عيادة د/ مروه أسامه سلامه

عيادة د/ مروه أسامه سلامه عيادة دكتوره مروه أسامه للأطفال وحديثي الولاده
(1)

الرضاعة السنة التانية مهمة جدا لبن الأم في السنة التانية بيعطي للطفل ثلث احتياجاته من السعرات و نص احتياجاته من البروتين...
19/08/2026

الرضاعة السنة التانية مهمة جدا
لبن الأم في السنة التانية بيعطي للطفل ثلث احتياجاته من السعرات و نص احتياجاته من البروتين و90% من احتياجاته من فيتامين أ وغني بالاجسام المناعية ف كملي رضاعة سنتين لو تقدري ومتفطميش علي سنه وسنه ونص وافطمي تدريجي

جمعه مباركه عليكم النهارده هنتكلم عن موضوع مهم جدا جدا وهو التغذيه التكمليه كل معلومه فالبوست ليها مرجع طبي وموثوقه واه...
14/08/2026

جمعه مباركه عليكم
النهارده هنتكلم عن موضوع مهم جدا جدا وهو التغذيه التكمليه كل معلومه فالبوست ليها مرجع طبي وموثوقه واهما ان دخول الاكل بعد إتمام الشهر السادس يعني لا بعد الرابع ولا الخامس التغذية التكميلية للطفل 🍼🥄*

أمهات كتير بتسأل: "أبدأ أأكل ابني إمتى؟ وأأكله إيه؟"
تعالوا نبسط الموضوع 👇

*1. نبدأ إمتى؟*
- *من بعد 6 شهور* هو أنسب وقت. قبل كده لبن الأم أو اللبن الصناعي كفاية.وطبعا يفضل يكون الطفل بيرضع رضاعه طبيعيه مش صناعي
-يكون فيه علامات إن الطفل جاهز: بيعرف يقعد مسنود، بيمد إيده للأكل، وبيبلع مش بيزق الأكل بلسانه.

*2. قواعد مهمة أول ما نبدأ*
- *القاعدة الذهبية*: "الأكل تكميلي مش بديل للبن". اللبن لحد سنة هو الأساس.
- نبدأ بوجبة واحدة في اليوم، وبعدين نزود بالتدريج.
- نجرب صنف واحد جديد كل 3 أيام عشان نعرف لو في حساسية.
- من غير ملح، سكر، عسل قبل سنة، ولا مكسرات سليمة عشان الاختناق.

*3. نبدأ بإيه؟ أمثلة سهلة*
- *بعد الشهر 6 واول السابع *: خضار مسلوق ومهروس زي كوسة، جزر، بطاطس. فاكهة مهروسة زي تفاح، موز، كمثرى. رز مسلوق ومضروب.
- *الشهر 8*: ندخل بروتين خفيف: صفار بيض، عدس، فراخ مهروسة. زبادي سادة.
- *الشهر 9-12*: الطفل بيجرب من أكل البيت بس مهروس أو متقطع صغير. لحمة، سمك، فول مقشر، لسان عصفور.

*4. 3 أخطاء بلاش نعملها*
1. *الغصب في الأكل*: لو رفض سيبيه وجربي بعد يومين. الأكل مش خناقة.
2. *العصاير والتيتينة طول اليوم*: بتسد نفس الطفل عن الأكل المفيد.يفضل بلاش عصاير اول سنتين من عمر الطفل واديه الفاكهه كامله يستفاد بالالياف الي فيها
3. *المقارنة*: كل طفل ليه طريقته فالاكل وسرعته بلاش نقارنه بابن سلفتك وبنت اختك مش في سباق احنا

*نصيحة أخيرة*
التغذية التكميلية هدفها تعليم الطفل يمضغ ويدوق ويحب الأكل. متقلقيش لو أكل قليل في الأول.

لو عندك طفل عنده حساسية، ارتجاع، أو وزن قليل، الأفضل تستشيري طبيب الأطفال أو أخصائي تغذية أطفال عشان يظبط معاكي خطة مناسبة لحالته.

