عيادة دكتور بيتر سمير جرس للنساء و التوليد

  • Home
  • Egypt
  • Luxor
  • عيادة دكتور بيتر سمير جرس للنساء و التوليد

عيادة دكتور بيتر سمير جرس للنساء و التوليد مواعيدنا واسعارنا وعروضنا هتلاقوا هنا ��

كل عام وأنتم بخير . عيد فطر مبارك أعاده الله علينا وعليكم بالخير والبركات
21/03/2026

كل عام وأنتم بخير .

عيد فطر مبارك أعاده الله علينا وعليكم بالخير والبركات

🌙معلومه رمضانيه ...✨️مكملين معاكي في سلسلة معلومات رمضانيه لصحه أفضل ليكي ولجنينك 🤱 الفيتامينات 💊💊قبل وأثن...
04/03/2026

🌙معلومه رمضانيه ...
✨️مكملين معاكي في سلسلة معلومات رمضانيه لصحه أفضل ليكي ولجنينك 🤱

الفيتامينات 💊💊
قبل وأثناء وبعد الحمل .....ليه مهمه جدا ؟؟؟
رحلة الحمل مش بتبدأ أول مانعرف ان فيه حمل ....
هي بتبدأ قبلها بفتره ....
والتغذيه الصح مع الفيتامينات المناسبه بتفرق جدا في صحة الام والجنين ...

🌸أولا: قبل الحمل ( مرحلة التخطيط )
أهم فيتامين في المرحله دي هو حمض الفوليك
وده لانه بيقلل خطر تشوهات الاجنه ولازم يبدأ قبل الحمل ب ٣ شهور وبيكمل كمان نستخدمه بعد الحمل مدة ٣ شهور تاني ..

🌸ثانيا : أثناء الحمل
الجسم بيحتاج دعم أكتر عشان يغذي الام والبيبي👶
✔️الحديد: يحمي من الأنيميا ويساعد علي نمو الجنين وده بيبدأ من الشهر الرابع استخدامه .
✔️الكالسيوم :مهم لتكوين عظام وأسنان الجنين ويحافظ علي عظام الأم .
✔️فيتامين د:يساعد علي أمتصاص الكالسيوم .
✔️أوميجا 3 : مهم لتطوير مخ وأعصاب الجنين.

🌸ثالثا : بعد الولاده
الأم لسه محتاجه تعويض وخصوصا لو فيه رضاعه طبيعيه .
✔️الاستمرار علي الحديد وفيتامين د
✔️الكالسيوم عشان يدعم صحة العظام
✔️الاوميجا لدعم صحة الام وجودة اللبن

⚠️مهم جدا:
أي فيتامين لازم يكون تحت أشراف طبي ، لأن الجرعات بتختلف من حاله للتانيه .
كمان مهم تعرفي مواعيد كل فيتامين والطريقه الصح لأخذه عشان تحصلي علي أكبر استفاده ..

⚘️صحتك أمانه ....واهتمامك بنفسك هو أول خطوه لحماية طفلك .
تابعي صفحتنا واستنينا كل يوم في معلومه جديده

🌙✨️في سلسلة معلوماتنا الرمضانيه ....الحقن المهجري وحلم بيتحقق🌸الحقن المهجري....خطوه صغيره وطريق لحلم كبير 🤱🤱📌ماهو الحقن ...
01/03/2026

🌙✨️في سلسلة معلوماتنا الرمضانيه ....الحقن المهجري وحلم بيتحقق

🌸الحقن المهجري....خطوه صغيره وطريق لحلم كبير 🤱🤱

📌ماهو الحقن المهجري؟؟

الحقن المهجري هو أحد تقنيات الاخصاب المساعد ، وبيتم فيه حقن حيوان منوي واحد مباشرة داخل البويضه تحت الميكرسكوب الدقيق..
عشان نساعد علي حدوث الاخصاب وزيادة فرص الحمل ❤️❤️

📢أمتي نلجأ للحقن المهجري ؟؟؟
✔️في حالات ضعف عدد او حركة الحيوانات المنويه .

✔️انسداد قناة فالوب .

✔️تأخر الحمل غير معروف السبب.

✔️بعد فشل محاولات تنشيط او تلقيح صناعي سابقه .

💬ماهي خطوات الحقن المهجري باختصار ؟؟؟

1️⃣تنشيط المبايض لانتاج اكثر من بويضه
2️⃣سحب البويضات باجراء بسيط
3️⃣حقن كل بويضه بحيوان منوي داخل المعمل
4️⃣متابعة انقسام الاجنه
5️⃣إرجاع جنين أو أكثر إلي الرحم

✳️ هل النسب النجاح عاليه ؟

نسبة النجاح تختلف حسب عمر الزوجه والحاله الصحيه للزوجين ،
لكن التقنيه دي ساعدت ملايين الحالات حول الحالم في تحقيق حلم الانجاب 🌹
ومعانا هنساعدك توصلي لحلمك وهنكون معاكي خطوه خطوه ،
💕وبمناسبة شهر رمضان أسالي عن عروض الحقن المجهري طوال الشهر ...

