مركز الامل للعلاج الطبيعي

26/12/2023

25/10/2023

"لا تحقرن من المعروف شيئا ولو أن تلقى أخاك بوجه طلق" - صحيح مسلم
كل شيء ولو صغير، هتؤجر عليه؛ كلامك عنهم، دعاؤك ليهم، مقاطعتك عشانهم، حزنك عليهم، استخدامك لأي قوة في ايدك (لغة - شهرة)، متستسلمش، ومتزهقش.

14/10/2023

حابب اوضح كذا نقطه كدا بخصوص الحجامه
١-الحجامة مش بتشيل الدم الفاسد لأن اصلا مفيش دم فاسد في الجسم لكن هي بتحفز الجهاز الدوري والليمفاوي وبالتالي بتحسن المناعة وبتسكن الالم عن طريق ميكانزم معين( بغض النظر عن اسمه وتفاصيله المثبته علميا وعمليا ) ومفيدة لأصحاب الضغط العالي
ودا باختصار اهم فوايدها
٢-ممنوع الحجامة للناس اللي عندها انيميا حادة.
٣-ممنوع الحجامة لأصحاب الضغط الواطي .
٤-ممنوع الحجامة للناس اللي عندها سيولة عالية في الدم او تجلط سريع .
٥-الحجامة ممكن تتعمل لمريض السكر عادي بس التشريط يبقي سطحي أكتر من التشريط اللي بنعمله للانسان السليم.
٦-لازم الحجامة تتعمل ع معده فاضية ( آخر وجبة تتآكل قبل الجلسة بساعتين )
٧-ممنوع الاستحمام ف اول ٢٤ ساعة بعد الجلسة (فلازم الشخص يبقي اغتسل قبل الجلسة ع طول )

26/09/2023

اللهم صلى و سلم و بارك على سيدنا محمد

22/09/2023

عن أنس بن مالك قال :
قال رسول الله صلى الله عليه وسلم : " من صلى علي صلاة واحدة صلى الله عليه عشر صلوات، وحط عنه عشر خطيئات ". (مسند أحمد، حديث صحيح)

20/09/2023

العصب السابع Facial Palscy
⏪التهاب او ضرر بيحصل فى ال (Facial nerve) بيسبب ضعف او فقد حركات الوجه فى جنب واحد او الجنبين او ضرر فى منطقه الدماغ التى تحمل الاشارات اى عضلات الوجه.
بيحصل لما نتعرض لجو شديد البروده او لما نتعرض لصدمه.
➡️Facial nerve: the 7th caranial nerve هو العصب الوجهى الحركى
و احنا بنشخص بنطلب من المريض يفتح عينه جامد و يرفع حاجبه و يضحك و يكشر.
الاعراض تبدأ تتحسن خلال اسابيع