او زورينا في عيادتنا
د مروه اسامه سلامه
استشاري طب الاطفال وحديثي الولاده
استشاري التغذيه العلاجيه الاطفال والمراهقين
استشاري دولي رضاعه طبيعيه IBCLC
شارع مستشفي الحجاز اعلي قطونيل اند مور
٠٤٥٣٦٨٤١٩٠

اتكلمنا البوست الي فات عن مين هو استشاري الرضاعه الطبيعيه طيب امتي نحتاج نروح للاستشاري الرضاعه الطبيعيه *علامات بتقولك ...
12/08/2026

اتكلمنا البوست الي فات عن مين هو استشاري الرضاعه الطبيعيه
طيب امتي نحتاج نروح للاستشاري الرضاعه الطبيعيه

*علامات بتقولك "محتاجة استشاري رضاعة دلوقتي"* 👇

*على الأم*
1. *وجع رهيب في الح**ة* مش طبيعي - تشققات، دم، ح**ة متسلخة
2. *صدر محجر ومحمر وسخن* - دي علامات احتقان أو التهاب ومحتاجة تتحل بسرعة
3. *اللبن قليل وحاسة إنك مش بتشبعي البيبي* أو صدرك فاضي على طول
4. *انسداد متكرر* - كلكعة بتروح وتيجي في نفس المكان

*على البيبي*
1. *الوزن مش بيزيد* أو بينزل أكتر من 10% بعد الولادة ومش راجع يطلع
2. *رضاعة بالساعات* وبرضو بيعيط كتير كأنه جعان
3. *بيمسك ويسيب* أو بيعيط أول ما يمسك الصدر
4. *أقل من 6 بامبرز مبلول في اليوم* بعد اليوم الرابع - ده معناه مش بيشرب كفاية
5. *لسان مربوط* الدكتور شاكك فيه ومأثر على المص

*مواقف خاصة*
1. *راجعة الشغل* وعايزة خطة شفط وتخزين لبن
2. *تؤام أو 3 توأم* وعايزة تنظمي الرضعات
3. *بيبي مبتسر أو في الحضانة* ومحتاجة تشفطي وتحافظي على اللبن
4. *عملتي عملية* أو بتاخدي أدوية وخايفة على الرضاعة
5. *قررتي تفطمي* وعايزة تفطمي بالتدريج من غير احتقان

*أهم واحدة بقى*
*حاسة بإحباط وتوتر وعايزة تستسلمي*
الاستشاري دوره مش بس طبي، دوره يطمنك ويقولك "إنتي تمام وإحنا هنعدي ده سوا"

قاعدة مهمة: متستنيش المشكلة تكبر. كل ما روحتي بدري كل ما الحل كان أسهل وأسرع 💪

عندك أي علامة من دول حاسة بيها دلوقتي؟ قوليلي ونساعدك
د مروه اسامه سلامه
استشاري طب الاطفال وحديثي الولاده
استشاري التغذيه العلاجيه للاطفال والمراهقين
استشاري دولي رضاعه طبيعيه
شارع مستشفي الحجاز اعلي قطونيل اند مور للحجز٠٤٥٣٦٨٤١٩٠

كتير مش عارف يعني ايه استشاري رضاعة طبيعية؟؟؟ جوزك وكل الي حواليكي قالولك هتعملك ايه يعني هي الرضاعه كمان عايزه دكتور *م...
12/08/2026

كتير مش عارف يعني ايه استشاري رضاعة طبيعية؟؟؟ جوزك وكل الي حواليكي قالولك هتعملك ايه يعني هي الرضاعه كمان عايزه دكتور
*مين هو استشاري الرضاعة الطبيعية؟* 👩‍⚕️🤱

ببساطة كده.. استشاري الرضاعة الطبيعية مش دكتور أطفال عادي ومش ممرضة وخلاص.
ده شخص واخد تدريب متخصص وشهادات معتمدة دولية في كل حاجة تخص الرضاعة الطبيعية والأم والبيبي.

بنسميه بالانجليزي `IBCLC` يعني "استشاري معتمد للرضاعة الطبيعية"

*شغلته إيه بالظبط؟*
1. *يحل المشاكل*: وجع الحلمات، تشققات، احتقان، قلة اللبن، رفض البيبي للرضاعة، التسلخات بسبب الرضاعة
2. *يظبط الوضعية*: يعلمك إزاي تمسكي البيبي صح عشان الرضعة تكون مريحة ليكي وليه واللبن ينزل كويس
3. *يوزن ويتابع*: بيوزن البيبي قبل وبعد الرضعة ويعرف هو شبع ولا لأ واللبن بتاعك مكفيه ولا محتاجين خطة
4. *خطة شخصية*: لو رجعتي الشغل، لو توأم، لو ولادة مبكرة، لو عندك عملية.. بيعملك جدول رضاعة وشفط يناسبك
5. *دعم نفسي*: عشان أول شهر ده بيبقى ضغط، وهو بيسندك وبيطمنك إنك قادرة

*أهميته إيه؟ ليه أروحله؟*
عشان الرضاعة الطبيعية علم مش فطرة بس 😅
كتير أمهات بيبطلوا بدري بسبب معلومات غلط أو وجع كان ممكن يتحل في زيارة واحدة.