🌙معلومه رمضانيه _اليوم الثامن 🌸المناظير النسائيه ....حل دقيق وآمن بدون جراحه كبيره . ⚘️كثير من السيدات أول ماتسم...
27/02/2026

🌙معلومه رمضانيه _اليوم الثامن

🌸المناظير النسائيه ....حل دقيق وآمن بدون جراحه كبيره .

⚘️كثير من السيدات أول ماتسمع كلمة "منظار" بتقلق ،
لكن الحقيقه ان المناظير النسائيه من أحدث وأأمن وسائل التشخيص والعلاج حاليا 👌

✨️ماهو المنظار النسائي ؟؟؟؟
المنظار هو إجراء بسيط بيتم باستخدام كاميرا دقيقه بتدخل من فتحات صغيره جدا أو من خلال المهبل ،
وبيساعدنا نشوف المشكله بوضوح ونعالجها كمان في نفس الوقت ...بدون جرح كبير أو أقامه طويله في المستشفى...

📌أنواع المناظير :

✔️منظار الرحم (hysteroscopy )
يستخدم لفحص وعلاج مشاكل داخل الرحم زي :
🏷اللحميات
🏷الالتصاقات
🏷النزيف غير الطبيعي
🏷بعض أسباب تأخر الحمل

✔️منظار البطن (laparoscopy)
من خلال فتحات صغيره جدا بالبطن لعلاج :
🏷أكياس المبيض
🏷بطانة الرحم المهاجره
🏷الاورام الليفيه
🏷بعض حالات الحمل خارج الرحم

✔️منظار عنق الرحم (colposcopy )
لفحص عنق الرحم بدقه عند وجود مسحه غير طبيعيه ...

💬لو عندك نزيف غير طبيعي، ألم مزمن ،أو تأخر حمل ..
أحيانا المنظار بيكون هو الحل الأدق والاسرع ،
عشان كدا بنفكرك اننا بنقوم بعمليات المناظير بأعلي درجات الدقه والاحترافيه ، مستخدما أحدث التقنيات لضمان أفضل النتائج ...

🌹للحجز والاستفسار يرجي التواصل عبر الصفحه أو الهاتف.


أستنينا كل يوم مع معلومه رمضانيه ليكي ولصحة جنينك 🌙

🌙معلومه رمضانيه_ اليوم السابع ولأنه مفيش أجمل من لحظة وصول طفلك بالسلامه 🤱مكملين معاكي في أهم النصايح اللي هتساعدك تعدي ...
26/02/2026

🌙معلومه رمضانيه_ اليوم السابع

ولأنه مفيش أجمل من لحظة وصول طفلك بالسلامه 🤱

مكملين معاكي في أهم النصايح اللي هتساعدك تعدي أول أسبوع بعد الولاده بخير وسلامه🌹🌹

📌وأهم معلومه لازم تركزي عليها أزاي نحافظ علي سلامة الجرح 🩹💉(طبيعي أو قيصري )

✔️نحافظ علي الجرح نظيف وجاف.

✔️نغير الضماده بانتظام حسب تعليمات الطبيب .

✔️نغسل إيدينا كويس قبل لمس الجرح.

✔️نراقب أي علامات التهاب (احمرار شديد،التهاب،تورم،ألم متزايد،حراره،إفرازات )

✔️وضروري بعد اسبوع من الولاده الذهاب للطبيب لفك السلك .

⚠️أي علامه غير طبيعيه لازم مراجعة الطبيب فورا.

🍼ثانيا : ازاي نزود ونحسن أنتاج اللبن

✔️من أهم الخطوات وأفيدها للمولود هي الرضاعه فورا بعد الولاده.

✔️الرضاعه كل ٢ إلي ٣ ساعات.

✔️شرب سوائل دافئه باستمرار.

✔️الراحه والنوم قدر الامكان .

✔️تجنب التوتر قدر الامكان لان الحاله النفسيه تؤثر علي اللبن .

✔️في حالة قله كميه اللبن يجب مراجعه الطبيب للاستعانه ببعض الادويه التي تساعد من زيادة اللبن .

