د/ايه عبدالشافي

23/07/2026

"ماما.. الجو حر والطفل زهقان؟" ☀️🧊

جربي معاه نشاطًا بسيطًا، ممتعًا، وفي نفس الوقت مليئًا بالفوائد التعليمية. 💙

كل اللي هتحتاجيه:
🧊 طبق بلاستيك.
🐾 حيوانات صغيرة للعب.
💧 ماء.
🔨 شاكوش لعبة أو أي أداة آمنة مناسبة لعمر الطفل.

املئي الطبق بالماء، ضعي الحيوانات بداخله، واتركيه في الفريزر حتى يتجمد. بعدها ابدئي مع طفلك مغامرة إنقاذ الحيوانات من الجليد!

✨ فوائد النشاط:
✔️ ينمي الانتباه والتركيز أثناء البحث عن أفضل طريقة لتحرير الحيوانات.
✔️ يعزز الصبر والمثابرة، لأن الطفل يتعلم الوصول للهدف خطوة بخطوة.
✔️ ينشط المهارات الحسية من خلال استكشاف ملمس الثلج، وبرودته، والماء أثناء الذوبان.
✔️ يقوي التآزر البصري الحركي والتآزر بين العين واليد أثناء استخدام الأداة.
✔️ يطور مهارات التخطيط وحل المشكلات واتخاذ القرار.
✔️ ينمي الخيال واللعب التخيلي، فيعيش الطفل دور المستكشف أو المنقذ.
✔️ يفرغ الطاقة بطريقة آمنة وممتعة، ويقلل من وقت استخدام الشاشات.
✔️ يمنح الطفل تجربة تعليمية من خلال اللعب، وهي من أكثر الطرق فاعلية في اكتساب المهارات.

👶 مناسب للأطفال من عمر 3 إلى 10 سنوات، مع مراعاة الإشراف المستمر من أحد الوالدين واستخدام أدوات آمنة تناسب عمر الطفل.

💙 نشاط واحد بسيط... لكنه يجمع بين المتعة، التعلم، وتنمية المهارات في دقائق قليلة.

جربوه مع أطفالكم، وشاركونا صورهم أو رأيكم بعد التجربة. 🌸

#د/ #اية عبد الشافي
#ارشاد #نفسي #للاسرةوالطفل
#تعديل #سلوك
#تخاطب #تنميةمهارات

06/07/2026

الأم العصبية اللي بتصرخ بصوت عالي وهي غضبانة... بتربي طفل عنيد حتى لو هي مش قصدها.
مش مرة... ولا اتنين... كل زعيقة بتسيب أثر في مخ الطفل.
ومع الوقت هتتفاجئي إنه: ❌ بيعاندك على كل حاجة. ❌ بيزعق على أخواته. ❌ بيضرب اللي حواليه. ❌ ثقته بنفسه بتتهز. ❌ وعلاقتكم ببعض بتبدأ تبعد يوم بعد يوم.
ولو ابنك من الأطفال الحساسين... فالزعيق بالنسبة له مش مجرد صوت عالي... الزعيق بالنسبة له خوف، وتهديد، وإحساس إنه مش آمن.
وده ممكن يظهر في صورة: 💔 تبول لا إرادي. 💔 خوف شديد. 💔 تعلق زائد. 💔 رفض للكلام. 💔 أو عصبية أكتر.
المشكلة إن الطفل مش بيتعلم من نصايحك... الطفل بيتعلم منك.
لو انتي بتحلي مشاكلك بالصريخ... هو كمان هيتعلم يحل مشاكله بالصريخ.
اسألي نفسك قبل ما تزعقي: أنا دلوقتي بربي؟... ولا بسيب جرح هيعيش معاه سنين؟
الهدوء مش ضعف... الهدوء هو أقوى وسيلة تربي بيها طفل سوي وواثق في نفسه. ❤️
#د/ #آيةعبد الشافي
#ارشاد #نفسي #للاسره #والطفل
#تعديل #سلوك

19/06/2026

🗣️ الكلمة لازم تجيب كلمة!

إذا كان ابنك متأخرًا في الكلام، فهناك قاعدة ذهبية بسيطة:
✅ عندما يقول كلمة واحدة... لا تكتفِ بتكرارها، بل أضف لها كلمة جديدة.

مثال:
👦 الطفل: "ماء" 👩 الأم: "عايز ماء"
👦 الطفل: "عربية" 👨 الأب: "عربية كبيرة"
👦 الطفل: "بابا" 👩 "بابا جاي"
بهذه الطريقة يسمع الطفل نموذجًا لغويًا أطول قليلًا من مستواه الحالي، فيتعلم تركيب الكلمات والجمل بشكل طبيعي دون ضغط أو إجبار.