*الاستشاري بيفرق في:*
- *يزود فرص نجاح الرضاعة*: الإحصائيات بتقول اللي بيتابع مع استشاري بيكمل رضاعة طبيعية فترة أطول
- *يريحك من التجارب*: بدل ما تجربي 10 حلول من الجروبات، بيقولك الحل المناسب لحالتك
- *يحميكي ويحمي البيبي*: يعرف إمتى المشكلة بسيطة وإمتى لازم نرجع للدكتور
- *يوفر عليكي فلوس ولبن صناعي* على الفاضي

يعني هو حلقة الوصل بينك وبين دكتور الأطفال ودكتور النسا. هو المتخصص في "إزاي" نرضع مش بس "نرضع ولا لأ"

لو حاسة بأي وجع، أو البيبي مش بيزيد، أو تايهة ومش عارفة تبدأي منين.. استشارة واحدة مع استشاري رضاعة ممكن تغيرلك رحلة الرضاعة كلها ❤️

احجزي معانا استشارتك بسرعه
عياده د مروه اسامه سلامه
استشاري طب الاطفال وحديثي الولاده
استشاري التغذيه العلاجيه للأطفال والمراهقين
استشاري دولي رضاعه طبيعيه IBCLC
شارع مستشفي الحجاز اعلي قطونيل اند مور
0453684190

*رجعتي الشغل وعايزة تكملي رضاعة طبيعية؟ ينفع جداً ❤️* الرجوع للشغل مش معناه الفطام. آلاف الأمهات بيكملوا عادي بالخطة الص...
05/08/2026

*رجعتي الشغل وعايزة تكملي رضاعة طبيعية؟ ينفع جداً ❤️*

الرجوع للشغل مش معناه الفطام. آلاف الأمهات بيكملوا عادي بالخطة الصح. دي الخلاصة اللي هتساعدك:

*1. جهزي نفسك قبل الرجوع بأسبوعين*
- *شفطي وخزني*: ابدئي شفط مرة في اليوم الصبح عشان جسمك يتعود وتعملي مخزون في الفريزر. اللبن بيقعد 4 ساعات برا، 4 أيام في التلاجة، 6 شهور في الفريزر.
- *دربي البيبي على الببرونة* بس مش قبل ٦ اسابيع من عمره عشان نتجنب التباس الحلمات: خلي حد غيرك يديها. استخدمي ح**ة "slow flow" عشان ما يفضلش الببرونة ويسيب صدرك.
- *ظبطي جدول*: رضعي قبل ما تنزلي مباشرة، وأول ما ترجعي.
ممكن كمان نستخدم بدايل الببرونه بس ادرب الجده او الي هنقعد بالطيبين ازاي يديها

*2. في الشغل: قانون الرضاعة معاكي*
من حقك قانوناً تاخدي فترتين راحة للرضاعة كل واحدة نص ساعة مدفوعة الأجر لأول سنتين.
- *شفطي كل 3-4 ساعات*: حتى لو مش حاسة باحتقان. الشفط هو اللي بيقول لجسمك "كملي إنتاج".
- *جهزي شنطتك*: شفاط كهربا مزدوج بيوفر وقت، أكياس تخزين، كولر بتلج، حمالة صدر للشفط، وفوط رضاعة.
- *مكان الشفط*: اطلبي أوضة فيها كرسي وترابيزة وفيشة وباب بيتقفل. مش الحمام.

*3. تحافظي على الإنتاج إزاي*
السر كله في "العرض والطلب"
- *اشربي مية كتير*: 2-3 لتر في اليوم. الجفاف بيقلل اللبن.
- *وجبات سريعة ومشبعة*: شوفان، مكسرات، تمر. الشغل بيجوع.
- *نامي كويس*: حتى لو متقطع. قلة النوم بتأثر.
- *ضغط نفسي أقل*: التوتر بيقلل الإدرار. 5 دقايق تنفس قبل الشفط بتفرق.

