Dr. Nada Tharwat

Dr. Nada Tharwat لحياة متوازنة من الداخل والخارج — تغذية بوعي، وجسم صحي، ونفس مطمئنة ��

مش كل جسم محتاج يوقف السكر والدقيق الأبيض..!!بنوقفهم لما تبقي محتاجة لكده فعلًا، زي:• ارتفاع الدهون الثلاثية جدًا، خصوصً...
16/09/2026

مش كل جسم محتاج يوقف السكر والدقيق الأبيض..!!

بنوقفهم لما تبقي محتاجة لكده فعلًا، زي:

• ارتفاع الدهون الثلاثية جدًا، خصوصًا لو مرتبط بزيادة السكريات والكربوهيدرات المكررة في الأكل.

• اضطرابات سكر الدم.

• بعض المشاكل الأيضية، حسب الحالة.

• وفي بعض الحالات المناعية، بنحتاج نمنع أي مصدر للجلوتين.

في النهاية .... إنتِ ليكي رحلتك، وجسمك ليه احتياجاته الخاصة، ودورنا نفهمه ونبني له التغذية اللي تناسبه.


مش كل دايت معناه إننا نمنع السكريات والدقيق الأبيض تمامًا.خصوصًا لو مفيش مشكلة صحية تستدعي المنع.الصح إن كل حالة ليها ال...
15/09/2026

مش كل دايت معناه إننا نمنع السكريات والدقيق الأبيض تمامًا.
خصوصًا لو مفيش مشكلة صحية تستدعي المنع.
الصح إن كل حالة ليها النظام اللي يناسب جسمها، هدفها، وحالتها الصحية؛ عشان نوصل لصحة أفضل، وشكل ونفسية نكون حابين نكمل بيهم. 🤍
والسر مش في الحرمان…
السر في بناء عادات صحية صغيرة جدًا، واحدة ورا التانية.
عادات بسيطة، لكن مع الوقت بتغيّر طريقة تفكيرنا وعلاقتنا بالأكل، لحد ما نبدأ بشكل تلقائي نحب نفسنا أكتر ونختار ليها الأحسن والأفيد. 🌿
طيب… إنتِ محتاجة تمنعي السكر والدقيق الأبيض فعلًا، ولا لأ؟ 👀
اكتبيلي في الكومنتات:
إيه أكتر حاجة كنتِ فاكرة إن لازم تمنعيها عشان تخسي؟
ولو عايزة تعرفي إيه الأنسب ليكي، اتواصلي معانا وإن شاء الله توصلي لهدفك. ❤️


الحمد لله 🩵الميزان مش هو المؤشر أبدا لصحتنا والخسارة الوزن أو زيادته بشكل صحي فعلا لأن ممكن نكون بنخسر عضلات ونزيد دهون ...
29/08/2026

الحمد لله 🩵

الميزان مش هو المؤشر أبدا لصحتنا والخسارة الوزن أو زيادته بشكل صحي فعلا لأن ممكن نكون بنخسر عضلات ونزيد دهون أو حتى الدهون ثابتة لكن نسبة العضلات بتقل ده كله على المدى البعيد يأذي صحتنا مينفعناش عشان كده بيكون عندي معايير مختلفة وأنا بقيم تقدم حالاتي الجميلة من ثباته 🩵

الحالات دي كلها بتشترك في حاجة وهي إنهم بدأوا فعلا يحبوا نفسهم ويتقبل ها ويتعاملوا معاها برحمة ويفصلوا بوعي بين الصورة اللي الناس شايفاهم بيها وهم ازاي شايفين نفسهم دلوقتي وهيصاحبوها لحد ما يوصلوا للصورة اللي ترضيهم هم عن نفسهم مش الناس 🩵


أنتِ مش محتاجة دايت جديد…أنتِ محتاجة ترجعي لنفسك 🤍كام مرة بدأتي من أول الأسبوع؟وكام مرة قلتي: "المرة دي هلتزم"… وبعدين ...
25/08/2026

أنتِ مش محتاجة دايت جديد…
أنتِ محتاجة ترجعي لنفسك 🤍

كام مرة بدأتي من أول الأسبوع؟
وكام مرة قلتي: "المرة دي هلتزم"… وبعدين رجعتي لنفس النقطة؟

يمكن المشكلة مش في إرادتك،
يمكن إنتِ بس بعدتي عن نفسك وجسمك.