07/09/2023

بدأت الشغل الساعه عشرة وبعد اربع ساعات لقيتها عشرة ونص

05/09/2023

الانزلاق االفضروفى
نسمع ناس كتير يقولك عندى عرق النسا طب اى هو عرق النسا؟
-عرق النسا دا اى وجع بيمتد من اسفل الظهر و الالم بيمتد للقدم كلها نتيجه ضغط الفقرات القطنيه على الغضروف اللى بدوره بيضغط على الاعصاب فبيسبب الم غير محتمل حرفيا
⏪يعتبر الانزلاق اكثر الام العمود الفقرى شيوعا و بيأثر بشكل كبير على حياتنا اليومية.
⏪ الانزلاق الغضروفى مش بيجى مره واحده بيجى من تراكمات قبل كدا
⏪تعالا نعرف اى اللى ممكن يسبب انزلاق للغضاريف:
-اخطر و اول سبب و هى السمنه
- شيلت حاجه تقيله بوضعيه غلط من على الارض علشان كدا لما تيجى تشيل حاجه من على الارض تنزل بركبتك عشان يخف الحمل من على الظهر (الصوره فى الكومنتات)
- تتخبط جامد او تقع على ظهرك
- الجلوس لفتره طويله فى وضعيه خاطئه
⏪اعراضه:
-تنميل او شكشه فى القدم
-ضعف فى الساق و القدم
-الحمل و دا بيسبب عن طريق حاحتين
1-الوزن بيزيد بسبب احتباس السوائل و وزن الجنين(قولنا الوزن اكبر سبب لمشكه الانزلاق الغضروفى)و يزيد الضغط على الفقرات و اللى بدورها بتضغط على الغضروف
2-فى نهايه فتره الحمل رأس الطفل بتضغط على العصب الوركى
-^لو المشكله وصلت ل [سلس البول او سقوط القدم(صوره فى الكومنتس) او الوجع مش بيخف خالص ] فى الثلاث حالات دول لازم تدخل جراحى
*الجراحه هتم عن طريق استئصال الجزء البارز من الغضروف
⏪طب ازاى بنتعامل مع مرضى الانزلاق الغضروفى
-اول حاجه لازم تتعمل الراحه التامه لحد م الالم يبدأ يخف
-تجنب الوقوف و الجلوس لفترات طويله
-تجنب الحركات اللى بتسبب الالم
-تمارين لتقويه عضلات الظهر و الساق
-دواء التهابات و باسط للعضلات

26/08/2023

"أن يستوي حالك في النعمة والنقمة".

ماتحاولش تثبت لـ اللي حواليك إنك عندك مشاكل بس أنت مخبي؛ لا ماتحاولش تثبت لحد أي حاجة؛ يكفيك علم الله بك!

أنت ماشي على خطى النبي محمد ﷺ كان أثقل الناس همًا وأكثرهم تبسمًا♥

وتذكر دائمًا: {وَبَشِّرِ الصَّابِرِينَ}.

22/08/2023

Carpal tunnel syndrome(CTS)
متلازمه النفق الرسغى(اختناق العصب)
⏪دى بتعتبر اكثر امراض الاعصاب شيوعا فى اليدين بين السيدات.
⏪تحدث بسبب ضغط على عصب اسمه (median nerve).
⏪اللى عنده المتلازمه دى هيحس ب اى؟
-(تنميل او شكشكه او حرق او الم) فى اليد و الرسغ و ممكن يبقى الالم دا فى يد واحده او اليدين.
- هقولك على حاجه ممكن تاخد بالك منها تلاقى مثلا والدتك و هى بتعمل الاكل الطبق وقع منها او جيبالك كوبايه شاى مثلا فتقع من ايديها دا بسبب المتلازمه دى اللى بتسبب عموما ضعف عام عند الامساك بالاشياء.
⏪ اعرف منين انى عندى متلازمه النفق الرسغى(CTS) (اختناق العصب) ؟
فى اختبار اسمه(Carpal compression test)
تعالا اقولك بنعمل الاختبار دا ازاى :بنضغط بالابهام بتاعنا على (carpal tunnel) بص للصوره عشان تعرف مكانها
علشان نعمل ضغط على(median nerve) اللى قولنا عليه فى الاول انه لما بينضغط بيسبب الالم دا الاختبار دا يبقى ايجابى لو حسيت بتنميل او شكشكه فى اقل من
٣٠ ثانيه
⏪طب حل المشكله دى اى ي دكتور؟
- نلبس جبيره للرسغ عشان تحافظ عليه فى الوضع الطبيعى و تقلل الضغط على(median nerve) و الجبيره دى بينصح بيها مع الحوامل لانها تعتبر علاج مكبر للمتلازمه دى لان معظم الحوامل بيعانوا منها.
- نستخدم الثلج لتخفيف الالم.
- اعمل اطالات(stretches) و تمارين معينه لرسغ اليد و نغير اسلوب الحياه بتاعنا كل دا ممكن يساعد فى تقليل الضغط اللى على العصب (median nerve).
- ناخد دواء مضاد للالتهابات.
- لو كل اللى قولنا عليه فوق دا و الالم مخفش كدا يبقى لازم عمليه تسليك عصب عشان ترجع لحياتك الطبيعيه تانى.

