23/08/2026
اول مرة اتكلم عن حالة بالشكل ده ولكن المرة دي انا محتاج ناس ولاد حلال بجد يكون عندهم قلب وبيحبوا يساعدوا الناس وخصوصا اعضاء مجلس النواب او الاحزاب او الجمعيات الخيرية او اي حد عنده قدرة يوصل لصاحب قرار او يساعد في انهاء اجراءات علاج انسانة محتاجة
السيدة دي في حدود الثلاثين سنة ومن عزبة حمادة الصغيرة صان الحجر الشرقية
مريضة روماتويد والمرض للاسف بدأ يعمل تشوهات في المفاصل والعظام
هي ماشية على علاج عادي ولكن حسب كلام طبيب المناعة هي محتاجة علاج بيولوجي
ولما قلت لها العلاج ده موجود وممكن نحاول نجمع تمنه قالتلي انا عارفة انه مكتوب لي بس انا مقدرش ادفع تمنه
فقلت لها طيب نحاول نجمع لك تمن العلاج
رفضت
رفضت حتى اني ارجع لها تمن الكشف
وده اكتر موقف خلاني مصمم اني اتكلم عنها
لانها من الناس المتعففة اللي ممكن تكون محتاجة جدا ومع ذلك مش قادرة تطلب من حد
قالتلي انا ليا علاج على نفقة الدولة وانا مستحقة له وكل اللي انا محتاجاه حد يساعدني اخلص الورق
قالتلي انا بحاول بقالى سنين وكل مرة بتعطل ومفيش موظف راضي يساعدني وفي ناس كتير بعدي قدرت تخلص ورقها وبقت بتاخد العلاج
انا مش بطلب من حد فلوس
ولا بطلب ان حد يدفع تمن العلاج
انا بطلب انسان عنده ضمير وقدرة يساعدها في انها تخلص اجراءاتها وتوصل للعلاج اللي هي اصلا مستحقة له
لو في عضو مجلس نواب يقدر يساعد
لو في حد في حزب يقدر يوصلها للمسؤولين
لو في جمعية خيرية عندها قدرة تساعد في الاجراءات
لو في حد يعرف الطريق الصح ويقدر يمسك الملف معاها لحد ما يخلص
ارجوكم متبخلوش عليها بالمساعدة
يمكن بالنسبة لحد الموضوع مجرد ورق ومشوار واتصال
لكن بالنسبة لها الموضوع سنين من الوجع والخوف والانتظار
والمرض مش بيستنى
انا عايز اوصلها لحد يساعدها من غير ما تحس انها بتشحت او بتطلب فلوس من حد
هي مش عايزة فلوس
هي عايزة حقها في العلاج
واللي يقدر يساعدني يوصل لها او يعرف حد يقدر يساعدها يتواصل معايا على الرقم
رقمي
01227749115
للتواصل واتس
ولو مش قادر تساعد ارجوك شارك الكلام ده
يمكن البوست يوصل للانسان اللي ربنا جعلك سبب انك توصله
يمكن اتصال واحد يغير حياة انسانة
ويمكن ربنا يجعل مساعدتك لها سبب في ف*ج كبير ليك انت كمان
ربنا يشفيها ويجعل كل واحد يسعى في مساعدتها سبب في ستر وف*ج وخير كبير
