Sherif Salama - تغذية صحية & نفسية

  • Home
  • Egypt
  • Giza
  • Sherif Salama - تغذية صحية & نفسية

Sherif Salama - تغذية صحية & نفسية ✍️متخصص تغذية &,Certified Health Coach.ICF.
(3)

Emotional eating coach&

✍️والتغذية الصحية والتعديل السلوكي بعد عمليات السمنة وحالا زيادة الوزن بعد ( التكميم او التحويل او الساسي) دعم وتدريب مرضي اضطربات الطعام ( CBT-DBT-ACT)جلسات فردية وجماعية. شريف سلامة. اخصائي التغذية دراسات عليا في التغذية جامعة القاهرة ماجستير مهني في التغذية العلاجية جامعة القاهرة
Diploma in clinical Nutrition by American
Association of Continuing Medical Educat

ion

Course in behavioral change for lifeStyle by the Egyption functional Medicine Associationنقدم استشارات تغذوية ومتابعات غذائية اونلاين فقط النظام الغذائي مش ورقة مطبوعة لكل الناس لا لكل فرد نظامه الخاص علي حسب احتياجاته الصحية والعملية والنفسية يعني نظام متفصل عليك متابعات لجميع انواع الانظمة الغذائية العالمية متخصصون في التغذية بعد عمليات السمنة ( تكميم المعدة - تحويل المسار ) من بعد العملية الي المثالي باذن الله علاج المشاكل الغذائية كزيادة الوزن بعد عمليات السمنة هتلاقي في الصفحة فيديوهات ومنشورات هتفيدك جداااا �متابعة حالات السمنة والنحافة

24/08/2026

فيد باك من ورشة الاكل العاطفي من محاضرة جسمي والمرايا وعلاقتي مع جسمي

👇👇👇

المحاضره كانت جميله و تقيله عليا الصراحه…
فكره اني شايفه نفسي بعين اللي حواليا مش بعيني .. رغم اني عشت فتره مش قليله من حياتي فاكره فيها اني متقبله شكلي بس نور معايا ان لا .. كنت بشوف نفسي بعينهم بطريقه غير واعيه وغير مباشره ومش متقبله جسمي زي ما هو عشان دايما كنت بحاول اخبيه …

فكره قد ايه المجتمع مدينا معلومات مغلوطه عن جسمنا وعن لازم نتقبله ايمتى وازاي… زي الجسم المشدود والبطن المش باينه والرُفع ك علامه جمال… فكره خلتني اراجع قرارات كتير…

نور معايا قد ايه رغم اني متصالحه مع جسمي واشتغلت على الموضوع ده قبل كده بس لسا في عدم تقبل بشكل او بأخر … واتوجعت لما لقيتني بقول اه ممكن استغنى عن الجزء ده .. في الاول قلتها بتحدي بس بعدين استوعبت اللي قلته وازاي كانت نظرتي ليه قاسيه ومفيهاش حنيه… رغم الشيل اللي شايلهولي والاهمال اللي شايفه مني… احيانا بحس جاي يقلي ارحميني بقى…

ازاي احيانا بقلل من قيمته لما مابهتمش فيه بطريقه معينه عشان مكسله او معنديش وقت مع انه هو احق حاحه اهتم بيها واعتني بيها عشان ده اللي روحي عايشه جواه كل يوم وبيعيني اعمل كل حاجه في الدنيا واقوم بدوري…

👇👇👇

السيشن امبارح كان مفيدة جداجدا ازي اتعامل مع جسمي واهتم بية وحبة اقول لية
شكرا علي قوة تحملة الي عملتها فيك ادويت تخسيس ودايت و جلسات تفتيت الدهون وتخسيس وعملية تكميم وبعد التكميم كل الفيتامينات الي في جسمي وقعت قعت شهر في المستشفي مكنتش بعرف امشي علي رجلي خطوة بس برضو بحبك وانت في كل حلاتك وانت تخين واما نزلت في الوزن واما حصل زياده تاني وترهل كل ده برضو بحبك طبعا بضايق اما حد يقول اي كلمة عليك بس اوعدك الي هيتكلم عليك نصف كلمة هقطع لسانو بس برضو بكل اداب واحترام وههتم بيك اكتر واكتر من الاول

👇👇👇

المحاضره كانت جميله جدا مفيده جدا فهمتني ازي اتعامل مع جسمي واني لازم ادلعو واقلو كلام حلو كتير وابطل انتقدو لانو مالوش ذنب في حاجه وعارفتني علي حاجات هو شالني واستحملني فيها كتير زي كل انواع الديت اللي جربتها فيه ادويه التخسيس اللي اديتهالو من غير ما اعرف مصدرها او اضررها كمان هو تعب معايا قوي لما كنت عندي اكتئاب حاد بهدلتو قوي الصراحه اتكلمت عنو وحش كتير لحد فتره قريبه كنت بكرهو وكل حاجه فيه مش عاجبني بس بقيت بحبو في البيت وماحبوش بره رغم انو لولا ماكنت طلعت اصلا بجد انا اسفه ليه جدا علي حاجه وحشه عملتها فيه وكل ازي ونفسي يسامحني وانا هاحول و اوعدو اني هحافظ عليه علي قد ما اقدر وهاحبو بره واشتري له لبس يحبو

🎉🎉

24/08/2026

ش**ة الاكل ليس لها نهاية .؟

ومتعة عقلك واللذة والادمان بيتجدد ليها اكتر واكتر .. زمان لما مامتك بتعمل كيكة سادة كنت بتكون في قمة سعادتك . وبيحصل احتفال في البيت
كل خميس مع الكيكة او الارز بلبن ..

