14/09/2025
ام بتشتكي ابنها ٣ سنين كذا حد علق ان رجله مقوسه
من امتى كده ياست الكل ؟
من ساعه ما بدا يمشي
مبياخدش فيتامين د؟
لا
عملتله اي تحاليل قبل كده ؟
اه يدكتورة اهي من ٣ شهور
صوره دم فيها انيميا
ماشي على حديد ؟
ايوه القطاره
طب بيتعرض للشمس ولا لا ؟
لا نادر بصراحه
وريني مشيته كده
كان باين في تقوس فعلا فالركبتين
**الخلاصه
لما طفل عنده انيميا او عنده نقص في معدن او فيتامين
غالبا بيبقى معاه نقص في كذا حاجه
فمهم نعمل تحليل اللي تبين
وكدا كدا هنسحب تبقى شكه سرنجة مره واحده
هتبقى مكلفه شويه بس هتبين حاجات مهمه من بدري
واللي عند الطفل ده تحديدا
انيميا نقص حديد + لين عظام نتيجه نقص فيتامين د
واللي حصلوا نتيجه سوء تغذيه للاسف
فطلبنا من الام
تعمل تحاليل فيتامين د وكالسيوم
ونعيد صورم دم عشان نشوف الانيميا وصلت كام
ونعدل جرعه الحديد
غير اشعه على العضم اللي بتبين درجة لين العضم
ونمشي على حديد وفيتامين د لغايه ما تبان نتايج ونعدل جرعات عشان جرعات العلاج بتبقى عاليه ولازم على تحليل
وطبعا نتعرض للشمس
من ٨ ل ١٠ صباحا
او بعد ٤ العصر
ونظبط التغذية