17/08/2023

Osteoarthritis (OA) خشونه الركبه
بيكون فى طبقه رفيعه من الغضروف على العظام المكونه للمفصل يبدأ يحصل خشونه لما طبقه الغضروف دى تدمر.
اللى بيكون عنده خشونه بيعانى من :
-ورم
-وجع جامد اوى لدرجه انك مش مستحمله.
-تيبس فى المفصل لانك مش بتحرك المفصل بسبب الالم اللى بيجى لما بتتحرك.
فى حاجات كتير بتسبب خشونه زى اى؟
-اول اكبر عامل للخشونه هو زياده الوزن اللى بيضغط على المفاصل اللى بتتحمل وزن الجسم (مفاصل الاطراف السفليه) عشان كدا تلاقى اكتر المفاصل اللى بيحصلها خشونه هى مفصل الركبه و مفصل الورك.
-زياده استخدام المفصل زى تنى الركبه كتير او اصابه فى المفصل بيضغط على المفصل فبيسبب الخشونه.
-الستات بتكون عرضه للخشونه اكثر من الرجال خصوصا بعد سن ال ٥٠
- بتزداد نسبه الاصابه بالخشونه مع كبار السن.
طب احنا ممكن نعمل اى مع الخشونه ؟
- تخيل الخشونه دى عيل صغير لازم تعامله كويس عشان تلاقى رد فعله كويس انما لو لو عملنا دماغنا بدماغه هنلاقى رد فعل مش كويس عشان كدا لازم يخس لو هو عنده زيادة في الوزن عشان منزعلش من الوجع اللى هيحصل.
- نعمل تمارين للعضلات اللى بتدعم المفصل
تيجى دلوقتى و تقولى يدكتور ممكن لو انا عندى زياده فى الوزن اعمل تمارين تدعم المفصل دا من غير لما اخس؟ هقولك لاء و ان مخسرتش الوزن الزياده ده يبقى انت كدا مش بتتعالج صح.
هنكلم قريب ان شاء الله عن اضرار السمنه على الجسم كله.

14/08/2023

الشلل الدماغىCerebral palsy(CP)
الشلل الدماغى: عباره عن ضرر بيحصل ل الاطفال فى الدماغ قبل او اثناء او بعد الوالده وبتتفاوت شده الاصابه على حسب مكان و شده الضرر فى الدماغ و بيتج عنها مجموعه من الاعراض زى
1-صعوبه المشى
2-عدم الحفاظ على التوازن
3-تلاقى عضلاته ناشفه اوى او متصلبه و دا هيعمل تصلب او تيبس و ممكن تالقى ارتخاء فى عضلات الجذع و االطراف
4-تلاقى رد مبالغ فيه مع الحركه العاديه (التشنجات) او تلاقى حركته بطيئه
5- ممكن يعانوا من مشاكل فى البلع
6-تاخر فى الكلام
7-صعوبه الرضاعه و المضغ
8-زياده سيلان اللعاب
9-تلاقى الطفل بيستخدم ايد واحده او بيجر رجل واحده و هو بيزحف
هتيجى تقولى يدكتور ابنى هيقدر يمشى ؟
-هيقدر يمشى ان شاء الله بس دا بياخد وفتره طويله وعاوز صبر و منقارنش الطفل المصاب بالشلل الدماغى بطفل مش مصاب فى نفس سنه لان المصاب دا ليه ظروف خاصه بيه و زى م قولنا عاوز صبر و التزام الجلسات عشان نشوف احسن نتيجه.

هتيجى ام تسال يدكتور انا اول طفل عندى عنده شلل دماغى لو خلفت تانى الطفل هيكون عنده شلل دماغى؟
-لاء لان الشلل الدماغى مرض مكتسب مش مرض وراثى