دكتور علاء الخطيب - إستشاري أمراض القلب

  • Home
  • Egypt
  • Kom Hamada
  • دكتور علاء الخطيب - إستشاري أمراض القلب

دكتور علاء الخطيب - إستشاري أمراض القلب د/ علاء رأفت الخطيب
🫀 إستشاري أمراض القلب
⭐️ دكتوراة امراض القلب جامعة طنطا ⭐️
✅ مدرس قسم القلب جامعة طنطا

23/08/2026

كفاءة قلبي 30% وخلاص مش هرجع امارس حياتي الطبيعية تاني 😥

"حمد الله على سلامتك يا حاج.. ادخل السرير وماتتحركش خالص لحد ما تخف!" 🛑🛌 دي أشهر جملة بتتقال لأي مريض قلب لسه راجع من ال...
19/08/2026

"حمد الله على سلامتك يا حاج.. ادخل السرير وماتتحركش خالص لحد ما تخف!" 🛑🛌

دي أشهر جملة بتتقال لأي مريض قلب لسه راجع من المستشفى، سواء بعد قسطرة، دعامة، أزمة قلبية، او حتي ممكن كشف دوري حتي

الأهل بيبقوا فاكرين إنهم كده بيحافظوا عليه، لكن اللي ماتعرفوش إن القعدة في السرير على طول هي أكبر غلطة في حق مريض القلب!

❌ هي مش الراحة التامة في السرير هي الطريق الوحيد لشفاء القلب ؟ . . . لا طبعاً

✅ القلب عضلة، والعضلة بتموت من قلة الاستخدام!

القعدة من غير حركة بتضعف القلب أكتر، وبتزود خطر حدوث جلطات في الساقين والرئة بسبب ركود الدم

طيب ايه الصح ؟

1️⃣ الراحة مطلوبة.. ولكن: الراحة التامة بتكون بس في الأيام الأولى جداً وبأمر الطبيب داخل المستشفى.

2️⃣ الحركة المحسوبة هي العلاج: بعد الخروج، لازم المريض يبدأ يتحرك بانتظام. الحركة بتحسن الدورة الدموية، وبتقوي عضلة القلب، وبتقلل التوتر ومخاطر الجلطات الجديدة.

3️⃣ برنامج التاهيل القلبي: الصح هو المشي الهادي والتدرج في المجهود حسب الخطة اللي بيحددها دكتور القلب، مش قعدة السرير.

⚠️ وعشان الموضوع يكون واضح !

إحنا مش بنقول للمريض انزل العب كورة، الصح هو الوسطية: حركة بسيطة ومنتظمة (زي المشي) وبدون ما توصل لمرحلة النهجان الشديد أو التعب.

السرير مش علاج، السرير سجن بالنسبة لعضلة القلب.

🔹ودايماً استشير دكتورك عشان يوضحلك ايه المناسبة لحالة مريضك

16/08/2026

تعرف ان كفاءة قلبك مستحيل تكون 100% ؟ 🙂

كسرة القلب ده وصف شاعري بيتقال في الروايات والأغاني بس . .دا اللي انت فاكره، لكن الحقيقة حاجه تانيه خالص، لأن دي حاله بت...
13/08/2026

كسرة القلب ده وصف شاعري بيتقال في الروايات والأغاني بس . .

دا اللي انت فاكره، لكن الحقيقة حاجه تانيه خالص، لأن دي حاله بتصيب القلب فعلا . . انت متخيل ؟ 🤔

🔍 يعني إيه كسرة القلب ؟

كسرة القلب مش بتحصل لما حبيبِك يسيبِك او حبيبتك تحطك في الفريند زون

🔹عندنا في الطب في حالة طبية ثابتة ومعروفه اسمها متلازمة القلب المنكسر (Broken Heart Syndrome)

✅ ودا مش كلام أدبي، ده تشخيص طبي بيحصل لما القلب بيتعرض لصدمة عاطفية شديدة، زي:

- حزن شديد على فقدان حد غالي
- زعل جامد أو خنقة لأي سبب
- توتر مفاجئ وقوي جداً

🤔 إيه اللي بيحصل للقلب؟

1. الجسم فجأة بيفرز هرمونات توتر (زي الأدرينالين) بكميات ضخمة جداً
2. الهرمونات دي بتعمل صدمة لعضلة القلب، وبتخلي جزء منها يضعف ومبيقدرش يضخ الدم بانتظام
3. الأعراض بتكون نفس أعراض الجلطة بالظبط: وجع شديد ومفاجئ في الصدر، ضيق تنفس، وهبوط