مش لازم تغيّري حياتك كلها…
لأن أكيد فيها أجزاء كتير جميلة. 🤍

يمكن محتاجة بس تغيّري النظارة اللي بتشوفي بيها نفسك،
وتكسري عادات مش بتخدمك، وتحطي مكانها عادات جديدة:

تتعاملِي مع نفسك برحمة،
تشربي مية أكتر،
تتحركي كفاية،
تاخدي كفايتك من النوم،
وتاكلي الأكل اللي يريحك ويفيد جسمك فعلًا. 🌱

التغيير الحقيقي مش قرار كبير بتاخديه مرة…
هو عادات صغيرة بتكرريها لحد ما تبقى جزء منك.

ومعايا، هنشتغل على إنك تقربي من نفسك أكتر،
وتفهمي جسمك،
وتبني هوية جديدة تشبه الحياة اللي نفسك تعيشيها. ♥️

مش محتاجة دايت جديد…
محتاجة علاقة جديدة مع نفسك.

د. ندى ثروت
Nutritionist & Health Coach 🤍

🌿 بتحسي إن جسمك بعتلك إشارات ومش فاهمة سببها؟ارتفاع هرمون الكورتيزولأو زي ما بنسميه "هرمون التوتر".الكورتيزول مهم جدًا، ...
29/07/2026

🌿 بتحسي إن جسمك بعتلك إشارات ومش فاهمة سببها؟
ارتفاع هرمون الكورتيزول
أو زي ما بنسميه "هرمون التوتر".
الكورتيزول مهم جدًا، لأن الجسم بيفرزه عشان يساعدنا نتعامل مع الضغوط. لكن لما يفضل مرتفع لفترة طويلة، يبدأ يأثر على صحتك، وطاقتك، ونومك، وحتى وزنك.
━━━━━━━━━━━━━━━ 🤍
✨ من علامات ارتفاع الكورتيزول:
😴 تعب وإرهاق طول الوقت حتى بعد النوم.
🌙 صعوبة في النوم أو نوم متقطع.
😣 عصبية وتقلبات في المزاج.
🧁 اشتهاء مستمر للسكريات والكافيين.
🤍 انتفاخ في الوجه أول ما تصحي من النوم.
🤕 صداع متكرر.
🧠 ضعف في التركيز والنسيان.
🤍 إحساس بعدم الراحة أو إنك "مش على بعضك" من غير سبب واضح.
🍃 انتفاخ ومشكلات في الهضم.
📍 زيادة الدهون خصوصًا في منطقة البطن.
━━━━━━━━━━━━━━━ 🌸
💚 إزاي تساعدي جسمك يرجع متوازن؟
🌿 نامي من 7 إلى 8 ساعات كل يوم.
🥗 اهتمي بأكل متوازن غني بالبروتين، والمغنيسيوم، وأوميجا 3، وفيتامين C.
🚶🏻‍♀️ اتحركي 30 دقيقة يوميًا حتى لو مشي.
🧘🏻‍♀️ خصصي وقت للاسترخاء، والتنفس العميق، والذكر أو الصلاة.
☕ قللي الكافيين والسكريات المكررة.
☀️ اتعرضي للشمس الصبح واشربي كمية كفاية من المياه.
━━━━━━━━━━━━━━━ ✨
💡 افتكري:
التوتر جزء طبيعي من حياتنا... لكن إن جسمك يفضل عايش في حالة توتر باستمرار، فده محتاج يتفهم ويتتعالج.
🤍 لو لقيتي إن عندك أكتر من عرض من اللي فوق، متتجاهليش الإشارات دي.
لأنها ممكن تكون رسالة من جسمك إنه محتاج اهتمام وتوازن، مش مجرد مسكن للأعراض.
💌 ابعتيلي رسالة دلوقتي عشان نقيّم حالتك مع بعض، ونحدد السبب الحقيقي، ونحط خطة غذائية ونمط حياة يناسبوك، وتستعيدي طاقتك وتوازنك وصحتك خطوة بخطوة. 🌿
Dr. Nada Tharwat
Nutritionist & Health Coach ✨