*4. لما ترجعي البيت*
- *رضاعة مباشرة على الطلب*: خليها skin to skin. ده بيعوض وبيزود الإنتاج.
- *بلاش ببرونة بالليل*: الرضاعة بالليل بتدي إشارة قوية للجسم يكمل.
- *يوم الأجازة = يوم رضاعة*: اقضي اليوم كله في حضن البيبي ورضاعة.

*أخطاء بتوقع ناس كتير*
1. تستني لحد ما صدرك يحجر عشان تشفطي. لأ، اشفطي بالمواعيد.
2. تقارني كمية الشفط بالرضاعة المباشرة. الشفاط عمره ما هيجيب زي البيبي.
3. توقفي أول ما اللبن قل شوية. ارجعي زودي عدد مرات الشفط والرضاعة وهيرجع تاني.

أهم حاجة: أي حليب طبيعي بتديه لابنك هو مكسب. حتى لو جزء من الرضعات.

لو حسيتي بوجع، انسداد، أو الإنتاج قل جداً رغم المحاولات، كلمي استشارية رضاعة أو دكتورة الأطفال بتاعتك عشان تساعدك بخطة مناسبة ليكي.

انتي بطلة إنك بتحاولي 💪
احجزي استشارتك معانا بسرعه
د مروه اسامه سلامه
ايتشاري طب الاطفال وحديثي الولاده
استشاري التغذيه العلاجيه للأطفال والمراهقين
استشاري دولي رضاعه طبيعيهIBCLC
شارع مستشفي الحجاز اعلي قطونيل اند مور
للحجز 0453684190

: الفطام الآمن خطوة خطوة*الفطام مش يوم وليلة. المفروض تدريجي عشان صدرك وعشان نفسية البيبي.*1. *امتى؟** منظمة الصحة بتقول...
04/08/2026

: الفطام الآمن خطوة خطوة*

الفطام مش يوم وليلة. المفروض تدريجي عشان صدرك وعشان نفسية البيبي.

*1. *امتى؟**
منظمة الصحة بتقول 6 شهور رضاعة مطلقة + لحد سنتين مع الأكل. بس القرار يرجعلك انتي والبيبي.

*2. *الخطة التدريجية 3 أسابيع*:*
- *الأسبوع الأول*: شيلي رضعة واحدة بس اللي البيبي مش متعلق بيها أوي. زي رضعة العصر. وعوضي بزبادي ميه أو أكل.
- *الأسبوع التاني*: شيلي رضعة كمان. خلي رضاعة أول ما يصحى وقبل النوم للآخر.
- *الأسبوع التالت*: قللي وقت الرضعة. بدل 10 دقايق خليها 5 وبعدين شيليها.

*3. *حيل تلهي البيبي*:*
اشغليه، اخرجي، غيري مكان الرضاعة. متقوليش "مفيش" فجأة. قولي "بعدين" واديله ماية أو تفاحة.

*4. *ولصدرك انتي*:*
عشان متحجريش: متشفطيش كتير، بس فضي حبة تريحك. كمادات باردة وبرا. ولو تعبتي أوي كلمي الدكتور.

ممنوع: اللزق والمر والصبر. ده بيعمل صدمة للبيبي وليكي.
افطمي تدريجي افضل ليكي وللبيبي

معانا بنحل اي مشكله تواجهك فالرضاعه احجزي معانا استشارتك بسرعه
عياده د مروه اسامه سلامه
استشاري طب الاطفال وحديثي الولاده
استشاري تغذيه الاطفال والمراهقين
استشاري دولي رضاعه طبيعيعIBCLC
كوم حماده شارع مستشفي الحجاز
اعلي قطونيل اند مور
0453684190

الصور دي مصورها لطفل عندي في العياده شوفو اللون الأسمر اللي في الرقبه ده مش حساسيه جلديه أو عدم نظافه شخصيه وكمان موجوده...
03/08/2026

الصور دي مصورها لطفل عندي في العياده شوفو اللون الأسمر اللي في الرقبه ده مش حساسيه جلديه أو عدم نظافه شخصيه وكمان موجوده تحت الإبط
اللون ده مؤشر ل حاجه إسمها مقاومه الأنسولين insulin resistance واسمها العلمي Acanthosis Nigricas

🔹️مقاومة الإنسولين غالبًا بتظهر مع زيادة الوزن أو السمنة عند الأطفال، وبتكون مرتبطة بكثرة تناول الحلويات والنشويات والمشروبات السكرية، مع قلة الحركة والنشاط البدني.

🔹️كمان السهر وعدم انتظام النوم والأكل ممكن يساهموا في المشكلة.