✅ الخبر الكويس ان الحالة دي غالباً بتكون مؤقتة وقابلة للعلاج، والقلب بيرجع لطبيعته في خلال أسابيع قليلة مع الرعاية الطبية الصحيحه

⚠️ لكن خد بالك ! . . لو حسيت بأي ألم مفاجئ وشديد في صدرك أو ضيق تنفس بعد زعل جامد.. أرجوك ماتتجاهلش الأعراض دي على إنها مجرد حزن وهيروح

🔹 لازم تتوجه فوراً لأقرب مستشفى أو دكتور قلب متخصص عشان نتطمن عليك

الزعل مش مجرد كلمة، ده بيسيب أثر حقيقي على قلبك، فحافظوا على قلوبكم وقلوب اللي بتحبوهم، الزعل غالي وصحتكم أغلى ❤

11/08/2026

تسمع عن الدعامة الذكية ؟ 🤔

السمن البلدي بيسد الشرايين.. والزيت النباتي صحي 100% ! 🛑الجملة دي بنسمعها كتير من قرايبنا، صحابنا، أو بنشوفها على السوشي...
08/08/2026

السمن البلدي بيسد الشرايين.. والزيت النباتي صحي 100% ! 🛑

الجملة دي بنسمعها كتير من قرايبنا، صحابنا، أو بنشوفها على السوشيال ميديا.. بس خد بالك، الأخذ بالمعلومات السطحية دي ممكن يكون سبب في مشاكل صحية كبيرة!

عشان نفهم الصح، الموضوع محتاج نفكك أنواعه:

🔴 الزيوت المهدرجة والسمن الصناعي: دي زيوت نباتية تم تعديلها كيميائياً (زي السمن النباتي والأغذية المصنعة والمقليات الجاهزة).

خطرها: بترفع الكوليسترول الضار (LDL) وبتقلل الكوليسترول النافع (HDL)، ومع الوقت بتتسبب في انسداد الشرايين ومشاكل القلب.. عشان كده دي ممنوعة تماماً

🟡 السمن البلدي والزبدة الطبيعية: تحتوي على دهون مشبعة

هي طبعاً أفضل وأقل ضرراً بكتير من السمن الصناعي لأنها طبيعية 100% ومفيدة ببعض المكونات الغذائية، لكن الإفراط فيها بيرفع الكوليسترول ويضر القلب

الشرط: استهلاكها بكميات قليلية جداً (مجرد نكهة للطبخ) وبدون إفراط.

🟢 الزيوت النباتية الطبيعية (زيت الزيتون / الذرة / عباد الشمس):** دي دهون غير مشبعة ومفيدة لصحّة القلب

الشرط: يفضل استخدام زيت الزيتون على البارد (زي السلطة) أو في الطبخ الخفيف، وتجنب الحرارة العالية جداً أو **القلي المكرر** في كل الزيوت النباتية؛ لأن تعرضها للحرارة الشديدة وإعادتها بيحولها لمواد ضارة.

واختصاراً

1️⃣ الأفضل دايماً: زيت الزيتون البكر الممتاز (على البارد أو مع تسخين خفيف)

2️⃣ الخيار الثاني: الزيوت النباتية النقية (ذرة / عباد شمس) للطبخ الخفيف بدون قلي مكرر

3️⃣ الخيار الثالث: السمن البلدي أو الزبدة الطبيعية 100% (بكمية صغيرة جداً).

❌ ممنوع تماماً: السمن الصناعي (النباتي)، الزيوت المهدرجة، والمقليات المكررة.

⚠️ تنويه مهم: لو أنت مريض قلب أو بتعاني من ارتفاع الكوليسترول والدهون الثلاثية، لازم تراجع طبيبك لتحديد الكميات المسموحة ليك بدقة.