لماذا تنجح هذه الطريقة؟
✔️ تزيد الحصيلة اللغوية.
✔️ تعلم الطفل تكوين الجمل.
✔️ تشجعه على التواصل.
✔️ تقلل الإحباط الناتج عن صعوبة التعبير.

نصائح مهمة
🔹 تحدثوا مع الطفل طوال اليوم أثناء الأنشطة اليومية.
🔹 لا تطلبوا منه تكرار الكلمة عشرات المرات.
🔹 اجعلوا الكلام ممتعًا ومليئًا بالتشجيع.
🔹 ركزوا على التواصل أكثر من التصحيح.

🎯 تذكر:
إذا قال الطفل كلمة واحدة، فأنت أعطه جملة صغيرة. وإذا قال جملة صغيرة، فأنت أعطه جملة أطول قليلًا.
فاللغة تنمو كلمةً بعد كلمة... وجملةً بعد جملة. ❤️





#التخاطب

16/12/2025

💭 ليه بعض الأطفال بيغيظوا أهلهم… عن قصد؟
أوقات تحس إن الطفل قاصد يعصبك،
يبص لك ويعمل العكس،
وكأنه بيختبر صبرك عن عمد.

بس الحقيقة؟
غالبًا الطفل مش بيغيظ…
هو بيوصل رسالة مش عارف يقولها بالكلام.

✅ ليه الطفل يستفز أهله عن قصد؟

1) علشان يلفت الانتباه
الطفل يفضّل اهتمام سلبي
عن تجاهل تام.
لو مش لاقي وقت، حضن، أو إنصات…
الغيظ بيبقى وسيلته الوحيدة.

2) علشان يحس بالسيطرة
لما الطفل يحس إن كل حاجة مفروضة عليه،
بيحاول يسترجع إحساس القوة
حتى لو عن طريق الاستفزاز.

3) لأنه متلخبط أو مضغوط
مشاعر كتير جوّه
(غيرة – غضب – خوف – إحباط)
ومفيش لغة يعبّر بيها…
فتطلع في صورة تصرفات تغيظ.

4) لأنه اتعلّم إن ده بيجيب نتيجة
لو كل مرة يغيظك
فتزعق، تسيب اللي في إيدك، أو تركز معاه
دماغه هيربط:
“الطريقة دي شغّالة”.

5) لأنه مش فاهم حدوده لسه
الطفل بيتعلّم الحدود بالتجربة،
مش بالعند…
هو بيختبر:
“أعمل إيه؟ وأوقف إمتى؟”

✅ إزاي تتعامل من غير ما تكبّر المشكلة؟

1) افصل بين السلوك والطفل
هو مش “طفل وحش”…
هو طفل محتاج توجيه.

2) ما تكافئش السلوك بالاهتمام
لو الغيظ لجذب الانتباه،
اهتم أكتر بالسلوك الحلو
وتجاهل الاستفزاز البسيط.

3) سمّي له مشاعره
قوله:
“حاسس إنك متضايق”
الطفل اللي يتحسّس… يهدى.

4) ادّيه اختيارات
الاختيار يقلّل العند
ويخفّف الاستفزاز.

5) خلي رد فعلك أهدى من المتوقع
أكتر حاجة بتكسّر الغيظ
إنه ما يجيبش النتيجة اللي الطفل متوقعها.

🎯 الخلاصة:

الطفل اللي “يغيظ”
مش بيحاربك…
هو بيقولك:
“مشاعري أكبر من لغتي”.

ولما تفهم الرسالة
هتقل الاستفزاز،
ويزيد الأمان،
ويتعلم الطفل طرق أهدى للتعبير.