لو حابه تعرفي باقي التفاصيل المهمه ......
أستنينا في باقي المعلومه الرمضانيه الايام الجايه🌙

🌙معلومه رمضانيه _اليوم السادس 🌹بعد الولاده مباشرة .....سبع أيام بتفرق في صحتك طول العمر...تابعي البوست ده لصحتك النفسيه ...
24/02/2026

🌙معلومه رمضانيه _اليوم السادس

🌹بعد الولاده مباشرة .....سبع أيام بتفرق في صحتك طول العمر...
تابعي البوست ده لصحتك النفسيه وصحتك مولودك 👇👇

أول أسبوع بعد الولاده هو فتره حساسه جدا 💕💕
جسم الأم بيبدأ يتعافي ،والبيبي لسه بيتأقلم علي حياته
الجديده ....
وعشان المرحله دي تعدي بأمان دي أهم النصايح ليكي 👇🌹
ولكن لان الموضوع ليه جوانب كتير فهنتكلم عنه في أكتر من بوست وأول بوست النهارده عن :

📌أهم الأكلات للأم بعد الولاده

✔️أكلات غنيه بالبروتين
( بيض ،لحوم،فراخ )
مع العلم يجب ان تكون المأكولات الي تقدم للأم مسلوقه ولا يفضل المشويات أو المقليات في الفتره الاولي ...

✔️خضار ورقي (جرجير ،سبانخ )
غنيه بالحديد خصوصا لو كان فيه فقدان دم أثناء الولاده ...

✔️فواكه طازه وفيتامين c
يساعد في سرعة الالتئام ..

✔️شرب مياه كثيره جدا ...
خصوصا لو بترضع طبيعي ...

✨️✨️خلال الأيام الجايه هنتكلم عن أهم النقاط اللي هتساعدك أول فتره بعد الولاده وكل معلومه في بوست منفصل ..

🤱🤱لو حابه تعرفي باقي التفاصيل المهمه ...
تابعينا في سلسلة معلومه رمضانيه كل يوم ولمدة ٣٠ يوم لصحه أفضل ليكي ولجنينك 🌙🌙

🌙معلومه رمضانيه _اليوم الخامس حامل 🤰؟؟قبل ماتستخدمي أي مستحضرات تجميل مهم تقري البوست ده 👇من أكتر الاسئله اللي بتجيلنا ف...
23/02/2026

🌙معلومه رمضانيه _اليوم الخامس

حامل 🤰؟؟

قبل ماتستخدمي أي مستحضرات تجميل مهم تقري البوست ده 👇
من أكتر الاسئله اللي بتجيلنا في العياده 🤔

فيه مكونات في مستحضرات البشره والشعر بتمتص ممكن تمتصها البشره وتوصل للدم ...
وعشان نكون لازم نكون واعيين بنستخدم أيه خلال شهور الحمل وكمان لو بتخططي للحمل ...

📌 تعالي نعرف أهم الحاجات اللي يفضل نتجنبها

💄أولا :منتجات البشره .

❌️الكريمات التي تحتوي علي الريتينويد (مشتقات فيتامين A)
زي كريمات علاج حب الشباب والتجاعيد
لأنها ممكن تؤثر علي نمو الجنين .

❌️التقشير الكيميائي القوي (نسب عاليه من أحماض الفواكه أو السالسيلك أسيد )

❌️كريمات التفتيح التي تحتوي علي هيدروكينون .

❌️أي حقن تجميلية مثل البوتوكس او الفيلر أثناء الحمل .

💁‍♀️ثانيا : منتجات الشعر :

❌️صبغات الشعر التي تحتوي علي أمونيا بنسب عاليه
(خصوصا في أول ٣ شهور من الحمل )

❌️فرد الشعر بالكيراتين أو البروتين اللي بيحتوي علي الفورمالين .
❌️أي مستحضرات فرد كيميائيه قويه

✅️طيب نعمل أيه ؟؟؟

✔️أختاري منتجات مكتوب عليها pregnancy safe .

✔️أستشيري طبيبك قبل أستخدام أي علاج موضعي .

✔️في أول ٣ شهور من الحمل نتوخي الحذر في استخدام اي منتجات .
🤱جمالك مهم ❤️
بس أمانك وأمان البيبي أهم 💕💕

تابعونا كل يوم مع معلومه رمضانيه جديده 🌙

🌙معلومه رمضانيه _ اليوم الرابع .. أمس اتكلمنا عن خطورة الولاده المبكره ...وطبعا من أهم أسبابها اللي لازم نكون واخدين بال...
22/02/2026

🌙معلومه رمضانيه _ اليوم الرابع ..

أمس اتكلمنا عن خطورة الولاده المبكره ...
وطبعا من أهم أسبابها اللي لازم نكون واخدين بالنا منها هو 👇

👶نقص مياه الجنين أثناء الحمل ..

يعني أيه نقص مياه الجنين ؟؟
يعني كمية السائل الامنيوسي المحيط بالجنين تبقي أقل من الطبيعي ...
📌طيب ليه ده مهم ؟؟؟
لأن السائل الامنيوسي ده هو وسادة الامان بالنسبه للجنين 👶
بيحميه ،بيساعده علي النمو الرئه ، بيخلي حركته طبيعيه ..

