19/06/2026
👁️🗨️ كتير من الأهالى بيسألوا ازاى احافظ على نظر طفلى وأحميه من الضعف او ازدياد المقاسات كل كام شهر🤔
👁️🗨️ المعروف ان قصر النظر فى الأطفال بيزيد مع السن وان النظر بيوصل لمرحلة الثبات بعد سن 18 سنة.
👁️🗨️ أثبتت الدراسات ان كثرة التركيز فى الأشياء القريبة من العين (near work) بتزود طول العين (axial length ) وبالتالى بتزود قصر النظر.
👁️🗨️ وده بيشمل الموبايل والتاب والمذاكرة فى ضوء قليل 📚🖊️
✅ عشان احافظ على ثبات نظر الطفل وأحميه من التدهور السريع لازم يتبع التعليمات دى 👇👇
1- تقليل فترة التعرض للموبايل والتاب لمدة لاتزيد عن نص ساعة متواصلة ولا تزيد عن ساعتين فى اليوم متقطعة وده للطفل أكبر من 4 سنين زى ماهو موضح فى الجدول.
2- زيادة ضوء غرفة المذاكرة والاعتماد على ضوء الشمس بالنهار لأن الاماكن المغلقة والاضاءة الصناعية من الحاجات اللى بتزود قصر النظر.
3- كثرة النظر الى الاماكن البعيدة والمساحات الواسعة زى السماء والحدائق ,( increase outdoor activities)
بمعدل ساعتين فى اليوم او 14 ساعة فى الأسبوع.
4- نبعد الموبايل عن العين لمسافة اكتر من 30 سم والتاب 40 سم والكمبيوتر او اللاب توب 50 سم.
5- لو ينفع نستبدل الموبايل والتاب بشاشة التليفزيون وتبقى على بعد حوالى 3 متر من الطفل يبقى أفضل.
👁️🗨️ ياريت كل أطفالنا يتبعوا التعليمات دى عشان يحافظوا على نظرهم ونقلل حدوث وتدهور قصر النظر عندهم👌