🔹وجود تاريخ مرضي لمرض السكر من النوع الثاني في العائلة بيزود احتمالية حدوث مقاومة الإنسولين عند الطفل.

🔹️مقاومة الإنسولين تعتبر مرحلة إنذار مبكر قبل الإصابة بمرض السكر من النوع الثاني، لذلك مهم اكتشافها والتعامل معها بدري.

🔹️لو لاحظت العلامات دي عند طفلك، الأفضل تتحركي فورا ولازم كشف عند دكتور تغذيه أطفال بيعرف يتعامل مع الحالات دي في الكشف والمتابعة 👇👇

🔹️المتابعة عادة بتشمل قياس الوزن والطول ومؤشر كتلة الجسم، بالإضافة لبعض التحاليل المهمة مثل السكر التراكمي، دهون الدم، ووظائف الكبد والغدة الدرقية حسب رؤية الطبيب.

🔹️العلاج الأساسي مش دواء... العلاج الحقيقي بيبدأ بتعديل نمط الحياة:
✅ تقليل الحلويات والمشروبات السكرية.
✅ تنظيم الوجبات.
✅ زيادة الخضروات والفاكهة.
✅ ممارسة الرياضة أو أي نشاط بدني يوميًا.
✅ النوم بشكل منتظم.

🌹 الاهتمام بدري بيحمي أطفالنا من مشاكل صحية كتير في المستقبل.
الحالات دي إحنا كاطباء فعلا بنعمل معاها مجهود كبير جداا لاستعادة الوزن المثالي للطفل لأننا مدركين خطوره الوزن الزائد علي الطفل ومضاعفاته الخطيرة
عياده د مروه أسامه سلامه
استشاري الاطفال وحديثي الولاده
استشاري تغذيه الاطفال والمراهقين
استشاري دولي رضاعه طبيعيه
كوم حماده شارع مستشفي الحجاز اعلي قطونيل اند مور
0453684190

معظم الأمهات بتسأل هل فيه اكلات انا بأكلها ممكن تعمل مغص للبيبي أو تتعبه هنجاوب فالبوست دا عالسؤال دا ايه هيا الاأكلات ...
28/07/2026

معظم الأمهات بتسأل هل فيه اكلات انا بأكلها ممكن تعمل مغص للبيبي أو تتعبه هنجاوب فالبوست دا عالسؤال دا

ايه هيا الاأكلات اليبتجيب مغص للبيبي

مش كل البيبهات بتتأثر، بس لو عنده مغص مستمر جربي تبعدي أسبوع عن:

*1. *منتجات الألبان*:* اللبن والجبنة. بروتين اللبن البقري بيتعب بعض البيبهات.
*2. *الكرنب والقرنبيط والبروكلي*:* بيعملوا غازات.
*3. *البقوليات*:* الفول والعدس والحمص.
*4. *الكافيين والشوكولاتة*:* القهوة والنسكافيه والشاي التقيل.
*5. *الأكل الحراق والتوابل الجامدة*:* الشطة والكاري.

جربي تشيلي صنف واحد أسبوع وشوفي الفرق. ولو وقفتي منتجات الألبان لازم تعوضي كالسيوم.

ولو وقفتي اللحوم لازم تعوضي فيتامين b12
يبقي احنا ناكل اكلنا العادي ونلاحظ الطفل لو تعب من حاجه اكلتها مالي فوق يعني مثلا اتنفخ جامد اوي ظهر ليه طفح جلدي أو عمل حمام ممخط أو فيه دم أو رجع يبقي الاحظ ايه الي تعبه وابعد عنه في اكلي وطبعا برده لا مش نبعد عن البيبسي والشيبسي واللحوم المصنعه والمعلبات واي حاجه فيها مواد حافظه وناكل اكل صحي يفيد جسمنا والبيبي
دمتم بصحه وعافيه
عياده د مروه اسامه سلامه
استشاري طب الاطفال وحديثي الولاده
استشاري دولي رضاعه طبيعيه IBCLC
استشاري التغذيه العلاجيه للاطفال والمراهقين
كوم حماده شارع مستشفي الحجاز اعلي قطونيل اند مور للحجز والاستفسار
0453684190

سخونية الجفاف عند حديثي الولادة | Dehydration Fever* بدأنا نشوفها كتير الفتره دي بسبب حراره الجو والكلفته الكتير للعيال ...
24/07/2026

سخونية الجفاف عند حديثي الولادة | Dehydration Fever*
بدأنا نشوفها كتير الفتره دي بسبب حراره الجو والكلفته الكتير للعيال وعدم تشغيل المراوح أو التكييف عليهم خوفا مالبرد

كتير أمهات بتتخض أول أسبوع بعد الولادة لما تلاقي البيبي سخن من غير سبب واضح. واحدة من أشهر الأسباب دي هي "سخونية الجفاف".