مع الوقت انت محتاج تاكل اكتر او تضيف اضافات علشان تنبسط زي كيكة زمان … بس الواقع انهاردة بقي صعب والظروف اتغيرت .. ومش قادر تتأقلم مع صعوبة الحياه

والاكل فعلا بيدي سعادة ومتعة ولذة وبيتطلع دوبامين

مع الوقت الكيكة السادة مابقتش تسعدك والكنافة السادة بقت مش ممتعة قوي .. لازم اضافات غريبة وعجيبة من كريمات وعسل ونوتيلا ومكسرات وكميات كبيرررة ..

فانت بتجرب ليفل عالي من المتعة جديد عليك وبيتطلع كميات دوبامين عالي جدااااااا .. زي اللي بدأ رحلة مشاهدات اباحية بينتهي بيه الحالة بمشاهدة الفديوهات الشاذة الغريبة لان العادي مابقاش ممتع ويثيرة زي الاول

زي بردوا في جزيرة ابستين واللي حصل فيها من اكل لحم البشر والجنس الغريب . والملذات اللامنتهية

الاكل انهارده وكمية الاعلانات والفديوهات المقززة وقدرة الاكلات ده انها تسعدك وتفرز كمية دوبامين كبيرة

الرز والبسله مش هتبسطك بعد كدة …. انت عودت عقلك علي الشراهة والكميات الكبيرة

احد فترات في الحضارة اليونانية كانوا عايشين من اجل ملذات بس كانوا بياكلوا وبعد امتلاء المعدة يروحوا يرجعوا الاكل علشان يستمتعوا تاني

الشاهد ماتسيبش نفسك لكل الملذات ده واعمل غير مهتم وبلوك لكل الاغراءات ده … ومحتاجين نرتقي بروحنا اللي القرب من الخالق لكي نملئ فراغ انفسنا … ونتعامل مع مشاعرنا وافكارنا دون الاكل وان نتشافي من جرعات الدوبامين العالية جداااااا

وتصنع حياه تستحق ان تعاش .. وطبعا لو في اضطربات طعام فهنا الاكل مسكن ومخدر للوجع اللي جواك . فاحنا حاسين بيك فمحتاج تشتغل نفسيا علي الالم مع الاكل ..

23/08/2026

افهم الاكل العاطفي 👌

23/08/2026

ثم قالت : ضحكته جميلة جداا مع الناس كلها . الا انا معرفش واخد مني موقف ليه .

جلسات الاكل العاطفي الفردية

23/08/2026

ثم قالت : الدكتورة كانت رافضة اخد مونجاروا وقالتلي عندي حقن احسن وهتعالج الاكل العاطفي . وكانت بتملي الحقنة في العيادة . وبدفع في الشهر ٣٠ الف جنيه حقن … وبرودا بعديها بفترة اخدت مونجاروا لوحدي … تصدق مخستش بردوا علي المونجاروا …. انا قفلت اللعبة وجايالاك أعالج الاساس وزهقت من الاستعجال

جلسات الاكل العاطفي

فيد باك من ورشة الاكل العاطفي . باذن الله الورشة الجديدة هتبدأ ٩/٧ العدد محدود
23/08/2026

فيد باك من ورشة الاكل العاطفي . باذن الله الورشة الجديدة هتبدأ ٩/٧ العدد محدود

22/08/2026

لسة داخل البيت وراجع تعبان … زوجتي انزل هات حلاوة المولد .. مولد ايه وحلاوة ايه .

هي نزلت . اه وقربت تخلص .. بس متكترش . هات الحاجات الاساسية

حااااضر .. عاوزة ايه

هات كدة سودانية وسمسمية وحمصية .. هات كتير متعدش فيهم
هتلاقي كدة ملبن .. هات كل الالوان وهات اللي بمكسرات

وهات اللي بالبندق …. حااااضر

فيه بقا ملبن حبل …. اه

هات منه كدة نص متر ..