📩 لو حاسس إن سلوك ابنك مستفز ومُرهقك
جلسة إرشاد بسيطة ممكن تفرق جدًا في فهمه والتعامل معاه.
د/آية عبد الشافي
#اخصائية #تعديل #سلوك #الطفل

01/12/2025

عليكى أن تتجاهلى سلوك البكاء المتعمد لابتزازك من قبل طفلك فيتخذ طفلك البكاء والصراخ كى يستغل تعاطفك معه وتحقيق رغباته وأيضًا يفضل ألا تلتفتى ولا تلقى اهتمام لبكائه حتى يسكت عن الصراخ والبكاء
عليكى أيضا بالهدوء والتزمى الصمت فى حالة صراخه فى الأماكن العامة ولا تصرخى فى وجهه ولا تستخدمى العنف معه عليكى بظبط النفس ويفضل أن يكون هناك اتفاق قبل الخروج من المنزل فى حالة زيارة الأقارب أو التسوق بطريقة عرضه لطلباته ووضحى له
أن البكاء ليس حلا لطلبه.
د/آية عبد الشافي
#تعديل #سلوك #الطفل #تخاطب #تنميه #مهارات

26/11/2025

بمناسبة قضية التحرش الجديدة
( خاص بالأمهات )
ازاي تعرفي إن ابنك اتعرض او بيتعرض للتحرش بنفسك وبأسئلة سهلة

أكتر غلطة بتقع فيها الأمهات إنهم يسألوا الطفل بشكل مباشر
حد لمس جسمك؟ حد ضايقك؟
والطفل ساعتها يا اما يتخض يا اما يتكسف ومايعترفش لو كان لا قدر الله بيتعرض لحاجة فعلا

علشان كده المهم نسأل بطريقة آمنة مطمئنة وما فيهاش إيحاء

⸻

السؤال الأول
مين اكتر حد بتحب تلعب معاه ومين اقل حد بتحب تلعب معاه وليه؟

الهدف منه معرفة العلاقات اللي فيها راحة والعلاقات اللي فيها قلق أو تجنب
ليه السؤال ده يفتح قلبه؟
لانه بيحس إنه سؤال طبيعي عن يومه مش تحقيق فيتكلم تلقائيا

⸻

السؤال التاني
في حد ساعات بيعمل حاجات بتزعلك أو بتضايقك ومش بتعرف تقول؟

الهدف فتح باب الاعتراف بشكل عام قبل ما ندخل للتفاصيل
والسؤال هنا مش موجه لشخص محدد فالطفل بيحس إنه مش مضطر يحمي حد أو يخاف من عقاب

⸻

السؤال التالت
لو حد عمل حاجة انت مش بتحبها بتعمل ايه؟

الهدف تعرفي مهاراته في الحماية وهل اتعرض لحاجة قبل كده ورد فعله كان ضعيف ولا لاء

السؤال ده بيكشف لو حصل موقف وهو مقدرش يدافع وغالبا الطفل لو مر بتجربة تحرش فعلا فيا اما هيسكت أو هيعيط

⸻

السؤال الرابع
في حد بيطلب منك أسرار أو بيقولك ما تحكيش لماما؟

الهدف كشف أول علامة للتحرش وهي السرية والسيطرة

والسؤال ده مهم جدا لأنه سؤال عام يقدر الطفل يجاوب من غير ما يحس إن في مصيبة

⸻

السؤال الخامس
في حد بيحضنك أو بيلمّس جسمك بطريقة بتخليك متضايق؟

الهدف تسمية المشاعر بدل الكلمات الجنسية

ولازم هنا يكون فيه شعور بالأمان غالب على السؤال لإنه هيكون مبني على احساس الطفل مش على وصف الفعل والطفل بطبيعته صادق جدا في وصف الضيق لو في حاجة حصلت

⸻

السؤال السادس
لو انت متضايق من حد أو من موقف تحب تقولي ازاي بالكلام ولا بالرسم؟

الهدف فتح قناة تانية للتعبير ، الرسم بيكشف حاجات الطفل مش قادر ينطقها

ولما تختاري طريقة التعبير اللي هو مرتاح ليها امانه بيزيد ورفضه يقل وبيتطمن

⸻

السؤال السابع والأخير
في أي حاجة حصلت الأيام دي وخليتك مش فاهم أو حسستك إنك مكسوف؟

الهدف الوصول للمواقف اللي الطفل مش قادر يصنفها

وده سؤال قوي ومحتاج صبر واحتواء لان التحرش عند الطفل غالبا بيكون شعور بالخجل مش فهم للفعل

⸻

❤️‍🩹 ازاي تخلي الطفل يجاوب بصدق ومن غير خوف

اتكلمي بنبرة صوت هادية جدا الطفل بيجاوب على النبرة قبل السؤال
اقعدي على مستواه الركبة عند الركبة علشان يحس بالأمان أو نايمين ع السرير جمب بعض قبل النوم

ما تبينيش أي صدمة أو خوف حتى لو قال حاجة مفزعة لو اتخضيتي هيسكت
وابدئي بجمل طمأنة
أنا مفيش حاجة بتزعلني منك
لو في اي حاجة حصلت عمري ما هلومك
ممكن تسأليه وانتي في نشاط جانبي زي تلوين أو مكعبات ده بيخلي الحوار طبيعي والطفل يفتح قلبه بسهولة