*يعني إيه سخونية الجفاف؟*
هي ارتفاع بسيط في حرارة الطفل حديث الولادة، غالباً في أول 3 لـ 5 أيام، وبيحصل بسبب قلة السوايل اللي داخلة جسمه مقارنة باللي بتطلع منه. جسم البيبي لسه صغير ومش بيعرف ينظم حرارته كويس، فأي نقص سوايل يعمل كده.

*أشهر الأسباب:*
- *قلة الرضاعة*: اللبن لسه ما نزلش كويس، أو البيبي مش ماسك الرضاعة صح
- *فقدان وزن كبير*: أكتر من 10% من وزن الولادة
- *الجو الحر* مع لبس تقيل للبي
- *قلة عدد الحفاضات المبلولة*: أقل من 6 حفاضات في اليوم بعد اليوم الرابع

*علامات تاخدي بالك منها مع السخونية:*
- *الحرارة*: 37.8 لـ 38.3 وممكن توصل 39
- *خمول*: البيبي نايم كتير ومش بيصحى للرضاعة
- *بُكاء ضعيف*
- *جفاف*: الفم ناشف، اليافوخ غائر، قلة البول
- *لون البول غامق* وريحته قوية

*نعمل إيه في البيت؟*
1. *الرضاعة ثم الرضاعة*: صحي البيبي كل ساعتين لـ 3 ساعات. حتى لو نايم. اتأكدي إنه ماسك كويس وبيرضع 15-20 دقيقة من كل ناحية
2. *تخفيف اللبس*: قطعة قطن واحدة زيادة عنك. بلاش البطاطين الكتير
3. *تابعي الحفاضات*: المفروض بعد اليوم الرابع 6 حفاضات مبلولة على الأقل
4. *كمادات فاترة*: على الرقبة وتحت الإبط لو الحرارة عالية، بس الأساس هو السوايل

*امتى لازم نروح للدكتور فوراً؟*
السخونية دي مش حاجة نستنى عليها. كلمي دكتور الأطفال لو:
- الحرارة 38 أو أعلى في بيبي أقل من 3 شهور
- البيبي رافض الرضاعة تماماً
- أقل من 4 حفاضات مبلولة في 24 ساعة
- ترجيع مستمر، أو خمول شديد، أو لون الجلد بهتان
- السخونية استمرت أكتر من 24 ساعة رغم زيادة الرضاعة

الدكتور غالباً هيوزن البيبي ويطمن على نسبة الجفاف. في حالات بتحتاج متابعة في المستشفى وتعويض سوايل.

*الوقاية أهم حاجة:*
ابدئي الرضاعة الطبيعية بدري، أول ساعة بعد الولادة. اطلبي من استشارية رضاعة تساعدك على الوضع الصح من أول يوم. الوزن لازم يُتابع أول أسبوع.

السخونية دي بتتحسن جداً خلال 24-48 ساعة أول ما السوايل تظبط. بس التشخيص الصح بيفرق، لأن في أسباب تانية للسخونية عند حديثي الولادة لازم نستبعدها.

لو حاسة بأي قلق على حرارة البيبي، كلمي دكتور الأطفال بتاعك هو اللي يشخص ويطمنك.
أو احجزي استشارتك معانا
د مروه اسامه سلامه
استشاري طب الاطفال وحديثي الولاده
استشاري التغذيه العلاجيه للاطفال والمراهقين
استشاري دولي رضاعه طبيعيه IBCLC
كوم حماده امام مستشفي الحجاز اعلي قطونيل اند مور للحجز والاستفسار
0453684190

Address

مستشفى الأندلس التخصصي الدور الثاني
Kom Hamada

Opening Hours

Monday 1pm - 8pm
Tuesday 1pm - 8pm
Wednesday 1pm - 8pm
Thursday 1pm - 8pm
Saturday 1pm - 8pm
Sunday 1pm - 8pm

Website

Alerts

Be the first to know and let us send you an email when عيادة د/ مروه أسامه سلامه posts news and promotions. Your email address will not be used for any other purpose, and you can unsubscribe at any time.

Shortcuts

Share

Category