07/06/2026
📌 هل وزن طفلك طبيعي بالنسبة لطوله؟ 🤔 (الميزان مش كل حاجة!)
كثير من الأمهات بتبعتلي وتقول: ابني حاسة إنه خاسس أو وزنه قليل مقارنة بـ ابن خالته أو جيرانه!"
الحقيقة اللي لازم نعرفها هي إن مقارنة طفل بطفل تاني هي أكبر ظلم للطفل.
الأهم من رقم الميزان لوحده، هو "التناسق".. يعني هل وزن طفلك مناسب لطوله الحالي ولا لأ؟
🔍 إزاي بنعرف إن الوزن مثالي؟
احنا مش بنعتمد على نظرتنا بالعين، ولا على رأي المقربين. بنعتمد على أسس علمية دقيقة:
منحنيات النمو (Growth Charts): دي منحنيات عالمية (زي منحنيات منظمة الصحة العالمية WHO) بنضع عليها طول الطفل ووزنه وعمره، وبتورّينا هل الطفل ماشي في مساره الطبيعي والصحي ولا محتاج تدخل.
مؤشر كتلة الجسم للأطفال (BMI-for-age): بعد سن سنتين، بنحسب نسبة الوزن للطول ومقارنتها بعمر الطفل وجنسه (ولد أو بنت)، لأن توزيع الدهون وطبيعة النمو بتختلف بين الأطفال.
⚠️ علامات تحذيرية محتاجة استشارة:
لو لاحظتِ أي من العلامات دي، لازم نراجع نمو الطفل ونعمل خطة تغذية علاجية مناسبة:
طفلك ثابت في الوزن أو الطول لفترة طويلة (أكتر من 3 شهور).
ملابسه مابتصغرش عليه مع مرور الوقت.
طفلك بيفقد وزن بشكل مفاجئ بدون سبب واضح.
طفلك دايماً مجهوده قليل أو حركته ضعيفة مقارنة بأصحابه.
💡 نصيحة ذهبية
"الطفل الصحي مش هو الطفل المكلبظ! الطفل الصحي هو اللي نموه مستمر ومتناسق، ومناعته قوية، ونشاطه وحركته في المعدل الطبيعي."
💬 شاركيني في التعليقات:
لو حابة تطمني على طفلك، سيبيلي في التعليقات بيانات طفلك (عمره، وزنه الحالي، وطوله)، وهرد عليكي إذا كان في المعدل الطبيعي أو محتاجين نركز على خطة علاجية لزيادة الوزن بشكل صحي! 👇❤️
د اميرة مرعى
أخصائية التغذية العلاجية والسمنة والنحافة
للتواصل عالواتس 01001393749