ما تكرريش السؤال اكتر من مرة واختاري وقت يكون فيه هادي ومرتاح

التحرش بالأطفال بيحصل في الأماكن اللي مبنتوقعهاش
فمش دورك انك تحميه في كل مكان هيتواجد فيه
لكن مهم جدا توعيه إنه يتكلم ويعبر ويحاول يشرح اللي بيتعرضله بأمان عشان واثق إنك هتدعميه وإنك هتساعديه يحمي نفسه بنفسه

د/ آية عبد الشافي
#ارشاد #نفسي #للاسره #والطفل
#تعديل #سلوك

21/11/2025

📣 تنويه مهم لكل أهالينا الكرام
اللي حابب يشترك في المؤتمر القادم، يقدر يدخل على الجروب الموجود في الإعلان، أو يتواصل معايا على الخاص وهبعت له كل التفاصيل.

أنا إن شاءالله هكون حاضرة، والمؤتمر فيه أساتذة ودكاترة كبار ومحتوى علمي قوي جدًا ومفيد لكل الأطفال في مختلف المراحل.
فرصة ممتازة لكل ولي أمر حابب يطوّر معرفته ويستفيد بمعلومات قيمة تخص أولاده. 🌟

لو في أي استفسار أنا موجودة دايمًا لحضراتكم ❤️

✨🎓 جاهز تكون جزء من الحدث العلمي الأكبر؟ 🎓✨
📢 عاوزينك معانا في المؤتمر العلمي الثالث لمركز Go On!

🌍 تحت عنوان:
"جيل على الحافة:
نحو بيئة داعمة للصحة النفسية والمشكلات السلوكية للأطفال والمراهقين"

🗓 الخميس 29 يناير 2026
📍 قاعة المؤتمرات الكبرى – مركز التعليم المدني – القاهرة

لأنك مش مجرد حضور…
💛 وجودك خطوة لبناء وعي جديد
💡 ودعم لجيل محتاج صوت واعي… وقلب فاهم.

مستنيينك في يوم مليان علم، وورش قوية، وتجارب حقيقية تغير الطريقة اللي بنفهم بيها أطفالنا ومراهقينا.

🎁 ولأنك تستاهل الأكتر… محضرّين لك هدية قيمة:
Go on 💪🏻 Go on💪🏻Go on 💪🏻Go on 💪🏻

💵 الحجز يبدأ من: 350 جنيه للحضور
🔖 ومُتاح أكتر من فئة للتذاكر — اختار اللي يناسبك وهنبعت التفاصيل كاملة.

🎓 ورشتين تدريبيتين مجانًا ايووووه مجاناً ورش هديه قبل المؤتمر
(بدل 1000 جنيه إجمالي)

🧠 الورشة الأولى: التربية بلا صراخ – خطوات عملية للتواصل الهادئ مع الأبناء
🧠 الورشة الثانية: الحدود النفسية – كيف نربي بوعي دون إفراط أو تفريط

📘 يشمل الحضور:
✔ مادة علمية
✔ شهادات معتمدة من مركز Go On

---

📞 للحجز والاستفسار:
010 70803519
010 13979763

🔗 رابط الجروب:
https://chat.whatsapp.com/KOpSrKXLe1cIz2dO8giRoA?mode=ac_t

---

🎯 احنا جاهزين… وإنت؟
🧩 اللقاء ده مش مجرد مؤتمر…
ده خطوة نحو صحة نفسية أفضل… وتربية أذكى… وجيل أقوى

16/11/2025

لا تهـملـوا أبنـائـكم 🔔

•الأبناء مسؤلية وعدم الاهتمام وعدم تدارك اى تأخر لديهم يفاقم المشكلة.
•اذا شعرت بأن طفلك يعاني من تأخر لغوي او مشاكل فالنطق وتأتأه او بحاجه لتعديل في سلوكياته او لديه اضطرابات نفسيه.