وهات بقا البسيمة .. وجوز الهند بكل انوعهااااااا

وهات النوجية …. حاضر

هتلاقي بقي حاجات شبة قمر الدين كدة هاتها بردوا

مش حابة اتقل عليك يا حبيبي 🥰.. ولا يهمك

ده للبيت بقا …. فين انا .. نسيت الحب .. نسيت العشرة
نسيت اللي صابرة معاك …….😌قولي عاوزة ايه

هتلاقي كدة كاجو وبندقية وفستدقية. هاتلي كدة تشكيلة لياااااا …. عيد جوازنا قرب …

جواز ايه .. 😟 وقرب فين ….. بص 👀 هات الحاجات ده وهستناك …. واعملك فنجان قهوة بتحبه

حاااااااااااضر … سلاااااااااام

هنبدأ باذن الله ٩/٧ 👏👏🐟😃
22/08/2026

هنبدأ باذن الله ٩/٧ 👏👏🐟😃

22/08/2026

جواب من بطله كان عندها ادمان بيبسي 👌 بعد ٨ شهور تكميم ونفسه يرجعله . بعد خروج المشاعر ده كلها الرغبة قلت جداااا كلامها 👇👇👇👇

(عزيزي الب ي ب س ي 🥤🥤
أنا ……
انت واحشني اوي اوي
مين كان يصدق
٨ شهور من غير ما نتقابل !

بكتبلك النهارده علشان أودعك💔💔
ايوا زي ما سمعت كدا ! 😣😣

عاوزه اقولك ان إنت ماكنتش بالنسبالي مجرد مشروب لاء
إنت كنت الحاجة اللي بمسك فيها
لما الدنيا كانت تقيلة عليا

من الطفولة وإنت في حياتي
في الذكريات اللي لسه عايشة جوايا.
انت عارف
انت حتى بتفكرني بأخويا المسافر
كنا نشربك سوا،
ففضل طعمك مرتبط بالإحساس
إن في حد من دمي قريب
حتى وهو بعيد
لما سافر، فضلت إنت الذكرى الوحيدة اللي بطعمها بحس إنه لسه قريب

كنت باجيلك مليانه مشاعر ماكنتش بعرف أعبر عنها
ماكنتش بعرف أطلب طبطبة،
ولا أقول أنا محتاجة ايه

فلجأت لك

كنت بشربك وأنا مش عطشانه شرب
كنت عطشانة أمان
كنت ببلع معاك
قلق
وحزن
واحتياج

كنت فاكرة إنك أمان بس إنت كنت مجرد بنج
مسكن
بتهدّي الوجع شوية

وأقسى حقيقة
إني كنت بدور فيك عن
حضن من غير أسئلة
وطبطبة من غير شروط

بس العلاقة دي استنزفتني 💔
جسمي تعب
صحتي اتأثرت

بس النهارده
أنا مختلفه

اتعلمت أقعد مع مشاعري
من غير ما أهرب
لازم اسيبك
لاني عاوزه أمان ما يخلصش
ولا يتشرب

علشان كده
ده وداع

مش كره فيك
مش غضب منك
لكن لأني استاهل أعيش
مش أتسكن
عاوزه امان مايتاخدش في بوق
ولا يخلص مع العلبة
كنت لما أكون مخنوقة
أفتحك كأني بفتح حضن
كنت ببلعك
وأبلع معاك كلام كتير
ماعرفتش أقوله
وعياط مكبوت
واحتياج للحب والأمان

بكتبلك المرة دي وأنا واعية بكل حاجة
مش هربانة،
ولا مستنية منك تهدّي وجعي
بكتبلك علشان أودّعك بصدق

إنت دخلت حياتي في وقت
كنت فيه محتاجة أي حاجة تمسك إيدي
مش لأنك الحل لاء
لكن لأنك كنت المتاح

النهارده أنا مش بزعل زي زمان،
ولا بهرب زي الأول.
اتعلمت أقعد مع مشاعري،
حتى وهي تقيلة

شكرًا على الذكريات
وعلى إنك كنت موجود
لما ماكنتش أنا موجودة لنفسي.

كنت محتاجة طبطبة
حضن
وإحساس إني مقبولة زي ما أنا

وأنا بشربك كنت بتحتويني
من غير ما أشرح
من غير ما أبرر
بس أعيّط…
وحد يطبطب عليا

رجعت لحاجات بحبها بصدق،
حاجات بتفرحني من غير ما تضرني،
وبقيت أختار نفسي

بكتبلك بامتنان،
وبوداع واعي
وداعًا يا رفيقي القديم 🥤
أنا دلوقتي بخير )

22/08/2026

خلي بالك جروب قاع الهامور جميل ولذيذ وانا نزلت بوست فيه وبيفك النفسية وبيفصلك عن الواقع وحياتك . اوعي تطول فيه متابعة ونشر لانه عامل زي المخدر كدة … اخرك فيه نص ساعة تضحك وتشوف حياتك ومشاعرك .. لو قعدت فيه ساعات كتير ده خطر ⚠️ علي دوبامينك ونفسيتك . ويفصلك عن حياتك

Address

الهرم
Giza

Telephone

+201157033705

Website

,

Alerts

Be the first to know and let us send you an email when Sherif Salama - تغذية صحية & نفسية posts news and promotions. Your email address will not be used for any other purpose, and you can unsubscribe at any time.

Shortcuts

Share