26/10/2026
أول حاجة لازم تعرفها إن ارتفاع السكر التراكمي مش معناه إنك تمنع الفاكهة تمامًا!
لكن محتاج تراجع أكلك وعلاجك، وتعرف إزاي تختار الفاكهة وتظبط كميتها.
🍎 1. كُل الفاكهة كاملة بدل العصير.
الفاكهة الكاملة فيها ألياف، وبتشبع أكتر من العصير، حتى لو العصير طبيعي ومن غير سكر مضاف.
📏 2. اهتم بحجم الحصة.
مش كل حصة فاكهة فيها نفس كمية الكربوهيدرات، وده بيفرق في استجابة السكر.
🥗 3. وزّع الكربوهيدرات خلال اليوم.
ظبّط حصص الفاكهة ضمن خطتك الغذائية، حسب احتياجاتك وعلاجك.
📊 4. متكتفيش بمنع الأكل!
لو التراكمي مرتفع، لازم تراجع قياسات السكر وخطة العلاج مع طبيبك؛ لأن الفاكهة مش بالضرورة هي سبب المشكلة.
💛 افتكر: الهدف مش إنك تمنع الفاكهة، الهدف إنك تتحكم في السكر من غير حرمان غير ضروري.
💬 قوليلي: إيه أكتر فاكهة كنت فاكر إنك لازم تمنعها بسبب السكر؟ 🍊👇
د. سالي أمين | أخصائية التغذية العلاجيه