•نقدم لكم جلسات في:-
التخاطب _ تعديل السلوك _ علاج اللدغات والتأخر اللغوي والتأتأه _صعوبات تعلم _ وجلسات لتنمية القدرات

•في انتظار تواصلكم معنا على :-
📞 01111902501


#صعوبات #تقييمات #أخصائية #تخاطب #اطفال #اطفالنا #أم #لدغه #حركه #فرط #اهتمام

01/11/2025

“طفلك متأخر في الكلام؟ 🤔عنده صعوبات في التعلم أو سلوكيات مش عارفة تتعاملي معاها؟ 🙁”

خدمات العيادة 👇
🔹 " تعديل سلوك " لتوجيه طفلك بطريقة إيجابية
🔹 " تخاطب " لتحسين النطق والتواصل
🔹 " صعوبات التعلم " لمساعدته في الدراسة
🔹 " تنمية مهارات " لتعزيز قدراته الذهنية والاجتماعية
🔹 " اختبار ذكاء " لتقييم إمكانياته بشكل علمي
🔹 " إرشاد أسري " لدعم الأهل في التعامل مع الطفل
🔹 " أخصائي نفسي " لمتابعة الحالة النفسية والسلوكية للطفل
لأن طفلك يستحق فرصة حقيقية للنمو والتطور ❤️

📍 للحجز والاستفسار: 01111902501

#د/آية عبد الشافي

25/10/2025

لو الطفل ضاع... نتصرف إزاي؟ تدريب مهم لكل بيت 👶❤️

في لحظات معينة، ممكن يحصل حاجة ما كناش متوقعينها، زي إن طفل يضيع في مكان عام، وده موقف صعب جدًا على الأهل والطفل. بس اللي يطمن ويقلل الخوف هو إننا نكون مستعدين له مسبقًا، وندرب الطفل على التصرف الصحيح في حالة زي دي.

تعالوا نعرف إزاي نهيأ أطفالنا للموقف ده بشكل بسيط وعملي:

🔴 أول رد فعل: "قف مكانك"

أول وأهم خطوة لو الطفل لقى نفسه لوحده، هي إنه مايتحركش من مكانه أبدًا. يفضل واقف في نفس المكان اللي لاحظ فيه إنه تايه. الحركة هتخليه يتوه أكتر وتصعب علينا نلاقيه.

🔴 ينادي على "ماما" بشكل واضح

الطفل لازم ينادي بصوت عالي على اسم ماما أو تيتا + اسمها، يعني مثلًا يقول:
"يا ماما نجلاء، يا تيتا فاطمة أنا هنا!"
ده بيساعد اللي حواليه يميزوا إن الطفل تايه، وكمان بيساعد الأم تسمعه بسرعة.

🔴 ينادي... ويسكت شوية

مش لازم يفضل يزعق على طول. ينادي مرة أو مرتين، وبعدين يسكت شوية ويسمع، يمكن ماما بتنادي عليه ومش سامعها. ويفضل دايمًا واقف مكانه.

🔴 يكون حافظ رقم تليفون ماما أو بابا

من المهم جدًا الطفل يكون حافظ رقم تليفون واحد على الأقل. والطريقة الأسهل لحفظ الرقم هي إننا نعمله بلحن أو أنشودة بسيطة، علشان يثبت في دماغه.

ولما يطلب المساعدة، لازم يطلبها من ست كبيرة، مش من راجل. يقول لها:
"ممكن تطلبي لماما على الرقم ده؟"
ولو الست قالت له "تعالى أوديك لماما"، لازم يرد بكل ثقة:
"شكرا، ماما جاية لي هنا، أنا هستناها"
مايروحش أبدًا مع أي حد، مهما قال له.

🔴 يكون هادي وواثق

مهم جدا نعلم الطفل إنه يهدأ ويثق إن ماما هاترجع وتلاقيه. التوتر بيخليه يعيط بس ومابيعرفش يفكر. إحساس الأمان بيخليه يتصرف صح.

🔴 المساعدة من الأمن فقط

لو فيه أمن في المكان (زي حد لابس يونيفورم أو بادج)، الطفل يروح له مباشرة. يقول له إنه تايه ويطلب منه الاتصال بماما.

🎭 خليك مستعد... درب ابنك بمسرحية!

أحسن طريقة نعلم بيها أطفالنا التصرف ده، هي إننا نعمل موقف تمثيلي في البيت، كأننا في مول أو حديقة، ونجرب معاه كل الخطوات دي، كأنها لعبة. ده بيثبت التصرفات دي في دماغه، وبيخليها تطلع تلقائي لو حصلت بجد.

الموضوع مش تشاؤم ولا "فأل وحش"، بالعكس، ده وعي واستعداد وإدارة أزمة، والمستعد دايمًا بيعدي المواقف الصعبة بأمان.

استنوا رايحين فين؟؟ شير لكل أب و أم🌹

د/ آية عبدالشافي

#تخاطب