📢ولو المياه قلت بشكل ملحوظ ممكن ده يسبب:
● ضعف في نمو الجنين.

● ضغط علي الحبل السري .

● زيادة أحتماليه الولاده المبكره .

● وفي بعض الحالات يستدعي الامر ولاده مبكره حفاظا علي الام والجنين .

🤱أمتي نشك أن فيه مشكله ؟؟

● لو حركة الجنين قلت.

●لو حدث تسريب مياه .

● أو اثناء المتابعه السونار يبان أن كمية المياه قليله أقل من الطبيعي .
🌹عشان كدا المتابعه الدوريه بالسونار مهمه جدا ،وأي تغير في حركة البيبي لازم يتقال فورا للطبيب .

💥تابعونا كل يوم مع معلومه رمضانيه جديده .
ورمضان كريم عليكم جميعا 🌙

🌙معلومه رمضانيه _ اليوم الثالث 📌الولاده المبكره ...أمتي تحصل وازاي نلحقها ؟؟؟الولاده المبكره هي حدوث الولاده قبل إتمام ...
22/02/2026

🌙معلومه رمضانيه _ اليوم الثالث
📌الولاده المبكره ...أمتي تحصل وازاي نلحقها ؟؟؟

الولاده المبكره هي حدوث الولاده قبل إتمام الحمل ٣٧ أسبوع...

وكلما كان عمر الحمل أقل زادت أحتمالية احتياج المولود لرعايه خاصه ....

✨️أسباب وعوامل خطورة الولاده المبكره:
●حمل بتؤام أو أكثر

●التهابات مهبليه او بوليه متكرره

قصر عنق الرحم

●تاريخ سابق لولاده مبكره

ضغط الحمل أو سكر الحمل غير المنتظم

💥أعراض لازم متتاجلهاش :

١.إلم مستمر أسفل الظهر

٢.انقباضات منتظمه كل ١٠ دقائق أو أقل

٣.زياده مفاجئه في الافرازات المهبليه

٤.نزول ماء او سائل من المهبل

🏷لو الانقباضات أستمرت اكثر من ساعه ،أو حدث نزول ماء الجنين لازم التوجه للطوارئ فورا...

📢في بعض الحالات التدخل السريع ممكن يوقف الطلق مؤقتا،ويدي فرصه لحقن تساعد علي أكتمال رئة الجنين

🎤اي احساس غير طبيعي في الشهور الاخيره يستحق التقييم ، الاطمئنان أفضل من الندم .

🌙تابعونا يوميا في سلسلة معلومات رمضان

🌙معلومه رمضانيه _ اليوم التاني📌الاجهاض المنذر ....امتي نقلق وايه اللي بيحصل طبيا ؟؟الاجهاض المنذر (threatened abortion)ه...
20/02/2026

🌙معلومه رمضانيه _ اليوم التاني

📌الاجهاض المنذر ....امتي نقلق وايه اللي بيحصل طبيا ؟؟

الاجهاض المنذر (threatened abortion)هو نزيف مهبلي يحدث خلال أول 20 اسبوع من الحمل ،مع وجود نبض للجنين وعنق رحم مغلق عن الفحص ..
يعني الحمل لسه مستمر لكن فيه مؤشر يستدعي الحذر والمتابعه الدقيقه .

ليه ✔️ليه بيحصل ؟؟؟
● اضطراب بسيط في مستوي الاستروجين .

●مجهود بدني شديد او أجهاد

●ضعف بسيط في أنغراس كيس الحمل

● أحيانا بيكون بدون سبب واضح

🧷الاعراض الاساسيه :

● الم او تقلصات أسفل البطن

●احساس بضغط في الحوض

●نزول دم أحمر فاتح او بني

●الم اسفل الظهر

🎲الاحصائيات بتقول ان نسبه كبيره من حالات الاجهاض المنذر الحمل فيها بيكمل بشكل طبيعي مع الالتزام بالعلاج والراحه التامه والمتابعه الدقيقه ..
✨️لكن في حاله زياده النزيف ،الم شديد ،او نزول انسجه يجب ان يتم التوجه للطوارئ فورا

تابعونا يوميا في سلسله معلومات رمضان 🌙

صحتك اهم أولويتنا ❤️

Address

شارع رمسيس بجوار سنتر الامير أعلي محل البتول للنظارات
Luxor

Opening Hours

Monday 5pm - 10pm
Tuesday 5pm - 10pm
Wednesday 5pm - 10pm
Thursday 5pm - 10pm
Friday 10am - 10pm
Saturday 5pm - 10pm

Website

Alerts

Be the first to know and let us send you an email when عيادة دكتور بيتر سمير جرس للنساء و التوليد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category