23/05/2026
لو أنت مريض سكر قولي كام مرة سمعت الجملة دي👇
– "إنت عصبي كدا ليه إهدى شوية"
أنا عارف أن وقتها مش بتبقى عارف توضحلهم ان العصبيه دي مش بإيدك
وأن في أسباب كتير جدا بتخلي مريض السكر عصبي .. وفي البوست دا هوضحهالك 👇
في 5 أسباب علمية بتخلي مريض السكر عصبي 👇
1️⃣ هبوط السكر الخفي
ده أكتر سبب للعصبية المفاجئة عند مريض السكر
لما سكره يبدأ ينزل المخ بيحس بنقص الوقود
فبيبعت إشارة استغاثة للغدة الكظرية 👇
الغدة دي بتفرز الأدرينالين (هرمون الخوف والتوتر)
فيسبب 👇
🔹 ضربات قلب سريعة
🔹 توتر في العضلات
🔹 حالة يقظة مفرطة
🔹 عصبية وانفعال شديد
2️⃣ ارتفاع السكر
لما السكر يعلى في الدم بيخلي وصول الأكسجين والغذاء لخلايا المخ يقل
فالمخ في الحالة دي بيفقد : 👇
– قدرته على التحكم في الانفعالات
3️⃣ إرهاق القرارات
ودي حاجة محدش بيتكلم فيها كتير👇
مريض السكر بياخد في اليوم الواحد 180 قرار صحي إضافي عن الشخص العادي
ما بين :
– هاكل إيه؟ الجرعة كويسة؟
– هل ده هيرفع سكري؟
– ليه سكري عالي النهارده؟
– أقيس دلوقتي ولا بعدين؟
فبيخلي أي موقف صغير زي دوشة الأولاد أو ضغط مش قادر يتعامل معاه بهدوء ❗
4️⃣ نقص فيتامينات الهدوء
مريض السكر بيعاني من نقص حاجتين أساسيتين
بتأثر مباشرة على الجهاز العصبي 👇
– نقص فيتامين B12
بسبب دواء الميتفورمين (سيدوفاج/جلوكوفاج)
اللي بيقلل امتصاص B12 من الأمعاء
– نقص المغنيسيوم
بسبب التبول المتكرر المغنيسيوم بيتسحب من الجسم باستمرار
فالأعصاب بتبقى مشدودة طول اليوم ❗
5️⃣ التعب النفسي المزمن
أو الإجهاد السكري وده مش اكتئاب ولا ضعف
ده إرهاق من : 👇
– المرض
– المتابعة
– الناس اللي مش فاهمة
– الخوف من المضاعفات
الإرهاق ده بيتراكم يوم ورا يوم
لحد ما أي حاجة صغيرة تفجره وتخليك تثور❗
فرسالة لأهل مريض السكر قبل ما تقوله "هدى أعصابك"
اسأله: "قست سكرك؟ أو جيبله حاجة ياكلها أو يشربها هتلاقيه اتغير وهدى خالص ✅
شارك البوست مع كل أهالي مرضى السكر علشان يفهموا سبب العصبية ويتعاملوا معاها صح 🩵
#السكري #السكر #الماغنسيوم #الميتفورمين #التوتر #القلق
