عيادة د. علي سيف الدين / مناظير وجراحات الأنف والأذن والحنجرة

18/07/2026

وجع الأذن في المصيف… موضوع متكرر جدًا 👂🌊

مع دخول الصيف وكثرة نزول البحر وحمامات السباحة، بنقابل حالات كتير جاية تشتكي من ألم في الأذن، وناس كتير بتفتكر إن ده دايمًا التهاب أذن وسطى، لكن الحقيقة إن وجع الأذن في المصيف ممكن يكون بسبب:

🔹 التهاب الأذن الخارجية بسبب دخول المياه وبقائها داخل الأذن
🔹 التهاب الأذن الوسطى خصوصًا بعد دور برد، زكام، انسداد بالأنف أو حساسية
🔹 ضغط على الأذن مع السفر أو الغطس

المريض غالبًا بييجي يشتكي من:
• ألم في الأذن
• إحساس بانسداد أو ضغط داخل الأذن
• ضعف مؤقت في السمع
• حرارة أو صداع أحيانًا
• إفرازات من الأذن
• ألم يزيد مع لمس الأذن أو تحريكها، وده بيكون شائع أكتر في التهاب الأذن الخارجية

إزاي نحمي نفسنا وأولادنا في المصيف؟ ✅

✔️ ننشف الجزء الخارجي من الأذن بلطف بعد البحر أو حمام السباحة
✔️ نميل الرأس يمين وشمال بعد الخروج من المياه عشان أي مياه تنزل
✔️ نتجنب استخدام أعواد القطن جوه الأذن لأنها ممكن تجرح القناة وتزود الالتهاب
✔️ استخدام سدادات أذن مناسبة أثناء السباحة لو الشخص بيتكرر معاه الالتهاب
✔️ تجنب نزول المياه لو فيه ألم شديد، إفرازات، ثقب بطبلة الأذن، أو عملية سابقة بالأذن إلا بعد استشارة الطبيب
✔️ علاج الزكام وانسداد الأنف والحساسية بدري عشان نقلل فرصة التهاب الأذن الوسطى
✔️ بلاش استخدام قطرات أو مضاد حيوي من غير كشف، خصوصًا لو فيه إفرازات من الأذن

إمتى لازم نكشف بسرعة؟
لو فيه ألم شديد، حرارة، إفرازات من الأذن، ضعف سمع واضح، دوخة، تورم أو ألم خلف الأذن، أو الطفل بيعيط كتير وبيشد في ودنه.

سلامة ودنك تبدأ بالوقاية والكشف المبكر 👂
مع تمنياتنا لكم بصيف آمن وصحي 🌊



#المصيف

06/07/2026

شهادة نعتز بها وثقة غالية نقدرها ❤️
يتقدم د. علي السيد سيف الدين
بخالص الشكر والتقدير للأستاذ صفوت العشري على هذه الكلمات الطيبة وشهادة التقدير الكريمة.
سعداء بثقتكم الغالية، ونسأل الله أن يديم عليها تمام الشفاء والعافية.
شكرًا لكل من منحنا ثقته، ونسأل الله أن نكون دائمًا عند حسن ظنكم.

د. علي السيد سيف الدين
أخصائي جراحات ومناظير الأنف والأذن والحنجرة

04/07/2026

نزيف الأنف عند الأطفال زاد الفترة دي… ليه؟ 👃🩸

مع ارتفاع درجات الحرارة وكثرة استخدام التكييفات، بدأنا نشوف حالات كتير من نزيف الأنف عند الأطفال، وخصوصًا مع جفاف الأنف أو توجيه التكييف مباشرة على الطفل أثناء النوم أو في العربية.

كمان من الأسباب الشائعة جدًا:
لعب الطفل في أنفه أو حك الأنف بقوة وبشكل متكرر.
ليه النزيف بيحصل؟

الجزء الأمامي من الحاجز الأنفي فيه شعيرات دموية رفيعة جدًا، ومع الجفاف أو الحرارة أو الاحتكاك ممكن تنزف بسهولة.
تعمل إيه وقت النزيف؟

أهم حاجة ما تتخضّش.
خلي الطفل يقعد، وميل رأسه للأمام مش للخلف، واضغط على الجزء الطري من الأنف من الناحيتين لمدة 5–10 دقائق متواصلة بدون ما تسيب كل شوية تشوف النزيف وقف ولا لأ.
ممكن كمان تحط كمادات ساقعة على الجبهة، ولو الطفل كبير ممكن يمص قطعة تلج صغيرة، لكن بلاش للأطفال الصغيرين عشان ما يشرقوش.
لو النزيف متكرر، أو شديد، أو ما وقفش بعد المحاولة، لازم تكشف عند دكتور أنف وأذن للاطمئنان ومعرفة السبب ووصف العلاج المناسب.
لا تهمل نزيف الأنف المتكرر عند طفلك.

مع تمنياتنا لكم بدوام الصحة والعافية
عيادة د. علي السيد سيف الدين
أخصائي جراحات ومناظير الأنف والأذن والحنجرة

17/06/2026

04/06/2026

بفضل الله وتوفيقه 🌸🤲

سوف يتم افتتاح عيادة د. علي السيد سيف الدين
أخصائي جراحات ومناظير الأنف والأذن والحنجرة

ونسأل الله أن يجعلها بابًا للشفاء، وسببًا في تخفيف آلام المرضى، وأن يرزقنا الإخلاص والتوفيق في خدمة أهلنا.

🗓️ موعد الافتتاح: السبت القادم الموافق ٦ يونيو
📍 العنوان: كفر الشيخ – المنشأة الكبرى – المحطة
أعلى جزارة المعلم شمس

🎁 خصم خاص طوال شهر يونيو بمناسبة الافتتاح

📞 للحجز والاستفسار: 01039639536