31/08/2026
🔥 "ابنك بيعيط؟ بيرجع؟ بيحزّق؟ قبل ما تجري على الدواء… اقري دي!"
بتقولي:
😫 "ابني بيعيط كتير!"
🤱 "بيرضع وبعدين يعيط ويحزّق!"
🤮 "بيرجّع بعد الرضعة!"
💨 "عنده غازات ومغص!"
😩 "كل ما يعمل حمام يفضل يزق ويعيط!"
طيب… استني شوية 👀
أغلب الحاجات دي شائعة جدًا في أول شهور من عمر البيبي!
🔹 البكاء:
البكاء بيزيد طبيعيًا خلال الأسابيع الأولى، وقد يصل عند بعض الرضع إلى ساعات يوميًا، ثم يبدأ يقل تدريجيًا.
🔹 المغص الرضيعي:
شائع في الشهور الأولى، وغالبًا يبدأ في الأسابيع الأولى ويكون أوضح عند عمر 6–8 أسابيع، ثم يتحسن تدريجيًا.
🔹 الترجيع:
الارتجاع الفسيولوجي شائع جدًا في الرضع؛ لأن الجهاز الهضمي لسه في مرحلة النضج، وغالبًا يتحسن مع الوقت.
🔹 الحزق والبكاء قبل الحمام:
لو البيبي برازُه طري وبيزق ويحمّر ويعيط قبل ما يعمل حمام، ده ممكن يكون Infant Dyschezia 👶🏻
يعني لسه بيتعلم ينسّق بين الضغط وإرخاء عضلات الحوض…
ومش معناه تلقائيًا إنه عنده إمساك! ❌
❤️ الخلاصة:
لو البيبي بينمو كويس، بيرضع كويس، والبراز طبيعي، ومفيش علامات خطر…
👉🏻 اهدَي… غالبًا ابنك مش حالة نادرة! 😄
⏳ ومع نضج الجهاز الهضمي والجهاز العصبي خلال الشهور الأولى، كتير من الأعراض دي بتتحسن بشكل واضح، وغالبًا تكون أفضل بكثير بحلول عمر 3–4 شهور.
🚨 لكن لازم نكشف لو فيه:
❌ قيء أخضر أو دموي
❌ قيء نافوري متكرر
❌ دم في البراز
❌ انتفاخ شديد بالبطن
❌ ضعف في الرضاعة أو قلة البول
❌ ضعف أو توقف زيادة الوزن
❌ حرارة أو خمول واضح
❌ بكاء شديد غير معتاد ومستمر
👨⚕️ مش كل عياط = مغص
ومش كل حزق = إمساك
ومش كل ترجيع = ارتجاع مرضي ❤️
روّقي… البيبي لسه بيتعلم يعيش خارج بطن مامته! 👶🏻❤️
👨⚕️ أ.د. أحمد حسان الطنطاوي
⏱️
#الرضع #أمهات
