عيادة د.أحمد زكي لجراحة المخ والأعصاب والعمود الفقري

17/10/2025

01/09/2025

“الغدة النخامية… غدة صغيرة بتتحكم في حياتك! 🧠 متتجاهلش الإنذارات!”

عارف إن فيه غدة بحجم حبة الحمص في مخك، لكنها مسؤولة عن جسمك كله؟ 😱 اسمها الغدة النخامية، وهي اللي بتحكم الهرمونات اللي بتتحكم في حياتك!

⚠️ لو فيها ورم حتى لو صغير، جسمك كله بيتلخبط! خد بالك من الإنذارات دي:
❌ صداع مستمر ومش مفهوم
❌ زغللة أو ضعف في النظر
❌ اضطراب في الدورة الشهرية أو مشاكل في الإنجاب
❌ زيادة أو نقص مفاجئ في الوزن
❌ ضعف عام أو تغيرات في الصوت والطاقة

🧠 الحل؟ مش لازم فتح جمجمة! دلوقتي ممكن نستأصل الورم بالمنظار الجراحي 🔬 عن طريق الأنف👃🏻

✅ مميزات استئصال ورم الغدة النخامية بالمنظار:
• عملية دقيقة جدًا ومن غير فتح الجمجمة
• فترة نقاهة أسرع وخروج سريع من المستشفى وألم أقل

🩺 متتجاهلش الأعراض، التشخيص بدري بيفرق بين علاج بسيط وبين مضاعفات صعبة. صحتك تهمنا ❤️

10/07/2025

حالات اعوجاج العمود الفقري من الحالات الصعبة ، اللي بتبقى زي مغامرة في بحر متعرفش ايه اللي ممكن يحصل معاك فيها ، بنقعد فترة طويلة نراجع في الاشعات ونذاكرها ونقول يا رب اي اللي ممكن نعمله في البلاء ده ، كل الخيارات بتبقى مطروحه والسيناريوهات كمان بس مبيبيقاش فيه احلى من لحظة ان انسان مكانش بيمشي يرجع يقف على رجليه من اول وجديد فالحمد لله دايما وابدا

26/04/2025

من الحالات الصعبة انك يجيلك مريض عامل عملية غضروف عنقي من سنين وتاخد قرار انك تعمله من نفس الجرح بيبقى جحيم حقيقي بس ستر ربنا هوا السر في كل حاجه واللي بيزود الموضوع صعوبه ان الغضروف يبقى كبير جدا والنخاع الشوكي تقريبا من كتر الضغط زي خيط والحمد لله المريضة اتحسنت ورجعت تمشي على رجليها تاني

22/04/2025

علاج استسقاء المخ بالمنظار الجراحي بدل من تركيب صمام دائم بالمخ .. و تمت بنجاح الحمد لله
و الأعصاب اطفال
#إستسقاء دماغي

02/04/2025

نزيف المخيخ اللي ضاغط على مسار النخاع الشوكي بيبقى من الحالات الصعبة جدا والصعوبة بتزيد اذا كان الكلام ده في طفلة عشرين يوم وكمان معاملات النزف فيها مش متظبطه عشان عندها مشكلة فيتامين كاف ، البنوتة كانت جايالنا باضطراب في درجة الوعي بس بفضل ربنا ، جعلنا سبب ان احنا نعملها عمليتين جراحيتين الاولى تركيب صمام والتانية تفريغ النزيف من الحجرة الخلفية وفك الضغط على جذع المخ ، والبنوته روحت عيدت مع اهلها

06/02/2025

✍️ إصابات الرأس

واحدة من اكتر الحاجات اللي بتقابلنا في تخصصنا هي إصابات الراس بمختلف أسبابها و اعراضها و مضاعفاتها اللي ممكن تتراوح من من مجرد ارتجاج بالمخ لحد انواع النزيف المختلفه اللي ممكن تسبب مضاعفات خطيرة قد تصل الي الوفاة

لو حصلتلك أصابه و عندك اعراض زي
🎗 صداع شديد
🎗 قيء
🎗 تشنجات عصبية
🎗 فقدان للوعي

يبقي لازم تتوجه فورا لدكتور جراحة المخ و الاعصاب

25/01/2025

أشعات الحالة المذكورة في المنشور السابق

25/01/2025

إنقاذ حياة فتاة بعد تعرضها لحادث سير بقسم جراحة المخ والأعصاب بمستشفى حورس التخصصي.

استقبلت طوارئ مستشفى حورس التخصصي بأرمنت فتاة تعاني اضطرابًا شديدًا في درجة الوعي إثر حادث سير، وبعد الفحص الطبي الأولي وإجراء الفحوصات المعملية والأشعات اللازمة، تبين أنها تعاني من نزيف حاد تحت الأم الجافية على النصف الأيسر من المخ وكدمة نازفة بالفص الأمامي الأيسر من المخ.

تم إدخال المريضة غرفة العمليات مباشرة لإنقاذ حياتها، وتم تفريغ النزيف تحت الأم الجافية من خلال رفع عظام الجمجمة لتقليل ضغط المخ وتفريغ النزيف بالفص الأمامي الأيسر، والسيطرة على الشريان النازف باستخدام الميكروسكوب الجراحي وترقيع الأم الجافية .

وخرجت المريضة بحالة صحية مستقرة بكامل الوعى لاستكمال العلاج الدوائي والمتابعة .
قام بإجراء الجراحة كلا من :-
الدكتور/ أحمد عادل زكي - أخصائي جراحة المخ والأعصاب .
الدكتور/ ديفيد صالح حافظ العبد- أخصائي جراحة المخ والأعصاب.
الدكتور/ أحمد محمد محمد نصر- طبيب مقيم جراحة المخ والأعصاب.
الدكتور/ أيمن صفوت - استشاري التخدير.
بمتابعة كلا من :-
الدكتور/ محمد علي - استشاري الرعاية المركزة .
الدكتور/ أحمد عبد الحميد -أخصائي العنايه المركز.
الدكتور/ أحمد يوسف – مدير الطوارىء .
بمشاركة تمريض الطوارىء والعمليات والعناية المركزة المتميزين .
وفنيين الأشعة والمعامل .
تحت إشراف :-
الدكتور/ أمجد عبد العزيز – مدير المستشفى
الدكتور / محمد عبد الخالق المدير الطبى .

09/01/2025

"🔻تعرف إن بعض مشاكل العمود الفقري ممكن تتطور لأورام..! 🚨

طب إزاي ده ممكن يحصل؟👇🏻

✅بعض الأمراض المزمنة، زي الإنزلاق الغضروفي أو الالتهابات، ممكن تأدي لمضاعفات تؤثر على صحة العمود الفقري.

✅كمان، عدم الكشف المبكر أو تجاهل أعراض زي الألم المستمر، والخدر، وضعف العضلات ممكن يزيد من احتمالية تطور الأورام

لو محتاج معلومات أكتر أو استشارة، إحنا هنا عشان نساعدك ونوجهك للطريق الصحيح .