أهلا يا حلوات ويا حلويات 😘💚 الأسئلة دي متكررة فحبيت أجمع لكم الرد في صورة 💚💚💚
24/07/2026

أهلا يا حلوات ويا حلويات 😘💚 الأسئلة دي متكررة فحبيت أجمع لكم الرد في صورة 💚💚💚


"أنا الحمد لله بقيت اختياراتي في الأكل واعية... لكن أول ما أزعل جدًا أو أفرح جدًا بلاقي نفسي باكل كتير، وأكل مش صحي!" 💛ل...
23/07/2026

"أنا الحمد لله بقيت اختياراتي في الأكل واعية... لكن أول ما أزعل جدًا أو أفرح جدًا بلاقي نفسي باكل كتير، وأكل مش صحي!" 💛

لو الجملة دي شبهك... فغالبًا إنتِ بتعاني من الجوع العاطفي (Emotional Eating).

الموضوع مش ضعف إرادة، لكنه طريقة مخك بيحاول بيها يهرب من المشاعر عن طريق الأكل.

1️⃣ اعرفي إيه المحفزات (Triggers) بتاعتك.
اسألي نفسك: إيه المواقف أو المشاعر اللي بتخليني ألجأ للأكل؟
مش شرط يكون حزن أو فرح... ممكن يكون ضغط نفسي، فرط تفكير، توتر، ملل، أو حتى إحساس بالوحدة.
كل ما تعرفي المحفزات بتاعتك، هيكون أسهل تمنعي نفسك من الوقوع في نفس الفخ.

2️⃣ افهمي مشاعرك بدل ما تهربي منها.
لما تحسي برغبة مفاجئة في الأكل، وقفي لحظة واسألي نفسك:
"أنا جعانة فعلًا... ولا فيه شعور جوايا مش عارفة أتعامل معاه؟"
تسمية الشعور وفهمه أول خطوة للتعامل معاه بشكل صحي.

3️⃣ فرقي بين الجوع الحقيقي والجوع العاطفي.
الجوع الحقيقي بيظهر تدريجي، وأي وجبة متوازنة بتشبعه.
أما الجوع العاطفي بيظهر فجأة، وغالبًا بيكون اشتهاء لأكلات معينة، وبيفضل موجود حتى بعد الأكل.

💚 لو حابة تعرفي نفسك أكتر، وتفهمي مشاعرك، ويبقى معاكي الأدوات العملية اللي تساعدك تفرقي بين الجوع الحقيقي والجوع العاطفي، تقدري تتواصلي معانا في رسائل الصفحة، أو اكتبي سؤالك في الكومنتات، وهنساعدك خطوة بخطوة. 🤍

Dr. Nada Tharwat
Nutritionist & Health Coach

الحمد لله على فضل الله ♥️حقيقي هدفي الأول والأخير مع أي female إنها تكون مرتاحة مع نفسها ومع أكلها ونفسيتها تكون تمام ون...
22/07/2026

الحمد لله على فضل الله ♥️
حقيقي هدفي الأول والأخير مع أي female إنها تكون مرتاحة مع نفسها ومع أكلها ونفسيتها تكون تمام ونظام حياتها يمشي بما يناسبها وتقدر بكده توصل لهدفها أكيد في مجاهدة نفس لكن خطوة خطوة وتعديل سلوك واحد ورا التاني لحد ما نبني حياة جديدة تساعدها انها توصل لهدفها وهي مرتاحة مش مضغوطة ♥️♥️

أشطر بنات وأشطر ستات اللهم بارك 😘 💚💚💚💚💚💚💚
21/07/2026

أشطر بنات وأشطر ستات اللهم بارك 😘 💚💚💚💚💚💚💚

Address

El Haram
Giza

Website

Alerts

Be the first to know and let us send you an email when Dr. Nada Tharwat posts news and promotions. Your email address will not be used for any other purpose, and you can unsubscribe at any time.

Shortcuts

Share

Category