
▪️​الجوانتي المخصص: استخدام القفازات اللي مابتعملش حساسية وتغييرها باستمرار.
▪️​الاستبعاد الفوري: أول ما تظهر "فقاقيع" أو "صديد"، العامل لازم يتعالج فوراً ويبعد عن صالة الإنتاج لحد ما يتم الشفاء التام (Medical Clearance). 🏥
▪️​التوعية: يا صاحب المخبز، صحة الخباز من صحة مشروعك، والوقاية أوفر بكتير من الغرامات والمحاضر.
دمتم بصحه
#المعملجي

09/02/2026

فحص D-Dimer
هو فحص يستخدم للكشف عن نشاط التجلطات التي تحدث داخل الجسم نتيجة لتعرض الأوعية الدموية للتحطم أو التعرض للجرح أو القطع ، وهو ناتج من تحول الليفين Fibrin ويرجع للحالة الطبيعية بعد حدوث التجلط وإنتهاء عملية إصلاح الجرح إلى مولد الليفين من جديد Fibrinogen بوساطة بروتين مهم جدا يسمى البلازمين Plasmin ، يتفعل هذا الأنزيم بوساطة أنزيم آخر يفرز من الخلايا الطلائية للأوعية الدموية يسمى Tissue Plasminogen activitor والذي يحول البلازمين الغير نشط Plasminogen إلى بلازمين نشط Plasmin ويقوم الأخير بتحليل وتفكيك الخثرة التي حدثت نتيجة حدوث الجرح ، الناتج من هذه العملية هي مخلفات الليفين وهو D-Dimer
يستخدم فحص D-Dimer للكشف عن الأمراض التالية
١. خثار الأوعية الدموية العميقة Deep vein thrombosis
٢. التجلطات الدماغية Stroks
٣. الخثار الرئوي Polumonary embolism
٤. التجلطات داخل الأوعية الدموية Disseminated intravascular coagulation
٥. يستخدم حاليا لمراقبة مرضى كورونا المستجد SARS CoV-2

القيمة الطبيعية له أقل من ٥٠٠ نلغم/مل
علق بتم ليصلك كل جديد
دمتم بصحه
#المعملجي

28/12/2025

عرق النسا.
بيخليك تحس بالم اول الفخذ لاخر الرجل.
ومش قادر تحرك رجلك بشكل طبيعي وكل يوم الألم بيزيد. وفي شعور زي الحرقان او لسعة زي الكهرباء⚡⚡⚡ أثناء المشي.
واحيانا يحس الشخص بالم باسفل الظهر عند الفقرات القطنية.
بيوصل للمقعد ومنه لاخر الرجل🦵🦵🦵. الألم في البداية متدرج حتى بيوصل لشدة.
أسباب ألم عرق النسا... 🤔🤔🤔🤔
وجود انزلاق غضروفي في الفقرات القطنية. بسبب ضعف والتهاب في جذور العصب الوركي وبيكون السبب في الألم الشديد الذي يشعر به المريض في منطقة الورك.
او حدوث ضيق بالقناة الشوكية او القناة التي يخرج منا العصب الشوكي...
لازم عند الاحساس بالالم نكشف
علشان نحدد سبب الألم والعلاج الازم.
دمتم بصحه
#المعملجي

Address

الملك فيصل
Giza

Telephone

+201144285815

Website

Alerts

Be the first to know and let us send you an email when المعملجي_Elm3mlgy posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to المعملجي_Elm3mlgy:

Shortcuts

Share

Category