02/08/2026

لو امراض القلب الوراثية عاملالك رعب في حياتك، انا جاي أطمنك ❤️

29/07/2026

موعدنا باذن الله بالنجاح في عيادة القلب
🔷 مجمع عيادات بيرفكت الطبية - أمام موقف النجاح - بجوار البنزينة
⏰ أيام الأحد والخميس من الساعه 11 صباحاً لـ 3 عصراً

26/07/2026

هو معقول هفضل اخد علاج الضغط طول حياتي يا دكتور ؟؟

يا دكتور.. أنا بقيت محتار، أشرب قهوة ولا لأ؟ 🤔☕️الحقيقة ده سؤال بنسمعه كتير جداً في العيادة، والناس دايماً منقسمة نصين.....
19/07/2026

يا دكتور.. أنا بقيت محتار، أشرب قهوة ولا لأ؟ 🤔☕️

الحقيقة ده سؤال بنسمعه كتير جداً في العيادة، والناس دايماً منقسمة نصين.. نص شايفها بتدمر القلب، ونص شايفها بتصحصح الجسم. طب إيه رأي الطب والعلماء في الحيرة دي؟

خليني أقولك إن القهوة في حد ذاتها ممتازة مع أغلب الناس، لأنها مليانة مضادات أكسدة بتدعم جسمك بالنشاط والطاقة اللي محتاجها في يومك. ده غير إن الدراسات الحديثة أثبتت إن شرب من 2 لـ 3 فنجان قهوة في اليوم مفيد جداً لصحة القلب والشرايين!

بس الفكرة كلها في ازاي تشربها بشكل صحي؟.. خد عندك الـ 6 قواعد دول:

1. بلاش أول ما تفتح عينك 🛑
ماتشربش قهوتك أول ما تصحى من النوم على طول، لأنها وقتها بتكون مؤذية جداً للمعدة. كمان أول ما بتصحى، جسمك بيبدأ يفرز هرمون "الكورتيزول" الطبيعي وم بتبقاش محتاج كافيين خارجي، فلو شربتها وقتها هتعملك توتر ولخبطة مالهاش لازمة.

2. ودّع السكر بالتدريج 🧂
عشان تاخد فايدة القهوة البيور، قلل السكر فيها قدر الإمكان، وحاول تعوّد نفسك عليها سادة حتى لو هتعمل ده بالتدريج.

3. سيب مسافة بعد الأكل ⏳
لو هتشربها بعد الأكل، يفضل تسيب فاصل ساعة على الأقل. ليه؟ لأن القهوة بتقلل امتصاص الجسم للحديد والكالسيوم اللي في الأكل، وبتخلي الجسم يرمي نسبة منهم برة من غير ما يستفيد.

4. احسب ساعات نومك ⏰
ماتشربش قهوة متأخر في اليوم.. المفروض آخر فنجان يكون قبل معاد نومك بـ 6 ساعات على الأقل

5. القهوة مش بديل للنوم 😴
اشرب قهوتك وأنت واخد قسط كافي من النوم. لأنك لو شربتها وأنت مش نايم كويس،أدائك الحركي والذهني بيفضل ضعيف، وفوق كل ده بتزود التوتر وضربات قلبك على الفاضي.

6. لمرضى كهرباء القلب 🩺
أخيراً.. بالنسبة لمرضى اعتلال كهرباء القلب وتسارع ضربات القلب، في حالات معينة بنصحهم بتقليل الكافيين جداً أو منعه تماماً، لأنه ممكن يزود عندهم ضربات القلب

✅ فنجان قهوتك المعتدل صديق لقلبك، بس اعرف إمتى وإزاي تشربه عشان تاخد فايدته وتبعد عن أضراره.

شاركونا في التعليقات.. بتشربوا كام فنجان في اليوم؟ وأول فنجان بيكون الساعة كام؟ 👇☕️

Address

كوم حمادة/أمام مستشفى الحجاز/برج الأطباء/الدور الأول/عيادة رقم 2
Kom Hamada

Opening Hours

Monday 1pm - 8pm
Tuesday 1pm - 8pm
Wednesday 1pm - 8pm
Thursday 1pm - 8pm
Friday 1pm - 8pm
Saturday 1pm - 8pm

Telephone

+201121368820

Website

Alerts

Be the first to know and let us send you an email when دكتور علاء الخطيب - إستشاري أمراض القلب posts news and promotions. Your email address will not be used for any other purpose, and you can unsubscribe at any time.

Shortcuts

Share

Category